Alþýðublaðið - 14.11.1986, Blaðsíða 1

Alþýðublaðið - 14.11.1986, Blaðsíða 1
Sigfús Jónsson, bœjarstjóri á Akureyri: alþvðu- Jij Viðræður hafnar I * J hl1J [1 MfíM forsætisráðherra Föstudagur 14. nóvember 1986 >hi «7 ám ▼ A ^ ^ ^ 220 tbl. 67. árg. Éndurreisn um Hitaveituna r Utvegsbanka hafnað Bankastjórn Seðlabankans hefur lagt til, að vandi Útvegsbanka ís- lands verði leystur með samruna Útvegsbanka, Iðnaðarbanka og Verslunarbanka í hlutafélagsbanka, er stofnaður yrði samkvæmt ákvæðum viðskiptabankalaga, með væntanlegri aðild sparisjóða, fyrirtækja og einstaklinga. Þetta kemur fram í greinargerð stjórnar- innar til viðskiptaráðherra, en ráð- herra hafði falið Seðlabankanum að gera tillögur um endurskipu- lagningu bankakerfisins og lausn á fjárhagsvanda Útvegsbankans. Seðlabankanum var falið að taka afstöðu til fjögurra aðalhugmynda sem komið hafa fram að undan- förnu. 1. Samruni Útvegsbanka, Iðnaðar- banka og Verslunarbanka í hlutafélagsbanka, er stofnaður yrði. samkvæmt ákvæðum við- skiptabankalaga nr. 86/1985, með væntanlegri aðild spari- sjóða, fyrirtækja og einstakl- inga. 2. Sameining Búnaðarbanka og Útvegsbanka. 3. Skipting og samruni Útvegs- banka við Landsbanka og Bún- aðarbanka. 4. Endurreisn Útvegsbankans. Tillaga Seðlabankans lítur að fyrstu hugmyndinni. í greinargerð bankastjórnarinnar til ráðherra segir m.a., „Nýjustu upplýsingar benda til að eigið fé Útvegsbankans sé nánast upp urið vegna undan- genginna og líklegra útlánatapa og taprekstrar á þessu ári. Ljóst er því að verulega mun vanta á að eigið fé bankanna þriggja nægi sem stofn- hlutafé hins nýja banka enda þarf stofnhlutafé að vera það mikið að bankinn hafi eðlileg starfsskilyrði við hlið Landsbanka og Búnaðar- banka og hann njóti fyllsta trausts innanlands og utan“. í greinargerðinni er bent á þann möguleika, svo tillagan nái fram að ganga, að Seðlabankinn fái tíma- bundna heimild til að verða eignar- aðili að hinum nýja banka fyrir hönd ríkissjóðs á þann hátt að hluta af skuldum Útvegsbankans við Seðlabankann verði breytt í hlutafé. Hlutabréfin verði síðan seld til annarra sem fyrst og bent er á að þegar hafi komið fram áhugi á hlutabréfakaupum hjá forystu- mönnum sparisjóða og aðilum í sjávarútvegi. Seðlabankinn telur að samrun- inn muni leiða til meiri hagkvæmni í bankakerfinu og leiða til frekari samruna, eða samvinnu í banka- kerfinu. Bankastjórarnir telja að ef þess- ari leið verði hafnað, sé ekki um annað að ræða en leysa vandamál Útvegsbankans annað hvort með sameiningu við Búnaðarbankann eða með skiptingu og samruna hans við Landsbankann og Búnaðar- bankann. Endurreisn Útvegsbank- ans er hins vegar alfarið hafnað. „Það er rétt að það voru menn frá Hitaveitu Akureyrar að ræða við Steingrím Hermannsson, forsætis- ráðherra í fyrradag. Enn hefur ekk- ert komið út úr þeim viðræðum, þær eru rétt að fara í gang. Þetta var fyrsti fundurinn af mörgum sem ráðgerðir eru vegna málefna Hita- veitu Akureyrar. Þetta hitaveitumál er vissulega stærsta vandamálið sem glímt er við núna“, sagði Sigfús Jónsson, bæjarstjóri á Akureyri í samtali við Alþýðublaðið. Það vantar ekki að það er nóg að starfa í bænum. Það sem við höfum áhyggjur af er að Akureyri er lág- launasvæði og það er eins og vanti ákveðið frumkvæði hjá einstakl- ingum í bænum til að skapa ný at- vinnufyrirtæki. Það