Þjóðviljinn - 11.05.1988, Blaðsíða 6

ALÞÝÐUBANDALAGIÐ
Alþýðubandalagið Norðurlandi eystra
Fundur kjördæmisráðs
Stjóm Kjördæmisráðs Ab. boðar til fundar í Lárusarhúsi sunnudaginn 15.
maí kl. 13-18.
Á dagskrá fundarins verða m.a.: 1. a) Útgáfumál, b) Starfið framundan, c)
önnur mál. 2. Byggðamál.
Allir félagsmenn velkomnir. Formenn og stjórnir Alþýðubandalagsfélag-
anna, sveitarstjórnarfulltrúar og annað áhugafólk um byggðamál, er sér-
staklega hvatt til að mæta.
Stjórn kjördæmisráðs.
Sumardvöl á Laugarvatni
Hinarsívinsælu sumarbúðir Alþýðubandalagsins á Laugar-
vatni verður í sumar vikuna 18. - 24. júlí.
Umsjón verða í höndum Margrétar Frímannsdóttur og Sigríðar Karlsdóttur.
Allar nánari upplýsingar í síma 17500. Alþýðubandalagið
Vestfirðir
ísland á tímamótum
Ölafur Ragnar Grímsson formaður
Alþýðubandalagsins verður með stjórnmálafund
á Suðureyri, miðvi)<udaginn 11. maí í
Samkomuhúsinu kl. 20.30.
Alþýðubandalagið
Þingflokkur og framkvæmdastjórn Alþýðubandalagsins
Heimsókn á
Vesturland
Þingflokkur og Framkvæmdastjórn Alþýðubandalagins efna til heimsókna
og funda á Vesturlandi föstudaglnn 13. maí og laugardaglnn 14. maí.
Dagskrá:
Föstudagur 13. maí
Kl. 10-16.30
Vinnustaðaheimsóknir og fundir í Borgarnesi og á Akranesi
Kl. 17-19
Viðræðufundur með sveitarstjórnarmönnum Alþýðubandalagsins á Vest-
urlandi í Röðli, Borgarnesi.
Kl. 20
Vorfagnaður Alþýðubandalagsins á Vesturlandi í Hótel Borgarnesi.
Laugardagur 14. maí
Kl. 10-15
Sameiginlegur fundur þingflokks og framkvæmdastjórnar Alþýðubanda-
lagsins í Hótel Borgarnesi.
Fundurinn er opinn flokksmönnum Alþýðubandalagsins á Vesturlandi.
Alþýðubandalagið
Austurland
Björn Grétar Ólafur Ragnar
ísland á tímamótum
Ólafur Ragnar Grímsson og Björn Grétar Sveinsson á opnum stjórnmála-
fundum á Austurlandi sem hér segir:
Egllsstaðir:
Sunnudaginn 15. maí kl. 14 í Samkvæmispáfanum.
Eskifjörður:
Sunnudaginn 15. maí kl. 20.30 í Valhöll.
Neskaupstaður:
Mánudaginn 16. maí kl. 20.00 í Egilsbúð.
Fáskrúðsfjörður:
Þriðjudaginn 17. mí kl. 20.30 í Verkalýðsfélagshúsinu.
Alþýðubandalagið Reyðarfirði
Opinn fundur
Hjörleifur Guttormsson alþingismaður ræðir þjóðmálin við lok Alþingis í
Verkalýðshúsinu, föstudaginn 13. maí kl. 20.30. Fyrirspurnir og umræður á
eftir. Allir velkomnir.
AB Reyðarflrðl
Borgarmálaráð ABR
Fundur í dag 11. maí kl. 17 að Hverfisgötu 105.
Fundarefni: Umferðarmálin í borginni.
Virðisaukaskattur
Athugasemdir
ráðhena
Óvandaðar heimildir Þjóðviljans. Vangaveltur
blaðsins út íbláinn. Framteljendumfjölgar en
skýrslumfækkar
í grein í Þjóðviljanum 5. maí
1988 merkt stöfunum óp, sem á
að fjalla um virðisaukaskatt, eru
veigamiklar missagnir sem
nauðsynlegt er að leiðrétta.
Sérstaklega á það við um raka-
lausa fullyrðingu um að virðis-
aukaskattur hækki verð á íbúðar-
húsnæði.
Virðisaukaskattur mun ekki
hækka verð á íbúðarhúsnæði.
