Þjóðvakablaðið - 13.03.1995, Blaðsíða 1

RODD FOLKSINS • 1. ARG. 3. TBL. MANUDAGUR 1 3. MARS 1 995
Ný könnun Félagsvísindastofnunar:
71% landsmanna er
fylgjandi sameiningu
félagshyggjuaflanna
í víðtækri skoðanakönnun sem
Félagsvísindastofnun hefur gert
fyrir Þjóðvaka kemur fram að
71% landsmanna eru fylgjandi
sameiningu félagshyggjuafl-
anna á Islandi. Könnunin var
gerð á fyrstu dögum marsmán-
aðar og náði til 860 einstaklinga.
Spurt var: Ert þú fylgjandi eða
andvíg(ur) sameiningu félags-
hyggjuaflanna á Islandi? Af þeim
518 sem svöruðu kváðust 367 -
eða 70,8% svarenda - vera
fylgjandi. 17,6% svarenda eða
151 einstaklingur var andvígur.
230 eða 26,7% kváðust hlut-
lausir, 76 eða 8,8% svöruðu „veit
ekki“ og 4,2% neituðu að svara.
Aðspurður kvaðst Hrannar B.
Arnarsson, kosningastjóri Þjóð-
vaka ekki undrandi á þessari
niðurstöðu. „Niðurstaðan er í
samræmi við þann anda sem við
á Þjóðvaka höfum fundið svo
glöggt. Það er alveg ljóst að vilji
kjósenda í þessu máli er mjög
skýr og að fyrr en seinna mun
félagshyggjufólk í landinu brjóta
af sér það flokkakerfi sem við nú
búum við. Spumingin snýst um
það hvort það gerist nú, eða
hvort gömlu flokkunum tekst að
tefja þróunina um einhverja
áratugi.“
Loks má geta þess að í síðustu
viku gerði Morgunpósturinn
könnun þar sem spurt var hvort
félagshyggjuflokkamir ættu að
útiloka Sjálfstæðisflokkinn frá
næstu ríkisstjórn. 90% þeirra
sem hringdu inn, svöruðu þeirri
spumingu játandi.
Jóhanna Sigurðardóttir, formaður Þjóðvaka:
Myndum strax félagshyggjustjórn
Félagshyggjuflokkarnir hafa fengiÖ ein-
stœtt tækifæri til þess að svara kröfunni
um sameingingu félagshyggjuaflanna
Þjóðvaki - hreyfing fólksins
hefur skorað á félagshyggju-
flokkana að koma sér saman um
ríkistjórnarmynstur og ganga til
málefnasamstarfs áður en kjós-
endur ganga að kjörborði þann 8.
apríl næstkomandi. Þetta varð
einróma niðurstaða fjölmenns
vinnufundar frambjóðenda sem
haldinn var á Akureyri fyrir
skömmu. Þar með hefur Þjóð-
vaki útilokað ríkisstjórnar-
myndun með Sjálfstæðisflokki,
og gert tilkall til þess að aðrir
félagshyggjuflokkar geri slíkt hið
sama.
Jóhanna Sigurðardóttir, formaður
Þjóðvaka segir að með þessari
yfirlýsingu vilji Þjóðvakar gefa
kjósendum skýra kosti áður en
þeir ganga að kjörborði. Það hafi
hinsvegar tíðkast fram til þessa
að allir flokkar telji sjálfgefið að
ganga til kosninga með „óbundn-
ar hendur“, eins og það sé látið
heita. „En hvað þýðir það, að
hafa óbundnar hendur?“ segir
Jóhanna. „Það þýðir einfaldlega
að flokkamir vilja ekki vera
bundnir af loforðum sínum við
kjósendur - þeir vilja geta samið
sig frá þeim. Þessvegna er
kjósendum aldrei gefinn kostur á
því að velja um stjómarmynstur;
það er nokkuð sem flokkamir
hafa í sínum eigin höndum að
kosningum loknum," bætir hún við.
„Fólk er að kjósa tiltekna flokka
í góðri trú, en stendur svo
skyndilega frammi fyrir því eftir
kosningar að flokkurinn sem það
kaus er kannski kominn í ríkis-
stjóm sem hefur allt önnur
stefnumál á sínu borði, en þau
sem stillt var upp í kosningunum.
Félagshyggjuflokkarnir blása sig
út fyrir kosningar, stilla sér upp
sem höfuðandstæðingi Sjálfstæð-
isflokksins, en keppast svo um
að verða fyrstir að samninga-
borðinu um stjómarsáttmála við
þennan svokallaða „höfuðand-
stæðing" að kosningum loknum.
Það er ekki nema sjálfsögð
heiðarleikakrafa að fólki sé gerð
grein fyrir því, áður en það
gengur að kjörborði, hvað flokk-
arnir hafa í hyggju varðandi
stjómarsamstarf. Þetta er einfald-
lega spuming um orð og efndir -
trúnað við kjósendur“ segir
Jóhanna. „Nú gefst hinum fél-
agshyggjuflokkunum einstætt
tækifæri til þess að svara ein-
dreginni kröfu grasrótarinnar um
sameiningu félagshyggjuafl-
anna. Ef þeir svara þessu kalli
með sambærilegri yftrlýsingu og
Þjóðvaki hefur gefið, er kominn
grundvöllur að sameiningu."
Allnokkur viðbrögð hafa orðið
við þessari ákvörðun Þjóðvaka.
Innan hreyfingarinnar hafa þau
almennt verið jákvæð, en utan
hennar hafa þau lýst undrun
fremur en andstöðu. Er augljóst
að þessi nýlunda hefur vakið
marga til umhugsunar. „Hingað
til hafa menn látið innantómt
orðagjálfur ráða ferðinni - og
svo svikist aftan að kjósendum
sínum eftir kosningar. Afsökunin
hljómar ævinlega á þá leið að
„forsendur séu breyttar“ eins og
það heitir. Þetta er óheiðarlegt.
Þjóðvaki vill heiðarleika og
trúnað í fyrirrúmi, og þessvegna
segjum við kjósendum hug okkar
allan svo þeir viti að hverju þeir
ganga, þegar þeir merkja við okkur
í kjörklefanum," sagði Jóhanna að
lokum.
Kosningamiðstöð Þjóðvaka
Kosningamiðstöðin ílmnarstræti 7 • Sími 28100 Fax 627060 • Opið fró kl 9.00 til 19.00
Allar upplýsingar um Þjóðvaka. Utfærsla á stefnumiðum hreyfingarinnar.
Kaffi og hlýtt viðmót. Opið hús á laugardögum frá kl. 14.00. Opnir umræðufundir með
frambjóðendum og fyrirlesurum fimmtudagskvöld frá kl.20.30.