Dagur - 01.03.1989, Blaðsíða 1
72. árgangur Akureyri, miðvikudagur 1. mars 1989 42. tölublað
/\ll± -fyTTÍJT
errabadin
i ■ HAFNARSTRJETI 92 . 602 AKUREYRI. SiMI 96-26708 . BOX 397
Flogið til allra átta
„Flug hefur gengið hægt og
sígandi,“ sagði Sigurður Krist-
insson vaktstjóri á Akureyrar-
flugvelli í gær. 350 manns biðu
þess að komast í loftið.
Tvær Boeingþotur Flugleiða
komu til Akureyrar seinni part-
inn í gær og komust því allir þeir
burt sem fara vildu suður á bóg-
inn.
Flugfélag Norðurlands flaug til
allra átta í gær og kom sínum
farþegum heilum í höfn á áfanga-
stað. Sigurður sagði FN hafa far-
ið 12 ferðir í gær, til ísafjarðar í
vestri, Hafnar í Hornafirði í
austri og suður til Reykjavíkur,
auk ýmissa staða á Norðurlandi.
mþþ
Hjálparsveit skáta í erfiðleikum:
Snjóbfllinn bilaði
„Þetta er búin að vera miklu
meiri æfing en búið var að
reikna með þótt lítið yrði úr
samæfingunni efra. Hér er jú
einmitt færið og veðrið sem við
þurfum að fást við ef eitthvað
kemur fyrir,“ sagði Ögmundur
Knútsson í gær en hann var þá
staddur ásamt tólf félögum úr
Hjálparsveit skáta á Akureyri
við Mýri í Bárðardal.
Hjálparsveit skáta átti að taka
þátt í samæfingu á vegum Lands-
sambands hjálparsveita skáta í
Nýjadal um síðustu helgi. Minna
varð þó úr samæfingunni en ætl-
að var því iðulaus stórhríð geys-
aði á hálendinu mestalla helgina.
Snjóbfllinn Bangsi bilaði á há-
lendinu á mánudag og þurfti því
að ferja tíu hjálparsveitarmenn
að Mýri og draga bilaða snjóbíl-
inn þangað. Því verki átti að
ljúka seint í gærkvöld.
Bangsi bilaði við Fossgilsmosa,
norðan við Kiðagil, og varð það
til þess að tíu hjálparsveitarmenn
frá Akureyri urðu að bíða á há-
lendinu aðfaranótt þriðjudags.
Ferðin frá Fossgilsmosum að
Mýri tók rúmar tólf klukkustund-
ir á Trölla, snjóbíl Hjálparsveit-
arinnar.
Á laugardag voru um 100
hjálparsveitarmenn í Nýjadal við
æfingar og gengu þær þolanlega
þrátt fyrir erfiðar aðstæður.
Flestir fóru frá Nýjadal á laugar-
dagskvöid en skátar frá Akureyri
urðu að bíða af sér veður á há-
lendinu á sunnudag. Þeir voru
komnir í Kiðagilsdrög klukkan
18.00 á sunnudagskvöld. Þegar
snjóbíllinn Bangsi fór að leka
olfu varð ljóst að lengra yrði ekki
haldið á honum í bili. Ekki bætti
úr skák að færð var mjög þung
fyrir snjóbílana. EHB
„Ég held ég gangi heim, held ég gangi heim!“ En það getur verið ýmsum erfiðleikum háð í öllum þessum snjó.
Mynd: TLV
Þrennt í gæsluvarðhaldi
fyrir kókaínsmygl
- maður búsettur í Reykjahlíð úrskurðaður í 20 daga varðhald vegna málsins
Fíkniefnalögreglan í Reykja-
vík, Rannsóknarlögreglan á
Akureyri og lögreglan á Húsa-
vík hafa undanfarið rannsakað
mál vegna kókaínsmygls frá
Bandaríkjunum til Islands.
Maður búsettur í Reykjahlíð
við Mývatn situr í gæsluvarð-
haldi í Reykjavík ásamt tveim-
ur konum úr höfuðborginni
vegna málsins. Um er að ræða
talsvert magn af kókaíni.
Arnar Jensson, fulltrúi í fíkni-
efnadeild lögreglunnar í Reykja-
vík, sagði að í síðustu viku hefði
kona verið úrskurðuð í gæslu-
varðahald vegna gruns um aðild
að kókínsmygli. Onnur kona var
úrskurðuð í gæsluvarðhald á
laugardag og maðurinn úr
Reykjahlíð sömuleiðis, konan í
10 daga en karlmaðurinn í 20.
Að sögn kunnugra er jafnvel
talið að þetta sé í fyrsta sinn sem
eiturlyfjamál tengist Mývatns-
sveit. Árnar Jensson sagði í gær
að enn benti ekkert til að dreifing
eða neysla hefði átt sér stað á
kókaíninu í Mývatnssveit eða á
Akureyri. Þó væri ekki hægt að
útiloka slíkt þar sem niðurstaða
rannsóknar liggur ekki fyrir.
