Dagur - 12.09.1991, Blaðsíða 1
GULLSMIÐIR
SIGTRYGGUR & PÉTUR
AKUREYRI
Venjulegir og
demantsskornir
trúlofunarhringar
Afgreiddir samdægurs
74. árgangur
Akureyri, fímmtudagur 12. september 1991
172. tölublað
Malaví-skipin:
Samið við Slippstöðina
Slippstöðin hf. á Akureyri
mun í vetur smíða tvö skip sem
fara eiga til Malaví á vegum
Þróunarsamvinnustofnunar
íslands og Norræna þróunar-
sjóðsins. Stöðin átti lægsta til-
boð í smíðina, um 100 milljón-
ir króna, og er þessa dagana
verið að ganga frá samningum
við stöðina.
Um er að ræða rannsóknarskip
og fiskiskip sem aflient verða í
hlutum hérlendis og sett saman
erlendis. Kostnaður við smíðina
skiptist milli Þróunarsamvinnu-
stofnunarinnar og Norræna þró-
unarsjóðsins. Útboðið fór fram
hérlendis og buðu 7 aðilar í
verkið.
Bolli Magnússon hjá Ráðgarði
hf. í Reykjavík, en það fyrirtæki
annaðist útboð og teikningar
skipanna, segir að Slippstöðin og
Skipasmíðastöð Njarðvíkur hafi
átt svipuð tilboð í smíðina en
ákvörðun hafi verið tekin um að
ganga til samninga við Slippstöð-
ina.
Þessi tvö skip á að afhenda í
apríl næstkomandi. JÓH
Sjómannaafslátturinn skertur?:
„Sjómenn eru reiðir
Konráð Alfreðsson, formaður
Sjómannafélags Eyjafjarðar,
segir að sjómenn muni ekki
kyngja því þegjandi og hljóða-
laust ef eigi að afnema eða
skerða sjómannaafsláttinn
svokallaða.
„Ég veit ekki hvort á að segja
að menn séu kolvitlausir yfir
þessum hugmyndum. Að
minnsta kosti má segja að menn
séu reiðir,“ sagði Konráð. Hann
sagði að á þessu stigi myndu sam-
tök sjómanna ekki bregðast við
þessum tíðindum enda hefði
fjármálaráðherra sjálfur ekki
staðfest að ríkisstjórnin ætlaði að
afnema eða skerða sjómanna-
afsláttinn.
Fyrri hluta þessa árs nutu sjó-
menn 630 króna sjómannaafslátt-
ar á dag, en þann 1. júlí sl. hækk-
aði hann í 660 krónur. Konráð
segir að ef ákveðið verði að
afnema sjómannaafsláttinn þýði
það 235 þúsund króna tekju-
skerðingu hjá sjómönnum á ári, ef
miðað er við sjómannaafslátt á
síðasta ári. óþh
Utför Aldísar Einarsdóttur frá Stokkahlöðum var gerð frá Grundarkirkju í Eyjafjarðarsveit í gær að viðstöddu fjöl-
menni. Aldís var elst Islendinga, 106 ára, þegar hún lést á Kristnesspítala þann 31. ágúst síðastliðinn. Mynd: Golli
Húsvísk matvæli hf. gjaldþrota
- bókfærðar eignir 61,5 milljónir
en skuldir 86,1 milljón króna
Stjórn lagmetisfyrirtækisins
Húsvískra matvæla hf. á Húsa-
vík óskaöi í gær eftir að fyrir-
tækiö yrði tekið til gjaldþrota-
skipta. Það hefur haft greiðslu-
Þrotabú alifuglabúsins Fjöreggs í Sveinbjarnargerði:
HeMarkröfur í þrotabúið
um 320 milljómr króna
KEA stærsti kröfuhafmn, vill viðræður um kaup á búinu
Heildarkröfur í þrotabú ali-
fuglabúsins Fjöreggs í Svein-
bjarnargerði á Svalbarðsströnd
eru á fjórða hundrað milljónir
króna. Kauplélag Eyfírðinga á
um þriðjung þessara krafna en
félagið hefur óskað eftir við-
ræðum við þrotabúið uni kaup
á eignunum í Sveinbjarnar-
gerði. Þær viðræður fara fram
á næstu dögum en að sam-
komulagi hefur orðið milli
þessara aðila að KEA hafí
búið á leigu til loka októ-
bermánaðar en fyrri leigu-
samningur átti að renna út í
dag. Kaupfélag Eyfírðinga tók
búið á leigu þegar eftir gjald-
þrotið í sumar.
