Þjóðviljinn - 21.06.1984, Blaðsíða 12
Meðal merkra hluta í „vopnasafni" Sverris er þessi 23 punda byssa nr. 4 og skotið í hana er engin smásmíði miðað við venjulegt 23A skothylki. Mynd-Atli.
, Xítum á félag okkar
sem menningarfélag6 6
300 félagar eru starfandi í Skotvís,
en líklega hafa um 10 þúsund manns byssuleyfi í landinu.
Margir þeirra kunna lítið með vopn að fara og bæta þarf þjálfun og
upplýsingu til veiðimanna
- Nei, það er síður en svo
að þetta snúist bara um það
að skjóta og skjóta, heldur
erum við að reyna að auka
skilning manna á lífinu og
náttúrunni. Markmiðfélagsins
er að vinna skotveiðum verð-
ugan sess m.a. með góðri
umgengni veiðimanna við
land og lífríki. Það er því kann-
ski ekki undarlegtaðstórfjöldi
félagsmanna eru einmitt líf-
fræðingar, dýrafræðingar,
jarðfræðingar og aðrir náttúr-
uvísindamenn, segir Sverrir
Scheving Thorsteinsson jarð-
fræðingur og formaður Skot-
veiðifélags Islands.
Skotveiðifélagið var stofnað
fyrir aðeins tæpum 6 árum síðan
og hefur haldið uppi myndarlegri
starfsemi síðustu árin, ekki síst
hvað viðkemur fræðslu til skot-
veiðimanna um náttúrulíf og ör-
yggismál. Sem dæmi um starf-
semi félagsins nú á liðnum vetri
má nefna fyrirlestra um rjúpur og
námskeið fyrir rjúpnaveiðimenn,
snjóflóð og vetrarferðir, skot-
hleðsluæfíngar, kynningu á flæk-
ingsfuglum á íslandi, matreiðsla
á villibráð og námskeið um gæsa-
veiðar. Þá var einnig mikið rætt
um útgáfumál.
Hátt í 10 þús.
eiga skotvopn
Um 300 félagar eru nú í Skot-
veiðifélagi íslands en auk þess er
starfandi Skotfélag Reykjavíkur
sem er íþróttafélag þar sem skot-
fimi er iðkuð öðru fremur. Bæði
félögin hafa aðstöðu til æfinga á
tveimur spildum skammt ofan við
Grafarholt.
Ég gæti trúað, að það væru á
milli 8-10 þúsund manns sem
eiga skotvopn hérlendis og vel
get ég ímyndað mér að bróður-
parturinn af þessum fjölda kunni
lítið að handleika vopn. Það er
einmitt einn aðaltilgangur félags-
ins að kenna fólki að umgangast
og hirða vopn sín.
Hörmuleg slys verða oftvegna
rangrar geymslu vopna og slæmr-
ar umhirðu. Byssur eru skildar
eftir á vafasömum stöðum og
jafnvel í skothæfu standi. Slíkt er
þverbrot á öllum öryggis- og
siðareglum veiðimanna.
Við teljum mjög mikilvægt að
allir skotvopnaeigendur snúi
bökum saman og stuðli að því að
hin almenna skoðun á okkur
veiðimönnum breytist. Æskilegt
er að lög og reglugerðir varðandi
innflutning skotvopna verði
endurskoðuð. Einnig að sam-
hæfð verði úthlutun leyfa, verði
haldið sérstakt svokallað verk-
legt námskeið um meðhöndlun
vopna úti í náttúrunni. Ég sé enga
skynsemi í því að mönnum séu
seld vopn og síðan sleppt út með
fullt leyfí án allrar þjálfunar og
ráðgjafar reyndari manna. Hér
þarf að bæta úr.
Hvernig gengur árið fyrir sig
hjá skotveiðimönnum? Hvað eru
þeir t.d. að fást við á þessum árs-
tíma?
- Menn hafa verið að skjóta úti
á sjó, svartfuglin'n, og horfa jafn-
framt fram á veginn. Sumir eru
þegar byrjaðir að æfa sig í leirdúf-
uskotfími og hlaða sín eigin skot
til þeirra nota. Mönnum veitir
ekki af góðri æfingu áður en aðal-
veiðitíminn byrjar á haustin.
Deilt um hrein-
dýraveiðar
Hreindýraveiðar byrja fyrir
miðjan ágúst. Þessar veiðar hafa
verið afmarkaðar við landeigend-
ur á Austurlandi, en við höfum
óskað eftir veiðihlutdeild fyrir
Skotveiðifélagið og lagt til við
menntamálaráðuneytið að til-
högun hreindýraveiða verði gjör-
breytt. Við viljum að litið verði á
þessi dýr sem eign þjóðarinnar en
ekki einstakra landshluta.