væri mun auð- veldara fyrir Akureyrarbæ að styðja við bakið á góðum hug- myndum frá einstaklingum, heldur en að bærinn færi að „búa til“ at- vinnu af sjálfsdáðun. Ef fólk kem- ur til okkar með ákveðnar hug- myndir sem okkur líst þannig á að geti verið gott vit í til frambúðar, þá viljum við vissulega skoða það hvort við getum stutt við slíkt á ein- hvern hátt. Það verður hins vegar alltaf matsatriði hverju sinni. í dag er ekki mikið að gerast hér í nýjum málum, — enginn uppgangur eins og það er kallað. Ég er ekki með töl- ur hjá mér til viðmiðunar, en stað- reyndin er að það eru lág laun hérna Sigfús Jónsson yfirleitt. Það þarf eitthvað að gera til að lyfta þessu. Það minnist enginn hér á stór- iðjuframkvæmdir lengur. Boltinn í þeim efnum er að ég held hjá ríkis- stjórninni. Það er í gangi stóriðju- nefnd og eins eru þau mál háð um- sögn náttúruverndarráðs að nokkru leyti. En við höfum ekki heyrt frá þeim aðilum nokkuð lengi. Mikið hefur verið talað um Ak- ureyri sem skólabæ. Það er gott og blessað, en Akureyri er mikill skóla- bær nú þegar og það er spurning hvort hægt er að bæta þar miklu við. Hitt er rétt að ef hér kemur Há- skóli eða skóladeildir á háskóla- stigi, þá yrði það vafalaust kær- komin viðbót og í kringum slíkan skóla mundi vafalaust myndast nokkur atvinna. Það er því mál sem áríðandi er að halda vakandi. Ég held að þessi mál séu öll í þann veginn að leysast, þótt það gangi ef til vill hægt. Hér er mjög dugandi fólk og það er gott að búa á Akureyri. Það er enginn æðu- bunugangur á okkur, en við höfum augun opin og fylgjumst vel með því hvar við getum gripið inn í og stutt við bakið á þeim verkefnum sem okkur líst vel á“, sagði Sigfús Jónsson, bæjarstjóri á Akureyri. Vegna viðtals sem birtist við Ólaf Ólafsson, landlækni, sem birt var i blaðinu í gær um trygg- ingamál skal tekið fram, að sumt í viðtalinu var ekki borið undir landlækni og veröur því að skrifast á ábyrgð blaða- manns. Magnús //. Magnússon: Breytingar á kosningalögum „Ég mun endurflytja mál á al- þingi um breytingar á kosningalög- um. Þar ég reikna með að kjósand- inn raði mönnum sjálfur um leið og hann kýs. Ég reikna með að listarn- ir verði t.d. bornir fram í stafrófs- röð og síðan raði kjósandinn, — ef hann vill og að því leyti sem hann vill, mönnum í sinni óskaröð á list- ann. Hann getur valið efsta mann eða efstu tvo eða þá allan listann eins og hann kemur fyrir. Það er auðvitað heildaratkvæðamagn sem ræður því hvað marga þingmenn listinn fær, en síðan eru það kjósendur sem ráða röðun manna innbyröis á listanum", sagði Magnús H. Magnússon sem nú sit- ur á Alþingi sem varamaður. Verði þetta ofaná, þá erum við laus við öll prófkjör og öll þau vandræði sem af þeim stafar, svo og umstang og kostnað, en aukum um leið verulega valfrelsi kjósandans. Ég reikna ekki með því að hægt verði „að fara á milli lista“. Það verður að passa sig á að gera þetta kerfi ekki of flókið. Að vísu er ég hrifinn af því kerfi sem þeir eru með á írlandi, en mér finnst að það sé ólíklegra að það nái samþykki. Þeir þingmenn sem ég hef talað við persónulega eru hrifnir af þessu, en hvað þeir þora svo að gera þegar þeir þurfa að fara að taka af- stöðu á þinginu, það veit ég ekki. Ég vil meina að oft hafi verið þörf á þessu, en nú sé þetta algjör nauðsyn. Við sjáum fyrir okkur slátrunina alls