Fréttablaðið - 20.03.2006, Blaðsíða 2

Fréttablaðið - 20.03.2006, Blaðsíða 2
2 20. mars 2006 MÁNUDAGUR Sjálfskipt og allt allt öðruvísi 1.790.000,- Sjálfskipt, 1.8 l. vél og hlaðin aukabúnaði ���������������� ����������������� Nýr, fallegri og miklu betri Opel. MOSKVA, AP Sergei Lavrov, utanríkisráðherra Rússlands, sagði í blaðaviðtali í síðustu viku að hann teldi að palestínsku samtökin Hamas myndu innan tíðar viður- kenna Ísraelsríki og fallast á aðrar kröfur, til dæmis um alþjóðlegt eftirlit með hjálparstarfi og að við- urkenna Mahmoud Abbas sem for- seta Palestínumanna. „Ég tel að við munum sjá einhver skref í þessa átt á næstu tveimur vikum,“ sagði Lavrov, sem nýverið ræddi í Moskvu við sendinefnd frá Hamas. Jafnframt varaði Lavrov við því að reynt yrði að einangra Hamas á alþjóðavettvangi. - gb Utanríkisráðherra Rússlands: Segir Hamas fallast á kröfur SERGEI LAVROV Utanríkisráðherra Rúss- lands er bjartsýnn eftir viðræður við fulltrúa Hamas. FRÉTTABLAÐIÐ/AP ÍRAK, AP Írak er nú í miðri borgara- styrjöld, að sögn fyrrverandi for- sætisráðherra Íraks. Ayad Allawi lét þessi orð falla í viðtali við breska ríkisútvarpið, BBC, í gær. Talsmenn Bandaríkja- og Bret- landsstjórna hafa ítrekað neitað því að borgarastríð geisi í landinu, en Allawi sagði „borgarastyrjöld“ vera eina orðið sem hægt væri að nota yfir ofbeldisölduna sem sífellt færist í aukana þar í landi. „Á hverjum degi farast fimm- tíu til sextíu manns víða í landinu, ef ekki fleiri. Ef þetta er ekki borgarastyrjöld, þá veit Guð einn hvað borgarastyrjöld er,“ sagði Allawi. Ofbeldisaldan sem nú gengur yfir landið á upptök sín í sprengjum sem eyðilögðu einn helgasta stað sjíamúslima, Gullnu moskuna í Samarra, hinn 22. febrúar. Þótt stjórnmálaskýrendur hafi ítrekað sagt ofbeldið sem fylgdi í kjölfar- ið geta markað upphaf borgara- styrjaldar hafa talsmenn Banda- ríkjahers harðlega neitað þeim stimpli. Óeirðirnar hafa heldur ekki auðveldað mótun nýs þings, sem sat fyrst á fimmtudag. Fulltrúar allra stjórnmálaflokka og trúar- bragða hittust á fundi í Írak í gær, þar sem framtíð stjórnarinnar var rædd. - smk Fyrrverandi forsætisráðherra Íraks opinskár í bresku útvarpsviðtali: Borgarastyrjöld geisar í Írak BORGARSTYRJÖLD? Almennir borgarar slökkva eld í húsi sem í kviknaði við árás ónefndra byssumanna í Ramadi-borg í Írak í gær. FRÉTTABLAÐIÐ/AP LÖGREGLA Tveir ungir menn voru handteknir í miðbæ Reykjavíkur í gærmorgun eftir líkamsárás. Lögreglunni var tilkynnt um stympingar milli nokkurra manna ofarlega á Laugaveginum klukkan sjö í gærmorgun. Þar höfðu tveir ungir menn ráðist að þeim þriðja. Þegar lögreglu bar að garði voru árásarmennirnir handteknir og færðir í fangageymslur. Voru þeir báðir töluvert ölvaðir og urðu að sofa úr sér vímuna áður en yfir- heyrslur gætu hafist. Fórnarlamb- ið var flutt á slysadeild með nokkra áverka á búk og andliti en hann hafði ítrekað fengið í sig högg og spörk. - sgi Líkamsárás á Laugavegi: Handteknir eftir líkamsárás MANNFJÖLDI Árið 2005 fjölgaði íbúum hér á landi meira en mörg undanfarin ár. Fólksfjölgun var 2,2 prósent á árinu og hefur íbúum ekki fjölgað jafnmikið hér á landi frá því fyrir 1960. Þessi mikla fjölgun er öðru fremur rakin til mikils aðstreymis fólks frá útlöndum, til