Arnar var spurður um magn
kókaínsins sem smyglað var og
sagðist hann ekki geta fullyrt
neitt um það. Lögreglan í
Reykjavík hefði lagt hald á
„talsvert magn,“ eins og hann
orðaði það, en það mun þó ekki
vera mesta magn kókaíns sem
gert hefur verið upptækt hér á
landi til þessa. Mörg vitni og aðil-
ar sem tengjast fólkinu sem er í
gæsluvarðhaldi hafa verið yfir-
heyrð í Reykjavík, á Akureyri og
í Mývatnssveit, að sögn Arnars
Jenssonar. Rannsókn málsins
mun vera því sem næst á frum-
stigi. EHB
Akureyri:
Olíublautir fuglar finnast dauðir
- Umhverfisnefndarmenn kenna um olíuslysi við Slippstöðina í síðustu viku,
en hafnarstjóri dregur það í efa, þar sem ekki hafi verið um mikið magn að ræða
Undanfarna viku hefur fundist
nokkuð af dauðum fuglum víðs
vegar á Akureyri og við nánari
eftirgrennslan hefur komið í
Ijós að fuglarnir voru ataðir
olíu. Þegar málið var kannað
nánar kom í Ijós að á þriðju-
daginn í síðustu viku varð það
óhapp við Slippstöðina á Ak-
ureyri að lensidæla brast og
nokkur olía fór í sjóinn. Að
sögn Guðmundar Sigurbjörns-
sonar hafnarstjóra var skjótt
brugðist við og olíunni eytt á
skömmum tíma. Hann telur
því vafasamt að kenna þessu
ákveðna tilviki um fugladauð-
ann.
Þorsteinn Þorsteinsson, for-
maður Umhverfisnefndar Akur-
eyrarbæjar, segist óhress með að
nefndin hafi ekki verið látin vita af
umræddu atviki. Strax næstu
daga á eftir hafi farið að finnast
fuglar með olíuflekkjum og fugl-
ar dauðir eða að dauða komnir af
völdum olíumengunar. Þorsteinn
fann sjálfur nokkra fugla við
Andapollinn, auk þess sem hon-
um hafa borist fregnir af dauðum
fuglum á Oddeyrinni; flestir
þeirra eru stokkendur, nánar til-
tekið grænhöfðar. Brynja Heið-
dal á Akureyri fann t.d. græn-
höfða í bakgarði sínum við
Strandgötu í fyrradag og þrátt
Grænhöfðinn sem Brynja Heiðdal fann var ílla á sig kominn og drapst þrátt
fyrir þvott og góða umönnun. Mynd: tlv
fyrir tilraunir til að þvo honum,
halda á honum hita og gefa að
borða, drapst fuglinn um kvöld-
ið.
Guðmundur Sigurbjörnsson
hafnarstjóri á Akureyri segir að
umrætt tilvik hafi átt sér stað er
unnið var við Gissur Hvíta í
Slippstöðinni. Hann segir að
olíumagnið sem í sjóinn fór hafi
verið það lítið, að ekki hafi verið
ástæða til að nota sérstakan
hreinsibúnað sem til er, til að
hreinsa olíuna úr sjónum. Veður
hafi verið gott, tekist hafi að ein-
angra olíuna í höfninni og eyða
henni með þar til gerðu efni.
Hann dregur því í efa að fugla-
dauðinn stafi af þessari mengun.
Ævar Pedersen fuglafræðingur
Náttúrufræðistofnunar segir að
ekki þurfi mikið magn af olíu í
sjó til að menga hóp fugla. Græn-
höfðar eru t.d. á þessum árstíma
mikið saman í stórum þéttum
hópum og því geti t.d. ekki þurft
nema einn flekk til að skaða
marga fugla. Hann segir misjafnt
hvað langur tími líði frá mengun
og þar til fuglarnir drepist, það
fari eftir því hversu mikil olía
hafi komist á fuglinn. Þá segir
Ævar það dæmigert fyrir fugla
eins og grænhöfða að leita í land
þegar þeir eru illa haldnir og að
þegar fólk sé farið að ná fuglum,
eins og í tilviki Brynju, séu fugl-
arnir mjög langt leiddir. Margar
tilraunir hafa verið gerðar til að
þvo olíumengaða fugla, en fram
til þessa hafa þær ekki borið góð-
an árangur, því ekki er nóg að
þvo fuglinum og sleppa honum
svo, það þarf að hafa aðstöðu til
að hlúa að honum lengur og gefa
honum rétt fæði. Slík aðstaða er
hvergi til, allra síst hjá almenn-
mgi. VG