Fréttablaðið - 05.10.2008, Blaðsíða 40

20 5. október 2008 SUNNUDAGUR
sport@frettabladid.is
FÓTBOLTI Jónas Guðni Sævarsson,
fyrirliði KR, var að vinna sinn
þriðja bikarmeistaratitil í gær en
hann varð bikarmeistari með
Keflavík árin 2004 og 2006.
„Ég vinn bikarmeistaratitilinn
alltaf á tveggja ára fresti, árin
2004, 2006 og 2008, þannig að ég
vinn bikarinn aftur árið 2010,“
segir Jónas Guðni sigurreifur.
„Það er frábært að enda
sumarið með þessum hætti og
vera taplausir í níu síðustu
leikjum okkar og landa titli.
Maður getur ekki verið annað en
ánægður með þetta sumar þó svo
að við hefðum vissulega viljað
vera nær toppnum í deildinni. Ég
lít í raun og veru á þetta sem
frábært sumar með bikarmeist-
aratitlinum. Það er bara þannig,“
segir Jónas Guðni. - óþ
Jónas Guðni Sævarsson, KR:
Tek bikarinn
aftur árið 2010
SIGURVEGARI Jónas Guðni Sævarsson
vann bikarinn í þriðja skiptið á ferlinum
í gær. FRÉTTABLAÐIÐ/ANTON
FÓTBOLTI „Leikurinn var bara
mjög jafn, eins og reyndar allar
viðureignir liðanna í sumar og
það var því svo sem vitað
fyrirfram að þetta yrði bara stál í
stál. Lítið var um færi og það er
því óhugnanlega svekkjandi að
við höfum þurft að sjá um að
skora sigurmarkið fyrir þá og
mér fannst ekki vera neinn
meistarabragur yfir þessu hjá
þeim,“ segir Pétur Georg
Markan, sóknarmaður Fjölnis,
svekktur í leikslok.
„Þetta er í annað árið í röð sem
við förum í þennan bikarúrslita-
leik og við vorum kannski frekar
lítillátir í fyrra en nú vildum við
bara vinna og ekkert annað. Það
er því erfitt að vera eitthvað að
stæra sig af því að hafa farið
tvisvar í bikarúrslitaleik og tapa í
bæði skiptin. Það er ömurlegt.
Það er samt vissulega erfitt að
segja eitthvað þegar allir eru að
reyna sitt besta. Þá er þetta bara
spurning um hvort þetta fellur
þín megin eða ekki og þetta féll
með KR í þessum leik.“ - óþ
Pétur Georg Markan, Fjölni:
Allir reyndu að
gera sitt besta
ÁTÖK Fjölnismaðurinn Pétur Georg
Markan reynir að stöðva KR-inginn
Gunnar Örn Jónsson. FRÉTTABLAÐIÐ/ANTON
FÓTBOLTI Þjálfarinn Ásmundur Arnarsson hjá
Fjölni, sem hefur gert frábæra hluti með
Grafarvogsfélagið á undanförnum árum, var
eðlilega svekktur í leikslok í gær. Ásmundur
var tiltölulega sáttur með spilamennsku
Fjölnis í fyrri hálfleik en allt annað en sáttur
með seinni hálfleikinn hjá sínum mönnum.
„Við lögðum leikinn upp með að spila
agaðan varnarleik og að keyra svo á þá eins
mikið og tækifæri gáfu til og mér fannst við
gera það ágætlega í fyrri hálfleik. Þá náðum
við að skapa okkur nokkur færi sem hefðu
getað skilað einhverju en síðasta sendingin
klikkaði þá gjarnan. Í seinni hálfleik náðum
við að mér fannst aldrei almennilegum takti
við leikinn og vorum nánast bara í vörn og í
einhverjum eltingarleik,“ segir Ásmundur.
Fjölnismenn töpuðu einnig bikarúrslita-
leiknum í fyrra, þá eftir framlengdan
úrslitaleik gegn FH, og það eykur ef eitthvað
er á vonbrigðin með að hafa tapað nú gegn
KR með marki á 89. mínútu.
„Það er alltaf leiðinlegt að fá á sig mark á
lokamínútunum og það er skelfilegt að tapa
með þeim hætti. En það er bara svona,
óneitanlega súrt í broti en við getum náttúru-
lega verið sáttir með sumarið í heild sinni.
Það er bara dálítið erfitt að sjá það núna því
við ætluðum að vinna bikarinn og það er fúlt
að fá silfrið aftur,“ segir Ásmundur. - óþ
Spútniklið Fjölnis þurfti að sætta sig við silfur, annað árið í röð, eftir tap gegn KR í úrslitaleik VISA-bikarsins:
Skelfilegt að tapa með þessum hætti
SVEKKTUR Ásmundur Arnarsson, þjálfari Fjölnis, var
eðlilega súr eftir svekkjandi tap gegn KR í gær.
