Morgunblaðið - 18.09.2005, Blaðsíða 55

SAMNINGUR milli Reykjavíkurborgar og Há-
skólans í Reykjavík (HR) um ráðstöfun á lóð
fyrir háskólann og tengda aðila í Vatnsmýr-
inni var undirritaður á föstudag. Gert er ráð
fyrir að framkvæmdir á svæðinu geti hafist
um mitt næsta ár og fyrsta áfanga nýs skóla-
húsnæðis verði lokið í byrjun skólaárs haustið
2008.
Á þessu svæði, sem er um 6,2 hektarar að
stærð, er áformað að reisa háskólabyggingar
á næstu 10-15 árum en síðan fær HR aukið
landrými í framtíðinni. Auk þess verða 2,4
hektarar nýttir undir stúdentagarða og 5-6
hektarar undir háskólastofnanir, rannsókn-
arstofnanir og þekkingarfyrirtæki.
Steinunn Valdís Óskarsdóttir borgarstjóri
og Dagur B. Eggertsson, formaður skipulags-
ráðs Reykjavíkur, skrifuðu undir samninginn
fyrir hönd borgarinnar, en þau Guðfinna S.
Bjarnadóttir rektor og Sverrir Sverrisson,
formaður háskólaráðs, fyrir hönd HR.
Á næstunni verður unnið að skipulagsbreyt-
ingum á svæðinu, s.s. breytingum á svæð-
isskipulagi, aðalskipulagi og deiliskipulagi
fyrir svæðið og HR mun í samstarfi við inn-
lenda og erlenda sérfræðinga vinna að þarfa-
greiningu og undirbúningi fyrir hönnun nýs
háskóla. Þetta mun verða gert samhliða þeirri
hugmyndasamkeppni sem fyrirhuguð er í
Vatnsmýrinni.
Framkvæmdir á svæði HR
gætu hafist um mitt næsta ár
Samningar undirritaðir. Frá vinstri: Salvör Jónsdóttir, sviðsstjóri skipulags- og byggingarsviðs, Dagur B. Eggertsson, formaður skipulagsráðs, Steinunn
Valdís Óskarsdóttir borgarstjóri, Sverrir Sverrisson, formaður háskólaráðs HR, og Guðfinna Bjarnadóttir, rektor HR.
MORGUNBLAÐIÐ SUNNUDAGUR 18. SEPTEMBER 2005 55
FRÉTTIR
Reyðarfjörður | „Það er óhætt að segja að Austur-
land er að ganga í gegnum skeið mikillar framþró-
unar og breytinga,“ segir Soffía Lárusdóttir, for-
maður Sambands sveitarfélaga á Austurlandi
(SSA), en aðalfundi félagsins lauk á Reyðarfirði á
föstudag. Þann dag var m.a. fjallað um fjarskipti
og dreifikerfi á Austurlandi, sameiginlegt vökt-
unarverkefni Þróunarstofu Austurlands og Há-
skólans á Akureyri á áhrifum uppbyggingar virkj-
unar og stóriðju í fjórðungnum og heilbrigðismál,
einkum m.t.t. aldraðra.
„Í byrjun október nk. verða hér tvennar kosn-
ingar um sameiningu, annars vegar kjósa íbúar
Vopnafjarðarhrepps og Skeggjastaðahrepps um
sameiningu, hins vegar íbúar Fjarðabyggðar,
Austurbyggðar, Fáskrúðsfjarðarhrepps og Mjóa-
fjarðar,“ sagði Soffía einnig. „Ef íbúar þessara
sveitarfélaga samþykkja sameiningu, verða sveit-
arfélög á Austurlandi 9 og hefur þá fækkað um 7 á
rúmum tveimur árum. Íbúar Austurlands hafa
fengið einstakt tækifæri til að treysta byggð til
framtíðar. Á austfirskum sveitarstjórnarmönnum
hvílir mikil ábyrgð að sýna samstöðu og leggja
þannig sitt að mörkum við að festa í sessi þá miklu
grósku sem hér er.“
Soffía segir að eftir aðalfundinn sé skýrsla um
mat á samfélagsáhrifum og arðsemi jarð-
gangatenginga á Austurlandi, sem unnin er af
Rannsóknarstofnun Háskólans á Akureyri, það
forvitnilegasta sem tekið var fyrir á fundinum.
„Það vakti mesta umræðu á þingingu. Skýrslan er
enn í vinnslu og þarna var verið að kynna fyrstu
niðurstöður. Skýrsluhöfundar fengu ákveðið inn-
legg á fundinum sem þeir skoða í framhaldinu og
við með þeim.“
Menningarverðlaun
SSA veitti á aðalfundi sínum árleg menning-
arverðlaun og hlaut Lára Vilbergsdóttir á Egils-
stöðum þau að þessu sinni fyrir starf sitt að menn-
ingarmálum, handverki og Ormsteiti, uppskeru-
hátíð á Héraði.
Morgunblaðið/Steinunn Ásmundsdóttir
Soffía Lárusdóttir, formaður SSA, segir samgöngumálin þungavigtarmálefni Sambands sveitarfélaga á Austurlandi.
Tími mikilla breytinga og mikil ábyrgð
á austfirskum sveitarstjórnarmönnum
LANDSFUNDUR Ungra vinstri
grænna var haldinn 3. september síð-
astliðinn á Hótel Lind, Rauðarárstíg.
