Alþýðublaðið - 09.05.1996, Blaðsíða 1

Fimmtudagur 9. mai 1996
Stofnað 1919
68. tölublað - 77. árgangur
■ Miklar líkur á forsetaframboði Jóns Baldvins Hannibalssonar
Mun ekki draga fólk á svörum
- segir Jón Baldvin. „Hingað til hef ég ekki leitt
hugann að þessu í alvöru, en nú verður ekki
undan þvívikist."
„Það tjáir ekki að neita því, að fast
hefur verið að mér sótt um ákvörðun í
þessu máli. Hingað til hef ég ekki leitt
hugann að þessu í alvöru, en nú verð-
ur ekki undan því vikist. Það fólk sem
hefur lagt að mér verðskuldar svar.
Við Bryndís áskiljum okkur tíma til
að hugsa málið vandlega, en við mun-
um ekki draga fólk á svörum," sagði
Jón Baldvin Hannibalsson formaður
Alþýðuflokksins í samtali við Alþýðu-
blaðið í gær um möguleika á forseta-
framboði sínu.
Síðustu daga hefur nafn Jóns Bald-
vins verið nefnt æ oftar í sambandi við
framboð til embættis forseta íslands.
Samkvæmt heimildum blaðsins hafa
menn úr öllum áttum skorað á Jón
Baldvin að gefa kost á sér. Össur
Skarphéðinsson þingmaður Alþýðu-
flokksins hefur sagt að hann telji mikl-
ar líkur á framboði Jóns Baldvins, og
viðmælendur blaðsins í gær voru flest-
ir sömu skoðunar.
„Framboð Jóns Baldvins myndi
breyta öllum línum í kosningabarátt-
unni. Fyrir vikið yrði baráttan miklu
jafnari og meira spennandi. Svo mikið
er víst að Ólafur Ragnar verður ekki
sjálfkjörinn ef Jón Baldvin fer fram,“
sagði einn af samstarfsmönnum Jóns
Baldvins í samtali við blaðið í gær.
„Vissulega leggur hann mikið und-
ir, en það hefur Jón Baldvin gert áð-
ur,“ sagði annar viðmælandi.
„Við Bryndís áskiljum okkur tíma til að hugsa málið vandlega, en við
munum ekki draga fólk á svörum."
Tilbrigði
við kven-
líkamann
„Einstaklingurinn er ríkur ef
hann getur leitað úr hraðan-
um og farið inn á við í til-
raun sinni til að skapa. Ég
held að slíkt sé hverjum
manni hollt, hvort sem hann
kallar sig listamann eða
ekki," segir Guðný Rósa
Ingimarsdóttir sem á föstu-
dag opnar fyrstu einkasýn-
ingu sína á Mokka. Sjá við-
tal á blaðsíðu fjögur.
A-mynd: E.ÓI.

■ Tlllögur um endurskoðun útvarpslaga
Lýsa andúð á Ríkisútvarpinu
- segir Svavar Gestsson
„Ég er satt að segja hissa á þess-
um tillögum því mér finnst þær
lýsa svo mikilli andúð á Ríkisút-
varpinu. Þess vegna held ég að það
sé ekki svo rnikil ástæða til að taka
mark á þeim. Ég held reyndar að
þessar tillögur komist ekki í fram-
kvæmd. Aðalgallinn við þær verð-
ur kannski sá að það er búið að
borga fyrir þær peninga úr ríkis-
sjóði og fróðlegt væri að vita hvað
útgáfa á skýrslunni kostar og
starfsmaðurinn sem var ráðinn til
að vinna hjá þessari innanflokks-
nefnd Sjálfstæðisflokksins," segir
Svavar Gestsson alþingismaður um
skýrslu starfshóps sem Björn
Bjarnason menntamálaráðherra
skipaði til að leggja fram tillögur
um breytingar á útvarpslögum og
starfsemi Ríkisútvarpsins. Þessar
tillögur virðast ætla að verða til-
efni hatrammra pólitískra deilna,
enda ljóst að Framsóknarflokkur-
inn er ekki samstiga Sjálfstæðis-
flokki í þessu efni. Skýrslan verður
líklega til umræðu á Alþingi í dag.
Sjá blaðsíðu 4-5.
Nietzsche lýsti yfir að guð væri
dauður og vildi nýtt siðferði, herra-
siðferðið, þar sem meðalmennsk-
unni var hafnað og mikið lagt upp
úr vilja mannsins til valda.
■ Fyrirlestrar um
heimspeki
Hugsun
Nietzsches
var í molum
- segir Kristján Árnason lektor
og telur heimspekinginn þýska
ekki síður skáld en hugsuð
,JÉg ætla að tala vítt og breitt um Ni-
etzsche og reyna að átta mig á hvemig
eigi að skilgreina hann í sögulegu sam-
hengi," segir Kristján Ámason, lektor í
bókmenntafræði, en í kvöld klukkan
hálf níu verða haldnir þrír fyrirlestrar á
Komhlöðuloftinu um þýska heimspek-
inginn Friedrich Nietzsche. Auk Krist-
jáns verða fyrirlesarar Vilhjálmur
Ámason, dósent í heimspeki, og Arthúr
Björgvin Bollason sem þýddi Handan
góðs og ills, eitt höfúðverk Nietzsches.
Kxistján segir Nietzsche sérstakan
meðal heimspekinga. „Hann er alveg
eins rithöfundur og skáld eins og hugs-
uður. Hann er ekki mjög kerftsbundinn,
hugsun hans er svolítið shtrótt, jafnvel í
molum að því er virðist og mjög mót-
sagnakennd. Þrátt fyrir það beinist hún
í ákveðna átt, það er að segja gagnrýni
hans á heimspekihefð Vesturlanda þar
sem sameinast kristinn arfur og fom-
grískur eða skynsemishyggja Sókrates-
ar. Hann beinir spjótum sínum að
þessu, fom grískri skynsemishyggju og
kristinni trú,“ segir Kristján og ætlar í
erindi sínu að leggja sérstaka áherslu á
þá hlið Nietzsche sem honum fmnst at-
hyglisverðust: skáldið og listamanninn.
■ Forsetakosningarnar
Ólafur með
þúsund sjálf-
boðaliða
Hátt í þúsund manns hafa
skráð sig sem sjálfboðaliðar í
kosningabaráttu Ólafs Ragnars
Grímssonar, samkvæmt upplýs-
ingum frá kosningamiðstöð
hans. Stuðningsmenn Guðrúnar
Agnarsdóttur eru búnir að safna
tilskildum fjölda meðmælenda
og ætla að skila inn formlegu
framboði í næstu viku. Pétur Kr.
Hafstein opnar kosningamiðstöð
um helgina og á næstu dögum
ætla stuðningsmenn Guðrúnar
Pétursdóttur að ljúka söfnun
meðmælenda. Sjá blaðsíðu 7