Þetta kemur reyndar glögglega
fram í greinargerð með frum-
varpinu og var síðan ítrekað sér-
staklega af formanni fjárhags- og
viðskiptanefndar efri deildar í
umræðum á Alþingi um málið.
Það ber að harma að ábyrgur
fjölmiðill skuli ekki vanda heim-
ildir sínar betur þegar fjallað er
um svo veigamikið mál.
Allar vangaveltur blaðsins um
nýja skatta á húsbyggjendur og
tekjuauka ríkisins vegna þess eru
út í bláinn.
Annað atriði í grein óp sem
þarfnast skýringar er að þrátt
fyrir að framteljendum fjölgi þá
fækkar skýrslum vegna virðis-
aukaskatts samanborið við nú-
verandi söluskattskerfi vegna
þess að uppgjörstímabil eru
lengri.
Þannig er gert ráð fyrir því að
framteljendur í virðisaukaskatts-
kerfi skili 132.100 skýrslum ár-
lega samanborið við að sölu-
skattsgreiðendur skila 135.600
skýrslum og að því leyti er um
minni skriffínnsku að ræða.
Jón Baldvin Hannibalsson
Qármálaráðherra
Virðisaukinn
Hálfkveðin vísa
Athugasemd við athugasemd
í greinargerð með frumvarpi
Jóns Baidvins fjármálaráðherra
um virðisaukaskatt segir svo í 8.
kafla: „því er gert ráð fyrir í
frumvarpinu að full skattskylda
verði jafnt á vinnu við hús-bygg-
ingar og mannvirkjagerð sem
efniskostnað. Full skattskylda
hefur í för með sér talsverða
hækkun á byggingarkostnaði
einkaaðila, ríkis og sveitarfé-
laga.“ í 3. kafla greinargerðar-
innar kemur fram að þessi hækk-
un er álitin verða 5-7% eins og
sagt var frá í frétt Þjóðviljans 5.
maí.
Hitt er annað að í greinargerð-
inni má finna hugleiðingar um að
ríkið skuli greiða húsbyggjendum
til baka þann tekjuauka sem af
þessu hlýst. Velt er vöngum yfir
því hvort frekar ætti að gera þetta
með því að afnema vörugjald af
tilteknum byggingarvörum eða
með beinum endurgreiðslum til
húsbyggjenda en engar ákveðnar
tillögur eru þar bornar fram.
Þarna er að finna viðurkenningu
á því að setja þurfi reglur um
þessa hluti en eins og svo mörgu
öðru, sem snertir virðisauka-
skattinn, er því máli vísað til
nefndar. Hvað sem líður viljay-
firlýsingum í greinargerð þá er
ljóst að án frekari aðgerða verða
lögin um virðisauka, sem alþingi
er nú að samþykkja, til að hækka
íbúðarverð.
Frumvarpið um virðisaukann
er því miður ekki nema hálfkveð-
in vísa. Vonandi er að nefnd sú,
sem á að skoða málin í sumar,
finni leið til að botna þá vísu. En
menn hljóta að velta því fyrir sér
hvers vegna ekki var legið lengur
yfir frumvarpinu og sniðnir strax
af því verstu vankantarnir í stað
þess að þræla því í gegnum þingið
og þurfa að vísa fjölmörgum
vafaatriðum til endurskoðunar-
nefndar.
Það er rétt athugað hjá fjár-
málaráðherra að því sjaldnar sem
skila þarf skýrslum þeim mun
færri verða þær. Þannig mætti
fækka söluskattsskýrslum um
helming ef uppgjörstímabilið
yrði lengt úr einum mánuði í tvo.
En að sjálfsögðu er það algjör-
lega óviðkomandi því hvort verið
er að innheimta söluskatt eða
virðisaukaskatt.
ÓP
Samband sveitarfélaga í Austurlandskjördœmi
Landsbyggðarfólk
er búið að fá nóg
Harðort opið bréftilþingmannaAusturlands.
Samband sveitarfélaga á Aust-
urlandi hefur sent þingmönnum
harðort bréf um vanda lands-
byggðarinnar, og segir að „við-
eigandi ráðstafanir“ verði gerðar
standi þingmenn sig ekki í stykk-
inu.
Opið bréf sambandsstjórnar-
innar hljóðar svo:
Eins og ykkur ætti að vera
kunnugt stendur landsbyggðin
höllum fæti um þessar mundir.