dæmis vegna stóriðjuframkvæmda á Austurlandi. Mikil fólksfjölgun hér á landi frá lokum seinni heims- styrjaldar til ársins 1970 er aftur á móti rakin til mikils fjölda fæðinga og bættra lífslíkna. - shá Hagstofa Íslands: Mikil fólks- fjölgun í fyrra MOSKVA, AP Hluti ganga í neðan- jarðarlestarkerfi Moskvuborgar í Rússlandi hrundi í gær ofan á lest í göngunum og upp kom eldur í lest- inni. Þótti mikil mildi að engin meiðsl urðu á fólki. Göngin og lest- in voru þegar í stað rýmd, og lágu lestarsamgöngur niðri um hríð. Yfirmaður neðanjarðarlestar Moskvu sagði verkamenn hafa valdið slysinu, en þeir voru að setja upp stórt auglýsingaskilti á götu ofan við göngin, og skemmdu óvart við það burðarstólpa sem halda eiga þaki gangnanna uppi. Vonast var til þess að lestarsam- göngur um göngin yrðu komnar í samt lag í dag. - smk Neðanjarðarlest í Moskvu: Mannbjörg er göng hrundu LESTARSTÖÐ RÝMD Sjúkraflutningamenn yfirgefa Voikovskaya-lestarstöðina í Moskvu skömmu eftir að hluti ganganna hrundi. FRÉTTABLAÐIÐ/AP DANMÖRK Sérfræðingar í Dan- mörku telja víst að fleiri tilfelli af fuglaflensu muni finnast á næst- unni. Þeir óttast einnig að það muni taka mörg ár að úthýsa henni, enda hafi hún verið í Suðaustur-Asíu í meira en þrjú ár. Á föstudag fundust níu sýktar endur á eyjunni Ærø sem liggur skammt frá Fjóni en fyrsta tilfellið uppgötvaðist á Sjálandi fyrr í vik- unni. Samkvæmt frétt Berlingske Tidende í gær er talið að flensan muni aðallega halda sig við strend- ur landsins. - ks Fuglaflensa í Danmörku: Veikin komin til að vera VARNARMÁL Samfylkingin telur brot Bandaríkjamanna á varnar- samningnum marka tímamót í öryggis- og varnarmálum sem feli í sér ákveðið tækifæri til að móta sjálfstæða stefnu í þeim málum. Þetta var meðal efnis sem fram kom á blaðamannafundi sem Sam- fylkingin boðaði til í gær. Ingibjörg Sólrún Gísladóttir, formaður Samfylkingar, sagði að flokkurinn væri orðinn þreyttur á að bíða eftir því að ríkisstjórnin ætti frumkvæði að því að móta stefnu í öryggis- og varnarmálum sem tæki mið af þjóðarhagsmun- um Íslendinga. „Við höfum því tekið ákvörðun um það sjálf að freista þess að setja þessa vinnu af stað og höfum fengið Jón Bald- vin Hannibalsson til að leiða þessa vinnu auk þess sem við ætlum að fá til liðs við okkur fólk sem bæði hefur sérfræði- og pólitíska þekk- ingu í þessum málum,“ sagði Ingi- björg og lagði áherslu á að vinnan yrði þverpólitísk því nú væri lag að ná sátt um meginþætti í varnar- og öryggismálum. Samfylkingin telur rétt að ein- blína ekki á varnarsamstarfið við Bandaríkin heldur meta jafnframt aðra kosti, til dæmis samstarf við aðrar bandalagsþjóðir innan Atl- antshafsbandalagsins og samstarf við Norðurlönd. Jón Baldvin Hannibalsson var utanríkisráðherra í sjö ár og sendi- herra í átta. Hann hefur haldið því fram að samningaviðræður Íslands og Bandaríkjamanna séu sýndarviðræður sem hvorki hafi snúist um neitt eða leitt til neins. Þá hafi ákvörðun bandaríska varn- armálaráðuneytisins verið gömul en ekki ný og legið fyrir fyrir löngu. Hann telur að þrátt fyrir að hefðbundin hernaðarhótun sé ekki lengur fyrir hendi verði að finna varnir mót ýmsum öðrum hættum hér á landi líkt og hryðjuverkum, eiturlyfjum og glæpastarfsemi. „Spurningarnar sem