Fréttablaðið - 11.06.2008, Blaðsíða 54
30 11. júní 2008 MIÐVIKUDAGUR
1
6 7 8
10
13
119
12
15
16
18
21
20
17
14
19
2 3 4 5
GAMLA MYNDIN
LÁRÉTT
2. stöngulendi, 6. tvíhljóð, 8. angra,
9. fyrirboði, 11. ætíð, 12. skrælnuð
trjágrein, 14. ísjaki á sjó, 16. í röð, 17.
útsæði, 18. upphrópun, 20. bor, 21.
innyfla.
LÓÐRÉTT
1. afturendi, 3. guð, 4. endurnefna, 5.
mánuður, 7. frami, 10. geislahjúpur,
13. bókstafur, 15. hamingja, 16. kk
nafn, 19. frú.
LAUSN
LÁRÉTT: 2. brum, 6. au, 8. ama, 9.
spá, 11. sí, 12. sprek, 14. hafís, 16. de,
17. fræ, 18. úff, 20. al, 21. iðra.
LÓÐRÉTT: 1. rass, 3. ra, 4. umskíra, 5.
maí, 7. upphefð, 10. ára, 13. eff, 15.
sæla, 16. dúi, 19. fr.
„Ég var alltaf svolítill hippi og
er það eiginlega enn. Maður er
alltaf maður sjálfur.“
Þórunn Sigurðardóttir, listrænn stjórnandi
Listahátíðar í Reykjavík. Myndin var tekin
í janúar 1974.
„Ég nota afmælisdaga. En það er
erfitt að ná öllum tölum á einn
miða þegar maður á 7 börn, 3
barnabörn og 4 barnsmæður. Ein-
hverra hluta vegna er afmælis-
dagur dóttur minnar sem býr hjá
okkur núna ekki þarna með. Þá
hefði ég unnið 260 milljónir,“ segir
Ásgeir Þór Davíðsson veitinga-
maður sem betur er þekktur sem
Geiri á Goldfinger. Hann var að
vinna 9 milljónir í Víkingalottó-
inu.
Þann 21. maí var heppinn Dani
sem var með sex tölur réttar í Vík-
ingalottóinu, ofurtalan var með
(19) og fékk hann 505 milljónir.
En, þetta sama kvöld var einnig
heppinn Íslendingur með fimm
tölur réttar og bónustöluna. Hann
fékk íslenska bónuspottinn skatt-
frjálst og er 8,5 milljónum ríkari.
Og það er okkar maður. Geiri.
„Já, eða ég fékk 8,9 milljónir af
því ég er með kerfisseðil,“ segir
Geiri – lukkunnar hrólfur. Sem
lýsir aðdragandanum þannig að
konan hans var að skamma hann
fyrir kveinstafi og benti Geira á
að þegar neyðin er stærst er hjálp-
in næst. Og sú var raunin núna líkt
og árið 1984 þegar Geiri vann 500
þúsund sem þá var hæsti vinning-
ur í happdrætti Háskóla Íslands.
„Þá var ég líka næstum því kom-
inn á hausinn. Já, ég var eitthvað
að kvarta undan blankheitum. Ég
læt reyndar alltaf eins og ég sé
milljónamæringur hvort sem ég
er blankur eða ekki. Enda skiptir
það mig engu máli því menn spyrja
mig bara hvort ég kunni annan
þegar ég segist blankur,“ segir
Geiri og hlær. Hann segist engar
áhyggjur hafa af kvabbi og betli
þó þetta komi fram. „Það er hvort
sem er alltaf verið að kvabba í
mér.“
Nýverið vann Geiri meiðyrða-
mál á hendur Jóni Trausta Reynis-
syni og Ingibjörgu Dögg Kjartans-
dóttur og tímaritinu Ísafold. Geiri
er mikill velgjörðarmaður og bak-
hjarl HK í Kópavogi og hafði heit-
ið því að ef hann myndi vinna það
mál myndi fjárhæðin sú renna
óskipt til íþróttafélagsins. Og telur
að Guð almáttugur sé nú að launa
honum gæskuna þá með vöxtum.
Peningana hyggst hann nota í að
borga skuldir. Sem eru ærnar í
tengslum við uppbyggingu mikils
og glæsilegs veitingastaðar –
Steak and Play – sem hann er að
reisa við Grensásveg. Verið er að
handsmíða innréttingar í útlönd-
um.
