Morgunblaðið - 01.09.2002, Blaðsíða 30
LISTIR
30 SUNNUDAGUR 1. SEPTEMBER 2002 MORGUNBLAÐIÐ
ÞORBJÖRGU Þórðardóttur vef-
listakonu hefur verið boðið að sýna
á alþjóðlegum textílþríæringi í Pól-
andi, II International Artistic Linen
Cloth Biennale Krosno 2002. Sýn-
ingin, sem er farandsýning hefur
þegar verið opnuð í Museum of Art
and Crafts í Krosno,
Markmið sýningarinnar er að
endurvekja hörinn til listsköpunar.
Það þykir við hæfi að staðsetja
biennalinn í Pólandi þar sem hör
hefur verið ræktaður í gegnum ald-
irnar og verið aðalundirstaða í
vefnaði þjóðarinnar allt frá striga-
pokum, upp í hágæða damask
(rósavefnað).
Þorbjörg sýnir þrjú verk unnin
úr íslenskum hör sem var ræktaður
undir Eyjafjöllum. Sýningin verður
einnig sett upp í Úkraníu, Slóvakíu
og Ungverjalandi.
Starfsferil Þorbjargar má sjá á
slóðinni á www.meistarijakob.is.
Eitt verka Þorbjargar
á sýningunni.
Hör úr
Eyjafirði
á alþjóð-
legum
þríæringi
GUÐJÓN Pedersen leikhússtjóri
kynnti fjölbreytta vetrardagskrá
Borgarleikhússins á kynningar-
fundi á föstudag með þeim orðum
að Borgarleikhúsið væri „hús
borgaranna, akademía alþýðunnar
og samkomustaður fjölskyldunn-
ar“.
„Við eigum okkur þann draum
að hér finni allir í fjöskyldunni lif-
andi orku. Alvöru erindi. Hver
kynslóð fyrir sig eða allar saman.
Á öllum sviðum. Alltaf,“ sagði
Guðjón. Í ávarpi sínu til starfs-
manna Borgarleikhússins við setn-
ingu starfsársins sagði Guðjón
m.a.: „Atburðir síðasta árs fá okk-
ur sem störfum í listum til að
hugsa um tilgang og erindi. Hvaða
erindi eigum við? Hvernig eigum
við að bregðast við? Hvaða sögur
eigum við að segja? Ég hef ekkert
eitt svar við þessum spurningum
enda eigum við í þessu glæsileg-
asta leikhúsi landsins og með
glæsilegasta starfsfólk landsins
ekki að segia eina sögu eða eiga
eitt erindi. Við eigum að fylgja
þeirri hugsun sem var mörkuð
þegar húsið var byggt og vera
listamenn allra Reykvíkinga.“
Íslenskur söngleikur
á Stóra sviðinu
Á Stóra sviðinu eru fyrirhug-
aðar fimm frumsýningar í vetur.
Hin fyrsta er gamansöngleikurinn
Honk eftir Bretana Georg Stiles
og Anthony Drewe í leikstjórn
Maríu Sigurðardóttur. Þetta er
fjölskyldusöngleikur þar sem lagt
er útaf sögunni um ljóta andarung-
ann eftir H.C. Andersen. Sölumað-
ur deyr eftir Arthur Miller er
næst á dagskrá í leikstjórn Þór-
hildar Þorleifsdóttir. Púntila bóndi
og Matti vinnumaður hans eftir
Bertolt Brecht verður frumsýnt í
nóvember í leikstjórn Guðjóns
Pedersen. Í janúar verður frum-
sýndur nýr íslenskur söngleikur
eftir Sálina hans Jóns míns og
Karl Ágúst Úlfsson. Sól og máni
nefnist hann og leikstjórinn er
Hilmar Jónsson.
Gamanleikurinn Öfugum megin
uppí eftir hinn breska spéfugl
Derek Benfield, verður frumsýnd-
ur í mars í leikstjórn Maríu Sig-
urðardóttur.
Nýja sviðið og Litla sviðið
Á Nýja sviðinu verður fyrsta
frumsýningin í október á leikritinu
Jón og Hólmfríður, frekar erótísku
leikriti í þremur þáttum eftir
franska leikskáldið, Gabor Rassov.
