Dagur - 01.12.1995, Blaðsíða 1
Launanefndir ASI og VSI sammála um aö segja ekki upp kjarasamningum:
Desemberuppbót launa
hækkar um sjö þúsund
Verslunin í
jólabúninginn
Segja má að dagurinn í dag,
fuliveldisdagurinn 1. desember,
marki upphaf jólaverslunar og
ef að líkum lætur fara nú jóla-
lögin að heyrast á útvarps-
stöðvunum. Verslanir eru nú
óðum að taka á sig jólasvipinn
með tilheyrandi skreytingum.
Þessi mynd var tekin í gær í
versluninni Akurliljunni við
Hafnarstræti á Akureyri og sýn-
ir Heiðu Kristínu Jónsdóttur
vera að ganga frá jólaskreyt-
ingu.
Öruggt má telja að mikið
verðí um að vera á öllu Norður-
landi í verslun um helgina. Á
morgun, laugardag, verða
verslanir á Akureyri yfirleitt
opnar kl. 10-16. Veðrið ætti
ekki að koma í veg fyrir líflega
verslun, því Veðurstofan spáir
fremur hægri suðaustlægri átt í
dag og á morgun og hlýnandi
veðri. Fram í miðja næstu viku
er síðan spáð suðvestlægri átt
og úrkomulausu á Norðurlandi.
Sem sagt; hið besta desember-
veður og upplagt að drífa sig í
jólaverslunina.
óþh/Mynd: óþh
Launanefndir Alþýðusam-
bands íslands og Vinnuveit-
endasambands íslands komust
að sameiginlegu mati síðdegis í
gær um forsendur launasamn-
inga og verður kjarasamningum
ekki sagt upp á grundvelli þess
mats. Ríkisstjórnin bauð einn
milljarð króna til að liðka fyrir
samningum og í gær bauð VSÍ
að uppbót launa í desember
hækki úr 13 þúsund krónum
upp í 20 þúsund krónur og des-
emberuppbótin verði 24 þúsund
krónur á árinu 1996. Tilboðið
stendur til 8. desember nk, til
samþykktar eða synjunar á fé-
lagsfundum verkalýðsfélaganna.
Þetta tilboð er metið á 800 millj-
ónir króna.
Nokkur félög, m.a. Eining í
Eyjafirði, hafa sagt upp samning-
um ásamt fleiri verkalýðsfélögum.
Valdimar Guðmannsson, formað-
ur Alþýðusambands Norðurlands,
segist hafa orðið fyrir vissum von-
brigðum með niðurstöðu launa-
nefndarinnar, hann hefði frekar
viljað að samningunum hefði ver-
ið sagt upp og öll aðildarfélög
Verkamannasambandsins hefðu
sameinast um það. Því sé hins
vegar ekki að leyna að hækkun
desemberuppbótarinnar skili að-
ildarfélögum Verkamannasam-
bandsins nokkuð áleiðis til við-
miðunar við önnur launþegasam-
tök, en betur megi ef duga skal.
Valdimar segir að ef Verka-
mannasambandið hefði ekki hvatt
aðildarfélög sín til uppsagnar
samninga hefðu þau tilboð sem nú
séu á borðinu ekki séð dagsins
ljós. Valdimar sagðist nú hvetja
öll verkalýðsfélög til að fara að
huga að næstu kjarasamningum
verði tilboði rikisstjórnarinnar og
VSI í þessari kjarabaráttu endan-
leg niðurstaða. Það líti hins vegar
út fyrir að samþykki félögin ekki
framkomin tilboð, beri þau alls
ekkert úr býtum. GG
Umferðarslys í Hrísey:
Vélsleði og bifreiö skullu saman
Umferðarslys varð í Hrísey skömmu eftir há-
degið í gær er vélsleði og bifreið skullu sam-
an á horni Norðurvegar og Skólavegar. Lögregl-
an á Dalvík var kölluð á vettvang og tók hún sér
far með ferjunni þangað út. Ökumaður vélsleð-
ans var fluttur á Fjórðungssjúkrahúsið á Akur-
eyri og lék grunur á því að hann hefði fótbrotn-
að. Ökumaður bifreiðarinnar slapp ómeiddur en
bæði ökutækin eru Iítið eitt skemmd.
Fjórir árekstrar urðu á Akureyri í gær, nokkurt
eignatjón varð en engin slys. í Ólafsfirði þurfti lög-
reglan að hafa afskipti af börnum sem sköpuðu
nokkra hættu með því að renna sér á sleðum ofan
úr hlíðinni niður á Hornbrekkuveg. GG
Sveitarfélög við utanverðan Skagafjörð í eina sæng?