FRÉTTABLAÐIÐ/PJETUR
FÓTBOLTI KR varð í gær bikarmeist-
ari karla í ellefta sinn í sögu félags-
ins en Vesturbæjarstórveldið hefur
unnið bikarinn oftast allra félaga á
Íslandi. Logi Ólafsson, þjálfari KR,
var brosmildur í leikslok eftir erf-
iðan úrslitaleik.
„Þetta var eins og við var að
búast, erfiður leikur fyrir okkur.
Við vissum að Fjölnismenn myndu
liggja aftarlega á vellinum og
reyna að beita skyndisóknum og
við ætluðum að koma í veg fyrir
það. Við pressuðum þá framarlega
og reyndum þannig í veg fyrir að
þeir næðu góðum sendingum fram
völlinn. Það gekk ágætlega upp og
þeir fengu ekki mörg færi. Að
sama skapi gekk okkur erfiðlega
að komast í færi vegna þess hve
aftarlega þeir lágu og það var því
kærkomið að fá þetta mark í lokin.
Sigurinn skrifast klárlega á liðs-
heildina og eljuna sem við sýnd-
um,“ segir Logi.
Leikurinn fór vægast sagt rólega
af stað í gær og var tíðindalítill á
upphafsmínútunum. Það var meira
líf með KR-ingum eftir því sem
líða tók á fyrri hálfleikinn á meðan
Fjölnismenn lágu til baka og
reyndu að beita skyndisóknum. En
bæði lið áttu það sameiginlegt að
þeim gekk illa að reka smiðshöggið
á sóknarlotur sínar. Sóknaraðgerð-
ir beggja liða voru á stundum efni-
legar en þegar kom að því að taka
síðustu sendinguna, var hún oftast
nær alveg glæpsamlega léleg og
lítið sem ekkert reyndi á mark-
verðina, Þórð og Stefán Loga.
Stuðningsmenn liðanna létu til-
þrifaleysið þó ekki á sig fá og héldu
uppi frábærri stemningu í stúk-
unni.
Vallaraðstæður voru vissulega
ekki eins og best verður á kosið og
Laugardalsvöllurinn var reyndar
ekki í leikhæfu ástandi í gær-
morgun fyrir leikinn. En hvort sem
það hefur haft áhrif á spilamennsku
liðanna eða ekki þá var fátt sem
gladdi augað í fyrri hálfleik og
staðan markalaus þegar hálfleiks-
flautan gall.
KR-ingar byrjuðu seinni hálf-
leikinn betur og á 53. mínútu áttu
Gunnar Örn Jónsson og Björgólfur
Takefusa skemmtilegt þrí hyrnings-
spil sem endaði með því Gunnar
Örn átti fínt skot sem Þórður varði.
Þetta var fyrsta skot KR-inga í
leiknum sem hitti á markið.
KR-ingar héldu áfram að pressa
án þess sem fyrr að skapa sér
almennileg marktækifæri. Fjölnis-
menn virkuðu að sama skapi hug-
myndasnauðir og ólíkir sjálfum
sér.
Það dró til tíðinda á 83. mínútu er
hurð skall nærri hælum hjá Fjöln-
ismönnum þegar Grétar Sigfinnur
Sigurðarson, varnarmaður KR, átti
skalla í slá eftir hornspyrnu vara-
mannsins Óskar Arnar Hauksson-
ar.
Óskar Örn átti eftir að reynast
Vesturbæingum heldur betur
drjúgur því þegar allt virtist stefna
í framlengingu lét Óskar Örn að
sér kveða á ný.
Á 89. mínútu barst boltinn til
kantmannsins vinstra megin fyrir
utan vítateig Fjölnis og hann lét
vaða að markinu. Boltinn virtist
stefna fram hjá þegar hann hafði
allt í einu viðkomu í Kristjáni
Haukssyni, varnarmanni Fjölnis
og þaðan fór hann í markið. KR-
ingar fögnuðu dátt, en Fjölnismenn
trúðu ekki eigin óheppni.
Fjölnismenn gerða harða atlögu
að marki KR-inga á lokaandartök-
um leiksins og gerðu tilkall til víta-
spyrnu í blálokin en dómarinn
Magnús Þórisson flautaði ekki.
Stuttu síðar flautaði Magnús svo til
leiksloka og KR-ingar því VISA-
bikarmeistarar 2008.
KR-ingar voru talsvert á milli
tannanna á fótboltaspekingum
fyrir tímabilið og margir hverjir
gerðu þá kröfu á að félagið næði að
landa titli í sumar. Logi lét sér fátt
um finnast um þannig tal þá og það
hefur ekkert breyst núna þrátt
fyrir bikarmeistaratitilinn.
