Morgunblaðið - 23.11.2004, Blaðsíða 2

2 ÞRIÐJUDAGUR 23. NÓVEMBER 2004 MORGUNBLAÐIÐ
FRÉTTIR
BRÖGÐ Í TAFLI?
Opinberar tölur í Úkraínu bentu
til þess í gær að Viktor Janúkóvítsj
forsætisráðherra hefði borið sigur-
orð af keppinaut sínum, Viktor
Júsénkó, í forsetakosningunum á
sunnudag. Stuðningsmenn Júsénkós
mótmæltu ákaft og sögðu að brögð
hefðu verið í tafli. Erlendir eftirlits-
menn segja einnig að miklir gallar
hafi verið á framkvæmd kosning-
anna.
Eldsvoði við Sundahöfn
Mikill eldur kom upp í endur-
vinnslufyrirtækinu Hringrás við
Sundahöfn í Reykjavík seint í gær-
kvöldi. Allt tiltækt slökkvilið var
kallað út og fjölmennt lögreglulið,
Þykkan reyk, m.a. frá brennandi
hjólbörðum, lagði yfir svæðið. Fólk
sem býr í grennd við svæðið yfirgaf
íbúðir sínar og í Langholtsskóla kom
Rauði krossinn upp miðstöð.
Milljón Írakar hurfu
Enn er ekkert vitað um örlög
milljón Íraka sem hurfu í stjórnartíð
Saddams Husseins, að sögn ráð-
herra mannréttindamála í Írak. Búið
er að finna alls 283 fjöldagrafir í
landinu og talið að þær séu fleiri.
Skuldbindingar aukast
Líklegt er að fleiri lífeyrissjóðir
en Lífeyrissjóður verslunarmanna
muni taka tillit til nýrra upplýsinga
um lengri meðalævi Íslendinga og
vaxandi örorkubyrði. Þorgeir Eyj-
ólfsson, forstjóri LV, segir að þessar
breyttu forsendur muni auka skuld-
bindingar sjóðanna að jafnaði um
7%.
Greiða fyrir kosningum
Stjórnvöld í Ísrael hafa heitið því
að greiða eftir mætti fyrir því að for-
setakosningar Palestínumanna geti
farið vel fram í janúar. Kom þetta
fram er utanríkisráðherra Banda-
ríkjamanna, Colin Powell, ræddi við
ráðamenn í Ísrael í gær.
Y f i r l i t
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfull-
trúi, orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@ .is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf
Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl

 





 


 
 



  

 

  

 


 


 !

"
# 




 
 

 

 
$ 

 
 

%&' (

 )***
 

 

 


 



 
 

 


  

 



