Fréttablaðið - 13.12.2006, Blaðsíða 1

mest lesna dagblað á íslandi
> Markaðurinn
Sögurnar ... tölurnar ... fólkið ...
fylgir með fréttablaðinu í dag
Nýtt met | Viðskiptahalli hefur
aldrei verið meiri á einum árs-
fjórðungi en hann reyndist tæp-
lega 81 milljarður króna á þeim
þriðja. Viðskiptahalli ársins er því
orðinn 205 milljarðar króna og
meiri en allt árið í fyrra.
Úr landi | Actavis íhugar að flytja
framleiðslu um tuttugu samheita-
lyfja til Bretlands. Um er að ræða
lyf sem hefur verið kostnaðar-
samt að framleiða á Íslandi. Með
þessu er leitast við að lækka verð
lyfjanna.
Ný útgáfa | Landsbankinn hefur
lokið við skuldabréfaútgáfu í
Kanada fyrir 300 milljónir kan-
adískra dala eða 18 milljarða
íslenskra króna. Útgáfan er á
gjalddaga í janúar 2010.
Fons næststærstur | Fons, sem
er að meirihluta í eigu Pálma
Haraldssonar, hefur keypt 9,2
prósenta hlut Straums-Burðaráss
og dótturfélags þess, Iðu fjárfest-
inga, í 365. Fons er eftir kaupin
næststærsti hluthafinn í 365.
LÍ ráðleggur | Landsbanki Íslands
var aðalráðgjafi við kaup norska
fjárfestingarfélagsins Estatia
á kanadísku magnesíum-málm-
steypunni Meridian Technologies
á yfir 12 milljarða íslenskra
króna.
Dragast saman | Heildarútlán
Íbúðalánasjóðs námu 4,7 milljörð-
um króna í nóvember. Þetta er
1,5 milljörðum króna minna en í
mánuðinum á undan. Heildarútlán
sjóðsins á árinu nema ríflega 44,6
milljörðum.
Bæta við | FL Group hefur eign-
ast þrjátíu prósenta hlut í Glitni
eftir að fjárfestingafélagið keypti
bréf í bankanum fyrir 2,3 millj-
arða króna. Heildarhlutur bank-
ans er metinn á rúma 99 milljarða
króna.
Sérfræðingar Lánstrausts
Benda á veiku
blettina
18
General Motors
Dregur úr fram-
leiðslu jeppa
6
Sögurnar... tölurnar... fólkið...
F R É T T I R V I K U N N A R
Framtíðarskipan gengismála
Peningalaust
Ísland
10-11
Fjárfestarnir Kristinn Björnsson
og Magnús Kristinsson hafa
sett hlutabréf sín í FL Group
inn í Gnúp fjárfestingafélag sem
þeir stofnuðu ásamt Þórði Má
Jóhannessyni, fyrrum forstjóra
Straums-Burðaráss.
Jafnframt hefur Gnúpur selt
um fimm prósenta hlut til FL
sem á nú um sjö prósent í eigin
bréfum. Öll viðskiptin fóru fram
á genginu 23,1 sem var undir
þáverandi markaðsgengi hluta-
bréfa í FL.
Eignarhlutur Gnúps er því
um 17,2 prósent í FL eða rúmir
32 milljarðar að markaðsvirði.
Félög í eigu Magnúsar héldu
utan um 14,5 prósenta hlut í FL
fyrir viðskiptin, en félag í eigu
Kristins og systkina hans um 7,7
prósent.
Í tilkynningu til
Kauphallarinnar kemur fram að
Kristinn og Magnús eigi saman-
lagt 93 prósent hlutafjár í Gnúpi.
Fjárfestingafélagið Brekka, sem
er í eigu Þórðar Más, er einnig
meðal hluthafa. - eþa
Gnúpur kaupir
og selur í FL
Vísitala neysluverðs hækkaði
um 0,04 prósent
milli mánaða
í desember og
jafngildir það
7,0 prósents
verðbólgu síð-
astliðna 12 mán-
uði, samkvæmt
útreikningum
Hagstofunnar.
