Alþýðublaðið - 28.10.1987, Blaðsíða 1
Stefnuræða forsœtisráðherra:
„VARNAR- OG ÖRYGGISMÁL EKKI
GERD AÐ VERSLUNARVÖRU"
„Kröfur um endurskoðun á varnarsamningnum er orðinn að víðtekinni venju ef
upp kemur ágreiningur við Bandaríkjamenn, “ segir Þorsteinn Pálsson
„Við munum að sjálfsögðu
gæta hagsmuna okkar og
sæmdar í öllum samskiptum
við Bandarikjamenn og
hvergi hvika þegar sjálfs-
ákvörðunarrétturinn er i húfi.
En varnar- og öryggismál
verða ekki gerð að verslunar-
vöru,“ sagöi Þorsteinn Páls-
son forsærisráðherra m.a. i
stefnuræðu rikisstjórnarinnar
sem hann flutti á Alþingi í
gærkvöldi.
Þorsteinn sagði að nokkrir
hnökrar hefðu verið í sam-
skiptum íslendingaog
Bandaríkjamanna á undan-
förnum árum, deilt um sigl-
ingar milli ríkjanna og rétt ís-
lendinga til að stunda hval-
veiðar í vísindaskyni. „í báð-
um tilvikum risu upp raddir
er kröfðust endurskoðunar á
varnarsamningi rfkjanna
gagnvart okkur Islendingum.
Það er raunar ekki einsdæmi
fyrir þessar deilur að slíkar
kröfur komi fram heldur virð-
ist vera orðin viðtekin venja í
hvert sinn sem upp kemur
ágreiningur við Bandaríkja-
menn,“ sagði forsætisráð-
herra í ræðu sinni.
Forsætisráðherra sagði
síðan í beinu framhaldi:
„Um slíkar deilur vil ég al-
mennt segja eftirfarandi:
Varnarsamstarf íslendinga og
Bandaríkjamanna hefur nú
staðið hátt á fjórða tug ára
og tekist vel i aðalatriðum.
Þetta samstarf er til komið
með samningi beggja ríkj-
anna og lýtur aðeins að þess-
um eina þætti: nauðsynleg-
um landvörnum á viðsjárverð-
um tfmum. Samningurinn var
af okkar hálfu gerður vegna
íslenkra hagsmuna og hann
hefur ávallt notið stuðnings
mikils meirihluta þjóðarinnar.
•
Þessi samningur hefur á
hinn bóginn afmarkað efni,
og þess vegna er ekki aðeins
óhyggilegt heldur getur það
orðið þjóðhættulegt að rugla
þar saman við alls óskyldum
málum og hagsmunum."
GCÐAR
VÖRUR
FRÁ
ÍSLANDI
Margir Vestur-Þjóðverjar
virðast telja íslenskar vörur
annaðhvort góðar eða mjög
góðar. Þessi afstaða þeirra,
ef rétt er mæld, mótast þó
ekki af reynslu fólks af ís-
lenskum vörum. Flestir
Vestur-Þjóðverjar tengja nafn
íslands við náttúru landsins
en tæpur fimmtungur nefnir
fisk eða fiskveiðar. Aðeins
örfáir minnast þess að
Reagan og Gorbasjoff hittust
hér í fyrra.
Þettaeru m.a. niðurstöður
úr könnun sem Útflutnings-
ráð íslands hefur látið gera á
viðhorfum fólks í Vestur-
Þýskalandi gagnvart íslensk-
um framleiðsluvörum o.fl.
Niðurstöðurnar voru kynntar
á fundi Útflutningsráðs í gær.
Samkvæmt niðurstöðum
könnunarinnar telur tæpur
helmingur vestur-þýskra neyt-
enda að íslenskar fram-
leiðsluvörur, einkum fiskaf-
urðir, séu góðar vörur. Um
þriðjungur er áhugasamur
um Island en sá áhugi virðist
einkum grundvallast á nátt-
úru landsins. Niðurstöðurnar
eru taldar gefa til kynna að
ímynd íslands sé í hugum
Vestur-Þjóðverja einkum
bundin landslaginu og heil-
næmu umhverfi.
Þegar þátttakendur í könn-
uninni voru beðnirað nefna
eitthvað í sambandi við ís-
land, nefndi rúmur helmingur
nátturu landsins, tæpur
helmingur nefndi kalt veður-
far. Fjórðungur nefndi stað-
setningu á noröurhveli.
Niðurstöður úr viðhorfskönnun meðal Þjóðverja voru kynntar á ráðstefnu Útflutningsráðs íslands i gær. Hér sjáum við nokkra þjóðkunna menn
við upphaf fundarins. A-mynd: Róbert.
ALEXANDER FOR
MED RANGT MÁL
14 lífeyrissjóðir hafa undirritað samninga við Húsnœðisstofnun
Samkvæmt upplýsingum
frá Húsnæðisstofnun ríkisins
eru 14 lifeyrissjóðir þegar
búnir að gera samninga við
Húsnæðisstofnun í samræmi
við rammasamning stofnun-
arinnar og lifeyrissjóða-
sambandanna, sem undirrit-
aður var á dögunum.
Alexander Stefánsson fyrrum
félagsmálaráðherra virðist
því hafa farið með rangt mál,
þegar hann hélt því fram á
Alþingi á mánudag og siðar
um kvöldið i fréttatima sjón-
varps, að samningar hafi „að-
eins verið undirritaðir við 3
eða 4 lífeyrissjóði.“
„Það er ekki aðalmálið
hvort það eru 4 eða 14 sjóðir
búnir að semja. Það sem ég
ber fyrst og fremst fyrir
brjósti er að lífeyrissjóðirnir
fari í baklás og neiti samn-
ingum, vegna þess að breyt-
ing er gerð án samráðs við
þá,“ sagði Alexander Stef-
ánsson í samtali við Alþýðu-
blaðið.
Samkvæmt upplýsingum
sem Alþýðublaðið aflaði sér
hjá Húsnæðisstofnun í gær
er sem fyrr segir 14 lífeyris-
sjóðir þegar búnir að undir-
rita samninga við stofnuna.
Alþýðublaðið spurði Alexand-
er hvers vegna hann heföi
haldið öðru fram, fyrir framan
alþjóð: „Þetta voru vikugaml-
ar upplýsingar sem ég hafði,
enda er ekki aðalatriði hvort
sjóðirnir eru 4 eða 14.“
Miðað við reynslu frá fyrri
samningum tekur nokkrar
vikur að ná saman samning-
um við hvern og einn sjóð,
eftir að tekist hefur sam-
komulag á milli sjóðasam-
bandannaog Húsnæðis-
stofnunar. Aö sögn Sigurðar
E, Guðmundssonar forstjóra
Húsnæðisstofnunar er gang-
urinn nú svipaður og eftir
samningana 1986.
Átján
árekstrar
Hálkan á götum borgar-
innar í gærmorgun hefur
eflaust komið mörgum í
opna skjöldu. Fæstir
komnir á vetrardekk og
gatnamálastjóri ekki byrj-
aður að salta.
Á tímabilinu 7.30 til
14.30 varð eitt slys í um-
ferðinni og 18 árakstrar.
Árekstrarnir voru allir
minni háttar og engin slys
á fólki. Ung stúlka á reiö-
hjóli lenti fyrir bíl en um
meiðsli hennar er ekki
vitað.