Morgunblaðið - 29.05.2002, Blaðsíða 1
124. TBL. 90. ÁRG. MIÐVIKUDAGUR 29. MAÍ 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 29. MAÍ 2002
LEIÐTOGAR aðildarríkja Atlants-
hafsbandalagsins (NATO) og Rúss-
lands skrifuðu í gær undir sam-
komulag um nýtt samstarfsráð sem
veitir Rússum aðild að ákvörðunum
NATO, en sátt náðist um sam-
komulagið á fundi utanríkisráð-
herra NATO-ríkjanna nítján og
Rússlands sem haldinn var í
Reykjavík fyrr í þessum mánuði.
Gífurleg öryggisgæsla var á
fundi NATO og Rússlands, sem
haldinn var á herflugvelli í útjaðri
Rómar í gær. Um fimmtán þúsund
lögreglumenn og hermenn voru í
viðbragðsstöðu, ítölsk herskip voru
á siglingu á Miðjarðarhafinu,
skammt frá fundarstaðnum, og
hömlur höfðu verið settar á allt far-
þegaflug yfir Róm meðan á fund-
inum stóð.
Samstarfsráðinu er ætlað að
verða vettvangur þar sem NATO-
ríkin og Rússar geta undirbúið,
samþykkt og síðan framfylgt
ákvörðunum sem snerta sameigin-
lega hagsmuni þeirra. Davíð Odds-
son forsætisráðherra skrifaði undir
samkomulagið fyrir Íslands hönd.
George W. Bush Bandaríkjafor-
seti sagði samkomulagið hluta af
þeirri þíðu, sem komin væri í sam-
skipti NATO og Rússa, en vest-
urveldin settu NATO á laggirnar
fyrir 53 árum í því skyni að verjast
hugsanlegri innrás Sovétríkjanna,
sem þá voru og hétu. „Þetta sam-
starf markar skref í áttina að jafn-
vel enn stærra markmiði; að
tryggja að friður og frelsi ríki í
Evrópu,“ sagði Bush. „Með því að
starfa saman [gegn hryðjuverka-
vánni] aukum við áhrifamátt okk-
ar.“
Fyrsti fundurinn 6. júní nk.
Vladímír Pútín, forseti Rúss-
lands, lýsti Rómarsamkomulaginu
sem sögulegu og sagði það munu
nýtast vel í baráttunni gegn „sam-
eiginlegum óvini“, hryðjuverka-
mönnum. Í sama streng tók George
Robertson, framkvæmdastjóri
NATO.
Samstarfsráðinu er ætlað að
funda mánaðarlega og síðan munu
utanríkis- og varnarmálaráðherrar
landanna tuttugu hittast tvisvar á
ári. Ákvarðanir verða aðeins teknar
ef allir eru sammála, en Rússar
munu hins vegar ekki fá neitunar-
vald vegna ákvarðana, sem teknar
eru á vettvangi hins eiginlega Atl-
antshafsbandalags.
Hermdu fregnir í gær að fyrsti
eiginlegi fundur samstarfsráðsins
yrði haldinn í Brussel 6. júní nk.
Samstarfsráð
Rússa og
NATO orðið
að veruleika
Pratica Di Mare, Moskvu. AFP.
Reuters
Hluti þjóðarleiðtoganna, sem hittust á herflugvelli í útjaðri Rómar í gær til að skrifa undir samkomulag um nýtt
samstarfsráð Rússlands og Atlantshafsbandalagsins, stillir sér upp í myndatöku að fundinum loknum.
Auðveldar Rússum/4
Gamlir fjendur/20
ÍSRAELSKUR lögreglumaður
skaut palestínskan mann til bana í
gærkvöld í gyðingabyggðinni Itam-
ar, nærri Nablus á Vesturbakkan-
um, eftir að maðurinn hafði hafið
skothríð í menntaskóla þar í bæ og
valdið dauða þriggja ungmenna.