Til samanburð-
ar var verðbólgan 7,3 prósent í
nóvember.
Hækkunin er ívið minni en
greiningardeildir bankanna spáðu
en þær hljóðuðu upp á 0,1 til 0,2
prósenta hækkun milli mánaða.
Eldsneytisverð lækkaði milli
mánaða. Á móti hækkaði verð á
bílum og húsaleigu en það er í
takt við spár greiningardeilda
bankanna. Þá lækkaði matvöru-
verð þriðja mánuðinn í röð en það
var þvert á spár bankanna. - jab
Minni
verðbólga
Peningalaust hagkerfi þar sem evran
væri viðmiðunargjaldmiðill kann að
vera leið sem hentar hér á landi, segir
Björn Rúnar Guðmundsson, sérfræð-
ingur greiningardeildar Landsbankans.
Hann stingur upp á því að hugað verði
að vænleika þessarar leiðar, en með
henni yrði tekið hér upp myntráð og
vaxtaákvarðanir yrðu hér áfram sjálf-
stæðar að því marki að ákvörðunar-
valdið lægi hjá Seðlabanka Íslands.
„Engin þjóð hefur enn sem komið er
tekið upp peningalaust kerfi þó svo að
fræðilega hafi þessi hugmynd verið á
reiki innan hagfræðinnar í heila öld,“
segir Björn Rúnar í grein sinni um
framtíðarskipan gjaldeyrismála hér.
Hann telur þó að með aukinni tækni-
væðingu og rafrænum greiðslum sé bara
tímaspursmál hvenær skrefið verði tekið
til fulls.
Björn Rúnar segir að þótt „dollaravæð-
ing“ hafi fengið á sig óorð í Argentínu og
myntráð hafi á margan hátt þótt gamal-
dags kunni millivegurinn að henta hér.
Umræða um framtíð krónunnar sem
gjaldmiðils hefur verið áberandi á árinu
og forsvarsmenn fyrirtækja bent á að
hún standi í raun í vegi fyrir erlendri
fjárfestingu hér og að með jafn óstöðug-
an gjaldmiðil sé strik sett í allar rekstr-
aráætlanir fyrirtækja sem viðskipti eiga
við útlönd.
Sjá úttekt í miðopnu / - óká
Evran án aðildar að ESB
Óli Kristján Ármannsson
skrifar
Seðlabanki Íslands hefur ákveðið að setja á þagn-
artímabil í þrjár vikur fyrir útgáfu Peningamála
og tvær vikur fyrir aðra vaxtaákvörðunardaga.
Ákvörðun um þetta var tekin fyrir helgi að sögn
Eiríks Guðnasonar seðlabankastjóra. Næsti vaxta-
ákvörðunardagur er 21. desember og fyrsta þagn-
artímabil bankans því þegar hafið.
Eiríkur segir það ekki síst vera fyrir ásókn
greiningardeilda erlendra fjármálastofnana að
þagnartímabilsleiðin hafi verið farin. „Þær hafa
sóst hér eftir fundum og einhvern veginn hitt
nákvæmlega á að vera svona skömmu fyrir ákvörð-
unardag,“ segir hann og bætir við að þekkist að
sami háttur sé hafður á í öðrum seðlabönkum. Nú
tjá starfsmenn bankans sig því ekki um stefnu
hans eða efnahagsmál þegar að vaxtaákvörðun
líður. „Við gefum út mikið efni með Peningamálum
og nokkuð þegar aðrir ákvörðunardagar eru og
okkur þykir það nóg. Svona framlag af okkar
hálfu hefur stóraukist með Seðlabankalögunum og
framkvæmd þeirra og ætti að nægja,“ segir hann.