„Sakar ekki að menn ræði saman“
- segir Snorri Björn Sigurðsson, bæjarstjóri á Sauðárkróki
Við áformum að halda fund fyrir jól og spjalla
saman um hvort grundvöllur sé fyrir frekari
viðræðum um sameiningu sveitarfélaga. Sumir
bera því við að óhentugt sé að halda fund rétt fyrir
jólin - en ég held að ef út í það er farið séu allir
tímar slæmir til fundahalda,“ sagði Snorri Björn
Sigurðsson, bæjarstjóri á Sauðárkróki, í samtali
við Dag.
Viðræður um sameiningu sveitarfélaga við utan-
verðan Skagafjörð hafa legið niðri um hríð, en nú
áforma menn að taka upp þráðinn; eða kanna að
minnsta kosti grundvöll fyrir áframhaldandi viðræð-
um. Jón Guðmundsson, oddviti Hofshrepps, sem var
hvatamaður í sameiningarmálum þessum, hefur hætt
afskiptum af sveitarstjómarmálum vegna veikinda, en
menn vilja þó halda verkinu áfram.
Að sögn Snorra Björns verða boðaðir til fundar
forystumenn þeirra sveitarfélaga þar sem sameining
var samþykkt í kosningum fyrir tveimur árum. Það
eru Skefilsstaða-, Staðar-, Hofs-, Viðvfkur- og Hóla-
hreppur auk Sauðárkróksbæjar. Þá hafa forystumenn
Fljótahrepps óskað eftir því að vera með í viðræðun-
um. Halda átti fund um sameiningarmál þessara
sveitarfélaga síðastliðið vor, en hann var aldrei hald-
inn. En nú á að fara af stað aftur.
„Ef ég tala fynr sjálfan mig hef ég alltaf verið tals-
maður sameiningar sveitarfélaga. Þó er vitað mál að
um þetta eru afar skiptar skoðanir eins og til dæmis
hér á Sauðárkróki. Umboðið sem fékkst í sameining-
arkosningum fyrir tveimur árum gildir ekki lengur,
heldur er það viljayfirlýsing frá liðnum tíma. En ég
held að ekkert saki að menn komi saman og ræði
málin og athugi hvort grundvöllur er fyrir fyrir frek-
ari viðræðum,“ sagði Snorri Bjöm. -sbs.
Eining hefur sagt samningum upp:
Einfaldlega mjög
margir óánægðir
- segir Björn Snæbjörnsson
rátt fyrir að fulltrúar Alþýðu-
sambands íslands í launa-
nefnd hafi komist að þeirri nið-
urstöðu að segja ekki upp samn-
ingum, hafa mörg verkalýðsfélög
tilkynnt vinnuveitendum að þau
ætli að segja samningum upp.
Eftir á að reyna á hvort þetta er
löglegt. Um það mun félagsdóm-
ur væntanlega taka afstöðu á
næstu dögum en í gangi er nokk-
urs konar prófmál í sambandi við
uppsögn Verkalýðsfélagsins
Baldurs á ísafirði. Verkalýðsfé-
lagið Eining í Eyjafirði er eitt
þeirra félaga sem sagt hafa upp
samningum og Björn Snæbjörns-
son, formaður þess, sagist ótví-
rætt telja að einstök félög geti
losað sig undan samningum.
„Það eru einfaldlega mjög
margir sem eru mjög óánægðir
með þetta, því jafnlaunastefnan og
annað sem byggt var á í vor er far-
ið út í hafsauga. Við erum tilbúin
að takast á við það sem er fram-
undan. Þessi félög sem sagt hafa
upp munu væntanlega tala sig
saman núna upp úr helginni og
fara í það saman að semja við
vinnuveitendur. Ég á hins vegar
ekki von á að þeir vilji mikið við
okkur tala fyrr en skorið hefur
verið úr því hvort þetta er lög-
legt,“ sagði Björn.
Ljóst er að ef uppsögn er lög-
leg mun fóik í þeim félögum sem
sagt hafa upp samningum ekki fá
það sem ríkisstjómin og VSÍ buðu
til að koma í veg fyrir uppsögn,
m.a. hækkun desemberuppbótar í
20 þúsund krónur fyrir þessi jól.
Þá mun það fólk ekki heldur fá þá
hækkun sem átti að verða á samn-
ingurn um áramót. Bjöm segir
menn einfaldlega verða að sækja
þessa hluti til baka í nýjum samn-
ingum ásamt því sem menn vilja
fá í viðbót.
Varðandi tilboð ríkisstjómar-
innar segir Björn að aðeins sé ver-
ið að plástra upp í þau loforð sem
gefin voru sl. vor. Verið sé að fá
fólk til að kaupa aftur það sem
keypt var þá. Um hækkun á des-
emberuppbót sagði liann að menn
vilji rniklu frekar sjá þessa pen-
inga inn í launatöxtunum. Éftir
sem áður verði lægstu taxtar rúm-
ar 46.800 krónur á mánuði. HA