Þjóðviljinn - 16.03.1950, Blaðsíða 1
15. árgangur.
Fimmtudagur 16. marz 1950.
63. tölublað.
Æ.F.R. ^
Félagsfundur verður á Þórs-
götu 1 á morgun kl. 8.30.
Dagskrá: 1. Kosning upp-
stillinganefndar. 2. Ræða um
stjómmálaviðhorfið (Ásm.
Sigurðsson). 3. Kvikmynd:
Þeir mættust við Saxelfi.
Breytingartillögur sósialista viS gengis-
I œkkun arfrum varpiS
Full verðlagsuppbót verði greidd samkvæmt núgild-
andi visitöln, persónufrádráttur hækki, ríkisáb. hald-
ist til ársloka, almenningur fái frjálst viðskiptaval
Við framhald 2. umr. um gengislækkunar-
írumvarpið í gær var útbýtt breytingartillögum frá
Einari Olgeirssyni. Er í tillögum Einars lagt til,
að laun skuli miðuð við vísitölu kauplagsnefndar
og fullar uppbætur greiddar mánaðarlega, að
persónufrádráttur verði hækkaður, að verðtollur
falli niður, og að ríkisábyrgð á útflutningsvöium
bátaútvegsins skuli gilda til ársloka 1950. Þá
flytur hann breytingartillögu um frjálst viðskipta-
val neytenda með því að skömmtunarseðlarnir
verði innkaupaheimild.
Fyrsta breytingartillaga Ein-
ars, um vísitöluútreikninginn
og uppbætumar, er á þá leið,
að 4.—8. gr. frumvarpsins falli
niður, en í stað þeirra komi ein
grein, svohijóðandi:
„Hvarvetna þar, sem fjárhæð
starfslauna eða annarra
greiðslna er miðuð við verð-
lagsvísitölu samkvæmt lögum,
samningum eða á annan hátt,
skal miða við vísitölu kauplags-
nefndar um framfærslukostn-
að í Reykjavík. Frá og með 1.
apríl 1950 skulu öll slík laun
og greiðslur greiddar með fullri
verðlagsuppbót samkvæmt of-
angreindri vísitölu, miðað við
verðlag næsta mánaðar á und-
an“.
Önnur tillagan, um þersónu-
frádráttinn, er á þá leið, að
frá hreinum tekjum skuli
draga, áður en skattur er á þær
lagður, sem hér segir:
Fyrir einstakl.. . kr. 1200.00
Fyrir hjón .... kr. 2400.OO'
Fyrir hvert barn kr. 1000.00
Frádráttur er nú 900 kr. á
einstakling og 700 kr. á bam,
en lægri úti um land.
Þegar verðtollsálagið var
sett á, var það gert með þeirri
röksemd, að með því skyldi
afla fjár í ríkissjóð til að
standa undir dýrtíðargreiðslum.
En samkvæmt gengislækkunar-
frumvarpinu eiga allar slíkar
dýrtíðargreiðslur að falla úr
sögunni. Rökin, sem flutt voru
fyrir setningu tollsins, eru þar
með einnig úr sögunni. Ligg.
ur því í augum uppi, að ef
tollur þessi yrði áfram í gildi,
eftir að frumvarpið væri sam-
þykkt fæli hann í sér enn einar
Framhald á 7. síðu
Flokkurinn
fulltrCaráðsfundur
verður í Sósíalistafélagi Reykja
víkur annað kvöld ld. 8,30 á
Þórsgötu 1. Áríðandi mál á
dagskrá. Fulltrúar eru beðnir
um að f jölmenna og mæta stund
víslega.
TiHaga Jónasar Árnasonar:
Námsféik fái gjaldeyri við
éhreyttu verði
Jónas Árnason flytur á Álþingi breytingartillögu
við gengislækkunarírumvarpið, þess éfnis, að þrátt fyrir
gengislækkunarákvæði þess skuli námsfólki veittur gjald-
eyrir við óbreyttu verði. Sama gildi og um gjaldeyri til
sjúklinga. Tillaga Jónasav hljóðar svo:
„Þrátt fyrir ákvæði 1.' gr. heimilast ríkisstjórninni
að láta námsfólki, sem dvelst við nám erlendis, í té
gjaldeyri við því verði, sem gilti fyrir gildistöku þessara
Itga, og greiðist kostnaður af þessum ráðstöfunum úr
'Ökissjóði.
Þessi heimild nær einnig til þess gjaldeyris, sem
Veittur er sjúklingum, er nauðsynlega þurfa að leita sér
lækninga erlendis, enda liggi fyrir vottorð um nahðsyn
þessa frá lækni v:ðkomanda.“
1 gær kom kona á skrifs.tofu
Sósíalistaflokksins og afhenti
500 kr. gjöf til Þjóðviljans.
Þetta er ekki í fyrsta skipti sem
þessi kona hefur komið með
gjafir til blaðsins. Hún hefur
jafnan komið, þegar sérstakar
árásir eru gerðar á alþýðuna
og hefur þá þót»i það hlýða að
styrkja blaðið til að berjast
fyrir hagsmunum almennings.