Fyrr um daginn hafði ísraelski
herinn ráðist að nýju inn í Jenín og
handtekið ellefu Palestínumenn sem
grunaðir eru um að hafa tengsl við
hryðjuverkahópa. Einn Palestínu-
maður féll í aðgerðunum og þá lést
einn Ísraeli í skotárás nærri bænum
Ofra, sem er norður af Ramallah.
Ísraelsher fór einnig tímabundið inn
í Ramallah í gærkvöld.
Myrti þrjú
ungmenni
Jerúsalem. AP, AFP.
DANIR hrósuðu nokkrum sigri í gær
er framkvæmdastjórn Evrópusam-
bandsins, ESB, kynnti tillögur um
breytingar á sjávarútvegsstefnunni
og mikinn niðurskurð. Eru þær að
mestu samhljóða tillögum Steffens
Smidts, danska fulltrúans, sem fram-
kvæmdastjórnin er sökuð um að hafa
rekið fyrir þrýsting frá Spánverjum.
Eins og fram hefur komið er stefnt
að miklum niðurskurði í sjávarútvegi
ESB-ríkjanna með það fyrir augum
að koma í veg fyrir algert hrun
margra fiskistofna. Sagði Romano
Prodi, forseti framkvæmdastjórnar
ESB, í gær að kominn væri tími til að
grípa til aðgerða. Frakkland, Portú-
gal og Spánn hafa hins vegar lýst
andstöðu við tillögurnar.
Steffen Smidt átti mikinn þátt í
mótun tillagnanna en þótt hann sé
lítt þekktur í sínu heimalandi, þá er
hann þeim mun frægari eða alræmd-
ari á Spáni. Þar er honum lýst sem
valdagráðugum manni, sem hafi mis-
notað aðstöðu sína dönskum og norð-
ur-evrópskum sjávarútvegi til fram-
dráttar og á kostnað fátæks fólks í
Suður-Evrópu.
Rannsaka brottrekstur Smidts
Þá er ekki aðeins átt við, að fiski-
skipum og þar með sjómönnum og
fiskverkunarfólki verði fækkað, held-
ur ekki síður, að hætt verði að
styrkja smíði nýrra og afkastameiri
skipa. Við það munu mörg störf glat-
ast í s-evrópskum sjávarbæjum.
Voru þessum málum gerð góð skil í
dönsku blöðunum í gær, meðal ann-
ars Berlingske Tidende.
Danir fagna því einnig, að umboðs-
maður ESB hefur nú fallist á kröfuna
um rannsókn á brottrekstri Smidts,
en sagt er, að framkvæmdastjórnin,
sem á að vera fullkomlega sjálfstæð,
hafi beygt sig fyrir kröfu Jose-Maria
Aznar, forsætisráðherra Spánar, um
að hann yrði rekinn.
Kynntu breytingar á sjávarútvegsstefnu ESB
Samhljóða tillögum
danska fulltrúans
Tillögurnar/10
ÍRANSKA lögreglan handtók
nýlega um 80 manns, karla og
konur, sem fóru saman í ferð á
fallegan stað og gerðust þar
sek um það ósiðlega athæfi að
láta taka af sér hópmynd.
Ekki batnaði það svo þegar í
ljós kom, að nokkrar kvenn-
anna voru með getnaðarvarn-
arpillur í fórum sínum.
Fólkið, sem hefur verið
kært fyrir ósiðsemi, var í 200
manna hópi, sem skipulagt
hafði ferð til Fuman í Gilan-
héraði en þar er náttúrufegurð
mjög mikil.
„Sumar kvennanna voru
með getnaðarvarnarpillur og
síðan lét fólkið taka af sér
mynd saman,“ sagði lögreglu-
stjórinn í Fuman en einn
hinna handteknu, sem síðar
var látinn laus, segir, að ásak-
anir um að áfengi hafi verið
haft um hönd séu rangar.
Ekki hafa borist nánari
fréttir af þessu siðleysi en eft-
ir hina íslömsku byltingu í Ír-
an 1979 hefur kynlíf fyrir
hjónaband verið glæpur.
Siðleysið í Íran
Sakaðir
um hóp-
mynda-
töku
Teheran. AFP.