Tíminn - 07.03.1984, Blaðsíða 4
MIÐVIKUDAGÍJR 7. MARS 1984
f réttir
Mjólkin
hækkar
um 9.4%
■ Nýtt búvöruverö tók gildi um mán-
aðamótin. Mjólkuriítrinn kostar núna
18.70 kr. og hefur hækkað um 9,4%.
Rjómi í '/4 I fernum kostar 29.95 kr.,
sem er 7,9% hækkun. Kíló af smjöri
hækkaði í 219.50 kr. sem er 9,5%
hækkun og 45% brauðostur í heilum og
hálfum stykkjum kostar 167.90 kr. kíló-
ið, sem er 10,7% hækkun frá eldra
verði. Hin mikla hlutfallslega hækkun á
osti er að hluta til vegna þess að hann
hækkaði um 5 krónur á kíló aukalega í
því skyni að bæta afkomu vinnslubúanna
svokölluðu. Var sú leið valin í stað þess
að hækka verðjöfnunargjald sem þá
hefði lagst á alla innviktaða mjólk,
samkvæmt upplýsingum frá Fram-
leiðsluráði.
Á kindakjöti er nú einungis skráð
verð á kjöti í heilum og hálfum skrokk-
um.niðursöguðum að ósk kaupenda. þar
sem verð á smærri hlutum skrokksins
hefur nú verið gefið frjálst. Fyrsta tlokks
kjöt í heilum og hálfum skrokkum
kostar nú 123.05 kr. kílóið og er það
5,7% hækkun frá eldra verði.
-HEl
Bunaðar-
þing á
móti lax-
veiðum
r m w
I SjO
■ Búnaöarþing mótmælir þcirri hug-
mynd að heimilað verði að veiða lax í sjó
hér viö land. í ályktun búfjárræktar-
nefndar við erindi Búnaðarsambands
Borgarfjarðar um laxveiðar í sjó segir
jafnframt: „Litlu munar, að rányrkja
ýmissa flskstofna við Ísland hafi komið
þjóðinni á kaldan klaka og kenna þess
nú ýmsir í afkomu heimila sinna. Sporin
ættu að hræða frá því að gera laxinuni
sömu skil, sem notið hefur verndar og
ræktunar“.
Búnaðarþing hefur einnig afgreitt til-
lögu til þingsályktunar um fiskeldi og
rannsóknir á klaki og eldi sjávar- og
vatnadýra. Lýsir Búnaðarþingeindregn-
um stuðningi við megin efni tillögunnar
um auknar rannsóknir á sviði k'laks og
fiskeldis, jafnt ferskvatnsfiska og sjáv-
arfiska og dýra.
-HEI
■ í kvöld kl. 20.00 frumsýnir íslenski
dansflokkurinn í Þjóðleikhúsinu einn af
þekktustu ballettum, sem samdir hafa
verið á öldinni, Öskubusku, eftir rúss-
neska tónskáldið Sergei Prokofév.
Danshöfundur er Yelko Yurésha og
stjómar hann jafnframt uppfærslunni
ásamt konu sinni Belindu Wright. Yelko
Yurésha hefur einnig hannað leikmynd,
búninga og lýsingu og leikmyndina með
aðstoð Stígs Steinþórssonar. Dansarar
íslenska dansflokksins dansa, nema hvað
Vönduð húsgögn
Erum með verksmiðjuútsölu á hús-
gögnum og áklæðum í Samvinnutrygg-
ingahúsinu Hallarmúlamegin.
Gott úrval af vönduðum svefnbekkjum,
hvíldarstólum og sófasettum á mjög
hagstæðu verði.
Lítið inn og kynnið ykkur verð og gæði.
Húsgögn og
innréttingar
í hlutverki prinsins er einn fremsti dans-
ari Frakklands í dag, Jean-Yves
Lormeau.
Sergei Prokofév (1891-1953) er að
líkindum ásamt Shostakvich þekktastur
þeirra tónskálda sem starfað hafa í
Sovétríkjunum á þessari öld. Hann starf-
aði raunar um hríð á Vesturlöndum, en
sneri aftur til Sovétríkjanna um 1930.
Öskubuska og Rómeó og Júlía eru
þekktustu ballettar hans, en hann samdi
píanókonserta, sónötur og smærri verk
fyrir píanó, sinfóntur, þeirra frægust er
klassíska sinfónían, óperur (Stríð og
friður), kvikmyndatónlist samdi hann
fyrir stærsta kvikmyndagerðarmann
Sovétríkjanna á fyrri hluta aldarinnar,
Eisenstein, barnaævintrýrið Pétur og
úlfinn, sem hann skrifaði fyrirsögumann
og hljómsveit og svo mætti lengi telja.
Ballettinn um Öskubusku var frum-
sýndur á Bolshoj árið 1945, en Prokofév
byrjaði að semja hann árið 1940 fyrir
Kirov ballettinn. Stríðið raskaði hins
vegar öllum þeim áætlunum. Öskubuska
hlaut strax mikið lof og er nú í tölu
klassískra balletta og sífellt á verkefna-
skrám helstu balletta heims. Hann er í
þrem þáttum og er fyrsti þriggja þátta
ballettinn, sem íslenski dansflokkurinn
ræðst til atlögu við og eitt metnaðar-
fyllsta verkefni hans til þessa.
Gestur sýningarinnar, Frakkinn Jean-
Yves Lormeau hefur á síðustu árum
öðlast alþjóðlega frægð. Hann er nú
aðaldansari við Parísaróperuna, en hef-
ur m.a. komið fram með Kirov ballettin-
um í Leningrad, New York City Ballett
og á síðasta ári sló hann í gegn í London,
þar sem hann dansaði í Draumi á
Jónsmessunótt.