Grisjun verði leyfð gegn ákveðnu
gjaldi sem renni til eftirlits og vís-
indalegra rannsókna á högun
stofnsins og atferli dýranna og til
að bæta sannanlegt tjón sem
hreindýr valda á ræktuðu landi
eða girðingum. Allir landsmenn
eiga að geta sótt um þessi veiði-
leyfi. Petta er mjög heitt mái ef
svo má að orði kveða en fram-
undan eru fundir með hagsmuna-
aðilum og talning dýranna fer
væntanlega bráðlega fram. í fyrra
var ekkert talið og við teljum það
óforsvaranlegt með öllu að
heimilaðar séu veiðar án þess að
talning fari fram áður.
Gæsaveiðar hefjast 20. ágúst
og þá hefst veiðitíminn hjá mjög
mörgum. Þeir rótgrónu bíða þó
yfirleitt Iengra fram á haustið þar
til gæsin er orðin stærri, feitari og
betri matur.
Svo er það rjúpan 15. október.
Þá fer heil hersveit af stað. Marg-
ir stunda engar aðrar skotveiðar
en að fara á rjúpnaveiðar einu
sinni á ári. Ýmist fara menn í
nokkurra daga veiðiferð í einu og
veiða 10 til 15 og uppí 100 rjúpur.
Þeir eru ánægðir með að hafa
fengið í jólamatinn og taka ekki
aftur upp sína byssu fyrr en að
ári. Stór hópur fer styttri veiði-
ferðir, daglangar, þegar gott er
veður. Þegar menn halda af stað í
veiðiferðir skiptir þekking á
landinu og atferli bráðarinnar
mestu um hvort þeir veiða
eitthvað eða ekki. Það skiptir
ekki höfuðmáli að vera góð
skytta.
Rjúpnaskyttur hafa gjarnan
týnst á fjöllum.
- Ég fyrirgef engum sem lætur
leita að sér vegna trassaskapar og
ónógs undirbúnings. Það er eng-
um ofgert að láta vita af sér og
skipuleggja sína veiðiferð af ein-
hverju viti. Þetta hefur lagast
mikið á síðustu árum. Menn eiga
að halda til veiða af fullri ábyrgð
svo það þurfi ekki að kalla til
hjálparsveitai. í kostnaðarmikla
leit að viðkomandi. Það á hik-
laust að sekta þá menn sem hegða
sér ábyrgðarlaust á fjöllum.
Ef við höldum áfram með
veiðiárið þá halda margir áfram
að veiða fram yfír áramótin og
allt fram í miðjan mars. Anda-
skytterí er mjög skemmtilegt en
virðist höfða til fárra hérlendis,
einnig skjóta menn skarf þegar
líður á vorið og fleiri sjófugla.
Það hafa verið fréttir í blöðum
að undanförnu um stórfelit dráp
á helsingjum norður í landi nú í
vor. Hvert er álit þitt á þessum
veiðum?
- Ég vil lýsa yfir megnustu
andstyggð og óbeit á mönnum
sem skjóta fugla að vorlagi. Það
er siðferðislega rangt, ómann-
eskjulegt. Ég veit ekki um neinn
þjóðflokk sem við köllum „villi-
menn“ sem þrátt fýrir erfiðustu
skilyrði gengur svo til verka að
drepa dýr að vorlagi. Þetta virðist
hvergi þekkjast í heiminum nema
hér á íslandi og það er sorglegt til
þess að vita.
Vorið og sumarið er okkar
friðar- og fræðslutími og þá
stunda menn æfíngar fyrir haust-
ið.
Þú hefur stundað skotveiðar í
nærri 40 ár. Finnst þér margt
hafa breyst í viðhorfum veiði-
manna til landsins og náttúrunn-
ar á þessum tíma?
- Já vissulega hefur svo verið.
Ég vænti þess, að það sé angi af
þeirri umhverfismála- og náttúr-
uvemdarumræðu sem átt hefur
sér stað og verið ofarlega á baugi
á undanfömum áratug.
Við sem störfum í SKOTVÍS
viljum leggja mikla áherslu á það
höfuðmarkmið félagsins, að allir
áhugamenn um skotveiðar um-
gangist land og lífríki með já-
kvæðu hugarfari. Við lítum á fé-
lag okkar sem menningarfélag,
byggt á uppfræðslu og þekkingu á
lífríki landsins, sagði Sverrir
Scheving Thorsteinsson. -lg.
12 SÍÐA - ÞJÓÐVILJiNN Fimmtudagur 21. júní 1984