Að sögn Guðbjargar Hólm hjá
Íslenskri getspá hafa Íslendingar
því miður ekki mikið sótt gull í
greipar Víkingalottósins sem
skyldi frá því það hófst árið 1993
sem samstarf fimm Norðurlanda.
En standa þó nokkurn veginn á
jöfnu.
„1. vinningurinn hefur komið 14
sinnum til Íslands og hæsti vinn-
ingurinn, 105 milljónir, kom í
október árið 2007. Hann fór til
Akureyrar,“ segir Guðbjörg en
Akureyringar eru öðrum lands-
mönnum heppnari. Hæsti bónus-
vinningurinn, 54 milljónir, fór
einnig þangað. „Heildarupphæð
frá upphafi til Íslands í 1. vinning
eru 500 milljónir og 700 á bónus-
vinninginn.“ jakob@frettabladid.is
ÁSGEIR ÞÓR DAVÍÐSSON: HK FÆR MILLJÓNINA ÚR DÓMSALNUM
Geiri vann 9 milljónir í lottó
MEÐ MIÐANN GÓÐA Geiri ásamt dóttur sinni Alexöndru Katrínu sem er að verða níu ára 23. september. Ef afmælisdagur hennar
hefði verið á miðanum væri Geiri nú að fagna 260 milljóna króna vinningi. FRÉTTABLAÐIÐ/VALLI
„Barátta okkar er heldur betur farin að bera
árangur. Borgaryfirvöld og lögreglustjóri eru
loksins farin að hlusta á okkur. Já, við fögnum
en ég hrósa þó ekki happi fyrr en þetta er
komið á. Ég vona að yfirvöld séu hörð á þessu
en veitingamenn eru að malda í móinn. Ég
held þeim sé ekki stætt á því,“ segir Elín
Guðrún Gunnlaugsdóttir arkitekt og
miðborgar búi.
Fréttablaðið greindi frá því á föstudag að
veitingastöðunum Vegamótum og Ölstofunni
við Vegamótastíg hafi verið gert, með bréfi frá
borgaryfirvöldum, að stytta opnunartíma sinn
frá klukkan hálf sex til klukkan þrjú um
helgar. Er um vika í að það komi til fram-
kvæmda. Þessu fagna íbúar í nágrenni við
staðina mjög að sögn Elínar og er að vænta
yfirlýsingar frá þeim í lok vikunnar vegna
orða Kormáks Geirharðssonar verts á
Ölstofunni þess efnis að veitingamenn gruni
að aðeins sé um að ræða kvartanir til
Stefáns Eiríkssonar lögreglustjóra frá
einu símanúmeri. Elín segir það af og
frá.
„Þetta eru íbúar í um 16 til 17 íbúðum
sem ég hef verið í sambandi við og á
þessu áhrifasvæði sem ég vil svo
nefna. Allir himinlifandi,“ segir
Elín og er þá aðallega að tala um
þá sem búa við Grettisgötu og
Klapparstíg. Þar hafi margir
verið orðnir afar þreyttir á
ástandinu en sumir ekki haft
rænu á að hringja og kvarta.
Elín telur aðspurð styttan
opnunartíma bæta ástandið til
mikilla muna. Hún talar um að
dynur frá tónlist haldi fyrir
íbúum vöku og þá einnig arg
og garg sem vilji fylga
drukknum Íslendingum þar sem þeir
standa fyrir utan staðina og reykja. Þá
hrökkva íbúar upp af svefni sínum –
þeir sem náð hafa að festa svefn. „Við
erum í vígahug núna og það eru ýmsar
reglur brotnar. Svo sem að fara með
vínglös út fyrir hússins dyr. Þá
hefur orðið breyting á Oliver við
Laugaveg með nýjum rekstrar-
aðilum. Þar eru svalir sem
liggja að Grettisgötu 5. Ég er í
húsi númer 3. Þangað út fara
gestir til að reykja og tónlistin
flæðir út. Þetta er alveg
yfirgengilegt,“ segir Elín. - jbg
Íbúar fagna mjög breyttum lokunartíma
ELÍN GUNNLAUGSDÓTTIR Segir íbúa
fagna því mjög að borgaryfirvöld
hafi gert þeim á Ölstofunni og Vega-
mótum að loka fyrr um helgar.
