Þjóðviljinn - 28.10.1987, Blaðsíða 1
Miðvikudagur 28. október 1987 240. tölublað 52. órgangur
ASl
Flausturslegur undirbúningur
Ásmundur Stefánsson: Ekki gefist nein aðstaða til umræðu
um húsnœðisfrumvarpið á vettvangi ASÍ. Meðferð málsins
ófullkomin. Ótti við mismunandi vexti. Lánfylgi einstaklingi
Það gafst engin aðstaða til um-
ræðu um þetta frumvarp á
vettvangi Alþýðusambandsins
áður en það var lagt fram, sagði
Asmundur Stefánsson, forseti
ASÍ, við Þjóðviljann í gær, en Al-
exander Stefánsson gagnrýndi Jó-
hönnu Sigurðardóttur fyrir það
að hafa ekki haft samráð við aðila
vinnumarkaðarins við gerð
frumvarps um breytingu á hús-
næðislánakerfinu.
Ásmundur sagði að hann teldi
meðferð málsins mjög ófull-
komna, að það hefði þurft að
gefa svigrúm til þess að ræða
frumvarpið á vettvangi iífeyris-
sjóðanna en skuldabréfakaup líf-
eyrissjóðanna eru hornsteinn
undir húsnæðislánakerfinu.
„Ég tel að undirbúningur
frumvarpsins hafi verið flausturs-
legur. Þetta frumvarp sem Jó-
hanna leggur fram núna er allt
öðruvísi en þau bráðabirgðalög
sem voru í undirbúningi fyrr í
haust. Inní þeim lögum var ekk-
ert um mismunandi vexti auk
þess sem miðað var við efnahag
umsækjenda en ekki við íbúða-
eignina eina einsog nú er gert til
að takmarka sjálfvirknina."
Á fundi miðstjórnar Alþýðu-
sambandsins sl. fimmtudag var
húsnæðisfrumvarpið rætt þó eng-
in samþykkt væri gerð á fundin-
um. Þar munu menn hafa fundið
frumvarpinu ýmislegt til foráttu.
Að sögn Ásmundar fjallaði
miðstjórnin um þessi mál á sl.
vetri og var þá andsnúin því að
tekið væri upp ákvæði um mis-
munandi vexti lánþega af ótta við
að slíkt væri fyrsta skrefið í áttina
að almennri hækkun vaxta á
húsnæðislánum.
Ásmundur sagði að það væri
rangt að Alþýðusambandið hefði
verið mótfallið því að sjálfvirknin
væri takmörkuð, hinsvegar sagð-
ist hann sjá ýmsa vankanta á þeiri
leið sem frumvarpið byggir á, því
það tryggir alls ekki að einstak-
lingar geti ekki eignast margar
íbúðir með lánum frá Húsnæðis-
stofnun.
Skák
Jóhann
tapaöi
Jóhann Hjartarson tefldi í gær
við júgóslavneska stórmeistar-
ann Pedrag Nicolic á alþjóðlega
Invest-bankamótinu í Belgrað og
laut í lægra haldi. Jóhann stýrði
svörtu mönnunum. Hann hefur
því enn sem fyrr fjóran og hálfan
vinning.
í dag teflir Jóhann við sjálfan
Viktor Kortsnoj og hefur hvítt. Á
föstudag mun hann síðan glíma
við Timman en í lokaumferðinni
á laugardag teflir hann við Ljubo-
jevic.
„Maðurinn sem er að eignast
sína sjöttu íbúð getur gert það
með því að kaupa íbúð sem er
með áhvflandi húsnæðislánum.
Mín skoðun er því sú að lánið eigi
að fylgja einstaklingnum en ekki
íbúð og að einstaklingurinn fái
bara einusinni lán úr Húsnæðis-
stofnun nema að til komi félags-
legar aðstæður, sem geri það
nauðsynlegt að einstaklingurinn
sé aðstoðaður aftur."
Þá taldi Ásmundur að eigna-
viðmiðunin við úthlutun væri frá-
leit, að miða lánveitingu við
eignarhlutfall í íbúðinni. „Stór-
eignamanninum er opin leið til
þess að veðsetja íbúð sína og
komast þannig inn í kerfið.“-Sáf
Sjá bls 3
Það beindust mörg spjót að Þorsteini Pálssyni í gær en Steingrímur Hermanns son gat andað léttar, þar sem hann þart ekki lengur að reyna að halda utan um
óstýriláta ríkisstjórn. Hann fékk meira að segja hrós fyrir sjálfstæða afstöðu til utanríkismála frá stjórnarandstöðunni. Mynd E.OI.
