Dagur - 02.06.1992, Blaðsíða 1
LACOSTE
Peysur • Bolir
HERRADEILD
Gránutelagsgötu 4
Akureyri ■ Sími 23599
Reyklaus dagur í gær?
Gærdagurinn var af Tóbaks-
varnanefnd lýstur reyklaus og
var athyglinni að þessu sinni
beint að vinnustöðum. Dagur
leitaði upplýsinga um hvernig
gengið hefði að halda vinnu-
stöðum reyklausum. Víða voru
svörin þau að vinnustaðurinn
eða hluti hans væri þegar reyk-
laus og annars staðar hefur sá
háttur verið á að reykinga-
menn fara afsíðis til að reykja
svo samstarfsmenn beri ekki
skaða af.
Víða var pottur brotinn í reyk-
leysisátaki og sá blaðamaður
Dags suma samstarfsmenn sína
reykja eins og ekkert hefði í
skorist þótt aðrir virtu tilmæli
Tóbaksvarnanefndar. Starfs-
menn í fyrirtækjum sem Dagur
hafði samband við sögðu að uppi
væru spjöld sem minntu á reyk-
leysi. Allt að einu heyrðust víða
raddir um að í gær hefði verið
reykt sem endranær á fisk-
vinnslustöðvum, skinnaiðnaði, á
bæjarskrifstofum lögmannsskrif-
stofum og meira að segja á Fjórð-
ungssjúkrahúsinu á Akureyri var
reykt - á afviknum stöðum þó.
Blaðamaður Dags fór í kringum
tilmælin og tók einfaldlega í
nefið. GT
Nýtt landnám í Eyjafirði:
Helgi magri væntanlegur
Samvinna um soðið. Mynd: Goiii
Helgi magri brá sér í víking til
Englands í vetur en hann mun
væntanlega nema land í Eyja-
firöi öðru sinni á næstu vikum.
Eins og Dagur hefur greint frá
var Helgi fjarlægður og settur í
þurrk fyrir nokkrum árum en
hann reyndist iila á sig kominn
og var ákveðið að senda hann
til frekari meðferðar í Eng-
landi.
Hér er að sjálfsögðu verið að
ræða um styttu Jónasar S. Jakobs-
sonar af landnemunum Helga
magra og Þórunni hyrnu. Hún
var illa leikin af veðri og vindum
og var Bryndís Kristinsdóttir
fengin til að lagfæra skemmdirn-
ar. í vetur var styttan síðan flutt
til Englands og þar var hún steypt
í brons.
Að sögn Ingólfs Ármannsson-
ar, skóla- og menningarfulltrúa
Akureyrarbæjar, átti styttan að
fara í skip nú um mánaðamótin
og er því væntanleg til Akureyrar
innan tíðar. Hann bjóst við að
hún yrði fljótlega sett aftur á sinn
gamla stað á klöppunum norðan
og ofan við íþróttavöllinn. SS
Frægur graðfoli fannst
dauður á föstudag
Sex vetra graðfoli, Hóseas frá
Kvíabekk í Ólafsfirði undan
Höfða-Gusti frá Höfða í Þver-
árhlíð í Borgarfirði og Skerpu
frá Kvíabekk, fannst dauður í
hesthúsinu að Bringu í Eyja-
fjarðarsveit á föstudagsmorg-
un. Talið er að folinn hafi fest
sig undir jötu og hálsbrotnað.
Hóseas hafði verið notaður að
Bringu fram til 20. maí sl. en
beið eftir flutningi suður.
Hóseas hafði fengið viður-
kenningar fyrir skapprýði og
byggingu en hann var alinn upp á
Stóðhestastöðinni að Gunnars-
holti. Hér er um umtaslvert tjón
að ræða fyrir eigandann, jafnvel
talið í milljónum, því bæði hafði
folinn verið leigður út í sumar
fyrir hartnær eina milljón króna
og svo er slík skepna ekki föl
fyrir neina smápeninga. Þetta var
fyrsta sumarið sem eigandinn,
Kristín Sigurðardóttir frá Kvía-
bekk, hafði einhverjar tekjur af
Hóseasi, því hann kom ekki
norður frá stóðhestastöðinni fyrr
en í fyrrahaust. GG
Silfurstjarnan hf.:
Fóðurstöðin í startholunum
- fiskeldið gengur vel og litlar verðsveiflur
Fóðurstöð Silfurstjörnunnar
hf. í Núpsmýri er nú fullbyggð
og að mestu tilbúin. Norðmað-
ur er væntanlegur í næstu viku
til aðstoðar og ráðgjafar en
Björn Benediktsson, fram-
kvæmdastjóri Silfurstjörnunn-
ar, vonast til að stöðin komist í
gagnið innan fárra vikna.
Á meðan mun Silfurstjarnan
halda áfram að kaupa fóður fyrir
eldisfiskinn en í sumar á stöðin
að verða sjálfri sér næg að þessu
leyti.
Skakkaföllin í fiskeldinu virð-
ast ekki enn að baki eins og sjá
má af fréttum um óvissu í rekstri
fiskeldisstöðva íslandslax og
Lindalax. Björn segir að rekstur
Silfurstjörnunnar gangi hins veg-
ar þolanlega.