staðar í kringum landið, reyndar ekki í Alþýðu- flokknum, en í flestum hinum flokkunum. Við getum hvorki farið í gamla kerfið, þar sem örfáir menn ráða skipan listanna og heldur ekki búið við þetta eins og það er í dag og þarna færist valdið til fólksins, eins og alltaf er verið að rembast við að segja að eigi að gerast, sagði Magnús H. Magnússon. Fylgisaukning A Iþýðuflokksins: Alþýðuflokkurinn tekur fylgi af Sjálfstæðisflokknum „Þetta er i fyrsta sinn sem skoð- anakannanir gefa til kynna, að við jafnaðarmenn vinnum veru- lega fylgi á kostnað Sjálfstæðis- flokksins. A.m.k. í fyrsta sinn — síöastliðin tvö ár, þannig að veru- legt bragð sé að“, sagði Jón Bald- vin Hannibalsson formaður Al- þýðuflokksins í samtali við Al- þýðublaðið í gær aöspuröur, hvaða nýjar vísbendingar mætti lesa út úr skoðanakönnun Félags- vísindadeildar Háskólans, sem Morgunblaðið birti í gær. Sam- kvæmt niðurstöðum könnunar- innar, sem fram fór dagana 31. október til 7. nóvember s.l., er fylgi Alþýðuflokksins 24,1%, Sjálfstæðisflokksins 33,6%, Framsóknarflokksins 17,3%, Al- þýðubandalagsins 15,4%, Kvennalistans 8,9%, Bandalags jafnaðarmanna 0,5% og Flokks mannsins 0,3%. „Hitt er ekki nýtt að þessi skoð- anakönnun staðfestir mun ræki- legar, en tvær hinar síðustu á liðnu sumri og hausti, að Alþýðu- flokkurinn er nú næst stærsti flokkur þjóðarinnar", sagði Jón Baldvin. — En, hvers vegna tapar Sjálf- stæðisflokkurinn svona miklu fylgi? „Ja, hvers vegna tapar Sjálf- stæðisflokkurinn svona miklu fylgi og hvers vegna hangir Fram- sókn þrátt fyrir það svona uppi? Mínar tilgátur um það eru svo sem jafn góðar og slæmar og ann- arra“, sagði Jón Baldvin. „Hvað varðar fylgistap Sjálfstæðis- flokksins nefni ég í fyrsta lagi, það áfall sem Sjálfstæðisflokkur- inn í Reykjavík varð fyrir í próf- kjöri þeirra. Bæði í prófkjörinu sjálfu og í niðurstöðum þess. í tvo sólarhringa stoppaði ekki hjá mér síminn þegar reiðir og vonsviknir fyrrverandi stuðningsmenn Sjálf- stæðisflokksins tilkynntu mér, að þetta létu þeir ekki bjóða sér. Miðað við þann tíma sem þessi könnun er gerð gæti ég trúað að fregnir um það hvernig forystu- sveit Alþýðuflokksins í Reykjavík verður trúlega skipuð hafi haft mjög jákvæð áhrif. Það er mjög margur maðurinn sem ber saman í huganum lista okkar jafnaðar- manna með Jón Sigurðsson í fyrsta sæti og lista sjálfstæðis- manna með Albert Guðmunds- son í fyrsta sæti. — Sá saman- burður segir meira en mörg orð. í þriðja lagi hefur upplausn, bræðravíg og trakíkómedíur á hinum pólitíska vígvelli ofboðið mörgum. Aftökur, launsátur og morð hafa verið fréttir dagsins. — í öllu þessu umróti, þessum ill- deilum og upplausn, þá er eins og Alþýðuflokkurinn nú sé eina stjórnmálaaflið sem heldur rót- um. Það kom t.d. fram á flokks- stjórnarfundi okkar um daginn að það er meiri einhugur og sam- heldni innan Alþýðuflokksins en elstu menn muna. Þetta er ekki falskur ytri agi, heldur ósköp ein- faldlega ósvikinn einhugur um málefni og menn að mestu leyti. Ég held að þetta sé Alþýðu- flokknum nú jafn mikill styrkur eins og upplausnin mun að lokum veikja andstæðinga hans“, sagði Jón Baldvin Hannibalsson for- maður Alþýðuflokksins.

x

Alþýðublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Alþýðublaðið
https://timarit.is/publication/2

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.