JÓN Viðar Matthíasson aðstoðarslökkviliðs-
stjóri sagði um eittleytið í nótt að þeir væru að
ná tökum á eldinum en það væri mikil vinna
framundan við að moka úr haugnum og slökkva
í öllu saman.
„Það eina sem virkar núna er að moka úr
haugnum, dreifa úr honum og slökkva í honum
þannig, en þetta er alveg gífurlegt magn. Þetta
er alveg svakalegt magn af eldsmat,“ sagði Jón
Viðar, sem stjórnaði slökkviliðsstörfum á vett-
vangi.
Hann sagði að um 80 slökkviliðsmenn væru
að störfum á vettvangi, en að auki væru aðrar
stöðvar í bænum mannaðar til að sinna því sem
þar kæmi upp á. Þá hefðu reykkafarar verið
sendir í stigahús í nágrenninu. Slökkviliðsmenn
í Keflavík hefðu tekið að sér að sinna slökkvi-
liðsstörfum og sjúkraflutningum í Hafnarfirði
og mjög stór og öflugur bíll hefði komið af
Keflavíkurflugvelli til aðstoðar.
Jón Viðar sagði að aðalvandinn skapaðist af
dekkjum sem væru að brenna en að auki væri
töluvert af timbri og öðru slíku „þannig að það
má eiginlega segja að allar áramótabrennur
Reykjavíkurborgar í mörg ár séu saman komn-
ar hér á einum stað,“ sagði Jón Viðar.
Hann sagði að mikill eldur hefði verið í
haugnum og áfastri skemmu þegar slökkviliðið
hefði komið á staðinn. Síðan hefði baráttan snú-
ist um það að fá ekki eldinn í allan hauginn.
Þeim hefði tekist að einangra eldinn við einn
ákveðinn haug með því að grafa geil í gegnum
hann og fengið til þess góða aðstoð frá starfs-
mönnum Hringrásar og hjólaskóflur frá fyrir-
tækinu ET við hliðina. Sá haugur sem eldurinn
væri í væri hins vegar verulega stór og aðkoma
með bíla og tæki dálítið takmörkuð, þar sem
haugurinn lægi upp í brekkuna. Það væri því
mikil vinna framundan.
Jón Viðar Matthíasson aðstoðarslökkviliðsstjóri
Gífurlega mikið af eldsmat
Í dag
Sigmund 8 Viðhorf 29
Viðskipti 14 Minningar 29/34
Erlent 16/17 Brids 35
Landið 19 Bréf 38
Akureyri 20 Dagbók 38/40
Austurland 21 Listir 41/43
Daglegt líf 22 Fólk 44/49
Listir 23 Bíó 46/49
Umræðan 24/30 Ljósvakar 50
Forystugrein 28 Veður 51
* * *
SLÖKKVILIÐIÐ brá á það ráð að beita tveimur risa-
stórum hjólaskóflum til þess að ráða niðurlögum eldsins
við Sundahöfnina seint í gærkvöldi. Þær fóru að jöðrum
eldhafsins og tóku úr haugnum og fóru með brakið á
ákveðið svæði þar sem slökkt var endanlega í því. Þannig
var slökkviliðið smám saman að vinna sig að miðju eld-
hafsins til þess að ráða niðurlögum hans.
Þá fékk slökkviliðið aðstoð frá dönsku varðskipi, sem
hér er statt, en það dældi upp sjó sem notaður var í bar-
áttunni við eldinn.
Morgunblaðið/JúlíusÍ húsnæði endurvinnslunnar Hringrásar við Klettagarða.
Grafa sig inn að miðju eldhafsins
LJÓST er að verulegt tjón varð í
eldsvoðanum á athafnasvæði Hring-
rásar í gærkvöldi.
Vaktmaður Hringrásar sem var á
eftirlitsferð á svæðinu í gærkvöldi
varð var við eldinn sem kviknað
hafði í skemmu og stórum haug
hjólbarða við hlið skemmunnar sem
fyrirtækið nýtir í endurvinnslu.
Kallaði hann þegar í stað út slökkvi-
liðið en þá var komið upp mikið eld-
haf að sögn Einars Ásgeirssonar,
framkvæmdastjóra Hringrásar.
Einar var ásamt fleiri starfs-
mönnum Hringrásar á svæðinu
seint í gærkvöldi og sagðist hann
gera ráð fyrir að þeir yrðu þar í alla
nótt og reyndu eftir fremsta megni
að aðstoða slökkviliðið við störf sín.
Mikinn reyk lagði úr stórum
haug hjólbarða sem Hringrás hefur
fengið til endurvinnslu og lagði
svartan reyk úr haugnum yfir stórt
svæði.
Tækjabúnaður sem var í skemm-
unni brann í eldsvoðanum.
,,Þetta kemur allt í ljós þegar við
getum áttað okkur á þessu í birt-
ingu á morgun,“ sagði Einar í sam-
tali við Morgunblaðið í gærkvöldi.
Hann sagðist lítið geta áttað sig á
hversu mikið tjón hefur orðið eða
hver voru upptök eldsins.
„Þarna eru vanir menn sem
leggjast á eitt um að vinna við að
ráða niðurlögum eldsins og reyna
að takmarka tjónið eins og hægt
verður. Okkur Hringrásarmönnum
er efst í huga þakklæti til allra
þeirra fjölmörgu sem leggja hönd á
plóg þarna. Það er aðalatriðið á
þessari stundu,“ sagði hann.
Allir leggjast á eitt um að
ráða niðurlögum eldsins
GEIRJÓN Þórisson, aðstoðaryfir-
lögregluþjónn, sagði að gengið hefði
nokkuð vel að rýma húsin við
Kleppsveg. Auðvitað kæmi alltaf
eitthvað upp á og sumum fyndist
þetta alger óþarfi, en almennt séð
hefði þetta gengið ljómandi vel.
Geirjón sagði að það hefði ekki
verið um annað að ræða en rýma
húsin. Það vissi enginn hvað hefði
getað gerst. Ef þessi reykur kæm-
ist inn í húsin þá væru menn komn-
ir í stórvandræði, en reykurinn
hefði staðið beint á þau.
„Fólk hefur tekið mjög vel í
þetta. Við höfum verið með tilkynn-
ingar í útvarpi og fólk fylgist vel
með hvað er að gerast,“ sagði Geir-
jón.
Hann sagði að engin slys hefðu
orðið á fólki. „Menn eru orðnir
slæptir og vel reyktir eins og sagt
er. Þetta er viðbjóðslegur reykur
og menn hafa andað honum tölu-
vert að sér, en það hefur enginn
borið skaða af ennþá,“ sagði Geir-
jón einnig.
Hann sagði að það hefði verið
gengið skipulega í öll hús við
Kleppsveg milli Dalbrautar og
Laugarnesvegar, en einnig hefði
verið farið um aðliggjandi götur og
óskað eftir að fólk þar yrði tilbúið
ef það þyrfti að rýma húsin.
Vel gekk að rýma húsin
og ekki vitað um slys
BÚIÐ var að flytja rúmlega fimm
hundruð manns af heimilum sínum
við Kleppsveg um eittleytið í nótt. Þá
fóru einnig reykkafarar um húsin til
þess að tryggja að enginn íbúi væri
þar eftir.
Hrólfur Jónsson, slökkviliðsstjóri,
sagði að flestir færu til ættingja en
þeir sem ekki færu til þeirra færu í
hjálparstöðina sem komið hefði verið
upp í Langholtsskóla. Þar væru um
hundrað manns.
Hrólfur sagði að ekki væri vitað
um nein slys á fólki en búið væri að
gera slysadeildina klára til að taka
við fólki sem væri hugsanlega með
reykeitrun og læknar og hjúkrunar-
fólk væri í Langholtsskóla.
Hann sagði aðspurður að það væri
ekki annað að sjá en það yrðu miklar
reykskemmdir á íbúðum við Klepps-
veg, en það væri ekki hægt að gera
sér grein fyrir því á þessari stundu.
500 manns
flutt af
heimilum
sínum