4cheson flyíur
ræðu um
ína
Acheson, utanríkisráðherra
Bandaríkjanna, flutti ræðu í
gær í San Francisco og ræddi
einkum Kína. Harmaði hann sig
ur kínversku alþýðubyltingar-
innar, sem hann taldi hafa
verið unninn að kínversku þjóð
inni nauðugri. Hann hótað: Kín
verjum „alvarlegum vandkvæð-
um“ ef þeir reyndu „árásar-
eða undirfóðursævintýri“ utan
landamæra Kína. Acheson sagði
viðskípti milli Bandarikjanna
og Kína geta tekizt „méð viss-
um skilyrðum“ og tók fram
að ekkert yrði selt til Kína
„oem hægt væri að nota gegn
okkur sjálfum". Hann sagði, að
bandarísk lán til Kína kæmu
ekki til mála og hlakkað; yfir,
að hungursneyð væri yfirvof-
andi í hluta Kína vegna upp-
skerubrests.
Viðskiptasamn-
ingur Islands og
V-Þýzkalands
Stokkhólmsútvarpið skýrði
frá því í gærkvöld, að í gær
hefði verið undirritaður í
Frankfurt viðskiptasamningur
milli Islands og Vestur-Þýzka'
lands. Hermdi fréttin, að Is-
lendingar seldu fisk fyrir sex
milljónir dollara (rúmar 56
milljónir króna) en keyptu frá
Vestur-Þýzkalandi vélar og raf
magnsvörur fyrir 2.5 milljónir
dollara.
Tillögur sósialista i
NNUMALUM
Á bæjarstjórnarfundinum í dag flytja fulltrúar sósialistá
eftirfarandi ályktunartillögur í atvinnumálunum:
Athalnasvæði fyrir utgerðina og
saltfiskverkunarstöð
Þar sem telja má fyrirsjáanlegt að saltfiskveiðar og verkun
saltíisks fari óhjákvæmilega í vöxt á næstunni, vegna hrunsins
á freðfiskmarkaðinum, en hið mesta ófremdarástand hinsvegar
ríkjandi að þvi er snertir öll skilyrði til móttöku, geymslu og
verkunar á saltfiski, telur bæjarstjórn brýna nauðsyn á, að
allt sé gert sem unnt er til þess að búa í haginn fyrir þessa
atvinnugrein, bæði að því er við kemur löndunarskilyrðum
skipanna og geymslu og verkun saltfisksins. Bæjarstjórnin sam-
þykkir því að hafa forgöngu 'um að hrinda hið bráðasta í fram-
kvæmd hinni gömlu hugmynd útgerðarmanna um sköpun sér-
staks og hentugs athafnasvæðis fyrir togaraflotann, þannig að
honúm sé trygfeð sem bezt aðstaða og greiðust skilyrði til
löndunar og annarrar afgreiðslu. Jafnframt ákveður Læjar-
stjórnin að Iiafa forustu um að xannsakaðar verði hið allra
bráðasta allar nýjungar, er lúta að framförum í verkun salt-
fisks og að undinn verði bráður bug'ur að því að ákveða salt-
fiskverkunarstöð hentugan stað, og er bærinn reiðubúinn til að
hafa forgongu um og verða þátttakandi í byggingu hennar.
Vill bærinn hafa samvinnu við útgerðarmenn um allt er að
þessu lýtur, eftir því sem föng eru á. '
Aukning togaraflotans og bæjarútgerðaiinnar
Þar sem sjávarútvégurinn er undirstöðuatvinnuvegur
Reykjavíkur telur bæjarstjórn brýna nauðsyn á að auka hafin
og efla á allan hátt og þá ekki sízt togaraútgerðina í bænum.
Bæjarstjórnin samþykkir því að óska eftir því að Reykjavík
fái í sinn hlut 7 togara af þeim 10, sem nú eru í smíðum í
Englandi á vegum ríkisstjórnarinnar, enda ákveður bærinn að
annast útgerð og rekstui þeirra allra verði ekki óskað eftir
kaúpum á þeim af oðrum að'Ijum í bæn'um. Þó skulu ekki fáerri
en 4 þeirra verða eign bæjarins sjálfs og gerðir út á hans
vegum, hvað sem kauptilboðum annarra aðilja líður.
Fiskiðiuverið og fisksölumiðstöð bæjarins
Vegna Iiagsmuna útgerðarinnar í bænum svo og atvinnu-
þárfar bæjarbúa almennt teíur bæjarstjórn algjörlega óviðun-
andi að ekki er tryggð nema að litlu leyti starfræksla Fisk-
iðjuvers ríkisins og ákveður því:
1. Að fela borgarstjóra og bæjarráði að hefja viðræður \ið
ríkisstjórnina um að ríkii" tryggi Fiskiðjuverinu nægilegt
rekstursfé svo og gjaldcyrisleyfi fyrir því nauðsynlegu
erlendu efúi, er þarf til þess að nið'ursuða fisks og fisk-
metis geti þegar hafizt óg' verði framkvæmd með sem
fyllstum afköstum.
2. Fáist ríkisstjórnin ekki til að tryggja fulla hagnýtingu
Fiskitjuversins lýsir bæjarstjórn sig reiðubúna til þess að
taka Fiskiðjuverið á Ieigu óg reka þáð fyrir éigin reikning,
í því augnamiði að tryggja fullan rekstur þess.
Ennfremur leggur bæjarstjórn á það ríka áherzlu, að hin
fyrirliugaða fisksölumiðstöð bæjarins, sem ætlað er húsnæði í
Fiskiðjuverinu, taki sem allra fyrst til starfa.
Bærinn tryggi fulla atvinnu
Með skírskotun til þcss að atvinnuhorfur eru nú ískyggi-
legri en verið hefur um langt skeið, ákveður bæjarstjórnin t
Framhald á 8, aíðu.