Greiningardeildir bankanna hér segja ákvörð-
un bankans skiljanlega og í raun sé með þessu
lítið annað gert en að formgera fyrirkomulag
sem þegar hafi verið við lýði. Á fimmtudag-
inn eftir viku er aukavaxtaákvörðunardagur hjá
Seðlabankanum, en í nóvember byrjun lét bankinn
stýrivexti óbreytta í 14 prósentum, en hvað frek-
ari hækkun í spilunum yrðu þróun efnahagsmála
ekki hagfelld. Greiningardeildir bankanna gera
allar ráð fyrir hækkun. Ingólfur Bender, forstöðu-
maður greiningardeildar Glitnis, segir flest það
sem gerst hafi frá síðasta vaxtaákvörðunardegi
ýta undir þörfina á hækkun og bendir þar bæði
á gengisþróun og tölur um viðskiptahalla. Glitnir
spáir 25 punkta hækkun. Landsbankinn telur að
hækkunin gæti numið allt að 50 punktum, með
fyrirvara um hvernig hagvaxtarmæling sem birt
verður í dag kemur út. Þá gerir greiningardeild
Kaupþings ráð fyrir 50 punkta hækkun og rekur
þörfina á henni ekki síst til lítils aðhalds í nýsam-
þykktum fjárlögum. Bent er á að fjárlögin geri ráð
fyrir töluverðri lækkun skatta og hækkun útgjalda
um leið. Greiningardeildin segist óttast að vegið
sé nærri grunnafkomu ríkissjóðs sem muni hefna
sín um leið og þensla gangi niður. „Ennfremur,
virðast allir hemlar á fjárfestingum ríkisins vera
að gefa eftir og gildir einu hvort um sé að ræða
bein ríkisútgjöld eða einkaframkvæmdir á vega-
bótum,“ segir bankinn og bendir á að baráttan við
verðbólguna sé enn í algleymingi.
Seðlabankinn þegir
í tvær til þrjár vikur
Erlend ásókn í upplýsingar hefur knúið Seðlabankann til
að setja reglur um þagnartímabil fyrir vaxtaákvarðanir.
Greiningardeildir spá 25 til 50 punkta hækkun næst.
Sími: 550 5000
Miðvikudagur
13. desember 2006 — 334. tölublað — 6. árgangur
Smáauglýsingasími550 5000
Auglýsingasími Allt550 5880
Þú getur pantað smáauglýsingar á visir.is
Söngur er eitt af áhugamálum hinnar átta ára Önnu Kristínar Hrafnkelsdóttur. Hún er í Barnakór Breiðholtskirkju sem æfir nú helgileik af kappi fyrir jólamessu.
„Við ætlum að sýna helgileik í kirkjunni á
jólunum og ég er að æfa lög sem heita
Halelúja, Kærleiksboðskapurinn og Hirð-
ar á jörðu,“ segir Anna Kristín þegar hún
er spurð út í söngæfingarnar sem hún
stundar. Henni þykja öll lögin skemmtileg
og nefnir eitt í viðbót í þessum flokki. Svo
fara þeir fljótt af stað, heitir það. Helgileikurinn gerist hjá jötunni í
Betlehem að sögn Önnu Kristínar og þar
er bæði fólk og fénaður. „Ég leik kind en
ég ætla samt ekki að jarma heldur syngja,
segir hún brosandi og bætir við: „Svo
verða fjárhirðar þarna og ein stelpan er
María mey.“
Nýlega kom Anna Kristín fram með
kórnum sínum á aðventukvöldi í kirkjunni
og líka í verslunarmiðstöðinni Mjóddinni.
Henni finnst gaman að syngja fyrir fólk
en kveðst líka oft taka lagið heima og þá
einkum æfa kórlögin. Breiðholtsskóli er skólinn hennar Önnu
Kristínar og þar er líka sungið á aðvent-
unni. „Ég fer á hverjum morgni inn í sal
að syngja jólalög,“ lýsir hún. „Það eru
bara svona létt lög sem allir kunna. Til
dæmis Gekk ég yfir sjó og land og eitt-
hvað svoleiðis. Við erum bara einu sinni
búin að syngja Adam átti syni sjö en það
er verra því þá þarf að standa upp og
stappa og snúa sér.“
Leikur syngjandi kind
FRÁBÆR TILBOÐ!
