Tíminn - 05.12.1987, Blaðsíða 2

Tíminn - 05.12.1987, Blaðsíða 2
2 Tíminn Laugardagur 5. desember 1987 Formenn stjórnarflokkanna kynna fréttamönnum niðurstöður ríkisstjórnarfundar í gær. Hmamynd: Pjetur __ Ríkisstjórnin: Einhugur um tolla- og söluskattsmálin Ríkisstjórnin komst í gær að niðurstöðu um söluskattsmál og tollamál, en að undanförnu hefur verið nokkur ágreiningur milli stjórnarflokkanna um báða þessa málaflokka. Á fundi sínum sam- þykkti ríkisstjórnin að um næstu áramót kæmi til framkvæmda breytingar á sköttum sem fela í sér: lækkun tolla og afnám sex annarra gjalda, fækkun undanþága og sam- ræmdan söluskatt, öruggari tekju- öflun ríkissjóðs, bætt skattskil og lækkun verðbólgu. Gert er ráð fyrir að frumvörp um vörugjald og söluskattsmál verði lögð fram á þingi, þannig að mögu- legt sé að afgreiða þau þaðan samhliða fjárlagafrumvarpinu. Á blaðamannafundi, sem for- menn stjórnarflokkanna efndu til að loknum ríkisstjórnarfundi í gær, sagði Þorsteinn Pálsson forsætis- ráðherra að ríkisstjórnin hefði stig- ið hér stórt skref, því að samþykkt hennar feli í sér mestu kerfisbreyt- ingu í óbeinni skattheimtu um áratuga skeið. En hvað felst í þessum kerfisbreyt- ingum? Tollar Hæstu tollar lækka úr 80% í 30% og með því er stefnt að því að verð standist betur samanburð við vöruverð í útlöndum. Af 6 þúsund tollnúmerum munu 5 þúsund bera engan toll. Tollar á matvörum eru flestir felldir niður. Margar vörur sem til þessa hafa borið háa tolla, munu lækka um 20-40% í verði. Vörugjald Lagt verður á eitt 14% vöru- gjald, sem leggst á vöruflokka sem til þessa hafa borið margvísleg vörugjöld á bilinu 17-30%. Þessar vörur eru sælgæti, kex, öl, gos- drykkir, safar, ýmiskonar raftæki, hljómtæki, sjónvörp. myndbönd, blöndunartæki, raflagnaefni, hreinlætistæki og steypustyrktar- járn. Söluskattur Söluskattur verður áfram 25% á næsta ári og leggst jafnt á allar neysluvörur. Söluskatturinn fellur síðan niður í lok næsta árs þegar 22% virðisaukaskattur verður tek- inn upp. Ákveðið er að fækka söluskattsundanþágum og herða eftirlit. Tekjujófnun Niðurgreiðslur verða auknar um 1250 milljónir kr. sem þýðir að ekki kemur til hækkunar á mjólk, dilkakjöti, smjöri og skyri. Kjarn- fóðurskattur verður lækkaður, sem aftur leiðir til þess að verðhlutfall dilkakjöts og svína- og alifugla- kjöts breytist ekki. Ákveðið er að verja 600 milljón- um til hækkunar á bótum lífeyris- trygginga og barnabóta, en þær verða greiddar út fyrirfram á þriggja mánaða fresti. Vöruverðsbreytingar Það kom fram hjá Þorsteini Pálssyni að ekki væru fyrirliggjandi nákvæmar tölur um breytingar á vöruverði, sem þessar breytingar hafa í för með sér. í þessum málum verður unnið að kappi yfir helgina og niðurstöður ættu að liggja fyrir upp úr helgi. Þó er ljóst að helstu áhrif breytinganna eru þessar: tollalækkanir og afnám mismun- andi vörugjalda lækkar ýmsar mat- vörur, hreinlætis- og snyrtivörur og borðbúnað og búsáhöld. Ýmsar byggingarvörur lækka í verði, t.d. hreinlætistæki, blöndunartæki, kranar, hitastillar, gólfteppi, dúkar, efni til raflagna og steypu- styrktarjárn. Sjónvörp munu lækka, svo og myndbönd og hljóm- flutningstæki. Einnig frystiskápar og þurrkarar. Kæliskápar og þvottavélar munu hinsvegar hækka í verði. Þá er að geta lækkunar á bílavarahlutum og hjólbörðum svo og ýmsum íþróttavörum. Rétt er einnig að geta þess að skattkerfisbreytingarnar hafa í för með sér afnám tolla á hráefnum til innlendrar