Fréttablaðið - 27.08.2006, Blaðsíða 2
2 27. ágúst 2006 SUNNUDAGUR
SPURNING DAGSINS?
Geir, er ekkert erfitt að syngja
með Tríó Briggs í gegnum
síma?
Nei alls ekki, röddin mín hljómar betur
gegnum síma.
Geir Ólafsson er söngvari hljómsveitarinnar Tró
Briggs og gullvagninn sem stofnuð var nýverið
af þeim Andra Frey Viðarssyni, Búa Bendtsen
og Dodda litla en Geir hefur ekki enn mætt
á æfingar með sveitinni heldur syngur hann
bara í gegnum síma enn sem komið er.
KÓLOMBÓ, AP Lögreglan í Kólombó,
höfuðborg Srí Lanka, fann í gær
vopnabúr í húsi nálægt alþjóða-
flugvelli borgarinnar. Sautján
manns voru handteknir og segir
lögreglan fólkið hafa haft árás í
hyggju. Lagt var hald á átta hand-
sprengjur, tvær stærri sprengjur,
riffil og skotfæri. Þetta er í annað
skipti á skömmum tíma sem
sprengjur finnast í borginni, því
síðastliðinn þriðjudag náðu
sprengjusérfræðingar að aftengja
stóra sprengju, sem hafði verið
komið fyrir í körfu reiðhjóls við
fjölfarna verslunargötu.
Stjórnarherinn gerði loftárás í
gær á svæði tamíla, þriðja daginn
í röð. Talsmaður hersins sagði að
ráðist hefði verið á bækistöð Tam-
ílatígra, sem þeir hefðu notað til
skotárása yfir á svæði Srí Lanka-
manna. Á Jaffna-skaga létust sex
hermenn stjórnarhersins í gær
eftir að hafa stigið á jarðsprengju
í norðurhéruðunum. Sakaði tals-
maður hersins Tígrana um að hafa
komið jarðsprengjum fyrir á skag-
anum eftir að þeim hafi mistekist
að ná þar yfirráðum. Ekki reynd-
ist unnt að bera ummælin undir
Tamílatígrana í gær.
Associated Press hefur eftir
norrænu eftirlitssveitinni að Tam-
ílatígrarnir hafi sleppt lögreglu-
manni úr haldi til að sýna „vott um
velvild“, en maðurinn var fangi
þeirra í ellefu mánuði. - kóþ
Lögreglan á Srí Lanka nær árangri í baráttu við uppreisnarmenn:
Vopn gerð upptæk í borginni
VIÐ YFIRGEFNA BÆKISTÖÐ RAUÐA
KROSSINS Drengur situr við skilti
sem bannar vopnaburð. Holur
eftir byssukúlur sjást á skiltinu og í
veggnum á bak við.
FRÉTTABLAÐIÐ/AP
BÍLSLYS Fólksbíll keyrði út af og
valt, laust fyrir miðnætti á föstu-
dag eftir að hafa keyrt yfir á rang-
an vegarhelming og á tengivagn
vöruflutningabíls, sem kom úr
gagnstæðri átt á Reykjanesbraut.
Tvennt var í fólksbílnum, og
sluppu þau með minniháttar
áverka og skurði eftir glerbrot.
Tengivagn vöruflutningabíls-
ins skemmdist og bíll sem ók fyrir
aftan vöruflutningabílinn varð
fyrir skemmdum þegar brot úr
hinum bílunum skullu á honum.
Lögregla segir áreksturinn ekki
eins alvarlegan og hann leit út í
fyrstu. Ökumaður fólksbílsins er
grunaður um ölvunarakstur. - sgj
Bílvelta á Reykjanesbraut:
Keyrði á tengi-
vagn og valt
LÖGREGLA Góðkunningja lögregl-
unnar sem gisti fangageymslu lög-
reglunnar við Hverfisgötu aðfara-
nótt laugardags tókst að smygla
inn kveikjara í sokknum sínum og
kveikja í horni rúmdýnu í klefa
sínum, sem orsakaði minniháttar
eldsvoða. Maðurinn var fluttur á
slysadeild vegna gruns um reyk-
eitrun en sú reyndist ekki raunin.
Hann var sendur til baka í fanga-
geymslu og fluttur á geðdeild
þegar leið á gærdaginn. - sgj
„Góðkunningi lögreglunnar“:
Kveikti í dýnu í
fangaklefanum
STJÓRNMÁL Kristinn H. Gunnars-
son, þingmaður Framsóknar-
flokks, sakar Valgerði Sverris-
dóttur, fyrrverandi
iðnaðarráðherra og flokkssystur
sína, um að hafa leynt Alþingi upp-
lýsingum með því að kynna þing-
mönnum ekki skýrslu Gríms
Björnssonar jarðeðlisfræðings
um áhyggjur hans vegna öryggis-
og umhverfisatriða við byggingu
Kárahnjúkavirkjunar. Segir Krist-
inn jafnframt að til þess gæti
komið að Valgerður þyrfti að segja
af sér vegna málsins.
