Alþýðublaðið - 20.07.1990, Blaðsíða 1
Aktu ekki út i óvissuna
aktu á
5UBARU
Ingvar
Helgason hf.
Sævarhoföa2 Simi 91-67 4C
107. TÖLUBLAÐ 71. ÁRGANGUR
FÖSTUDAGUR
20. JÚLÍ 1990
LISTAHÁTÍÐ NÆTURLÍFSSINS: í gærkvöldi hófst
svokölluð Listahátíð næturlífssins í skemmtistaðnum
Tunglinu með hljómleikum bresku hljómsveitarinnar The
Band of Holy Joy. Einnig kom fram íslenska hljómsveitin
Júpíters. Listahátíðin er fjölþjóðleg veisla í tilefni af endur-
komu breska næturklúbbsins The Brain Club til Islands.
Hún stendur yfir fram á laugardag. Af þeim sem koma
fram auk The Band of Holy Joy, má nefna myndlistar-
manninn Mark Wigan, hljómborðssnillinginn Mr. Monday,
house-dúettinn Orbital, hljómsveitina If og fleiri og fleiri.
Að sögn Jökuls Tómassonar, eins af aðstandendum lista-
hátíðarinnar, er hún haldin til að hrista duglega uppí ann-
ars illa stöðnuðu skemmtanalífi borgarinnar.
MOKAFLI: Geysivel fisk-
aðist í vikunni á Vestfjarða-
miðum og gengu sjómenn
frá allt að 100 tonnum í lest
á sólarhring þegar best lét
á þriðjudaginn. Að sögn
Ríkisútvarpssins fór þó all-
nokkuð að draga úr aflan-
um er líða tók á vikuna, en
margir togarar eru á leið til
lands með fullfermi.
FORNLEIFAGRÖFT-
UR HEIMILAÐUR:
Bandaríska fornleifafræð-
ingnum Tómasi McGovern
var í gær heimilað að grafa
eftir fornminjum hér á
landi með sérstakri reglu-
gerð gefinni út af Svavari
Gestssyni menntamálaráð-
herra. Leyfið er staðbundið
og hefur að mati ráðuneyt-
isins ekki fordæmisgildi.
ALVER A KEILISNESI: Karl Steinar Guðnason, þing-
maður Alþýðuflokksins á Reykjanesi, sagði í Ríkisútvarp-
inu, rás 2, í gær að á næstu dögum komi fram upplýsingar
sem staðfesti að hagkvæmast sé að staðsetja nýtt álver á
Keilisnesi.
LEIÐARINN í DAG
Sameinað Þýskaland í nýrri Evrópu er til um-
fjöllunar í leiðara Alþýðublaðsins í dag. Blaðið
er þeirrar skoðunar að menn eigi ekki að hræð-
ast endursameinað Þýskaland með grýlur for-
tíðar í huga, heldur samgleðjast Þjóðverjum
sem senn verða ein þjóð á ný. Jafnframt verð-
um við að vera á varðbergi gagnvart uppstokk-
un á herafla stórveldanna í kjölfar nýrrar skip-
anar mála í Evrópu.
Fornminjar
Nú fær Tómas fornleifafræð-
ingur að róta að vild með góð-
fúslegu leyfi menntamálaráð-
herra. En þýðir það að hingað
geti komið útlendingar í tonna-
tali og grafið upp gamlar vík-
ingabyggðir sem sínar eigin?
Moggans
blinda auga
„Af hverju skrifar Morgun-
blaðið ekki langa leiðara og
Reykjavíkurbréf um stórkost-
legan stöðugleika og árangur í
efnahagsstjórn?" spyr Guð-
mundur Einarsson
Arnarflug
Dagfinnur telur það fásinnu
að reka eigi fjármálaráðherra
fyrir taprekstur á Amarflugi.
Miklu nær væri að reka fram-
kvæmdastjóra Arnarflugs fyrir
■ halla á ríkissjóði, eins mikið og
það félag hefur verið í vösum
þess sjóðs.
