Morgunblaðið - 08.01.2004, Blaðsíða 6

ÍÞRÓTTAFÉLAGIÐ Fylkir hefur
sett fram hugmyndir um æf-
ingasvæði og ýmsa aðstöðu við
Rauðavatn og
enn fremur ná-
lægt núverandi
aðstöðu félagsins
í Elliðaárdal.
Þessar hug-
myndir eru
kynntar í nýút-
komnu blaði fé-
lagsins, en þar er
gert ráð fyrir
tveimur æf-
ingavöllum við strönd Rauðavatns
auk hnokka- og hnátuvalla, pútt-
svæðis, þjónustuhúss og útivistar-
og grillsvæðis fyrir fjölskyldur.
Björn Gíslason, sem sæti á í að-
alstjórn Fylkis, segir hugmynd-
irnar mikið hafa verið ræddar, sér-
staklega þar sem Fylkir kemur nú
til með að þjóna nýju hverfunum,
Grafarholti og Norðlingaholti. „Við
höfum einnig sett fram hugmyndir
að nýjum mannvirkjum í Blásteins-
hólma í Elliðaárdal. Það tengist
meira svæðinu við Fylkisveg og
yrði hrein viðbót við það svæði.
Báðar hugmyndir hafa verið rædd-
ar hjá skipulags- og bygginganefnd
Reykjavíkurborgar og þar hafa
menn tekið mjög jákvætt í þetta.
Það var líka fundað í dag hjá ÍTR
þar sem mjög vel var tekið í þessar
hugmyndir. Svæðið liggur vel mitt
á milli þessara þriggja hverfa, Ár-
bæjar, Norðlingaholts og Graf-
arholts, og hentar því afar vel.
Keppnisvöllurinn yrði áfram á
sama stað niðri við Fylkisveg þar
sem er aðalsvæði félagsins. Þarna
yrði um að ræða fyrst og fremst
nýtt æfingasvæði og ýmis aðstaða,“
segir Björn og bætir við að koma
þurfi hugmyndunum inn í skipulag
og hefja framkvæmdir sem fyrst.
„Það er náttúrlega verið að vinna í
þessum málum, því það er ljóst að
um tvöföldun á iðkendum verður að
ræða hjá Íþróttafélaginu Fylki með
tilkomu þessara tveggja hverfa.
Álagið á sundlaugarsvæðið og
Fylkisveginn er orðið mjög mikið,“
segir Björn.
Hafa þurft að vísa
börnum frá
Fylkir hefur þurft að vísa börn-
um frá vegna aðstöðuleysis, sér-
staklega í knattspyrnu og fim-
leikum og segir Björn það alls ekki
jákvæða þróun. „Við leggjum til að
það verði byggt sérstakt fimleika-
hús sambærilegt við aðstöðu fim-
leikafélagsins Bjarkar í Hafn-
arfirði.
Það hefur ekkert gerst í aðstöðu-
málum knattspyrnudeildar og fim-
leika hjá Fylki síðustu fimmtán ár.
Næsta sumar kemur reyndar gervi-
grasvöllur sem mun bæta verulega
aðstöðu knattspyrnunnar. Ábyrgð
borgaryfirvalda er mikil í að skapa
aðstöðu til iðkunar íþrótta hjá
Fylki, sérstaklega þegar horft er til
þess mikla fjölda iðkenda sem bæt-
ist við hjá félaginu með tilkomu
þessara nýju hverfa,“ segir Björn.
Fylkir setur fram hugmyndir um aðstöðu við Rauðavatn
Brýnt að þjónusta
íbúa nýju hverfanna
Hugmyndir að nýju æfingasvæði og útivistaraðstöðu Fylkis við Rauðavatn.
Björn Gíslason
FRÉTTIR
6 FIMMTUDAGUR 8. JANÚAR 2004 MORGUNBLAÐIÐ
Tækjasjóður
Rannís auglýsir eftir umsóknum í Tækjasjóð
Umsóknarfrestur til 15. janúar 2004
Rannís
Rannsóknamiðstöð Íslands
Laugavegi 13, 101 Reykjavík
www.rannis.is
Hlutverk Tækjasjóðs er að veita rannsóknastofnunum styrki til kaupa á dýrum tækjum
og búnaði vegna rannsókna.
Við úthlutun úr Tækjasjóði skal taka mið af úthlutunarstefnu Rannsóknasjóðs.
Við úthlutun úr sjóðnum er tekið mið af eftirfarandi atriðum:

Tækin séu mikilvæg fyrir rannsóknir umsækjenda og framfarir í rannsóknum á Íslandi.