„Ég gerði ekkert sem ekki
stenst í þessu máli,“ segir Val-
gerður. „Grímur gerði nokkrar
athugasemdir sem lúta að öryggi
virkjunar og var þeim komið á
framfæri við Landsvirkjun og
ráðuneytið. Síðan var haldinn
fundur með fulltrúum Orkustofn-
unar, þar á meðal Grími, og full-
trúum frá Landsvirkjun og jarð-
fræðingum. Menn tóku þetta
alvarlega.“
Valgerður segir að á fundinum
hafi öll atriði skýrslunnar verið
hrakin nema eitt, en það laut að
kostnaði við framkvæmd virkjun-
arinnar. „Kostnaður við virkjun-
ina er ekki eitthvað sem Alþingi
hefur til umfjöllunar. Plögg um
þetta eru því ekki opinber,“ segir
Valgerður. Valgerður telur ekki
hafa verið þörf á að leggja fram
skriflegar áhyggjur Gríms og nið-
urstöðu fundarins fyrir Alþingi.
„Þingmenn eru ekki sérfræðingar
á þessu sviði og það er ekki þeirra
hlutverk að fara ofan í svona hluti.
Þessum athugasemdum var svar-
að á þessum fundi og þess vegna
eru þær út úr heiminum að mínu
mati,“ segir Valgerður.
Valgerður nefndi skýrsluna í
ræðu á Alþingi 14. apríl í fyrra,
rúmum þremur árum eftir að hún
var lögð fram af Grími. Í ræðunni
nefndi hún að sérfræðingar hefðu
hrakið flest atriði skýrslunnar og
sérfræðingar Alcoa hefðu komist
að sömu niðurstöðum.
„Það er alvarlegt mál ef upp-
lýsingum er haldið frá Alþingi,“
segir Kristinn H. Gunnarsson,
þingmaður Framsóknarflokks.
„Eitt af stærstu málunum í
þessari ákvörðun var að setja
ríkið í 100 milljarða skuld vegna
þessarar framkvæmdar. Alþingi
ætti að fá allar upplýsingar í þess-
um málum og svo er alþingis-
manna að vega og meta þær. Ég
minnist þess ekki að hafa fengið
neinar upplýsingar um þessa
skýrslu fyrr en nú,“ segir Krist-
inn.
Valgerður vildi ekkert tjá sig
um athugasemdir Kristins.
steindor@frettabladid.is
Valgerður sökuð um
að leyna skýrslunni
Kristinn H. Gunnarsson, þingmaður Framsóknarflokks, segir Valgerði Sverrisdótt-
ur hafa leynt Alþingi upplýsingum með því að kynna þingmönnum ekki skýrslu
Gríms Björnssonar um Kárahnjúkavirkjun. Gerði ekkert rangt, segir Valgerður.
STJÓRNMÁL Stjórn og þingflokkur
Vinstri hreyfingarinnar - græns
framboðs hefur skorað á ríkis-
stjórnina og stjórn Landsvirkjun-
ar að fresta því að fylla Hálslón
þar til sérstök matsnefnd, skipuð
óháðum aðilum, verður fengin til
að vinna nýtt áhættumat vegna
Kárahnjúkavirkjunar.
Ályktun um þetta var samþykkt
á opnum fundi Vinstri grænna við
Sauðárfoss í gær. Í henni segir að
óvissa hafi ríkt um áhættu vegna
framkvæmdarinnar og vísbend-
ingar um þessa áhættu hafi styrkst
mjög að undanförnu. Fylling Háls-
lóns verði ekki aftur tekin.
Valgerður vildi ekki tjá sig um
tillögur Vinstri grænna, þar sem
hún fer ekki lengur með þennan
málaflokk og er ekki framkvæmd-
araðili í málinu. - sgj
Vinstri græn álykta:
Vilja fresta því
að fylla Hálslón
FERILL SKÝRSLU GRÍMS BJÖRNSSONAR JARÐEÐLISFRÆÐINGS
Maí 2001 - Landsvirkjun leggur fram matskýrslu sína á umhverfisáhrifum Kárahnjúkavirkjunar.