Þar spreytir Halldóra Geirharðs-
dóttir sig í fyrsta sinn á leikstjórn-
inni.
Vetrarævintýri eftir William
Shakespeare er fyrirhugað í mars
á Nýja sviðinu í leikstjórn Bene-
dikts Erlingssonar.
Á Litla sviðinu eru fyrirhugaðar
tvær frumsýningar. Segðu mér allt
er nýtt leikrit eftir Kristínu Óm-
arsdóttur. Leikstjóri er Auður
Bjarnadóttir. Rómeó og Júlía er
samstarfsverkefni milli LR, Vest-
urports, Íslenska dansflokksins og
1001 nætur. Leikstjóri er Gísli Örn
Garðarsson sem leikstýrir í fyrsta
sinn en hann útskrifaðist úr LHÍ
fyrir tveimur árum.
Á þriðju hæðinni, fjórða leik-
rými Borgarleikhússins, verða
frumsýnd tvö verk í samstarfi við
leikhópinn Draumasmiðjuna. Ann-
að nefnist Herpingur eftir Auði
Haralds og hitt heitir Hinn full-
komni maður eftir Mikael Torfa-
son. Þá er einnig boðuð frumsýn-
ing á leikriti í leikstjórn hins
sænska Peter Engkvists en ekki
hefur enn verið ákveðið hvaða
verk verður fyrir valinu.
Leiklistarhátíð, málfundir
og uppákomur
Afrakstur hugmyndasamkeppni
Borgarleikhússins í fyrravetur
mun líta dagsins ljós á Nýja svið-
inu í umsjón Benedikts Erlings-
sonar. Þar verða flutt þrjú klukku-
tíma löng leikrit eftir Braga
Ólafsson, Jón Atla Jónasson og
Þorvald Þorsteinsson. Íslenski
dansflokkurinn og LR efna sam-
eiginlega til samkeppni um dans-
leikhúsverk í vetur. Valin verða
6–8 verk sem verða síðan sýnd um
leið og leikritin þrjú sem áður
voru nefnd.
Í samræmi við hugmyndir leik-
hússtjórans um að allir finni eitt-
hvað við sitt hæfi í Borgarleikhús-
inu í vetur verður fjölmargt um að
vera sem ekki tengist leiksýning-
um nema þá óbeint. Áfram verður
haldið með málfundi um siðfræði í
samvinnu við Siðfræðistofnun Há-
skóla Íslands og einnig verða mál-
fundir um leikhús; Leikhúsmál.
Fræðslustarf Borgarleikhússins
hefur verið mjög öflugt og hafa á
hverjum vetri komið þúsundir
grunnskólabarna í heimsóknir í
leikhúsið. Fræðslustarfið er orðið
fastur liður í starfsemi leikhússins.
Börnin kynnast leiklistinni, sögu
hennar, starfi leikara og dansara
og vinna í leiksmiðju með leikurum
hússins. Þau fá einnig að sjá tvær
sýningar, barnaleikrit og danssýn-
ingu. Með þessu er heill skóladag-
ur gerður að sannkölluðu ævintýri.
Þá verður Borgarleikhúsið í
samstarfi við Borgarbókasafnið
um uppákomur í nýja útibúi safns-
ins, Kringlusafni. Endurmenntun-
arstofnun hefur fengið inni í Borg-
arleikhúsinu með hin geysivinsælu
fornsagnanámskeið Jóns Böðvars-
sonar. Fyrir áhugasama leikhús-
gesti verður af og til boðið upp á
sérstakar kynningar klukkutíma
fyrir sýningu. Hægt verður að
fræðast um bakgrunn verksins,
höfundinn, vinnuaðferðir og að-
standendur sýningarinnar.
Morgunblaðið/Kristinn
Starfsmenn Borgarleikhússins leikárið 2002–2003.
Listamenn allra Reykvíkinga
Ýmislegt í boði í vetrardagskrá Leikfélags Reykjavíkur
Brúðargjafir
Mörkinni 3, s: 588 0640
Opið mánudag-föstudags 11-18.
Lokað á laugardögum í sumar
Ísskálar frá
Kr. 4.290