„Ég var nú að lesa það að
íslandslax væri að hætta af því að
verðið væri enn að lækka en mín
reynsla er sú að verðið hefur
mjakast upp á við. Ég veit ekki
hvernig stendur á þessu misræmi
en við höfum verið að seilast í
kröfuharðari hluta markaðarins
og þar eru ekki miklar verðsveifl-
ur,“ sagði Björn.
Einnig hefur verið bent á að
Chile-menn hafa verið að dæla
mjög ódýrum laxi inn á markað-
inn og skemmt þannig fyrir
öðrum, en Björn sagði að þeir í
Chile hefðu nú orðið fyrir áfalli.
Einhver baktería sem væri þekkt
úr húsdýrum hefði komist í fisk-
inn og þetta gæti haft mikil áhrif
á þróunina.
„Annars finnst mér einkenni-
legt að þótt Chile-menn hafi dælt
inn á Bandaríkjamarkað ógrynni
af fiski á mjög lágu verði þá hafði
aðilinn sem kaupir af okkur þar
ekki heyrt um þetta. Hann var að
biðja okkur um upplýsingar,
sjálfsagt til að nota sér til fram-
dráttar," sagði Björn. SS
Graðfolinn Hóseas fannst dauður á
föstudagsmorgun - sex vetra
gamall.
Akureyri:
Mikil ölvun á
föstudagskvöld
Helgin var fremur róleg aö
sögn lögreglunnar þótt ölvun
heföi verið töluverð í miðbæ
Akureyrar á föstudagskvöld.
Nokkuð var um brot á umferð-
arlögum og gangandi maður
slasaðist lítillega þegar ekið
var á hann.
Að sögn lögreglunnar á Akur-
eyri var mikil ölvun í miðbænum
á föstudagskvöld. Mikill mann-
fjöldi var þar saman kominn og
stóð gamanið til klukkan sex
næsta morgun enda var prófum
lokið hjá skólanemum. Állt fór
þó vel fram og að kvöldi laugar-
dags var meiri ró yfir miðbænum.
Fimm manns gistu fangageymslur
lögreglunnar um helgina.
Lögreglan stöðvaði sex öku-
menn fyrir of hraðan akstur og
einn fyrir ölvunarakstur um helg-
ina auk þess sem þrír árekstrar
voru skráðir. Vegfarandi
skaddaðist þegar ekið var á hann
á Leiruvegi síðdegis á laugardag
en ekki var talið að alvarleg
meiðsl hefðu orðið.
Tvö pör hjólkoppaþjófa náð-
ust við iðju sína aðfararnótt laug-
ardags og eru brot þessara
aðkomumanna upplýst.
Sjúkrabílar á Akureyri sinntu
fjórum bráðatilfellum en að öðru
Ieyti var helgin róleg á Slökkvi-
stöðinni. Sama má segja um
kaupstaðina norðan Akureyrar
þar sem helgin var róleg og fín að
sögn lögreglu.
Að sögn lögreglunnar á Sauð-
árkróki voru allnokkrir ökumenn
teknir fyrir of hraðan akstur en
ölvun var ekki framar venju. Að
frátöldum nokkrum pústrum á
dansleik í Miðgarði var helgin
annars róleg fyrir vestan. GT
Húsavíkurkirkja:
Sóðaleg umgengni
við Guðshúsið
Sóöalegur umgangur var á og
við tröppur Húsavíkurkirkju
aöfaranótt sunnudags. Lög-
reglan hafði afskipti af ung-
mennum sem fóru inn í kirkj-
una um nóttina, en dyr hennar
voru óvart ólæstar. Ekki varð
þess vart að unglingarnir yllu
skemmdum í kirkjunni.
Hjörtur Tryggvason, með-
hjálpari, sagði að aðkoman að
kirkjunni á sunnudagsmorgun
liefði ekki verið til fyrirmyndar
og ekki væri nógu sniðugt að vera
með partýhald á tröppum Guðs-
hússins. Sóðaleg umgengni hefði
verið við kirkjuna, rusl, tómar
flöskur og brotnar flöskur á víð
og dreif.
Dansleikur var haldinn að
Ýdölum á laugardagskvöld og fór
hann nokkuð vel fram að sögn
lögreglu. Eitthvað var um að
rnenn ækju bifreiðum sínum full-
hratt um helgina. IM
Veðrið norðanlands á morgun:
Sunnangola
Að sögn Veðurstofu íslands
mun heldur kólna á Norður-
landi í dag og er von á þoku-
lofti og dálítilli rigningu. Hit-
inn verður mestur um 15 stig
og verður hlýjast inn til
landsins.
Von er á þokulofti og dálítilli
súld með sunnangolu og skýja-
veðri vestan til á morgun en spáð
er suðaustankalda og mistri á
Norðausturlandi. Suðvestur af
landinu er lægð sem þokast norð-
vestur en norðaustan við landið
er hæð. Lítilsháttar mun kólna
auk þess sem eitthvað rignir með
morgninum. GT