SÉRBLAÐ FYLGIR
1 1
dagar til jóla!
Opið
til 18.30
anna Kristín HrafnKelsdóttir
Syngur jólalög á
hverjum morgni
Jólin koma Bílar Ferðir
í miðju blaðsins
Tónlistarmenn
sækja fram
Degi íslenskrar
tónlistar var fagnað
í fyrsta sinn í gær.
Menning 36
Fær tíu milljarða
Paul McCartney er
sagður hafa samið
um greiðslur til
Heather Mills á bak
við tjöldin.
fólk 40
Meiðsli ógna
ferlinum
Hrafnkell Helgason
missir af hálfu
næsta tímabili
hið minnsta
og er ferillinn
allur í hættu.
íþróttir 48
veðrið í dag
Strekkingur Í dag verður norð-
austan strekkingur á Vestfjörðum
og Snæfellsnesi, annars hægari.
Éljagangur norðan og austan til en
úrkomulítið syðra lengst af í dag.
Yfirleitt frost.
veður 4
�� ��
��
��
��
�
�
� �
��
�
�
´96 ´97 ´98 ´99 ´00 ´01 ´02 ´03 ´04 ´05 ´06 ´07 ´08 ´09 ´10 ´11 ´12 ´13
288 248 317 273339
419 422
585
804 836
774*
Spá miðað við aðflutta sjö árum fyrr
1.108
1.132
835
609
1.130
2.106
2.925nýir ríKisborgarar
fjöldi þeirra sem hlotið hafa
íslenskt ríkisfang á síðustu tíu árum
*til 23. okt.
Forsendur Hydro
„Helsti misskilningurinn er kannski
sá að Hydro hafi verið mótfallið
virkjuninni við Kárahnjúka sem
Landsvirkjun ætlaði að reisa,“ segir
Bjarne Reinholdt.
uMræðan 28
innflytjendur Gera má ráð fyrir
því að 3.000 manns fái íslenskan
ríkisborgararétt árið 2013 en í lok
október höfðu 774 fengið íslensk-
an ríkisborgararétt á þessu ári.
Tölurnar eru byggðar á líkani
dómsmálaráðuneytisins en í því er
miðað við að 45 prósent þeirra
sem flytjast til landsins hvert ár
æskji ríkisborgararéttar sjö árum
síðar en sú hefur verið raunin síð-
ustu sex ár.
Sá fyrirvari er gerður að marg-
ir hafi komið til landsins undan-
farið vegna tímabundinna stór-
framkvæmda en á móti kemur að í
líkaninu er ekki tekið tillit til þess
að norrænir borgarar og makar
íslenskra borgara fái ríkisborg-
ararétt eftir skemmri búsetu.
Algengt er að erlendum maka
íslensks ríkisborgara sé veittur
ríkisborgararéttur eftir þriggja
ára búsetu hér á landi í hjúskap.
Árið 1996 fengu 288 íslenskt
ríkisfang en á síðasta ári voru þeir
836. Alls fengu 5.305 ríkisborgara-
rétt frá 1996 til 23. október á þessu
ári.
Sé litið til aldursskiptingar
þeirra sem hlutu íslenskan ríkis-
borgararétt síðasta áratug má sjá
að 1.707 voru á aldrinum 0 til 17
ára eða um þriðjungur þeirra sem
fengu ríkisfang á tímabilinu.
Mannfjöldaspá Hagstofunnar
gerir ráð fyrir að árið 2013 verði
Íslendingar rúmlega 311 þúsund
og rúmlega 353 þúsund árið 2045.
Einar Skúlason, framkvæmda-
stjóri Alþjóðahúss, býst við því að
alþjóðlegra áhrifa muni sérstak-
lega gæta í menningarlífi hér á
landi í framtíðinni. „Við munum
sjá meiri nýsköpun og þá út frá
öðrum hliðum en menn hafa
ímyndunarafl til. Það verður meiri
fjölbreytni og frumkvöðlastarf-
semi en áður enda sýna rannsókn-
ir að innflytjendur eru jafnan
ötulli frumkvöðlar en þeir sem
fyrir eru.“ - bþs / sjá síðu 4
Þrjú þúsund fái íslenskan
ríkisborgararétt árið 2013
Því er spá að um 3.000 manns fái íslenskt ríkisfang árið 2013. Til samanburðar fá um 800 ríkisborgararétt í
ár. Framkvæmdastjóri Alþjóðahúss segir þróunina jákvæða. Menningarlíf glæðist og nýsköpun aukist.
