Alþýðublaðið - 28.03.1985, Blaðsíða 1
alþýöu-
blaöið
Fimmtudagur 28. mars 1985 62. tbl. 66. árg.
Ótrúles hækkun bifreiðatrygginza:
Þétt samstaða
tryggingafélaga
„Komið aftan að bifreiðaeigendumf
segir Jónas Bjarnason, framkvcemdastjóri FÍB.
„Þessi hækkun vátryggingafélag-
anna á iðgjöldum lögboðinna
ábyrgðatrygginga ökutækja er á
engan hátt í samræmi við annað í
þjóðfélaginu. Við hjá Félagi ís-
lenskra bifreiðaeigenda óskum
hreinlega eftir ríkisafskiptum og
verðlagseftirliti ef vátryggingafé-
lögin geta ekki stillt hækkunum
Framh. á bls. 3
Skjótt skipast veður í lofti og allt í einu var jörð orðin alhvít í gœr eftir
glannalega sólskinsdaga að undanförnu.
Grunnt á því góða
í ríkisstj órninni
Sambandsleysið milli ríkisstjórn-
arflokkanna kemur stöðugt betur í
Ijós og þrátt fyrir yfirklór einstakra
ráðherra og þingflokks Framsókn-
arflokksins, tekst ekki að breiða
yfir þá bresti sem eru í stjórnar-
samstarfinu. Eru brestirnir bæði
inn á við í flokkunum svo og á milli
þeirra.
í drögum að ályktunum lands-
fundar Sjálfstæðisflokksins, sem
haldinn verður í apríl, er lögð
áhersla á ýmis stefnumál, sem búast
má við að Framsókn eigi erfitt með
að sætta sig við. Má þar nefna út-
var'pslögin, þar sem lögð er áhersla
á að stöðvunum verði heimilað að
afla sér tekna með auglýsingum
hvort sem um þráðlausar útsend-
ingar eða útsendingar um kapla er
að ræða. Þá er í drögunum lagt til
að einkaleyfi Grænmetisverslunar
ríkisins verði afnumið og land-
búnaðarlöggjöfin verði endurskoð-
uð í heild. Einu sinni enn vill Sjálf-
stæðisflokkurinn leggja niður
Framkvæmdastofnun og taka upp
byggðastofnun með þrengra starfs-
svið. Þá er lagt til að tekjuskattur
verði afnuminn á almennar launa-
tekjur og virðisaukaskattur tekinn
upp í stað söluskatts. Einnig er lagt
til að aðflutningsgjöld verði jöfnuð
og niðurgreiðslur á landbúnaðar-
vörur lækkaðar. í ályktuninni er
talað um lækkun ríkisútgjalda og
áframhaldandi sölu ríkisfyrir-
tækja. Að lokum á að lækka skatta
á fyrirtæki, aflétta höftum og
hömlum og draga úr afskiptum og
forsjá ríkisins.
Það verður spennandi að sjá
hvernig Framsóknarflokkurinn
bregst við þessum ályktunum.
Annars þarf ekki að bíða fram að
landsfundi íhaldsins til að sjá mis-
brestina.
Samningur Jóns Flelgasonar,
landbúnaðar-, dóms- og kirkju-
málaráðherra, við íslandslax, fyrir-
tæki sem SÍS er stærsti eigandinn
að var fordæmdur af þingmönnum
og ráðherrum Sjálfstæðisflokksins
á Alþingi sl. þriðjudag.
Það var Karl Steinar Guðnason,
sem vakti athygli á þessu máli með
fyrirspurn til Jóns Helgasonar.
Spurði hann ráðherra hvort honum
hefði verið ljóst þegar hann heimil-
aði vatnstöku í landi Staðar að
samningsviðræður íslandslax og
Hitaveitu Suðurnesja hefðu verið á
lokarstigi. Hvort samráð hefði ver-
ið haft við bæjarstjórn Grindavík-
ur eða aðra aðila og hvort samráð
hefði verið haft við iðnaðarráð-
herra?
Ólafur G. Einarsson, formaður
þingflokks Sjálfstæðisflokksins,
sagði að Hitaveita Suðurnesja hefði
ekkert fengið að vita um þessa
samninga fyrr en gengið hefði verið
frá þeim. Sagði hann landbúnaðar-
ráðherra hafa fært SÍS samninginn
ekki á silfurfati heldur á gullfati.
í samningunum er gert ráð fyrir
því að SÍS fái 550 hektara lands,
sem Jón Helgason, kallaði reyndar
spildu úr landi Staðar. Einnig fékk
SÍS vatnsréttindi upp á 20 sekúndu-
lítra af heitu vatni, 350 sekúndulítra
af fersku vatni og 25 þúsund
sekúndulítra að 15° heitum sjó.
Leigutíminn er 50 ár og allt á spott-
prís.
Ráðherrarnir Sverrir Hermanns-
son og Matthías Mathiesen sögðust
ekkert hafa vitað um samning Jóns
Helgasonar og sögðust því enga
Framh. á bls. 2
Stórfundur FUJ í kvöld:
„Ætlum okkur
stóra hluti“
— segir Sigurður Guðmundsson,
form. FUJ í Reykjavík
„Félag ungra jafnaðarmanna í
Reykjavík ætlar sér stóra hluti í
framtíðinni samhliða ört vaxandi
gengi Alþýðuflokksins. Við höfum
orðið vör við vaxandi áhuga fyrir
félaginu og öflugra starfi þess. Það
má segja, að fundurinn sem við
stöndum fyrir á Hótel Borg í kvöld
með Jóni Baldvin og Jóhönnu sé
skref i þessa átt og um leið hluti af
okkar framlagi á ári æskunnar og
mun fleira fylgja í kjölfarið,“ sagði
Sigurður Guðmundsson, formaður
Félags ungra jafnaðarmanna í
Reykjavík í samtali við Alþýðu-
blaðið.
