Alþýðublaðið - 21.02.1986, Blaðsíða 1
alþýöu-
Föstudagur 21. febrúar 1986 37. tbl. 67. árg.
Blönduvirkjun enn frestað
Stjórn Landsvirkjunar ákvað á
fundi sínum i gær að fresta
Blönduvirkjun um tvö ár til við-
bótar. Eftir þessa nýju ákvörðun
er við það miðað að Blönduvirkj-
un verði ekki tekin i notkun fyrr
en árið 1991 og þá aðeins fyrsta
vél virkjunarinnar. Þessi ákvörð-
un er tekin i framhaldi af því að í
Ijós hefur komið að á næstu árum
verður ekki nærri eins mikil aukn-
ing í þörf landsmanna fyrir raf-
orku og orkuspár höfðu gert ráð
fyrir þegar virkjunin var ákveðin
á sínum tíma.
Ákvörðunin hefur m.a. í för
með sér að ekki verður unnið við
aðrar framkvæmdir á þessu ári en
jarðgöng og stöðvarhús neðan-
jarðar.
í frétt frá Landsvirkjun segir
einnig að vegna þessa muni koma
til fækkunar starfsliðs í bygging-
ardeild fyrirtækisins.
DV tekur lög ekki „alvarlega“
Jafnréttislögin eru þverbrotin,
þegar auglýst er eftir fólki til starfa,
einkum þó i DV. Þetta kemur fram
í niðurstöðum könnunar sem fram-
kvæmd var á vegum Jafnréttisráðs í
nóvember sl. Samkvæmt niðurstöð-
um könnunarinnar, sem að vísu
nær aðeins til tveggja þriðju hluta
þeirra dagblaða sem út eru gefin
hérlendis, eru jafnréttislögin brotin
í nærri fimmtu hverri atvinnuaug-
lýsingu.
1 jafnréttislögunum er tekið fram
að óheimilt sé að auglýsa eða birta
auglýsingu, þar sem gefið sé til
kynna að fremur sé óskað eftir
starfsmanni af öðru kyninu en
hinu.
Af þeim dagblöðum sem könn-
unin náði til, var það Þjóðviljinn
einn, sem ekki birti slíkar auglýs-
ingar. í NT var einungis að finna
tvær kyngreindar auglýsingar, en
hægri blöðin, Morgunblaðið og
DV, voru nánast morandi í kyn-
greindum auglýsingum.
Þannig reyndist meira en fjórða
hver atvinnuauglýsing sem birtist í
DV brjóta í bága við jafnréttislögin.
Af alls 449 auglýsingum, sem DV
birti í nóvember, var tekið fram í 119
að óskað væri eftir starfskrafti af
ákveðnu kyni. Morgunblaðið kom
skár út úr þessari könnun. Jafnrétt-
islögin voru þar brotin í því sem
næst nákvæmlega tíunda hverju til-
viki.
Það vekur athygli að þegar at-
vinnuauglýsingar eru skoðaðar sem
hlutfall af heildarefni blaða, lendir
Þjóðviljinn í öðru sæti sem auglýs-
ingamiðill. Rétt er þó að taka skýrt
fram að inn í niðurstöður könnun-
arinnar vantar bæði Alþýðublaðið
og Dag, þannig að rétt er að taka
öllum niðurstöðum könnunarinnar
með vissum fyrirvara.
Alls birtust rúmlega eitt þúsund
atvinnuauglýsingar í þessum fjór-
um blöðum í nóvembermánuði á
síðasta ári og var í 166 tilvikum ósk-
að eftir konum til starfa, en í þrem
tilfellum vantaði karlmenn. Karl-
mannaauglýsingarnar var allar að
finna í DV, sem kemur langverst út
úr þessari könnun.
Ingólfur Sveinsson, auglýsinga-
stjóri DV, sagði í samtali við Al-
þýðublaðið í gær að fyrst eftir að
jafnréttislögin komu til hefði verið
reynt að framfylgja þessu ákvæði,
en síðan hefðu menn linast í því.
„Við teljum þetta líka vera brot á
lögum um prentfrelsi“, sagði
Ingólfur. „Við viðurkennum ekki
að viðskiptavinurinn hafi ekki rétt
til að orða auglýsinguna að eigin
vild, svo fremi að það brjóti ekki í
bága við almennt velsæmi. Þetta
ákvæði er heldur ekki í samræmi
við siðareglur um auglýsingar, þar
sem talað er um heiðarleika, vel-
sæmi og sannleikaí*
Ingólfur sagði einnig að orðið
„starfskraftur“ væri leiðinlegt í
auglýsingum, og það væri á allra
vitorði að með því væri átt við kon-
ur. Auk þess nefndi Ingólfur að ým-
is störf væru þess eðlis að ekki væri
sama af hvoru kyni viðkomandi
starfsmaður yrði. „Karlmaður get-
ur t.d. aldrei orðið baðvörður við
kvennasundlaug", sagði hann.
Ingólfur sagði ennfremur að af
þessum ástæðum væri þetta ákvæði
ekki tekið allt of alvarlega á auglýs-
ingadeild DV. „Við munum halda
þessu áfram“, sagði hann að lokum.
— Auglýsingastjóri DV hyggst „halda áfram“
að brjóta jafnréttislögin, að því er varðar at-
vinnuauglýsingar. Fjórða hver atvinnuauglýs-
ing ÍDV brýtur í bága við lög, samkvœmt könn-
un Jafnréttisráðs
í tilefni 100 ára afmælis Landsbankans
á þessu ári hefur stjórn bankans ákveðið að gera
sparifjáreigendum freistandi afmælistilboð:
100 ára afmælisreikningurinn er verðtiyggður innlánsreikningur
sem gefur 7,25% ársvexti umfram vísitölu
og er aðeins bundinn í 15 mánuði.
Þetta er tilboð sem allir peningamenn
getamæltmeð.
Jif Landsbanki
íslands
Banki allra landsmanna