SlyS Tæplega sextugur bóndi,
Magnús Jóhannesson á Ytra-Leiti
á Skógarströnd, var að huga að
sauðfé sínu í fjallshlíð fyrir ofan
bæinn Klungubrekku síðdegis á
föstudag þegar honum skrikaði
fótur á klakabunka. Hann rann
niður fjallshlíðina og fótbrotnaði í
fallinu.
Þrátt fyrir fótbrotið tókst
Magnúsi að skríða 700 metra að
bílnum sínum. Magnúsi tókst að
keyra bílinn, þriggja til fjögurra
kílómetra leið að bæ sínum. Þar
hringdi hann á St. Franciskusspít-
alann á Stykkishólmi sem sendi
sjúkrabíl eftir honum. „Hann er
mikið hraustmenni þessi maður.
Þetta er heljarinnar þrekvirki,“
segir Jóhannes Björgvinsson,
aðalvarðstjóri hjá lögreglunni í
Búðardal, sem kom að Ytra-Leiti á
sama tíma og sjúkrabíllinn náði í
Magnús. „Hann var mjög hress
miðað við hvað hann var mikið
meiddur,“ segir Jóhannes.
Magnús lá á spítalanum í Stykk-
ishólmi þar til á mánudaginn en
var þá fluttur til hálfbróður síns,
Gísla Gunnlaugssonar, í Reykja-
vík.
Að sögn Gísla brotnaði lærlegg-
ur Magnúsar á tveimur stöðum
auk þess sem liðbönd slitnuðu.
Gísli segir að Magnús þurfi að
liggja fyrir í tvo til þrjá mánuði en
að hann sé samt hinn hressasti og
líðan hans góð eftir atvikum.
- ifv
Tæplega sextugur bóndi fótbrotnaði þegar hann var að huga að fé sínu:
Skreið 700 metra fótbrotinn
Bandaríkin Jólaglingur getur haft
svo mikil áhrif á þráðlaust net að
styrkur þess minnkar um
fjórðung. Þetta kemur fram í
nýrri bandarískri rannsókn, sem
fjallað er um á fréttavef danska
blaðsins Berlingske Tidende.
Bandaríska fyrirtækið
Airmagnets lét rannsaka áhrif
jólaskrauts á þráðlaust net
nokkurra skrifstofa og komst að
því að styrkur þess minnkaði um
25 prósent.
„Þegar við skoðum jólaskraut,
þá eru til dæmis glimmer og
jólakúlur búnar til úr málmefn-
um, og málmur hefur einmitt
áhrif á virkni þráðlausa netsins,“
sagði Anders Fosgerau, lektor við
Tækniháskóla Danmerkur. - smk
Jólaskraut og tölvur:
Glingrið truflar
þráðlaust net
baggalútur í sveiflu Hljómsveitin Baggalútur, sem notið hefur mikilla vinsælda að undanförnu, tók lagið á Degi íslenskrar
tónlistar en sjóður var formlega stofnsettur af því tilefni og er honum ætlað að styrkja tónskáld og textahöfunda til nýsköpunar
á sviði tónlistar. Að sjóðnum standa Samband íslenskra tónskálda og eigenda flutningsréttar, STEF, og 365 miðlar ehf. Styrkir úr
sjóðnum munu nema sex milljónum á ári en fyrirhugað er að byrja að veita úr honum á næsta ári. sjá síðu 36 FrÉTTABlAðið/Hörður
andi jólanna í genunum
Ebba Arngríms-
dóttir er jólabarn
Sérblað um jólahald
fylgir fréttablaðinu í dag