Tķmarit.is
Leita | Titlar | Greinar | Um vefinn | Algengar spurningar |
skrį inn | Íslenska | Føroyskt | Kalaallisut | Dansk | English |

Alžżšublašiš

og  
S M Þ M F F L
. . 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 . . .
PDF  | HQ_PDF  | JPG  | TXT  |
Skoša ķ nżjum glugga:
PDF  | HQ_PDF  | JPG  | TXT  |



Ašlaga hęš


Vafrinn žinn styšur ekki PDF skjöl
Smelltu hér til aš skoša blašsķšuna sem JPG
Alžżšublašiš

						UHIIMIB
Föstudagur 18. september 1987
STOFNAÐ
1919
HERFERÐ GEGN
SKATTSVIKUM
á grundvelli breyttra laga. —  Fjármálaráðherra er að
undirbúa   lagafrumvörp   til   að   framkvæma   tillögur
skattsvikanefndarinnar
Jaf nhtiða vinnu við fjárlagagerð-
ina hafa starfshópar innan fjármál-
aráðuneytisins fjallað um endur-
skoðun á tekjuöflunarkerfi ríkis-
ins. Meðal verkefna þessarra vinnu-
hópa er að fjalla um framkvæmd á
tillögum svokallaðrar skattsvika-
nefndar sem kannaði umfang
skattsvika, í samræmi við þings-
ályktunartillögu Alþýðuflokksins
frá árinu 1985. í fjármálaráðuneyt-
inu er m.a. verið að undirbúa laga-
frumvarp um breytt skipulag
skattaeftirlits, svo og breytingar á
öðrum lagaákvæðum sem miði að
upprætingu skattundandráttar.
Vinnuhóparnir í fjármálaráðu-
neytinu hafa hver sin skattsvik,
söluskatt og virðisaukaskatt, skatt-
lagningu fyrirtækja og skattlagn-
ingu fjármagns- og eignartekna.
Þessir hópar hafa fengið sína verk-
lýsingu og að sögn Jóns Baldvins
fjármálaráðherra er þegar hafinn
undirbúningur lagabreytinga á
þessu sviði.
í vikunni var haldinn fundur með
oddamönnum vinnuhópanna og
fulltrúum ríkisskattstjóra og skatt-
rannsóknarstjóra. Á fundinum var
rætt um ýmsar breytingar á reglum
um skattlagningu fyrirtækja og
breytingar á söluskattskerfinu.
Ennfremur var rætt um hvernig
framkvæma megi tillögur skatt-
svikanefndarinnar.
Að sögn fjármálaráðherra bar
mönnum saman um að meginatriði
varðandi bætt skattskil og uppræt-
ingu skattundandráttar væri ein-
földun skattakerfisins í samræmi
við tillögur nefndarinnar. Þegar
hafa verið stigin skref í þá átt, með
staðgreiðslukerfi tekjuskatts og
einföldun söluskattskerfisins, sem
miði í átt til virðisaukaskatts.
Þriðja stigið væri að samræma toll-
taxta og með því að einfalda lög og
reglur um tekjuskatt fyrirtækja,
með því að fækka frádráttarliðum
en lækka jaðarprósentuna á móti.
Ennfremur var rætt um skipulag
skatteftirlits. Fjármálaráðherra
mun undirbúa lagafrumvarp um
breytt fyrirkomulag, sem er í því
fólgið að eftirlit með framtölum at-
vinnufyrirtækja verði í vaxandi
mæli rannsökuð með samræmdum
hætti á einum stað, sennilega á vett-
vangi ríkisskattstjóra. Þetta fæli í
sér nokkra breytingu á hlutverki
skattstofa víða um land.
í fjármálaráðuneytinu er og fjall-
að um bókhaldslögin og viðurlaga-
ákvæði bæði hvað varðar sektar-
ákvæði skattalaganna og refsi-
ákvæði hegningarlaga. Auk þess er
rætt um hert ákvæði í bókhaldslög-
um, þ.e. auknar kröfur um skyldur
fyrirtækja til þess að fullnægja
skilyrðum bókhaldslaga um reikn-
isskil og bókhald.
Lokavinna við gerð fjárlagafrumvarps:
Vandamálin viðráðanleg
— segir Jón Baldvin Hannibalsson fjármálaráðherra.
— Smiðshöggið rekið á fjárlagafrumvarpið um helgina.
„Dæmið eins og það blasir við nú
við lokagerð fjárlagafrumvarpsins,
er ekki stærra en svo, að það er við-
ráðánlegt með frekari útgjalda-
lækkun og tekjuöflun á þeirri
stærðargráðu sem stjórnarflokk-
arnir geta sæst á. — Dæmið er inn-
an marka þess viðráðanlega," sagði
Jón Baldvin Hannibalsson fjár-
málaráðherra í samtali við Alþýðu-
blaðið í gær. Fjármálaráðherra tel-
ur ekki að óeining innan ríkis-
stjórnarinnar um leiðir að settum
markmiðum komi til með að spilla
fyrir við lokavinnu við fjárlaga-