„Við höfum fengið mikið inn,
bæði af flöskum, kössum og aug-
lýsingum,“ segir Andri Þór Guð-
mundsson forstjóri Ölgerðar
Egils Skallagrímssonar sem nú
auglýsir eftir gömlum munum
tengdu fyrirtækinu. „Við erum
að stækka við okkur og tökum
nýtt hús í notkun í mars á næsta
ári. Þar viljum við bjóða gestum
okkar að upplifa sögu Ölgerðar-
innar.“
Almenningur er kvattur til að
láta vita ef hann á vörur tengdar
sögu Ölgerðarinnar og eru sval-
andi verðlaun. „Maður er að sjá
allskyns hluti sem maður vissi
ekki að væru til,“ segir Andri.
„Drykki eins og Sítrón og Kampa-
vín. En svo líka hluti sem menn á
miðjum aldri eins og ég muna
eftir, Póló-flöskur og Sinalco.
Nei, Spur er ekki komið ennþá.
Okkur vantar ennþá Spur-
flösku.“
Ölgerðin heldur upp á aldar-
afmæli sitt árið 2013 og lofar
Andri miklum hátíðahöldum af
því tilefni. Malt var fyrsti drykkur-
inn sem Tómas Tómasson stofn-
andi Ölgerðarinnar hóf að fram-
leiða og enn er verið að framleiða
Malt eftir sömu uppskrift. „Það
eru til malt-drykkir um allan
heim en þeir eru mun bitrari en
okkar Malt,“ segir forstjórinn.
„Svo lumar vöruþróunar deildin á
ýmsu. Diet Malt? Nei, takk. Við
erum nú ekki að fara út í ein-
hverja vitleysu með Maltið!“ - glh
Leita að gömlum Spur-flöskum
EKKERT DIET MALT Á LEIÐINNI Andri Þór
Guðmundsson, forstjóri Ölgerðarinnar,
auglýsir eftir munum tengdum fyrirtæk-
inu. FRÉTTABLAÐIÐ/E.ÓL.
Sóley Tómasdóttir, varaborgar-
fulltrúi Vinstri grænna og feministi
númer eitt, er ekki ýkja sátt við
fréttaflutning vefsíðunnar Vísir.is
af auglýsingum á einkamal.is. En
þar var óskað eftir klámmynda-
leikurum, bæði körlum og konum.
Sóley sendir ritstjórninnin dulbúin
skot með því að auglýsa eftir fólki
til að selja eiturlyf. Sóley
skrifar af sinni alkunnu
kaldhæðni að salan
muni aðallega fara
fram hérlendis en líka
eitthvað smá erlendis
og að góð laun séu í
boði. Hún vísar síðan
áhugasömum á að
hafa samband við
blaðamenn vísir.is.
Eftir að Fréttablaðið birti niðurstöð-
ur í netkönnun bloggarans Jens
Guð um verstu íslensku hljómsveit-
arnöfnin bættust við 800 atkvæði,
öll greidd Pláhnetunni. Jens telur að
hakkari á vegum Eurobandsins hafi
verið að verki og ógilti öll atkvæðin.
Eurobandið þykir því eftir
sem áður versta íslenska
hljómsveitarnafnið.
Friðriki Ómari er þó
eflaust nokk sama og
hamast sem aldrei fyrr
í líkamsræktinni þar
sem Yesmine Olsson ber
hann áfram. Kannski
á nú bara að taka
Eurovision með trompi
2009?
Annars virðast þau
Regína Ósk og áðurnefndur Friðrik
vera staðráðin í að hvílast vel þrátt
fyrir að gripið sé í lóðin við og
við. Því samkvæmt My Space-síðu
hópsins koma þau ekki
fram opinberlega fyrr
en 14. júní. Þá hefur
sveitin í raun ekkert
spilað síðan kvöldið
örlagaríka í Serbíu
en ef marka má
síðuna ætla
þau að taka
land og
þjóð með
trompi
þegar
hinu sjálf-
skipaða
leyfi lýkur.
- fgg/glh
FRÉTTIR AF FÓLKI
Blaðberinn
bíður
þín
Þú færð Blaðberann þinn í
Skaftahlíð 24 alla virka daga
frá kl. 8-17.
...góðar fréttir fyrir umhverfið
Blaðberinn...