Dagur - 14.09.1988, Blaðsíða 1

Iðngarðar á Egilsstöðum:
Mikilþörf
íyrir meira
rými
Fyrirhugað er að iðngarðar á
Egilsstöðuin stækki við sig
húsnæði nú á næstunni. Verið
er að kanna ýmsa möguieika í
því sambandi, einkum hvort
keypt verði hús undir starfsem-
eða farið út í byggingafram-
kvæmdir.
Stefán Bragason bæjarritari
sagði bullandi þörf fyrir meira
húsnæði fyrir smáiðnað ýmiss kon-
ar. Fyrirtæki sem stunduðu smá-
iðnað væru í bílskúrum víða um
bæinn, en mun betra væri að færa
þau undir sama þakið.
Iðngarðar á Egilstöðum eru nú
f um 900 fermetra húsnæði og þar
fer fram margháttuð starfsemi á
sviði tréiðnaðar, rafiðnaðar og
einnig er í húsinu innrömmunar-
fyrirtæki og speglagerð, einnig er
þar verndaður vinnustaður, svo
eitthvað sé nefnt.
Stefán sagði að hugmyndir
væru uppi um að stækka iðngarð-
ana um allt að helming, eða 900
fermetra til viðbótar. „Það eru
margir möguleikar fyrir hendi, en
hver þeirra verður fyrir valinu er
ekki enn ákveðið. Það ræðst á
næstu dögum,“ sagði Stefán. mþþ
Hestur handsamaður
Lögreglan á Akureyri þarf að snúast í kringum fleiri en mannfólkið. I gærmorgun náðu lögregluþjónarnir Sæmund-
ur Sigfússon og Jón Valdimarsson nokkrum hrossum sem gengu laus á Oddeyrinni eftir smávegis eltingaleik.
Mynd: EHB
Selja ekki
/• 1 ••• J «x
nýja kjotið
- íyrr en verðlagsgrund-
völlur verður ákveðinn
Ekkert nýtt dilkakjöt verður
selt frá Sláturhúsi KEA á
Akureyri fyrr en Framleiðslu-
ráð landbúnaðarins hefur aug-
lýst nýtt kjötverð. Óli Valdi-
marsson, sláturhússtjóri, sagði
að ekki kæmi til greina að selja
nýja kjötið á sama verði og
það gamla.
Að sögn Óla er óleyfilegt fyrir
sláturhúsin að selja dilkakjöt af
nýslátruðu á meðan nýr verð-
lagsgrundvöllur hefur ekki verið
ákveðinn. Venjulega kemur nýr
verðgrundvöllur búvara til bænda
1. september og miðast kjötverð
við hann. Þetta hefur ekki gerst
ennþá og því er ekki hægt að
selja nýja kjötið.
Hvað Sláturhús KEA snertir
skapa þessar kringumstæður ekki
mikil vandamál því nægilegt
geymslupláss er fyrir kjötið sem
selst hvort eð er ekki grimmt
fyrstu vikuna. Ekki er um að
ræða nein samtök sláturleyfishafa
um að selja ekki kjöt heldur geta
þeir einfaldlega ekki selt nýja
kjötið á sama verði og það
gamla.
Fundur Félags sambands fiskframleiðenda:
Átelur seinagang við að
rétta hag fískvinnslunnar
- leggur eindregið til að leið „Forstjóranefndarinnar“ verði farin við lausn vandans
Fundur Félags sambands fisk-
framleiðenda, átelur þann
seinagang sem orðið hefur á
aðgerðum til að rétta hag fisk-
vinnslunnar en nú eru liðnir
a.m.k. tveir mánuðir síðan öll-
um var orðið Ijóst að róttækar
ráðstafanir væru óhjákvæmi-
legar, ef komast ætti hjá
almcnnri stöðvun atvinnulífs-
ins. Þetta kemur m.a. fram í
ályktun fundarins sem lauk á
Akureyri í gær.
