Fréttablaðið - 02.02.2007, Blaðsíða 102

Íslenska landsiðið mun
leika um sjöunda sætið á HM og
það er grátleg niðurstaða í lok
móts sem hefur verið frábært hjá
strákunum. Þeir voru sjálfum sér
verstir á ný í gær er þeir gáfu
þungum Rússum sigur í leik sem
þeir áttu að vinna. Niðurstaðan
þriggja marka tap, 25-28, sem er
mikil vonbrigði.
Hann var ekki burðugur hand-
boltinn sem boðið var upp í fyrri
hálfleik í gær og í raun var hann
alveg skelfilegur. Það var þungt
yfir íslenska liðinu og ljóst að
tapið sára gegn Dönum sat enn í
mönnum og það skiljanlega. Strák-
arnir voru augljóslega í vandræð-
um með að rífa sig upp og var lítið
talað og stemningin takmörkuð.
Sóknarleikurinn í fyrri hálfleik
var mjög mistækur hjá okkar
mönnum og strákarnir gerðu sig
seka um hræðileg mistök hvað
eftir annað. Svo voru þeir að taka
slök skot sem hinn rússneski
Kostygov varði auðveldlega en
hann verður seint talinn öflugur
markvörður.
Rússarnir léku mjög hægan og
leiðinlegan sóknarbolta en þeir
eru seigir og skoruðu oft eftir
langar sóknir. Íslenska vörnin var
slök en Birkir Ívar varði ágætlega
þar fyrir aftan.
Það er miklu meiri hraði í
íslenska liðinu og ljóst að ef liðið
fengi smá vörn og markvörslu
myndi það keyra hraðaupphlaup
og um leið sökkva rússneska birn-
inum. Það gerðist í tvígang og þá
náði Ísland tveggja marka forystu
sem það tapaði niður jafn harðan.
Síðustu mínúturnar í fyrri hálf-
leik hjá strákunum okkar voru
mjög vondar en eftir að hafa kom-
ist yfir, 12-11, hrundi leikur liðsins
algjörlega, Rússar skoruðu fimm
mörk í röð og komust fjórum
mörkum yfir, 12-16. Þann mun
náði Ísland að laga rétt í blálok
hálfleiksins og munurinn því tvö
mörk í leikhléi, 14-16.
Síðari hálfleikur byrjaði skelfi-
lega hjá íslenska liðinu. Vörnin
var í molum og hinn þungi rúss-
neski björn skoraði að vild án
nokkurra vandræða. Í sókninni
skutu strákarnir hvað eftir annað í
Kostygov en þeir gerðu slíkt hið
sama fyrir tveim árum í Túnis.
Birkir Ívar hrökk þá í gírinn og
þökk sé honum byrjaði Ísland að
saxa niður forskot Rússanna sem
var aftur orðið fjögur mörk. Ísland
fékk í kjölfarið fjölda hraðaupp-
hlaupa og jafnaði leikinn, 20-20.
Strákarnir tóku í kjölfarið öll
völd á vellinum og náðu tveggja
marka forskoti, 24-22. Þá hrundi
leikur liðsins til grunna á ný og
þess utan fóru strákarnir hrika-
lega að ráði sínu einir gegn
Kostygov.
Rússar gengu á lagið og komust
í þriggja marka forskot, 24-27, og
leiknum lokið. Rússarnir brugðu
einnig á það ráð að taka Ólaf Stef-
ánsson úr umferð á þessum tíma
og íslensku strákarnir urðu ráða-
lausir fyrir vikið.
Íslenska liðið skoraði aðeins
eitt mark síðustu 13 mínútur leiks-
ins og kastaði frá sér unnum leik.
Strákarnir hreinlega gáfu Rússum
sigurinn. Það var þungt yfir liðinu
eins og búast mátti við og menn
orðnir þreyttir en það afsakar
ekki þessa frammistöðu. Hún var
mjög vond og vonandi að leikmenn
nái að þjappa sér saman fyrir
Spánarleikinn.
Skelfilegar lokamínútur
Stefnum á Ólympíuleikana árið 2016
Unglingalandsliðsmaður-
inn Birkir Bjarnason skoraði
fyrra mark
norska
úrvalsdeild-
arliðsins
Viking gegn
HamKam í
vikunni. Liðin
áttust við í
æfingaleik og
vann Viking,
2-0.
Birkir var
í byrjunarlið-
inu og kom
Viking á bragðið á 74. mínútu.
Honum var svo skipt af velli á 87.
mínútu.
Í haust skrifaði hann undir
nýjan samning við Viking og má
búast við að hans hlutverk með
liðinu næsta sumar verði stórt.
Birkir skoraði
fyrir Viking
„Mér finnst
það engin afsökun að
halda því fram að menn
hafi verið bensínlausir.
