Þjóðviljinn - 27.07.1989, Blaðsíða 2
Ríkisskuldabréf
Vaxtahækkun
útilokuð
Már Guðmundsson:
Útilokað að vextirá
ríkisskuldabréfum
hœkki. Hinsvegar
koma þeir til með að
lækka hægar en ráð var
fyrir gert
- Við sjáum ekki tilefni til ann-
ars en að útiloka að vextir á spari-
skírteinum hækki frá því sem nú
er vegna þarfar ríkissjóðs fyrir
iánsfé. Afur á móti munu þeir að
öllum líkindum lækka hægar og
minna en menn ráðgerðu, sagði
Már Guðmundsson, efna-
hagsráðunautur fjármálaráð-
herra, en í undirfyrisögn fréttar
blaðsins í gær um lánsfjáröflun
ríkissjóðs slæddist með sú lok-
leysa að ekki væri hægt að útiloka
vaxtahækkun.
Samkvæmt þeirri stefnu í
vaxtamálum sem ríkisstjórnin
mótaði í vetur, var ætlast til þess
að vextir á öðrum hluta lánsfjár-
markaðarins aðlöguðust að þess-
ari vaxtalækkun ríkisskulda-
bréfa. Már sagði að vextirnir
hefðu lækkað á „gráa markaðn-
um“ og væru enn að lækka, hins
vegar vantaði dálítið upp á að
sama hefði gerst í bankakerfinu.
- Það verður að gera ráð fyrir því
að vextir, bæði nafn- og raunvex-
tir, lækki einnig í bankakerfinu.
Það er ekki hægt að útiloka það
að vextir lækki enn frekar. Ef
spár svartsýnustu manna um mik-
inn samdrátt á haustmánuðum
ganga eftir, sem ég efast reyndar
um að rætist, mun slá á lánsfjár-
eftirspurn einkageirans sem
leiðir til enn frekari vaxtalækkun-
ar, sagði Már.
-rk
FRETTIR
Eskifjörður
Vantar fólk í vinnu
Framkvœmdum við dvalarheimili aldraðra að Ijúka. Byrjað á nýjum
vatnstönkum í haust og lokið verður við framkvœmdir við höfnina
Það vantar iðnaðarmenn á
öllum sviðum í vinnu í bænum
um þessar mundir og ég hef heyrt
að það sé líka skortur á fólki í
fiskvinnslu, sagði Arngrímur
Blöndal bæjartæknifræðingur á
Eskiflrði aðspurður um atvinnu-
ástandið í bænum. Arngrímur
sagði að það væri tímabundin
uppsveifla og miklar fram-
kvæmdir sem væru ástæðan fyrir
þessum skorti á starfsfólki núna.
Iðnaðarmenn frá Reyðarflrði og
víðar eru í vinnu núna í sumar á
Eskifirðj.
Af þeim framkvæmdum sem
eru í gangi er stærst bygging
Ölduhlíðar sem er nýtt dvalar-
heimili fyrir aldraða. Þar mun
vera rúm fyrir 17 manns og stefnt
er að því að taka það í notkun á
afmælisdegi bæjarins þann 18.
ágúst.
Af öðrum framkvæmdum á
Ráðgert er að byggingu nýs viðlegukants við Sundahöfn á fsafirði Ijúki í haust. Við nýia viðlequkantinn qeta
stærri skip en áður athafnað sig með góðu móti.
ísafjörður
Ný uppskipunarhöfn
Haraldur L. Haraldsson: Nýr viðlegukanturfyrir stór skip tilbúinn í
Sundahöfn í haust. Einnig unnið að byggingu nýs íþróttahúss
Stærri skip en áður geta lagt
upp að nýjum viðlegukanti
við Sundahöfn á ísafirði í haust,
en þá á að vera lokið uppsteypu á
þekju nýrrar vöruhafnar á því
svæði, ásamt lagningu ýmissa
lagna í höfninni. Dýpkun lauk við
höfnina í vor, þannig að ekkert á
að hindra stór skip í að leggjast
upp að, þótt fyrirhuguð vöruhöfn
við Sundahöfn verði ekki full-
kláruð á þessu ári.