Má nefna ýmsar staðreyndir því
til staðfestingar, en hér skal látið
duga að tiltaka þrennt: fbúum
landsbyggðarinnar hefur fækkað
um nærri því 1% á ári undanfarin
ár, undirstöðuatvinnuvegir
landsbyggðarinnar, og reyndar
þjóðarinnar allrar, standa höilum
fæti og efnahagsleg staða sveitar-
félaganna úti á landi er svo bág-
borin að þau geta ekki sinnt því
hlutverki sem þeim er ætlað
lögum samkvæmt.
Ástæður þessa eru margvísleg-
ar. Má þar nefna að sú efnahags-
stefna sem fylgt hefur verið að
undanförnu og nefnd hefur verið
fastgengisstefna á þarna stóra
sök. Ennfremur er full ástæða til
að vekja athygli ykkar á því að
setning laga og reglugerða sem
snerta stöðu landsbyggðar hafa á
heildina litið orðið til að skapa þá
gjá, sem myndast hefur á milli
landsbyggðar og höfuðborgar-
svæðis. Nægir í því sambandi að
benda á hve gífurlega sveitarfé-
lögum er mismunað í tekjum, t. d.
með reglum um álagningu að-
stöðugjalda og breytilegt mat
fasteigna eftir landsvæðum. Auk
þess er framkvæmd á lögum um
Jöfnunarsjóð sveitarfélaga með
þvílíkum eindæmum að óviðun-
andi er. Lögbundin framlög til
sjóðsins hafa verið skert á hverju
ári frá 1984 og þurfa sveitar-
stjórnir að búa við áriegar geð-
þóttaákvarðanir ríkisstjórna
hvað þetta varðar. Auk þess eru
úthlutunarreglur úr sjóðnum
þess eðlis að best stæðu og fjöl-
mennustu sveitarfélögin fá í sinn
hlut allt of stóran hlut af ráðstöf-
unarfjármagni hans.
Hvers vegna gerist það að lög
og reglur eru landsbyggðinni jafn
óhagstæð og dæmin hér að fram-
an sanna á sama tíma og þið
landsbyggðarþingmenn eruð í
meirihluta á Alþingi? Getur skýr-
ingin verið sú að þið lítið fremur á
ykkur sem fulltrúa stjórnmála-
samtaka eða ríkisstjórna en full-
trúa ykkar kjördæma? Ráða
hagsmunir flokks eða stjórnar-
sáttmáli fremur gerðum ykkar og
afstöðu á þingi, í stað þess að þið
takið höndum saman og gætið í
sameiningu hagsmuna umbjóð-
enda ykkar úti á landsbyggðinni?
Landsbyggðarfólk og ekki síst
sveitarstjórnarmenn úti á landi
eru búnir að fá nóg. Mælirinn er
fullur og sú krafa heyrist hvar-
vetna að það misrétti sem nú við-
gengst á milli höfuðborgarsvæðis
og landsbyggðar verði upprætt.
Fjölmargir kostir eru fylgjandi
því að eiga heimili á landsbyggð-
inni, en það breytir því ekki að
íbúar hennar gera kröfu um rétt-
læti og sanngirni. Til að snúa við
hinni óhagstæðu þróun á lands-
byggðinni verðið þið að endur-
skoða öll ykkar vinnubrögð á Al-
þingi. Þið verðið að snúa bökum
saman og hefja sókn fyrir hags-
munum landsbyggðar og láta í
þeim efnum engin flokksbönd
eða afstöðu til ríkisstjórnar
hindra ykkur.
Það verður grannt fylgst með
störfum ykkar á vettvangi
stjórnmálanna á næstu vikum og
mánuðum og ef ekki verður þar á
grundvallarbreyting mun stjórn
Sambands sveitarfélaga í Austur-
landskjördæmi hvetja til þess af
fullri einurð að viðeigandi ráð-
stafanir verði gerðar. Og stjórnin
mun ekki binda hugsanlegar ráð-
stafanir við Austurlandskjör-
dæmi, heldur mun hún, ef þörf
krefur, leita samstarfs við sveitar-
stjórnarmenn og aðra sem víðast
á landsbyggðinni.
Egilsstöðum 27. apríl 1988
Stjórn Sambands sveitarfélaga í
Austurlandskjördæmi
Björn Hafþór Guðmundsson
Smári Geirsson
Þráinn Jónsson
Hrafnkell A. Jónsson
Birgir Hall varðsson
Magnús Ingólfsson
Guðmundur Þorsteinsson
Olafur Ragnarsson
6 SÍÐA - ÞJÓÐVILJINN Mi&vikudagur 11. maí 1988