Ég vil frekar segja að
þeir hafi verið skyn-
samari og leituðu vel að
sínum færum á meðan
við tókum fáranleg skot á
köflum,“ sagði Guðjón Valur
Sigurðsson sem stóð vel fyrir
sínu.
„Menn voru ekki nógu klókir.
Það eru allir þreyttir á þessu stigi
mótsins og það eru klókari
leikmennirnir sem vinna leikina.
Þrátt fyrir tapið ber ég þá von í
brjósti að við getum sýnt góðan
leik á laugardag.“
Ekki nógu klókir
Strákarnir okkar munu spila við Spánverja um sjöunda sætið á HM. Það varð ljóst eftir að liðið gaf Rúss-
um sigur í skelfilegum handboltaleik í Hamborg. Leikur íslenska liðsins hrundi í lokakafla leiksins í gær.
Því miður fyrir íslenska liðið
tapaðist leikurinn við Rússa, leik-
ur sem við höfðum alla burði til
þess að vinna.
Leikurinn í gær var mjög köfl-
óttur svo ekki sé meira sagt. Eftir
frekar slaka byrjun tókst okkur
smátt og smátt að koma okkur
inn í leikinn og snúa honum okkur
í hag. Sá viðsnúningur var því
miður skammvinnur og Rússum
tókst að komast í forystu á nýjan
leik. Þeir leiddu í hálfleik með
tveimur mörkum.
Varnarleikurinn var illa leik-
inn en Birkir Ívar var engu að
síður traustur í markinu. Ef ekki
hefði verið fyrir markvörslu hans
í fyrri hálfleik og þá sérstaklega
af sex metra færi hefði forskot
Rússa sennilega verið meira.
Við áttum í miklum erfiðleik-
um í sóknarleik okkar í fyrri hálf-
leiknum og tæknileg mistök voru
afar mörg. Það leiddi til þess að
Rússar skoruðu fjölda marka úr
hröðum upphlaupum.
Eina ljósglætan í fyrri hálf-
leik auk markvörslu Birkis Ívars
voru hröðu upphlaupin okkar.
Átta mörk, 60% allra marka
okkar, komu eftir slík upphlaup í
fyrri hálfleik.
Í síðari hálfleik var allt annað
að sjá til íslenska liðsins og varn-
arleikur þess var mun betri.
Alfreð breytti úr 6/0 vörn í 5/1 og
leikmenn voru miklu ákveðnari í
sínum varnaraðgerðum. Liðið hélt
áfram að keyra hraðaupphlaupin
og smátt og smátt tókst okkur að
snúa leiknum okkur í hag.
Þegar um tíu mínútur voru
eftir virtist sem svo að leikurinn
væri í okkar höndum. Og fengum
í raun nokkur góð tækifæri til að
gera út um leikinn. En Maximov
þjálfari Rússa sýndi klókindi
þegar hann tók til þeirra ráða að
taka Ólaf úr umferð. Við það virt-
ist leikur okkar hreinlega hrynja.
Lokamínúturnar voru skelfi-
legar og töpuðust þær 5-1. Niður-
staðan var því þriggja marka tap.
Það var sárgrætilegt að sjá liðið
missa leikinn gjörsamlega úr
höndunum.
Leikur liðsins í heild sinni var
allt of kaflakenndur og of fáum
leikmönnum tókst að sýna sitt
rétta andlit. Allt of mikið hringl
var með stöðu línumanns og sömu
sögu má segja um vinstri skyttu-
stöðuna. Markús fékk of lítið tæki-
færi til að spila sig inn í leikinn og
hafði greinilega ekki nægilegt
traust þjálfarans.
Langflest mörk Rússanna
komu af miðjusvæðinu og vant-
aði alla stjórnun í varnarleik
íslenska liðsins.
Okkar banabiti reyndist vera
þegar Ólafur var tekinn úr
umferð og því miður virtumst
við ekki eiga svör við því. Niður-
staðan er því leikur um sjöunda
sæti mótsins sem við verðum að
vinna viljum við eiga þess kost
að komast á Ólympíuleikana í
Peking á næsta ári.
Þrjú þýsk knattspyrnulið
misstu þolinmæðina og skiptu um
þjálfara sína í vikunni. Á 48
tímum misstu þeir Felix Magath
(Bayern Munchen), Jupp Heync-
kes (Borussia Monchengladbach)
og Thomas Doll (SV Hamburg)
vinnuna. Magath og Doll voru
reknir en Heynckes sagði sjálfur
upp. Doll var sá síðasti til þess að
vera rekinn eftir 1-1 jafntefli SV
Hamburg við Energie Cottbus.
Fyrir vikið sat liðið á botni
deildarinnar með aðeins 15 stig í
19 leikjum.
Þrír þjálfarar
missa vinnuna