Alþingi
Stefnuræða forsætisráðherra
Stefnurœðaforsœtisráðherrafluttígœr. Varað við sundrung.
Stjórnarliðar einsog köttur í kringum heitan graut
óður landnem- orð og efndir stangast stöðugt á leið er lagður á matarskattur, tal- unum gert að
Hvar var eldmóður landnem-
ans? spurði Svavar Gestsson í
upphafi máls síns i umræðu um
stefnuræðu forsætisráðherra á
Alþingi í gærkvöldi.
Hann var ekki einn um að
undrast hvar nýjungarnar og
framfarahugurinn var hjá þessum
unga forsætisráðherra nýmynd-
aðrar ríkisstjórnar. Stjórnarand-
staðan talaði um fagrar umbúðir
utan um lítið innihald.
Stjórnarsinnar fóru hinsvegar
einsog kettir í kringum heitan
graut stjórnarsamstarfsins þó
einstaka þeirra gæti ekki á sér set-
ið að senda samstarfsaðilum smá
skot.
„Ráðherrastólar eiga það til að
minnka ef mennirnir sem verma
þá eru ekki nógu stórir," sagði
Ólafur Þ. Þórðarson. Gagnrýndi
hann fjárlagafrumvarpið tölu-
vert, einkum niðurskurð á rann-
sóknum á sviði fiskeldis og loð-
dýraræktar.
Stjórnarandstaðan gagnrýndi
einkum matarskattinn og hvernig
orð og efndir stangast stöðugt á
hjá ríkisstjórninni, þegar í öðru
orði er taíað um jöfnuð en um
leið er Iagður á matarskattur, tal-
að er um jafnræði milli byggð-
arlaga en um leið er sveitarfélög-
unum gert að taka á sig stöðugt
fleiri verkefni. -Sáf
Sjá bls. 7
Trúnaðarmaður rekinn
Fyrir neðan allar hellur
Formaður Dagsbrúnar: Héltað svona tilfelli tilheyrðu liðinni tíð.
Við lítum mjög alvarlegum
augum á þetta mál og sér í lagi
þar sem um er að ræða brott-
rekstur trúnaðarmanns, án
nokkurs sýnilegs tilefnis. Þessi
framkoma forsvarsmanna Ör-
yggismiðstöðvarinnar s/f. í garð
Freys Guðlaugssonar er fyrir
neðan allar hellur og með Ijótari
brotum sem ég hef þurft að hafa
afskipti af í gegnum tíðina og í
sannleika sagt hélt ég að svona
tilfelii tilheyrðu liðinni tíð, segir
Guðmundur J. Guðmundsson for-
maður verkalýðsfélagsins Dags-
brúnar í samtali við Þjót'viljann.
Síðastliðinn föstudag var trún-
aðarmaður öryggisvarða hjá Ör-
yggismiðstöðinni s/f í Kringlunni
rekinn úr starfi fyrirvaralaust. Að
sögn Kjartans Schevings eiganda
fyrirtækisins er ástæðan fyrir
brottrekstrinum sú að Freyr hafi
brotið trúnað við fýrirtækið með
því að taka ljósrit af dagbókar-
færslu öryggisvarðanna og sýnt
það hverjum sem er.
Að sögn Freys Guðlaugssonar
er þessi ástæða fyrir uppsögninni
fyrirsláttur einn og aðeins til þess
gerður að slá ryki í augu almenn-
ings og koma sér undan kjarna
málsins.
„Uppsagnarbréfið tilgreinir
enga ástæðu fyrir að ég er rekinn
úr mínu starfi sem öryggisvörður.
Það sem skiptir hins vegar máli er
það að ég sem trúnaðarmaður
verkalýðsfélagsins Dagsbrúnar
og kjörinn til þess af mínum vinn-
ufélögum, hef reynt að sinna
mínum skyldum eftir bestu getu.
Það eru ótal hlutir sem fyrirtækið
hefur vanrækt til að gera öryggis-
vörsluna sem besta úr garði og
alls ekki sinnt nauðsynlegum að-
gerðum til þjálfunar og upplýs-
ingar handa öryggisvörðunum
sem gæta verðmæta uppá hundr-
uð milljóna og það hefur farið
fyrir brjóstið á þeim,“ sagði Freyr
Guðlaugsson.
grh