Þá segir einnig í ályktuninni,
að fundurinn leggi eindregið til
að farin verði sú Ieið sem lögð var
fram af nefnd þeirri sem forsætis-
ráðherra skipaði til þess að gera
tillögur um lausn vandans. Þessi
leið er langlíklegust til þess að
skila varanlegum efnahagsbata,
hjöðnun verðbólgu og lækkun
vaxta. Jafnframt því að hún kem-
ur fyrirtækjunum best er hún
einnig hagstæðust fyrir þá ein-
staklinga sem fjárhagslega eru
verst settir. Þá leggur fundurinn
til að strax kómi til framkvæmda
sú gengisbreyting, sem ríkis-
stjórnin lagði til við Seðlabank-
ann fyrir þremur mánuðum.
Fundurinn hafnar öllum hug-
myndum um að vandanum verði
frestað og áframhaldandi tap-
rekstur verði fjármagnaður með
lántökum. Það sem fyrirtækin
þurfa, er að gjöld lækki og að
tekjur hækki að því marki að
hægt sé að greiða skuldir niður.
Fundurinn bendir sérstaklega á
að vegna slæms ástands fiski-
stofna megi búast við samdrætti í
sjávarútveginum. Við það versna
skilyrði til þess að standa undir
þyngri lánsbyrði.
í lok ályktunarinnar segir að
fundurinn mótmæli öllum hug-
myndum um tilfærslu tekna á
milli einstakra greina sjávarút-
vegsins.
Á þessum fundi sem hófst á
mánudag á Hótel KEA, voru
saman komnir um 80-100 manns.
Á meðal þess sem fjallað var um
á fundinum, voru markaðsmál,
framleiðslumál, þróunarmál,
tæknimál og að sjálfsögðu staða
fiskiðnaðarins í dag og framtíðar-
horfur. -KK
Nýtt flokkunarkerfi hefur verið
tekið upp og eru komnir aðrir
flokkar en giltu í fyrra um kinda-
kjöt. í staðinn fyrir stjörnuflokk
er kominn úrvalsflokkur, en að
sögn Óla virðist fara meira kjöt í
þann flokk en fór í stjörnuflokk-
inn áður. Þá er kominn flokkur
DIA, sem var fyrsti flokkur
áður, DIB í stað DIO og DIC í
staðinn fyrir OO flokkinn. í
flokk DX fer lítillega gallað og
marið kjöt en í flokk DXX fer
vinnslukjöt.
Slátur er selt á gamla verðinu
að viðbættum söluskatti hjá Slát-
urhúsi KEA þessa dagana. Slátur
með söguðum, sviðnum haus og
einu kg af mör kostar 296 krónur
en leyfilegt verð er kr. 342,80.
EHB
Grímsey skelfur enn
- „man ekki annað eins,“ segir Vilborg Sigurðardóttir
Enn halda jarðskjálftakippirnir
áfram að hrella Grímseyinga. I
fyrrakvöld mældist stærsti
skjálftinn til þessa 5.2 á Richt-
erskvarða. „Eg man ekki ann-
að eins,“ sagði Vilborg Sigurð-
ardóttir á skjálftavaktinni, en
hún hefur átt heima í Grímsey
alla sína tíð. Hún sagði að fólk
hefði orðið nokkuð órólegt og
safnast saman víða um eyna til
skrafs og ráðagerða.
Flugvélar voru tilbúnar að
flytja fólk frá eynni ef til þess
kæmi og upp úr miðnætti komu
jarðvísindamenn til eyjarinnar og
héldu fund með eyjarskeggjum
þar sem málið var útskýrt.
Páll Einarsson jarðeðlis-
fræðingur sagði að hrinan sem í
gangi hefur verið frá því á föstu-
dag væri nokkuð stór og mældust
allmargir skjálftar á klukkustund,
eða einn á tveggja mínútna fresti.
Upptök þeirra taldi hann vera
um 15 km út frá eyjunni, en ekki
væri fullvíst hvar nákvæmlega.
Kippirnir hafa minnkað verulega
frá því sá stóri mældist.
Vilborg sagði að vel hefði hrikt
í hlutum og hrunið hefði niður
úr hillum verslana, en sér væri
ekki kunnugt um tjón af völdum
jarðskjálftanna. mþþ
Hafliði Guðmundssun og Alfreð Jónsson í Grímsey í gær. í fyrrakvöld kom
snarpur kippur, sem mældisl um 5 á Richterkvarða og varð fólk nokkuð
órólegt í kjölfar hans. Flugvélar voru í viðbragðsstöðu á Akureyrarflugvelli
vegna stóra skjálftans. Mynd: gb