þarf að kanna til hlítar eru að hve miklu leyti við getum annast þetta sjálf- ir og að hve miklu leyti er eðlilegt að byggja á fjölþjóðlegu samstarfi við grannþjóðir, bæði innan Atl- antshafsbandalagsins og Evrópu- sambandsins,“ segir Jón Baldvin, sem svarar því til að aðkoma hans að þessari vinnu marki „ekki endi- lega“ endurkomu hans í pólitík. Hann segist ekki ætla að gefa neinar yfirlýsingar þess efnis hvort hann hyggi á að hasla sér völl innan íslenskra stjórnmála. „Það kemur bara í ljós og ræðst af eftirspurn,“ segir Jón Baldvin. solveig@frettabladid.is Jón Baldvin kominn í utanríkismálin Samfylkingin er þreytt á aðgerðarleysi stjórnvalda. Formaður flokksins hefur falið Jóni Baldvin Hannibalssyni að leiða vinnu þverpólitísks vinnuhóps sem hefur það hlutverk að móta tillögur um nýja öryggis- og varnarstefnu Íslands. Á BLAÐAMANNAFUNDI Samfylkingin vill að Íslendingar móti sjálfstæða stefnu í öryggis- og varnarmálum og kanni aðra kosti en varnarsamstarfið við Bandaríkin, til dæmis samstarf við aðrar bandalagsþjóðir innan Atlantshafsbandalagsins og samstarf við Norðurlönd. FRÉTTABLAÐIÐ/VALLI MÓTAR TILLÖGUR UM ÖRYGGIS- OG VARNARSTEFNU Jón Baldvin samþykkti beiðni Ingibjargar Sólrúnar Gísladóttur að leiða vinnuhóp sem mótar tillögur um nýja öryggis- og varnarstefnu Íslands. Hann vildi ekki segja til um hvort þetta markaði endurkomu hans í stjórnmálum. Það yrði að koma í ljós og ráðast af eftirspurn. FRÉTTABLAÐIÐ/VILHELM SPURNING DAGSINS Þröstur, er ekki næsta skrefið útrás? „Jú, næsta skrefið í útrás okkar er að kenna Norðurlandabúum hvernig þeir geti grætt á félagslegu húsnæði.“ Þröstur Ólafsson er formaður Félagsbústaða, sem reka félagslegt leiguhúsnæði. Það skilaði methagnaði og græddi 4,6 milljarða á síðasta ári. RÆÐA Forseti Íslands, Ólafur Ragnar Grímsson, sagði í hátíðar- ræðu sem hann hélt á afmælishátíð Félags eldri borgara á Hótel Sögu í gær að þjóðin stæði í mikilli þakkarskuld við kynslóð hinna eldri. Þá væri auðlegð Íslendinga og árangur í viðskiptum og útrás afrakstur ævistarfs fyrri kyn- slóða. Félag eldri borgara er tuttugu ára í ár og var hátíðarsamkoman á sunnudag lokapunktur veglegr- ar afmælishátíðar sem staðið hefur undanfarið. „Auðlegð Íslendinga er vissu- lega orðin mikil, ærin við upphaf nýrrar aldrar, en samt skortir nokkuð á að náðst hafi samstaða um að setja lífskjör aldraðra efst á forgangslistann, samstaða um að sýna í verki þakklæti til kyn- slóðarinnar sem kom Íslandi í slíka afbragðsstöðu,“ sagði Ólaf- ur meðal annars í ræðu sinni og vonaði að Íslendingar bæru gæfu til að skapa öldruðum áhyggju- laust ævikvöld. „Hér þurfa allir að leggjast á árar. Alþingi og sveitarstjórnir, hagsmunasamtök og atvinnulífið, sameinast um að finna laust á brýnum vanda og skilja engan útundan í þessum efnum,“ sagði forsetinn og taldi að það ætti að vera létt verk að greiða þakkarskuld við eldri kyn- slóðina ef mið væri tekið af auð- legðinni sem við njótum. - sgi Forseti á afmælishátíð Félags eldri borgara: Lífskjör aldraðra í forgang ÞAKKAR ELDRI BORGURUM Ólafur Ragnar sagði þjóðina standa í mikilli þakkarskuld við kynslóð hinna eldri.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80
Blaðsíða 81

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.