Morgunblaðið - 03.06.2005, Blaðsíða 14

14 B FÖSTUDAGUR 3. JÚNÍ 2005 MORGUNBLAÐIÐ
bílar
Þ
essi árlega þolaksturskeppni
fer þannig fram að öllum
keppendum er raðað upp á
ráslínu, sitjandi á torfæru-
hjólum sínum með dautt á vél. Þeg-
ar flaggað er til leiks ræsa kepp-
endur vélarnar og þeysa af stað á
17 kílómetra langri braut sem lögð
er í stóran hring um landslag svæð-
isins, sem samanstendur af gígóttu
graslendi í bland við gljúpan sand
og hvasst hraun. Ekið er í 6
klukkustundir samfleytt og sá sigr-
ar sem flesta hringi ekur. Auk ein-
staklingsflokks er keppt í tvímenn-
ingsflokki en þá skiptast tveir
ökumenn á að keyra.
Um 400 keppendur mættu til leiks
Mótið fór fram í landi Efri-Víkur
við Kirkjubæjarklaustur. Kjartan
Kjartansson, kennari á Kirkjubæj-
arklaustri, á veg og vanda að þessu
alþjóðlega móti sem fór nú fram
fjórða árið í röð. Um 400 kepp-
endur frá 4 löndum mættu til leiks,
en vel á annað þúsund manns sóttu
svæðið, nutu veðurblíðunnar og
fylgdust með sleitulausri 6 tíma
baráttu.
Svíaslagur um forystuna
Yamaha-liðið með þá Micke Frisk
frá Svíþjóð og Brent Brush frá
Bandaríkjunum innanborðs tók
strax forystu og leiddi keppnina
framan af. Micke var að keppa í sitt
þriðja skipti en Brent hefur einu
sinni áður keppt á Klaustri. Hus-
qvarna-liðið, skipað Svíanum And-
ers Eriksson og Bretanum Tony
Marshall, fylgdi fast á eftir, gaf
Yamaha-liðinu aldrei færi á að kom-
ast frá þeim og náði forystu á köfl-
um. Þriðja parið sem blandaði sér í
baráttuna samanstóð af þeim Ed
Bradley frá Bretlandi og Einari
Sverri Sigurðarsyni á KTM.
Tryggði sigurinn
í síðasta hringnum
Hart var barist á hverri sek-
úndu og slegist um aksturslínuna í
hverri beygju allar þær sex klukku-
stundir sem keppnin stóð yfir.
Þegar kom að lokahringnum
höfðu Micke og Brent 10 sekúndna
forystu á Anders og Tony. Brent
var lurkum laminn eftir harða byltu
og Micke varð því að keyra síðustu
3 hringina sjálfur. Micke þurfti að
taka örstutt eldsneytishlé og And-
ers nýtti sér það til að taka foryst-
una. Anders, sem hefur verið at-
vinnuökumaður hjá Husqvarna-
liðinu síðustu 9 ár og á að baki 7
heimsmeistaratitla í þolakstri,
keyrði lokahringinn af miklu öryggi
og leyfði engum að ógna sigrinum.
Dauðuppgefinn kláraði Micke
keppnina í 2. sæti, töluvert á eftir
Anders, og Ed Bradley og Einar
Sigurðarson áttu 3. sætið nokkuð
öruggt.
Husqvarna sigraði á Klaustri
Um síðustu helgi var eitt allra stærsta akstursíþrótta-
mót landsins haldið á Kirkjubæjarklaustri. Um 400
keppendur frá 4 löndum komu saman til að keppa í þol-
akstri á torfæruhjólum en áætlað er að í heild hafi hátt
í tvö þúsund manns mætt á svæðið. Bjarni Bærings
fylgdi straumnum á Klaustur og gerir hér mótinu skil.
Micke Frisk á Yamaha sprengir hjólið út úr moldarbeygju.
Ragnar Ingi, Íslandsmeistari í mótorkrossi, í botngjöf á Klaustri.
Úrslit
Tvímenningskeppni
Anders Eriksson (SE) og Tony Marshall (UK), Husqvarna
Brent Brush (USA) og Micke Frisk (SE), Yamaha
Ed Bradley (UK) og Einar Sverrir Sigurðarson, KTM
Markus Olsen (USA) og Haukur Þorsteinsson, Kawasaki
Ragnar Ingi Stefánsson og Reynir Jónsson, Honda
Gunnlaugur Björnsson og Valdimar Þórðarson, Yamaha
Kári Jónsson, TM og Ágúst Már Viggósson, Honda
Gunnlaugur Karlsson og Helgi Már Gíslason, KTM
Bjarni Bærings og Jóhannes Már Sigurðarson, Honda
Árni Stefánsson og Gunnar Sölvason, Kawasaki
Einstaklingskeppni
Jóhann Ögri Elvarsson, KTM
Pétur Smárason, KTM
Ragnar Kristmundsson, TM