Haraldur L. Haraldsson, bæ-
jarstjóri á ísafirði, sagði Þjóðvilj-
anum að gamla hafnarsvæðið inn
af eyrinni væri allt of lítið og
þröngt fyrir stór skip. Vöruflutn-
ingar myndu í framtíðinni flytjast
í Sundahöfn þar sem viðlegupláss
og athafnasvæði yrði meira. En í
ár setja ísfirðingar um 20 miljónir
í þessar framkvæmdir og fram-
kvæmdir tengdar þeim.
Önnur stórframkvæmd hjá ís-
firðingum í ár er bygging nýs
íþróttahúss. Að sögn Haraldar
verða settar 32 miljónir í þær
framkvæmdir í ár og á húsið að
vera fokhelt í haust. Áætlað er að
húsið verði fullklárað 1992 en
verði að einhverju leyti komið í
gagnið haustið 1991. Húsið ve-
arður búið löglegum keppnisvelli
sem verður sá eini sinnar tegund-
ar á Vestfjörðum.
Mikill fjörkippur hefur verið í
sundíþróttum á ísafirði undan-
farin ár og hafa ísfirðingar náð
góðum árangri á sundmótum.
Sundlaugin á ísafirði er hins veg-
ar komin til ára sinna og er ekki
nema rétt rúmir 16 metrar að
lengd. Haraldur sagði að í
skoðun væri að byggja nýja sund-
laug við íþróttahúsið þegar það
yrði fullgert.
-hmp
Kaldrananeshreppur
Fer Bjamarfjörður í eyði?
Hreppsnefndin vill leggja niður skólahald ífirðinum. Engar úrbœturá slœmu vegakerfi.
Magnús Rafnsson bóndi: Unnið aðþvíleynt ogljóst að koma byggðinni í eyði
Ibúar í Bjarnarfirði eru miög
óánægðir með þá fyrirætíun
hreppsnefndar Kaldrananes-
hrepps að leggja niður skólahald í
firðinum en þar hefur verið
skólahald samfellt í yfir 40 ár og
gott skólahús tekið í notkun 1972.
Þeir eru heidur ekki ánægðir með
hvernig staðið er að vegafram-
kvæmdum í hreppnum en nú er
hafin lagning vegar frá Drangs-
nesi til Hólmavíkur um Selströnd
en sá möguleiki var einnig fyrir
hendi að ieggja veginn inn í
sveitina, um Bjarnarfjörð. Með
þvi móti hefði leið Drangnesinga
til Hólma víkur lengst um rúmlega
10 kflómetra en samgöngur til
Bjarnarfjarðar batnað til muna.
Sá kostur hefði vafalaust verið
mun ódýrarí en vegurinn um Sel-
strönd en kostnaðaráætlun vegna
hans hljóðaði upp á um 200 inilj-
ónir fyrir tveimur árum.
- Hreppsnefndin hefur unnið
að því leynt og ljóst að koma
byggðinni hér í eyði og ef svo fer
sem horfir þá held ég að það muni
takast. Þegar ofan á fyrirhugaða
lokun skólans bætist það að engar
úrbætur eru gerðar í vegamálum í
firðinum er hljóðið í okkur orðið
verulega þungt, sagði Magnús
Rafnsson bóndi á Bakka í Bjarn-
arfirði.
Þórir H. Einarsson oddviti í
Kaldrananeshreppi sagði að það
væri hinn mesti misskilningur að
verið væri að reyna að koma firð-
inum í eyði og þær deilur sem nú
væru uppi stöfuðu mestmegnis af
misskilningi.
- Staðreyndin er einfaldlega sú
að 170 manna sveitarfélag getur
ekki staðið undir rekstri tveggja
skóla og mér finnst það ákaflega
skrítin fullyrðing að halda því
fram að byggðin í Bjarnarfirði
leggist niður ef börnin þar verða
sækja skóla á Drangsnesi.
Skólinn verður þó ekki lagður
niður strax því að
menntamálráðuneytið setti skil-
yrði fyrir leyfi til þess. Það þarf
bæði að bæta aðstöðuna við að
skólann á Drangsnesi og vega-
samgöngur. Við erum byrjaðir á
endurbótum við skólann en fram-
kvæmdir ganga ákaflega hægt,
sagði Þórir.
- Það er alveg rétt að við vor-
um hlynnt því að vegurinn yrði
frekar lagður meðfram Sel-
ströndinni heldur en í Bjamar-
fjörð. Sú leið er mun styttri fyrir
íbúa Drangsness til Hólmavíkur
og þar sem meirihluti íbúa
hreppsins býr á Drangsnesi og
þarf mikið að sækja til Hólmavík-
ur finnst okkur eðlilegt að þessi
leið sé sem styst, sagði Þórir.