Tæki séu staðsett á rannsókna- og háskólastofnunum.

Styrkir til tækjakaupa tengist verkefnum sem Rannsóknasjóður styrkir.

Fjárfestingin í tækjabúnaði skapi nýja möguleika.

Samstarf verði um nýtingu tækja milli stofnana og atvinnulífs með fyrirsjáanlegum hætti.

Áætlanir um kostnað og fjármögnun á kaupunum séu raunhæfar.

Möguleiki sé að jafnaði á samfjármögnun þannig að framlag Tækjasjóðs greiði aðeins hluta
kostnaðar við fjárfestinguna.
Tækjasjóður starfar samkvæmt lögum um opinberan stuðning við vísindarannsóknir nr. 3/2003.
Vísindanefnd Vísinda- og tækniráðs markar úthlutunarstefnu sjóðsins. Fimm manna stjórn
Rannsóknasjóðs sem skipuð er af menntamálaráðherra fer jafnframt með stjórn Tækjasjóðs.
Fagráð skipað formönnum fagráða Rannsóknasjóðs metur umsóknir í Tækjasjóð áður en stjórn
sjóðsins tekur þær til afgreiðslu. Ákvörðun stjórnar um úthlutun er endanleg. Rannsóknamiðstöð
Íslands annast umsýslu um Tækjasjóð sem heyrir undir menntamálaráðherra.
Nánari upplýsingar um Tækjasjóð og eyðublöð sjóðsins eru á heimasíðu Rannís www.rannis.is
Umsóknarfrestur er til 15. janúar 2004 - Nánari upplýsingar: Erlendur Jónsson, Rannís,
sími 515 5808/elli@rannis.is
SAMNINGAR hafa verið gerðir á
milli Íslenskrar erfðagreiningar og
Siomons-rannsóknasjóðsins í New
York um að Siomons-sjóðurinn muni
fjármagna umfangsmiklar rann-
sóknir Íslenskrar erfðagreiningar á
erfðafræði einhverfu og skyldra
þroskaraskana. Samkvæmt fréttum
frá ÍE og Siomons-rannsóknasjóðn-
um í gær mun sjóðurinn leggja 2,8
milljónir Bandaríkjadala, eða ríflega
200 milljónir íslenskra króna, til
rannsóknanna.
Finna og einangra mikilvæg-
ustu erfðaþætti einhverfu
Rannsóknirnar miða að því að
finna og einangra mikilvægustu
erfðaþætti einhverfu. „Þegar hefur
verið sýnt fram á að einhverfa og
skyldar þroskaraskanir eru arf-
gengar að einhverju leyti en ein-
angrun erfðavísa sem eiga hlut að
máli er mikilvæg til að auka skilning
á líffræðilegum orsökum einhverfu.
Þekking á líffræðilegum orsökum
gæti einnig gert mögulegt að finna
og rannsaka mikilvæga umhverfis-
þætti einhverfu og annarra raskana
á einhverfurófinu og þróa nýjar að-
ferðir til greiningar og meðferðar,“
segir í tilkynningu frá ÍE.
Vísindamenn ÍE munu vinna að
þessum rannsóknum í samstarfi við
Umsjónarfélag einhverfra og lækna,
sálfræðinga og annað starfsfólk
Greiningar- og ráðgjafarstöðvar rík-
isins og Barna- og unglingageðdeild-
ar Landspítala háskólasjúkrahúss.
Skv. upplýsingum ÍE mun dr. Cath-
arine Lord frá háskólanum í Michig-
an, sem er sögð einn af virtustu sér-
fræðingum í heimi á þessu sviði,
verða sérstakur ráðgjafi við gerð
spurningalista sem lagðir verða fyr-
ir ættingja.
Nýjustu rannsóknir gefa til kynna
að allt að 20 börn séu með einhverj-
ar raskanir á einhverfurófinu í
hverjum árgangi barna á Íslandi.
Siomons-rannsóknasjóðurinn er
fjölskyldusjóður í New York sem
styrkir grunnrannsóknir á sviði
raunvísinda og stærðfræði. Sjóður-
inn hefur einnig stutt við bakið á
börnum með námsörðugleika. Sjóð-
urinn gengst nú fyrir átaki í rann-
sóknum á einhverfu og meðhöndlun
hennar. Haft er eftir Jim Siomons,
stofnanda rannsóknasjóðsins, að að-
standendur sjóðsins séu mjög
ánægðir með að vinna með ÍE að
þessum rannsóknum. Þær séu mik-
ilvægur liður í nýju verkefni sjóðs-
ins sem beinist að því að finna or-