FUJ í Reykjavík efnir í kvöld til
opins fundar um málefni ungs fólks
og er fundurinn haldinn í Hótel
Borg. Hefst fundurinn kl. 20.30 á
því að formaður og varaformaður
Alþýðuflokksins, Jón Baldvin
Hannibalsson og Jóhanna Sigurð-
ardóttir halda framsöguræður. Síð-
an taka við fyrirspurnir og almenn-
ar umræður, en fundarstjóri er
Sigurður Guðmundsson og vildi
hann nota þetta tækifæri til að
hvetja unga sem aldna til að mæta
á fundinn í kvöld, jafnaðarmenn
sem aðra.
„Fundurinn mun fyrst og fremst
snúast um málefni unga fólksins,
sérstaklega um húsnæðismálin,
sem er hvað brýnasta hagsmunamál
þess í dag. Unga fólkið ster.dur nú
frammi fyrir neyðarástandi á því
sviði, þar sem við blasir greiðslu-
Framh. á bls. 2
Guðmundur Einarsson, Hjálparstofnun kirkjunnar:
Nemendur
láta ekki
deigan síga
Ferill hins íslenska mennta-
málaráðherra, Ragnhildar Helga-
dóttur, verður skrautlegri með
hverjum deginum sem líður. Ekki
er forsætisráöherra fyrr búinn að
bjarga kennaradeilunni fyrir
horn, en menntamálaráðherra er
aftur lentur í bálviðri almennings-
álitsins, vegna skoðana sinna og
stífni.
Nú neitar Ragnhildur að veita
framhaldsskólanemum frí í einn
dag svo þeir geti staðið fyrir söfn-
un til stuðnings við réttindabar-
áttu svartra í Suður-Afríku. Söfn-
un þessi er samnorrænt verkefni
framhaldsskólanemenda á öllum
Norðurlöndunum og hefur for-
sætisráðherra skrifað undir bréf,
ásamt forsætisráðherrum allra
Norðurlandanna, þar sem skorað
er á almenning að styðja þetta
framtak framhaldsskólanem-
enda.
Ragnhildur telst hinsvegar vart
til almennings og þarf því ekki að
styðja framtakið.
Við höfðum samband við Guð-
mund Einarsson, framkvæmda-
stjóra Hjálparstofnunar kirkj-
unnar, en Hjálparstofnunin er
samstarfsaðili framhaldsskóla-
nemenda að þessu verkefni.
Guðmundur sagði að ákveðið
Götumynd frd S-Afrtku
hefði verið að þessi söfnun færi
fram 21. mars og var hugmyndin
sú að framhaldsskólanemendur
færu þennan dag út á vinnumark-
aðinn og biðu atvinnurekendum
vinnu sína í einn dag. Launin áttu
svo að renna í söfnunina. Þar sem
nemendur vildu ekki gera slíkt í
leyfisleysi sóttu þeir um slíkt leyfi
til menntamálaráðherra. Ekkert
svar fékkst hjá menntamálaráð-
herra þó stíft væri eftir því leitað.
Var þá ákveðið að fresta söfnun-
inni þangað til í dag, 28. mars. 25.
mars svaraði svo menntamála-
ráðuneytið Ioksins og var svarið
neitandi. Nemendur fengju ekki
leyfi úr skólum til að taka þátt í
söfnuninni.
í sjónvarpinu á þriðjudags-
kvöldið segir svo menntamálaráð-
herra að nemendur hefðu átt að
gera þetta meðan kennaradeilan
stóð yfir. „Það var einmitt það
sem nemendur vildu en þá fengust
engin svör þó stíft væri eftir þeim
leitað. Þetta að gefa leyfi aftur í
tímann einsog menntamálaráð-
herra gerir nú verkar svipað á
okkur og að menntamálaráðherra
ætlaði sér að leysa vanda þeirra
nemenda sem misstu úr kennslu
vegna uppsagna kennara, með því
að lofa þeim kennslu fyrir hálfum
mánuðiý
En hver verða viðbrögð nem-
endanna, ekki munu þeir leggja
upp laupana þrátt fyrri andstöðu
menntamálaráðherra?
„Nei, nemendur munu ekki láta
deigan síga. Þeir funda nú um
hvernig best sé að leysa verkefnið
og ég efast ekki um að þeir muni
finna góða leið til að Ieysa það af
hendi með sóma“
Munu þeir þá hundsa viðbrögð
menntamálaráðherra og fara út á
vinnumarkaðinn og bjóða fram
vinnu sína?
„Ég býst ekki við því, tel það
mjög ólíklegt vegna þess að ekki
verður hvatt til þess að nemendur
skrópi í tímum!1
Framh. á bls. 3
Ragnhildur stöðvar söfnun framhalds-
skólanemenda til stuðnings réttinda-
baráttu svartra í Suður-Afríku