Magnús segir að rót þeirra
deilna sem nú eru uppi í Kaldr-
ananeshreppi megi rekja til rígs
sem hafi lengi ríkt á milli Bjamar-
fjarðar og Drangsness. í hreppn-
um búa um 170 manns og þar af
115 á Drangsnesi. í Bjarnarfirði
búa hins vegar 9 fjölskyldur á 6
bæjum. Eftir síðustu kosningar
markaði sveitastjómin þá stefnu
að skólahald í Bjamarfirði skyldi
lagt niður á kjörtímabilinu en
þess má geta að allir sem sæti eiga
í hreppsnefndinni búa á Drangs-
nesi.
'Þ
staðnum má nefna að hafist verð-
ur handa við að reisa nýja vatns-
tanka innan skamms og er áætlað
að þeir verði teknir í notkun á
næsta ári. Þeir gömlu eru bæði
orðnir lélegir og of litlir en nýju
tankarnir verða 800 til 900 rúm-
metrar að stærð og kosta á bilinu
12 til 13 miljónir. Auk þess er
verið að ljúka við byggingu stál-
þils við höfnina fyrir loðnu-
bræðsluna.
Búið er að leggja bundið slitlag
á hátt í 600 metra vegarkafla í
bænum sem þykir talsvert langur
kafli á mælikvarða lítilla bæjarfé-
laga en einnig standa yfir miklar
framkvæmdir á vegum Vega-
gerðar ríkisins á veginum yfir til
Norðfjarðar og er hlíðin fyrir
ofan bæinn lítið augnayndi um
þessar mundir vegna þeirra fram-
kvæmda.
Bygging félagslegra íbúða er í
fullum gangi. Atta verkamanna-
bústaðir eru í byggingu og verður
helmingur þeirra tekinn í notkun
í haust og afgangurinn næsta vor.
Verið er að byggja 4 almennar
kaupleigíbúðir og lán fyrir 2 til
viðbótar fékkst við síðustu út-
hlutun.
•Þ
Gæsaveiðar
bannaðar
Skotveiðifélag íslands vill
koma eftirfarandi á framfæri:
„Vegna þráláts orðróms um
skipulagðar gæsaveiðar nú þegar
fuglinn er í sárum, með litla unga
og utan veiðitíma, vill stjóm
Skotvís minna landsmenn á þá
staðreynd að slíkt athæfi er
stranglega bannað. Jafnframt er
skorað á fólk að láta viðkomandi
yfirvöld vita ef slíkt athæfi sann-
ast. Slíkar veiðar eru algjörlega
siðlausar og ættu aðeins að heyra
fortíðinni til.
Einnig viljum við skora á
eigendur veitingahúsa að þeir
kaupi aðeins gæsir eftir löglegan
veiðitíma sem hefst 20. ágúst
næstkomandi.“
Fagnaðarerindi
Skattskráin
á mánudag
Nú getur fólk farið að hlakka til
mánudagsins, vegna þess að þá
verður skattskráin lögð fram.
Skattskráin verður ekki ólík þeim
skrám sem skattayfirvöld hafa
gefið út hingað til. Staðgreiðslu-
kerfi skatta hefur þó þá breytingu
í för með sér að nýr dálkur verður
í skránni.
Nýi dálkurinn heitir „greiðslu-
staða“ og sýnir greiðslustöðu ein-
staklinga eftir að staðgreiðslan
hefur verið dregin frá álagningu.
Sriorri Ólsen, hjá tekjudeild fjár-
málaráðuneytisins, sagðist ekki
vilja fullyrða neitt um þá upphæð
sem yrði endurgreidd þeim skatt-
greiðendum sem hefði greitt of
mikið, einhverra hluta vegna.
Áætlanir hefðu þó gert ráð fyrir
endurgreiðslum upp á 1,5-2 milj-
arð króna.
Námsmenn vonast eftir endur-
greiðslum frá skattinum en
Snorri sagði endurgreiðslur ekki
verða tíðar til þeirra, nema þeir
ættu allan persónuafslátt seinni
hluta ársins ónýttan og hefðu haft
verulegar tekjur.
2 SÍÐA - ÞJÓÐVILJINN Flmmtudagur 27. júlí 1989