sakir einhverfu, sem snerti fjölda
fólks um allan heim. ÍE hafi náð
framúrskarandi árangri í rannsókn-
um sínum til þessa og allar líkur séu
taldar á því að sambærilegur árang-
ur náist í þessum rannsóknum.
Afla ómetanlegrar þekkingar
„Við höfum þegar náð góðum ár-
angri í rannsóknum okkar á öðrum
röskunum á taugaþroska og heila-
starfsemi, svo sem geðklofa, kvíða
og þunglyndi. Niðurstöður þeirra
rannsókna sýna að við getum ein-
angrað erfðavísa sem tengjast mjög
flóknum einkennum og aflað ómet-
anlegrar þekkingar á líffræðilegum
orsökum þeirra. Ég er bjartsýnn á
að okkur muni einnig takast þetta í
rannsóknum okkar á einhverfu,“ er
haft eftir Kára Stefánssyni, for-
stjóra ÍE, í gær.
ÍE, Siomons-rannsóknasjóðurinn
og Umsjónarfélag einhverfra ætla
að kynna framkvæmd rannsókn-
anna á kynningarfundi næstkom-
andi laugardag kl. 13–14, í húsa-
kynnum ÍE við Sturlugötu í
Reykjavík.
Samningur Íslenskrar erfðagrein-
ingar og bandarísks rannsóknasjóðs
200 milljónir
í einhverfu-
rannsóknir ÍE
ÞORGERÐUR Katrín Gunnarsdótt-
ir menntamálaráðherra hefur sett í
gang vinnu innan ráðuneytisins þar
sem skoða á vandlega hvort hægt sé
að setja reglur um sölu tölvuleikja á
grundvelli núgildandi laga, eða hvort
breyta þurfi lögum.
Fram kom í Morgunblaðinu á
þriðjudag að verslun BT hefði verið
kærð til lögreglu fyrir að hafa selt 13
ára dreng tölvuleik sem var þannig
merktur af innflytjanda að hann var
bannaður börnum innan 16 ára ald-
urs. Haft var eftir verslunarstjóra
BT að engin lög segðu til um aldurs-
takmörk vegna tölvuleikja hér á
landi og „erfitt“ væri að móta starfs-
reglur varðandi sölu þeirra til barna.
Sagði hann einnig dæmi þess að for-
eldrar hefðu hringt í verslunina bál-
reiðir yfir því að BT hefði neitað að
selja börnum þeirra leiki.
Þorgerður segir það athyglisvert
að söluaðilar tali um að það þurfi op-
inberar reglur til að þeir átti sig á
hvað þeir megi selja og hvað þeir vilji
selja ungmennum.
„Við megum ekki gleyma því að þó
að við höfum hér stjórnvöld þá hafa
foreldrar og fyrirtæki ábyrgð gagn-
vart því hvað þeir vilja selja eða
kaupa. Hið opinbera á ekki að þurfa
að skikka fyrirtækin til að gera
ákveðna hluti sem eru augljósir,“
segir Þorgerður en minnir jafnframt
á að foreldrar þurfi að vera meðvit-
aðir um sínar skyldur gagnvart
börnum.
Þórhildur Líndal, umboðsmaður
barna, hefur í tilefni fréttarinnar af
kærunni vakið athygli á því að hún
hafi ítrekað hvatt menntamálaráð-
herra á síðustu árum til að setja regl-
ur um tölvuleiki.
Þórhildur segir að þrátt fyrir
þetta hafi reglur ekki enn litið dags-
ins ljós. Hefur hún sent Þorgerði
bréf þar sem hún er hvött til að skoða
þessi mál vandlega og í framhaldi af
því gera þær ráðstafanir, sem lög
kveði á um, til verndar börnum gegn
„ofbeldisfullum“ tölvuleikjum.
Ráðherra skoðar
sölu tölvuleikja
LÖGREGLAN á Egilsstöðum hefur
engan grunaðan um innbrotið í sölu-
turn á virkjanasvæðinu við Kára-
hnjúka um áramótin þar sem stolið
var vörum og peningum að andvirði
ein og hálf milljón króna.
Talið er að innbrotið hafi verið
framið á tímabilinu frá klukkan 23.30
á gamlárskvöld til klukkan 10 á ný-
ársmorgun. Færð við Kárahnjúka á
þeim tíma var þung og talið nánast
ófært fyrir utanaðkomandi að kom-
ast þangað og beinist rannsókn máls-
ins því að íbúum á virkjanasvæðinu.
Enginn grunaður
um innbrotið
♦♦♦