gerðina. „Það er vissulega tog-
streita, fyrst og fremst milli ein-
stakra ráðuneyta um þessar leiðir,
en í því kerfi sem við búum við er
slík togstreita óumflýjanleg og ár-
viss atburður. Það hriktir auðvitað
í, en ég er bærilega bjartsýnn,"
sagði Jón Baldvin.
Um helgina verður rekið smiðs-
höggið á fjárlagafrumvarpið. Rík-
isstjórnin ræðir lokatillögur um
fjárlagafrumvarp í dag og lánsfjár-
lög á morgun. Undanfarið hefur
verið rætt um hvernig ná megi jafn-
vægi milli frekari lækkunar út-
gjalda og tekjuöflunar til þess að ná
settum markmiðum í efnahagsmál-
um með fjárlögum, þ.e.a.s. að
minnka hallann niður undir hálft
prósent af landsframleiðslu eða
stilla hann af á bilinu 1—1,3 mill-
jarður króna.
Fjármálaráðherra sagði að í nú-
verandi efnahagsástandi, við skil-
yrði mikilla uppgripa, þenslu og
verðbólguhættu, eigi einfaldlega að
reka ríkissjóð á sléttu og helst með
afgangi. „Ríkisbúskapurinn er öfl-
ugasta tækið til þess að draga úr
þenslu og það er óðs manns æði ef
ríkissjóður treystir sér ekki við slík
skilyrði að afla tekna fyrir sínum
útgjöldum, þótt það kosti niður-
skurð útgjalda. — Ef hann er rek-
inn með verulegum halla í slíku
góðæri, hvað væri þá að segja ef
sigi á ógæfuhlið í ytri kringum-
stæðum." Fjármálaráðherra sagði
að þetta væri sérstaklega brýnt
vegna þess að menn hafi reynslu af
vanburðugri peningastjórn í land-
inu, þar sem stjórnun fjármagns
markaða er ófullkomín seinvirk og
hafi hingað til skilað litlum árangri.
„Þannig er t.d. ljóst að lánsfjárlög
á yfirstandandi ári, sérstaklega þau
sem kveða á um innstreymi erlends
fjármagns, hafa gersamlega farið
úr böndunum."
Sem fyrr segir telur fjármálaráð-
herra að vandinn sem við blasir við
lokagerð fjárlaga sé ekki stærri en
svo, að markmið. eigi að nást." Ef
halli ríkissjóðs næst undir 1 mill-
jarð þá þýðir það um leið að lán-
tökuþörf opinberra aðila verður
minni á næsta ári en ella, sem er
nauðsynlegt til þess að hægt verði
að hemja verðbólgu," sagði Jón
Baldvin Hannibalsson fjármála-
ráðherra.
178. tbl. 68. árg.
Nú er verið að leggja siðustu hönd á undirbúning sjávarútvegssýningarinn-
ar ( Laugardalshöll og nágrenni.                                       a-mynd: Róbert.
Uppnám á plast-
peningamarkaði
Nú virðist í uppsiglingu hörku-
slagur milli krítarkortafyrirtækj-
anna tveggja á íslenska plastpen-
ingamarkaðnum. Lengst af hefur
verið grunnt á því góða milli Visa-
ísland og Kreditkorta hf., en nú
stefnir jafnvel í opinber málaferli.
Þegar er komin upp opinber mis-
klíð vegna heitisins „gullkort"
sem Visa-menn telja sig hafa
einkarétt til að nota, en auk þess
gæti orðið rekistefna vegna aug-
lýsingar frá Visa fyrirtækinu, þar
sem nokkuð var farið út fyrir
siðareglurnar að áliti forráða-
manna hjá Kreditkortum.
Hér er um að ræða heilsíðuaug-
lýsingu sem m.a. birtist í dagblöð-
um nýlega, en þar var Visa-ísland
borið saman við annað ónefnt
kortafyrirtæki, sem ritað var með
fjórum stjörnum í auglýsingunni.
Kortafyrirtækin á íslandi eru að-
eins tvö, þannig að ekki fer milli
mála hvaða fyrirtæki það er sem
stjörnurnar standa fyrir. Slíkur
beinn samanburður í auglýsing-
um mun ekki vera í fyllsta sam-
ræmi við lög og reglur um auglýs-
ingar. Samkvæmt heimildum Al-
þýðublaðsins munu forráðamenn
Kreditkorta hf. vera að velta fyrir
sér hugsanlegum viðbrögðum.
Að því er gullkortunum viðvík-
ur, varð Visa-Island á undan að
setja þessi kort á markað og mun
fyrirtækið hafa skrásett heitið
sem vörumerki. Nú hafa Kredit-
kort einnig byrjað að útbýta slik-
um kortum undir sama nafni og
Visa-ísland krefst þess að þau
verði öll innkölluð.
					
Fela smįmyndir
Blašsķša 1
Blašsķša 1
Blašsķša 2
Blašsķša 2
Blašsķša 3
Blašsķša 3
Blašsķša 4
Blašsķša 4