Arnar Sigfússon, skiptaráð-
andi í þrotabúi alifuglabúsins
Fjöreggs á Svalbarðsströnd, segir
að leiga á búinu til Kaupfélags
Eyfirðinga hafi verið framlengd
til að skapa meiri tíma til að
vinna úr gjaldþrotamálinu án
þess að rekstur búsins Iegðist
niður.
Fyrsti skiptafundur í þrota-
búinu verður 18. september, þ.e.
á miðvikudag í næstu viku.
Kröfulýsingaskrá var því send út
í gær. Heildarkröfur í búið eru
um 320 milljónir króna. Þar af
eru lýstar veðkröfur 197 milljónir
og aðrar veðkröfur eru um 25
milljónir. Almennar kröfur eru
um 90 milljónir og forgangskröf-
vegna launa og launa-
gjalda, um 4 milljónir
ur, þ.e.
tengdra
króna.
Stærsti kröfuhafinn í búið er
Kaupfélag Eyfirðinga. Félagið
lýsir kröfum upp á 95 milljónir,
Islandsbankinn kemur þar næst
með 46 milljónir og þá Búnaðar-
bankinn 20 milljónir. Þá eiga
Svalbarðsstrandarhreppur, Iðn-
lánasjóður og innheimtumaður
ríkissjóðs allir yfir 10 milljóna
kröfur í búið.
Arnar segist ekkert geta sagt
um verðmæti eigna í Sveinbjarn-
argerði á þessu stigi en þær hafi
verið bókfærðar um síðustu ára-
mót á 163 milljónir króna. Verð-
mæti þeirra fyrir búið ráðist af
því hvernig þær verði seldar,
þ.e. hvort búið verði selt í rekstri
eða ekki.
Nokkur tilboð höfðu borist í
eignir þrotabúsins. Öll tilboðin,
utan eitt, voru í lausafé en Kaup-
félag Eyfirðinga óskaði eftir við-
ræðum um kaup á búinu í heild
sinni. Arnar segir að næstu dagar
verði notaðir til að ræða við full-
trúa KEA og fá skýrari línur áður
en til skiptafundar kemur í næstu
viku. JÓH
stöðvun frá 11. júní sl. og starf-
semi þess hefur legið niðri síð-
an 19. aprfl sl.
Ekki tókst að rétta fjárhag
Húsvískra matvæla hf. við á
greiðslustöðvunartímabilinu, en
til þess þurfti margvíslegar
aðgerðir. í fyrsta lagi að fella nið-
ur kröfur og breyta skuldum í
hlutafé auk þess að fá nýtt hluta-
fé inn í fyrirtækið, í öðru lagi að
lengja lán og skuldbreyta hluta
skammtímalána í langtímalán og
í þriðja lagi að endurskipuleggja
framleiðslulínu, hagræða í rekstri
og finna ný verkefni fyrir fyrir-
tækið.
Að sögn Einars Njálssonar,
stjórnarformanns Húsvískra mat-
væla hf., kom í ljós að ekki var
vilji eða geta hjá stærstu kröfu-
höfum félagsins til að taka aftur
þátt í endurskipulagningu á fjár-
málum félagsins með aukningu
hlutafjár og niðurfellingu skulda,
enda hefur fyrirtækið ekki haft
nein verkefni.
Um 25 aðilar áttu hlut í fyrir-
tækinu. Þar af áttu fjórir hluthaf-
ar meira en 10%, til samans
66,7%. Þetta eru Þróunarsjóður
lagmetis 22,4%, Fiskiðjusamlag
Húsavíkur hf. 15,2%, Flóki hf.