Ásdts Magnúsdóttir dansar titilhlut-
Eitt
stærsta
verkefni
dans-
flokks-
ins
til þessa
Ásdís Magnúsdóttir og Jean-Yves Lormeau í hlutverkum Öskubusku og prinsins.
Tímamynd Róbert
verkið, Öskubusku, hún hefur unnið
glæsilega sigra að undanförnu, t.d. í
Giselle og í Fröken Júlíu á síðasta vetri.
Aðrir dansarar í stórum hlutverkum
eru Ólafía Bjarnleifsdóttir, Dísin góða,
Auður Bjarnadóttir, Katrín Hall, Helga
Bernhard, Guðmunda Jóhannesdóttir,
Lára Stefánsdóttir, Jóhannes Pálsson,
Örn Guðmundsson, Ásta Henriksdóttir,
Sigrún Guðmundsdóttir og Soffía
■^larteinsdóttir.
Stjórnendur ballettsins eru bæði fyrrver-
andi dansarar í fremstu röð. Yelko
Yurésha er Júgóslavi, en fluttist til
Bretlands laust fyrir 1960. Hann var
lengi fastráðinn dansari við Royal Festiv-
al Ballett í London, og ferðaðist víða um
heint með þeim flokki. Hann dansaði í
fjölda nútímaballetta, en einnig í klass-
ískum ballettum, m.a. dansaði hann
prinsinn í Þyrnirósu, Rómeó í Rómeó
og Júlíu, Albrecht í Giselle og svo mætti
lengi telja. Belinda Wright er frægust
fvrir túlkun sína á Giselle, en einnig
hefur hún dansað Odette í Svanavatninu
og Þyrnirós.
Upphaflega var ætlunin að Sir Anton
Dolin og John Gilpin stjómuðu þessari
uppfærslu á Öskubusku, en þeir stjórn-
uðu uppfærslunni á Giselle fyrir tveim
árum. Þeir létust hins vegar báðir fyrr í
vetur og er sýning Þjóðleikhússins til-
einkuð minningu þeirra. Eitt síðasta
verk Dolins var einmitt að fá Yelko
Yurésha til að stjórna uppfærslunni hér.
Önnur sýning á Öskubusku verður
annað kvöld kl. 20.00 en síðan liggja
sýningar niðri til 20. mars vegna anna
Jean Yves Lormeau. Áframhaldið verð-
ur tilkynnt þegar þar að kemur.
-JGK
Óvænt úrslit í 7.
umferð í Festi:
Jón L.
einn á
toppnum
■ Sjöunda umferð alþjóðlega skák-
mótsins í Festi í Grindavík var tefld í gær
og var hún mjög spennandi að sögn
viðstaddra og úrslitin óvænt, en Jón L.
Árnason er nú einn á toppnum með 5 '/i
vinning.
Úrslit í 7. umferðinni voru annars
eftirfarandi: Haukur vann Elvar, Jón L.
vann Helga, en þau úrslit komu á óvart,
þar sem það var Jón sem var í tímahraki,
en Helgi lék svo af sér að Jón vann þrátt
fyrir að hann væri að falla á tíma,
Björgvin og Christiansen gerðu jafntefli,
Lombardi vann McCambridge en skákir
þeirra Knezevic og Ingvars og Gutman
og Jóhanns fóru í bið og eru báðar
sagðar mjög tvísýnar.
Staðan er nú sú að Jón L. er efstur
með 5 '/> vinning, Christiansen með 5
vinninga, Gutman með 4 vinninga og
biðskák, Helgi með 4 vinninga, Knezevic
með 3 xfi vinning og biðskák og Lombardi
og McCambridge með 3!ó vinning. Átt-
unda umferð verður tefld kl. 16 í dag, en
á morgun, fimmtudag verður frí.
- AB.
Stjórnar-
frumvarp:
Landnám
ríkisins
lagt niður
■ Stjórnarfrumvarp um að Landnám
ríkisins verði lagt niður er komið fram.
Gert er ráð fyrir að verkefni þess verði
falið öðrum stofnunum.
I meginatriðum cr lagt til að verkefni
varðandi stofnun býla, félagsbúa,
endurbyggingu jarða, jarðaskrá og um-
sjón jarða Landnáms ríkisins flytjist til
landbúnaðarráðuneytisins, og að þeim
verði búinn lagagrundvöllur í jarðar-
lögunum.
Þá er lagt til, að sett verði sérstök lög
um stofnun og rekstur grænfóðurverk-
smiðja, og verður frumvarp þar um lagt
fram á yfirstandandi þingi.
-OÓ
Dýr kennsla
í vélstjórn og
skipstjórn
fer forgörðum:
Skólarnir
vegna und-
anþágu-
veitinga!
■ Skólanefnd Fjölbrautaskólans á
Akranesi þykir skjóta skökku við, að
samtímis því að reynt er að koma upp
dýrri kennsiu í vélstjórn og skipstjórn,
þá skuli um það bil 1000 manns á ári fá
undanþágu til starfa við vélstjórn og um
það bil 500 í skipstjórn og skólar þeir
sem eiga að kenna þessar greinar standa
hálftómir, segir í ályktun sem samþykkt
var af stjórn skólans.
Skólanefnd Fjölbrautaskólans á Akra-
nesi vekur athygli á hve alvarleg þróun
hefur orðið varðandi undanþágur til
vélstjórnar og skipstjórnar á fiskiflotan-
um. Telur skólanefndin það brýnt að hér
verði breyting á og að fyrir þetta sé tekið.
-HEI