Alþýðublaðið - 01.09.1988, Blaðsíða 1
Nýtt vikublað
PRESSAN
, KEMUR
A MORGUN
PRESSAN, nýtt vikublað
sem framvegis kemur út á
föstudögum, hefur göngu
sína á morgun. PRESSAN er
gefin út af Blaði hf., sem
einnig er útgefandi Alþýðu-
blaðsins. Ritstjóri PRESS-
UNNAR verður Jónina Leós-
dóttir og skrifstofur og rit-
stjórn blaðsins til húsa í Ár-
múla38, Reykjavik. Með til-
komu PRESSUNNAR mun Al
þýðublaðið ekki koma út á
föstudögum en PRESSAN
þess i stað og fá áskrifendur
Alþýðublaðsins PRESSUNA i
áskrift á föstudögum án
aukagjalds. Auk þess er
hægt að gerast áskrifandi að
PRESSUNNI einni saman.
PRESSAN er sjálfstæð
vikuútgáfa og að sögn rit-
stjóra mun blaðið leggja
áherslu á fjölbreytt efni af
ýmsum toga, en Ijóst væri að
PRESSAN myndi að hluta til
höfða til þess lesendahóps
sem skilinn var eftir þegar
Helgarpósturinn lagði upp
laupana sl. júnímánuð, jafn-
framt því sem PRESSAN mun
leitast við að höfða til nýrra
lesenda á íslenskum blaða-
markaði.
Útgáfa Alþýðublaðsins
verður áfram óbreytt að und-
anskildu föstudagsblaði og
laugardagsblað Alþýðublaðs-
ins, sem veriö hefur 24 síður,
mun fyrst um sinn verða
gefið út í 8 síóum.
Samráðsnefnd ASÍ
Skipuð
formönnum
landssambanda
Ásmundur Stefánsson, for-
seti ASÍ, og Þorsteinn Páls-
son forsætisráðherra ákváðu
á fundi sínum i gær að við-
ræður myndu halda áfram
öðru hvoru megin við helg-
ina. Formenn landssam-
banda ASÍ og fulltrúar rikis-
stjórnarinnar verða á þeim
fundi.
Ásmundur Stefánsson
sagði í samtali við Alþýðu-
blaðið að fundur þeirra Þor-
steins hefði ekki haft þann
tilgang að komast að efnis-
legri mðurstöðu, heldur væri
hann ætlaður til að ákveða
hvernig yrði staðið að áfram-
haldandi viðræðum. Niður-
staða fundarins varð sú að
annar fundur yrði haldinn
öðru hvoru megin við helg-
ina, þar sem formenn lands-
sambanda Alþýðusambands
íslands og fulltrúar rlkis-
stjórnarinnar færu yfir málin,
og ríkisstjórnin myndi gera
frekari grein fyrir þvf f hvaða
áttir hún vildi ganga. For-
menn landssambandanna
verða I viöræðunefnd á vegum
ASÍ.
Landssamtök sauðfjárbœnda
TIL ATLOGU GEGN
SKRIFFINSKUNNI
Vilja leggja Búnaðarfélag íslands niður í núverandi mynd
Á aðalfundi Stéttarsam-
bands bænda, sem hófst á
Akureyri í gær, er til umfjöll-
unar skorinort tillaga Lands-
samtaka sauðfjárbænda um
að félagskerfi landbúnaðar-
ins verði stórlega einfaldað
og gert ódýrara i rekstri.
Sauðfjárbændur vilja draga
úr skriffinnskunni með þvi að
leggja Búnaðarfélag Islands
niður í núverandi mynd og
færa verkefni þess i auknum
mæli til búnaðarsamband-
anna í landinu.
Sauðfjárbændur telja óvit-
urlegt að bændur greiði fé-
lagsgjöld til þriggja eða jafn-
vel fjögurra félaga eins og
þekkist. Að þeirra mati ætti
gjaldheimtan að duga til að
reka eitt öflugt stéttarfélag.
Samkvæmt tillögunum
yrðu búgreinafélög starfandi
i hverri sýslu fyrir hverja bú-
grein og yrð.u þau aðilar að
búnaðarsamböndunum.
Aðild að slíkum sambönd-
um yrði skilyrði fyrir styrk-
veitingum eða lánum frá op-
inberum aðilum svo og nýt-
ingu fullvirðisréttar, sam-
kvæmt tillögum sauðfjár-
bænda. Sjá nánar á bls. 5.
Búist er við stefnumörkun á ríkisstjórnarfundi í dag
Enn er engin lausn i sjón-
máli innan rikisstjórnarinnar
um hvernig beri að stoppa
upp í fjárlagagatið upp á 31/2
milijarð sem blasir við á
næsta ári og hvernig frum-
varpið verði afgreitt með
5—700 milljóna króna tekju-
afgangi.
I gær sátu Jón Baldvin
Hannibalsson fjármálaráð-
herra og Matthías Á. Mathie-
sen samgönguráðherra á
fundi i ríkisfjármálanefnd og
ræddu á annað hundrað til-
lögur um niðurskurð. Skv.
heimildum Alþýöublaðsins
hafa ráðherrar Sjálfstæðis-
flokks og Framsóknar enn
ekki samþykkt neinar tillögur
fjármálaráðuneytisins og
munu viðræður ráðherranna
halda áfram næstu daga.
Til stóð til að ákveðin drög
að fjárlagafrumvarpinu lægju
fyrir á rfkisstjórnarfundi í
dag, en nú er Ijóst að af þvf
verður ekki. Þó er búist við
að stefnumörkun um hversu
langt verður gengið í niður-
skurði verði gerð á ríkis-
stjórnarfundinum og á þeim
grundvelli verði frekari við-
ræðum haldið áfram. Því
næst fái einstakir fagráö-
herrar tillögurnar í hendur til
að skila gagntillögum varð-
andi niðurskurð hjá stofnun-
um og i málaflokkum hvers
ráðuneytis.
Nú er vinna starfshóps um
endurskoðun á útgjöldum til
landbúnaðarmála á lokastigi,
en auk þess er brátt að
vænta tillagna frá starfshóp-
um fjármálaráðuneytis um
lækkun kostnaðar á stórum
útgjaldabálkum fjárlaganna,
einna helst innan heilbrigð-
is-, mennta- og dómsmála-
ráðuneytanna.
Ráöherrar i rikisfjármálanefnd hittust á stundarlöngum fundi í gær þar sem á annað hundrað niðurskurðartillögur við fjárlagagerð voru til umræðu.
Indriði G. Þorláksson, fjárlaga- og hagsýslustjóri, sat fundinn með ráðherrunum en reiknað er með að viðræður þeirra haldi áfram næstu daga
eða allt þar til samkomulag næst um hvar ráðist skal til atlögu. A-mynd/Magnús Reynir.
Niðurskurður ríkisútgjalda
ENGIN AFSTAÐA í RÍKISSTJÓRNINNI