14,5% og Húsavíkurkaupstaður
14,5%.
Við rekstraruppgjör í lok maí
sl. var eigið fé Húsvískra mat-
væla hf. neikvætt um 24,6 millj-
ónir króna. Eignir félagsins, þar
ineð talin húseign þess að Hafn-
arsvæði 39, voru bókfærðar 61,5
milljónir króna, en skuldir þess
voru á sama tíma 86,1 milljón.
Húsvísk matvæli hf. var stofnað
fyrir um tveim árum upp úr lag-
metisfyrirtækinu Hik sf. og gerð-
ist það með umtalsverðri eftirgjöf
skulda hjá kröfuhöfum og nýju
hlutafé. Hik sf. átti á sínum tíma
í miklum erfiðleikum, ekki síst í
kjölfar þess að þýska fyrirtækið
Aldi hætti að kaupa lagmeti hér á
landi vegna vísindahvalveiða
íslendinga.
Einar sagði að uppistaðan í
eignum fyrirtækisins væru birgðir
af niðurlagðri rækju og ógreiddur
útflutningur að upphæð 48,9
milljónir króna. Fastafjármunir,
húseign, vélar og tæki eru bók-
færðir á 12,6 milljónir króna.
Hjá Húsvískum matvælum hf.
störfuðu 13 manns. Að tveim
starfsmönnum undanskildum
hafa þeir fengið vinnu hjá öðrum
atvinnufyrirtækjum á Húsavík.
óþh
Niðurdæling í borholur á Laugalandi:
Fyrstu niðurstöður lofa góðu
- heppilegt ef unnt yrði að hita affallsvatnið frá Akureyrarbæ upp á þennan hátt
„Niðurstöðurnar sem við höf-
um fengið lofa góðu. Ljóst er
að við getum dælt vatni niður
um borholur á jarðhitasvæðinu
á Laugalandi og náð á þann
hátt upp auknum þrýstingi,“
sagði Olafur G. Flóvenz hjá
Orkustofnun er hann var innt-
ur eftir niðurstöðum tilraunar
er gerð var á síðastliðnu sumri
með niðurdælingu vatns í bor-
holur á Laugalandi. Ólafur
sagði að endanlegar niðurstöð-
ur lægju ekki fyrir en unnið
væri að úrvinnslu gagna og
yrði því væntanlega lokið fyrir
miðjan nóvember næstkom-
andi.
Ólafur sagði að vegna bilunar í
dælu á Ytri-Tjörnum hefði ekki
verið unnt að dæla niður í hol-
urnar á Laugalandi nema í tvær
vikur en upphaflega hafi verið
ætlunin að reyna dælingu í tvo
mánuði. Niðurstöður dælingar-
innar myndu því ekki gefa eins
góða mynd af þeim möguleikum
er kynnu að vera fyrir hendi og ef
þetta óhapp hefði ekki orðið.
Ólafur sagði að þau efni er sett
voru niður í holurnar hefðu verið
lengi að koma fram og benti það
til þess að vatnið hefði góða
möguleika til þess að hitna. Ef
tekst að dæla köldu eða volgu
vatni niður í hitasvæðið og láta
það hitna vegna umferðar um
heit berglög er unnt að lengja
líftíma þessarar orkuöflunar hita-
veitunnar og fresta á þann hátt
fjárfrekum framkvæmdum varð-
andi nýja orkuöflun. Ólafur G.
Flóvenz sagði að enn væri ekki
ljóst hvaða vatn væri heppilegast
að nýta til niðurdælingar. Besti
kosturinn í því efni væri án efna
ef unnt yrði að nota affallsvatnið
frá Akureyrarbæ og endurhita það
á þennan hátt en á því væri vissu-
lega ýmsir tæknilegir örðugleik-
ar. Sem fyrr segir þá lofa fyrstu
niðurstöður þessara rannsókna
góðu og er frekari niðurstöðu að
vænta um miðjan nóvember. ÞI