_____________Póstur og sími:____
Greiðir niður póst
á Norðurlöndum
Póstur og sími niðurgreiöir póstþjónustuna á Norðurlöndum. Fyrir
hvert bréf sem borið er út í Danmörku greiða íslendingar 19,75 kr. Danir
greiða hins vegar íslendingum aðeins 12,60 kr. fyrir bréf sem berst frá
Danmörku. Samkvæmt útreikningum Alþýðublaðsins þyrftu póst-
burðargjöldin að hækka um 50% á Islandi til að jafnvægi næðist.
Sjá bls. 3.
Sameining þýsku ríkjanna:
Drög að
samkomulagi
(BONN, Reuter) Háttsettir
embættismenn frá þýsku
ríkjunum tveim og fjór-
veldunum komu saman í
gær til sameiginlegs
fundar þar sem drög verða
lögð að samningi um sam-
einingu þýsku ríkjanna.
Meðal annars er búist við
að á fundinum verði end-
anlegur samningur gerð-
ur um landamæri PóIIands
og Þýskaiands, frelsi sam-
einaðs Þýskalands til að
ganga í NATO og að bund-
inn verði endi á rétt fjór-
veldanna til ákvörðunar-
töku um málefni Þýska-
lands.
Utanríkisráðherrum ríkj-
anna sex tókst að jafna helstu
ágreiningsefni sín í þriðju
lotu tveir-plús-fjórir-viðræðn-
anna sem fram fóru síðasta
þriðjudag. Þar tókst meðal
annars að ryðja tveimur
helstu ágreiningsmálunum
úr vegi, annars vegar ágrein-
ingnum um landamæri Pól-
lands og hins vegar um hern-
aðarlega stöðu Þýskalands
framtíðarinnar. Utanrikisráð-
herra Póllands sem sat fund-
inn féilst á að taka gilda full-
yrðingu stjórnvalda í Bonn
um að sameinað Þýkaland
muni virða landamæri ríkj-
anna frá árinu 1945 og að
samningur þar að lútandi
verði undirritaður eftir sam-
einingu Þýskalands.
Vararannsóknarlögreglustjóri:
Ástæða til að bregðast
við atburðunum í Þórsmörk
„Við getum átt frum-
kvæði að rannsóknum á
nauðgunarmálum en ef
þolandinn vill ekki gefa
skýrslu um málin getum
við ekki þvingað hann til
þess,“ segir Þórir Odds-
son, vararannsóknarlög-
reglustjóri ríkisins, í sam-
tali við Alþýðublaðið.
Hann segir ástæðu til að
bregðast við því sem hefur
verið að gerast í Þórsmörk
undanfarnar helgar, þ.e. við
þeim nauðgunum sem áttu
sér stað þar — fjórar voru
framdar fyrstu helgina í júlí —
og við þeirri hrottalegu
nauðgun er framin var í Þórs-
mörk um síðustu helgi: ,,Hins
vegar er alltaf spurning hve
mikið maður á að skipta sér
af hlutum sem fólk vill ekki
láta skipta sér af,“ segir Þórir.
Hann segir það sína skoð-
un að blæbrigðamunur sé á
því hvort kona verði fyrir
nauðgun á almannafæri eða
hvort konu sé nauðgað innan
fjögurra veggja af einhverj-
um sem hún kannast við eða
þekkir.
Býr lögreglan í fílabeins-
turni?, sjá umfjöllun um
nauðgunarmál og viðtal við
Þóri Oddsson á bls.5.
Breytingar í sam-
einuðu Þvskalandi
□ Bonn
VESTUR - Tékkósl.
ÞYSKALAND
Frakkl.
©Fullveldi.
Frjálst val á
bandamönnum
Sovéskir her-
menn yfirgefa
A-Þýskaland
næstu 3-4 árin
• Þýskar herdeildir veröa
staðsettar í A - Þýskalandi en
engar frá NATO
• Herdeildir NATO verða staðsettar
í V-Beriín svo lengi sem sovéskar
herdeildir verða í A- Þýskalandi
• Þýskum hermönnum fækkað
um 375 þús. á næstu 3-4 árum
• Engin kjarnorku- eða
efnavopn reuter
AUSTUR
ÞÝSKALAND
RITSTJÓRN rc 681866 — 83320 • FAX 82019 • ÁSKRIFT OG AUGLÝSINGAR 0 681866