1. ágúst 2001 - Skipulagsstofnun leggst gegn framkvæmd Kárahnjúkavirkjunar vegna umhverf-
isáhrifa hennar.
20. desember 2001 - Siv Friðleifsdóttir, þáverandi umhverfisráðherra, fellir úr gildi úrskurð
Skipulagsstofnunar.
14. febrúar 2002 - Grímur afhendir Orkumálastjóra skýrslu með athugasemdum varðandi
umhverfis- og öryggisatriði sem fram komu í skýrslu Landsvirkjunar. Valgerður Sverrisdóttir iðn-
aðarráðherra sér skýrsluna, ein þingmanna.
18. febrúar 2002 - Skýrslunni komið til Landsvirkjunar og iðnaðarráðuneytis.
6. mars 2002 - Fundur um skýrsluna, þar sem athugasemdir Gríms eru hraktar, samkvæmt
ráðherra og Orkumálastjóra.
8. apríl 2002 - Framkvæmd Kárahnjúkavirkjunar samþykkt á Alþingi.
14. apríl 2005 - Valgerður Sverrisdóttir iðnaðarráðherra minnist á skýrslu Gríms í ræðu á Alþingi.
24. ágúst 2006 - Grímur Björnsson fær leyfi frá Orkuveitu Reykjavíkur til að tjá sig um Kára-
hnjúkavirkjun.
Fótbrotinn maður Þyrla Landhelgis-
gæslunnar, TF-Líf, sótti mann að Skóg-
um um tvöleytið í gær. Maðurinn hafði
fótbrotnað við veiðar og var hann fluttur
á slysadeild.
LANDHELGISGÆSLAN
PÉTURSBORG, AP Mikill bruni varð í
dómkirkjunni í Pétursborg í gær
með þeim afleiðingum að hjálm-
hvelfing kirkjunnar hrundi í þess-
ari fyrrum höfuðborg Rússlands.
Eldurinn kviknaði í miðhvelfingu
Kirkju heilagrar þrenningar og
hrundi hvelfingin ásamt einni af
fjórum minni hvelfingum.
Slökkviliðsmenn reyndu hvað
þeir gátu til að forða hinum hvelf-
ingunum frá eldinum og og mun
þeim hafa tekist að bjarga
þónokkrum af íkonum kirkjunnar.
Engin slys urðu á mönnum og
eldsupptök eru ókunn. - kóþ
Dómkirkjan í Pétursborg:
Hjálmhvelfing
hrundi í eldi
Í LJÓSUM LOGUM Hvelfing dómkirkjunnar
hrundi í brunanum. FRÉTTABLAÐIÐ/AP
SINFÓNÍUHLJÓMSVEIT NORÐURLANDS
Spilaði við mikla hrifningu gesta.
AKUREYRI Á fimmta þúsund manns
voru í miðbæ Akureyrar í gær-
kvöldi þegar Listasumri Akureyr-
inga lauk með Akureyrarvöku. Í
tilefni dagsins var boðið upp á
menningarviðburði um allan
Akureyrarbæ sem góður rómur
var gerður að. Meðal viðburða
voru tónleikar Sinfóníuhljóm-
sveitar Norðurlands í Listagilinu
undir stjórn Guðmundar Óla Gunn-
arssonar. Listasumar hefur staðið
yfir á Akureyri í tíu vikur. Þetta er
í fjórtánda skipti sem bæjarbúar
og gestir njóta þess og hefur það
dafnað með árunum. - áp
Listasumri á Akureyri lauk með menningarvöku Akureyringa:
Fjölmenni á Akureyrarvöku
FR
ÉTTA
B
LA
Ð
IÐ
/H
N
EFILL
ELDSVOÐI Eldur kom upp í bílakjall-
ara undir nýbyggingu við Dalveg í
Kópavogi um kvöldmatarleytið í
gær. Mikinn reyk lagði frá bygging-
unni enda hafði eldurinn læst sig í
nokkra rúmmetra af frauðplasti.
Að sögn Friðjóns Daníelssonar,
aðstoðarvarðstjóra slökkviliðsins,
gekk greiðlega að ráða niðurlögum
eldsins og tók það einungis nokkrar
mínútur. Skemmdir á húsinu eru þó
einhverjar en þar sem það er enn á
byggingastigi má ætla að tjónið sé
minna en auðveldlega hefði getað
orðið. - at
Eldur við Dalveg í Kópavogi:
Mikill reykur
frá frauðplasti
ELDUR Í FRAUÐPLASTI Slökkviliðinu gekk
greiðlega að slökkva eld sem kviknaði í
nýbyggingu í Kópavogi. FRÉTTABLAÐIÐ/HRÖNN