Í fréttatilkynningu frá félaginu
segir að á fundinum hafi meðal ann-
ars verið farið í málefnavinnu um
byggðamál þar sem var tekið á þeim
málaflokki í víðum skilningi.
Pallborðið og málefnavinnan er
upphafið að stærri umfjöllun Ungra
vinstri grænna um málefni lands-
byggðarinnar í vetur, segir í frétta-
tilkynningu.
Ýmsar ályktanir voru samþykktar
á fundinum, þar á meðal um málefni
aldraðra, menntamál, utanríkismál,
um málefni sveitarfélaga, Reykjavík-
urflugvöll, erfðabreytt matvæli o.fl.
og má sjá þær á vef Ungra vinstri
grænna, www.vinstri.is, undir liðnum
ályktanir.
Ný stjórn Ungra vinstri grænna
var kjörin á landsfundinum en hana
skipa: Dögg Proppé Hugosdóttir, for-
maður, Emil Hjörvar Petersen, vara-
formaður, Þórunn Ólafsdóttir, ritari,
Kári Páll Óskarsson, gjaldkeri, og
þau Arngrímur Vídalín, Brynja Björg
Halldórsdóttir, Elín Sigurðardóttir,
Skúli Jón Kristinsson og Torfi Stefán
Jónsson voru kjörin meðstjórnendur.
Þeir Björn Reynir Halldórsson, Sig-
urður Gunnarsson og Ásmundur Ein-
ar Daðason eru varamenn.
Ný stjórn
UVG kjörin
á landsfundi
TENGLAR
..............................................
www.vinstri.is
BÆJARSTJÓRN Kópavogs hefur
samþykkt breyttar úthlutunarreglur
varðandi byggingarrétt fyrir íbúðar-
húsnæði.
Gunnar Birgisson bæjarstjóri seg-
ir að nú geti fólk ekki selt eignir sín-
ar án samþykkis bæjarráðs fyrr en
húseign er tilbúin til innréttinga en
áður hafi verið miðað við fokhelda
eign. Þetta sé gert til að reyna að
koma í veg fyrir brask með lóðirnar.
Í öðru lagi voru settar stífari kröf-
ur varðandi greiðslumat fjármála-
stofnana.
Í þriðja lagi verða kaupendur að
vera skuldlausir varðandi opinber
gjöld og gildir það hvar sem er en
ekki aðeins í Kópavogi eins og áður.
Standi tvær eða fleiri umsóknir
jafnfætis var ákveðið að dregið
skyldi um eignina að viðstöddum
fulltrúa sýslumanns.
Í fimmta lagi geta menn nú sótt
um eina lóð og tvær til vara en áður
gátu menn sótt um margar lóðir til
vara.
Þessar breytingar féllu í góðan
jarðveg. Fulltrúar Samfylkingarn-
innar fögnuðu þeim og bókuðu að
þær væru í megindráttum í þeim
anda sem þeir hefðu lagt til.
Breyttar
úthlutun-
arreglur í
Kópavogi
Morgunblaðið/Árni Sæberg
Eskifjörður | Á mánudag verður í
Kirkju- og menningarmiðstöðinni á
Eskifirði undirrituð viljayfirlýsing
milli Sinfóníuhljómsveitar Norður-
lands, Menningarráðs Austurlands
og menningarmiðstöðvarinnar um
samstarf næstu fimm árin, fyrir
hönd tónlistarfólks á Austurlandi.
„Kirkju- og menningarmiðstöðin
hefur það sérstaka hlutverk að vera
þróunarapparat fyrir tónlist á Aust-
urlandi og leiða stefnumótun,“
sagði sr. Davíð Baldursson á Eski-
firði. „Við viljum með yfirlýsing-
unni koma í fast form samstarfi
sem hefur verið laust í reipum
gegnum árin og móta ákveðna
stefnu í því. Við höfum hingað til
endrum og sinnum fengið hljóð-
færaleikara úr Sinfóníuhljómsveit
Norðurlands, bæði Kór Fjarða-
byggðar, Óperustúdíó Austurlands
efni sameiginlega og ætlum okkur
einnig með verkefnin á Suðurfirð-
ina og Seyðisfjörð og nota þannig
samlegðaráhrifin.“
Davíð efast ekki um að samstarf-
ið við Sinfóníuhljómsveit Norður-
lands geti orðið lyftistöng fyrir tón-
listarlífið á Austurlandi. „Þarna er
stórt skref stigið í þróunarferli og
framtíðarsýn í tónlistarmálum hér
eystra og raunar fyrir norðan líka.“
og fleiri aðilar, en viljum nú blása
til formlegs samstarfs.“
Davíð segir viljayfirlýsinguna
holdgerast í flutningi óratóríunnar
Messíasar eftir Georg Friedrich
Händel á aðventunni og á vordög-
um Sköpuninni eftir Joseph Haydn.
„Héraðið og Fjarðabyggð hafa unn-
ið dálítið á eigin forsendum í tón-
listarlífinu, en nú erum við að færa
þetta saman og gera þessi tvö verk-
Lyftistöng fyrir tónlistarlífið
Austfirðingar í formlegt samstarf við Sinfóníuhljómsveit Norðurlands