„Við erum ekki uppteknir af því
sem aðrir eru að segja. Við viljum
bara vinna okkar verk og vinna að
okkar markmiðum, hvað svo sem
öðrum finnst. En við skulum samt
sjá hvað úrtölumenn segja fyrir
næsta tímabil,“ sagði Logi og glotti
við tönn. omar@frettabladid.is
KR bikarmeistari í ellefta skiptið
KR-ingar hrósuðu 1-0 sigri í bragðdaufum úrslitaleik í VISA-bikar karla gegn Fjölnismönnum á Laugardals-
velli í gærdag. Sigurmarkið var sjálfsmark Kristjáns Haukssonar, varnarmanns Fjölnis, á 89. mínútu leiks-
ins. Fjölnismenn urðu þar með að sætta sig við silfurverðlaunin í VISA-bikarnum, annað árið í röð.
STEMNING Það var sannarlega frábær
stemning í stúkunni og áhorfendur létu
vel í sér heyra.
SIGURÖSKUR KR-ingar fögnuðu að vonum gríðarlega á Laugardalsvellinum í gær. Á
myndinni má sjá frá vinstri Grétar Sigfinn Sigurðarson, Jónas Guðna Sævarsson og
Gunnlaug Jónsson í sigurvímu. FRÉTTABLAÐIÐ/ANTON
> Svekkjandi endir á ferlinum
Miðjumaðurinn knái Ágúst Gylfason hjá Fjölni lék sinn
síðasta leik á ferlinum í tapinu gegn KR í gær og var að
vonum svekktur í leikslok. „Við vorum þéttir og fórum inn
í leikinn með það að leiðarljósi að halda markinu hreinu
og ná að lauma inn einu marki eða svo. Það var
því erfitt að fá það í andlitið svona seint í leiknum
að þeir nái að skora, það var erfitt að svara fyrir
það,“ segir Ágúst. „Ég er harðákveðinn í því að
ég er hættur en það er vissulega svekkjandi
að enda þetta á þennan hátt. Sumarið er
hins vegar í heildina búið að vera gott og
að ná sjötta sætinu og úrslitaleik í bikarn-
um er mjög góður árangur og vonandi nær
Fjölnir að byggja á því.“
Pétur Hafliði Marteinsson, varnarjaxl
KR, var í skýjunum með bikarsigurinn í
gærdag og hrósaði sér í lagi sterkri liðsheild
fyrir þá staðreynd að sigurinn hafi komist í
höfn hjá KR.
„Það var frábært að enda tímabilið með
bikarmeistaratitli. Svona eftir á að hyggja er mér
nokkurn veginn sama hvernig leikurinn sjálfur
spilaðist. Aðalmálið var að við næðum að
halda þetta út, berjast áfram og ná að skora
sigurmarkið og það gekk eftir og tilfinningin er
gríðarlega ljúf,“ segir Pétur Hafliði.
Pétur Hafliði átti stóran þátt í uppgangi Vestur-
bæinga eftir erfiða byrjun á keppnistímabilinu og var
lykilmaður í varnarleik liðsins í sumar og myndaði
öflugt miðvarðapar með Grétari Sigfinni Siguðarsyni.
Pétur Hafliði skoraði einnig gríðarlega mikilvægt mark
fyrir KR-inga í framlengdum undanúrslitaleik gegn
Breiðabliki.
„Það sem er svo gaman við þetta allt saman er
að vinna bikarmeistaratitilinn með liði sem er búið
að vera stígandi í leik sínum og hefur verið að bæta
sig jafnt og þétt í allt sumar. Við misstum liðin
aðeins fram úr okkur í upphafi móts og það var
erfitt en við misstum aldrei trúna á verkefninu og
andinn í hópnum var alltaf frábær, sama á hverju
bjátaði. Á ákveðnum tímapunkti settum við okkur
þau markmið að ná sem allra lengst í bikarnum og það er
algjörlega frábært að uppskera það með þessum hætti í lok
tímabilsins,“ segir Pétur Hafliði.
Pétur Hafliði hefur verið að melta það með sér hvað taki
við hjá honum í lok sumarsins og aðspurður kvaðst hann vera
búinn að ná lendingu í því máli.
„Ég býst við því að bikarúrslitaleikurinn verði minn síðasti leikur
á ferlinum. Það er búið að vera frábært að vinna með þessum
stráknum og ég held að það gerist ekki betra en að enda ferilinn á
bikartitli með frábæru liði og með frábæra stuðningsmenn á bak
við sig. Ég reikna með því að henda skónum í ruslið á eftir.“
KR-INGURINN PÉTUR HAFLIÐI MARTEINSSON: HEFUR AÐ ÖLLU ÓBREYTTU LEIKIÐ SINN SÍÐASTA LEIK Á FERLINUM
Reikna með því að henda fótboltaskónum í ruslið
Á FLUGI Logi Ólafsson,
þjálfari KR, var tollerað-
ur í leikslok í gær.