framleiðslu. Tollar af rekstrarvörum og aðföngum fram- leiðsluatvinnuveganna, lækka eða falla niður. Þorsteinn Pálsson lét þess getið að þessar breytingar hefðu ekki áhrif á framfærsluvísitölu, en bygg- ingarvísitala myndi lækka um 2,3% og lánskjaravísitala um 0,8%. Jón Baldvin Hannibalsson fjármálaráðherra sagði það mjög mikilvægt að þetta samkomulag stjórnarflokkanna þýddi að ekki kæmi til hækkunar mikilvægustu neysluvara um áramót eins og margir hefðu óttast. Jón Baldvin sagði að með þessum breytingum væri verið að færa verslunina í vaxandi mæli inn í landið. Skýring- in á þessu sagði fjármálaráðherra þá, að með þessu væri verið að færa verðhlutföll innbyrðis milli skyldra vörutegunda nær því sem þekkist í nágrannalöndunum. „Glasgowferðirnar verða því óþarfar," sagði Jón Baldvin. Steingrímur Hermannsson utan- ríkisráðherra sagði það mikilvægt að um þessar breytingar hefði náðst full samstaða milli stjórnar- flokkanna. Hann nefndi og að einföldun á tolia- og söluskattskerfi með þessum breytingum væri mjög til bóta. óþh Aðalfundur Sambands fiskvinnslustöðvanna: SAMTÖK SAMENST UM HAGSMUNAGSSLU Aðalfundur Sambands fisk- vinnslustöðvanna var í gær. Fundur- inn sendi frá sér tvær ályktanir og segir í þeirri fyrri að þenslan, kostn- aðarhækkanir og versnandi við- skiptakjör ógni nú rekstri fiskvinnsl- unnar. „Stórhækkað raungengi krónunnar hefur fært fjármuni frá útflutningsframleiðslunni til annarra greina atvinnulífsins og er nú svo komið, að fiskvinnslan er rekin með umtalsverðum halla sem fer sívax- andi“ segir í ályktuninni. Ennfremur segir að við þessar ao- * stæður sé sú ákvörðun ríkisstjórnar- innar að hætta endurgreiðslu upp- safnaðs söluskatts og að skattleggja launagreiðslur fullkomnlega óskiljanleg og miði að því að skerða rekstrarafkomu sjávarútvegs. Eitt sé til ráða, og það sé að grípa til róttækra aðgerða í pen- inga- og efnahagsmálum í þeim til- gangi að minnka verðbólgu og bæta kjör fiskvinnslunnar. Þá ályktaði aðalfundurinn að beina skyldi þeim tilmælum til stjóma LÍÚ, SH, SÍF og Félags Sambandsfiskframleiðenda að þeir skipuðu hver um sig einn fulltrúa í nefnd sem hafi það verkefni að samræma hagsmunagæslu aðila í út- gerð og fiskvinnslu. Nefndin á síðan að skila mótuðum hugmyndum um málið tímanlega, þannig að hægt verði að leggja þær fyrir aðalfundi samtakanna á næsta ári. -SÓL Jarðfræðingar frá North Ventur koma: Kanna aðstæður Sendinefnd frá North Venture er væntanleg síðdegis í dag frá London til að kanna aðstæður til rafmagns- útflutnings til Bretlands frá fslandi. Þrír jarðfræðingar ásamt aðstoðar- framkvæmdastjóra North Venture koma í þeim tilgangi að hitta iðnað- arráðherra, Friðrik Sóphusson, sem veitir áheyrn á miðvikudag, en á sunnudag mun sendinefndin ferðast um landið og skoða virkjanir. Jarð- fræðingarnir munu ekki staldra lengi við í þetta sinn. Baldvin Jónsson, hrl, hefur átt í talsverðum bréfaskriftum við Alex Copson hjá North Venture og er lögfræðilegur ráðunautur fyrirtækis- ins hér á landi. Hann mun eiga fund með nefndinni á mánudag. Sendiráð íslands í London skipu- lagði ferð fulltrúa North Venture til íslands. Næsta ferð verður trúlega í janúarmánuði og er búist við Alex Copsons verði þá sjálfur með í för. þj Kaupa allar netalagnir f frétt Tímans í gær þar sem greint var frá hugsanlegum kaup- um SVFR á laxanetalögnum í Borgarfirði, kom það ekki nógu skýrt fram að átt var við netalagn- ir jafnt í sjó sem laxveiðiám. Takist samningar milli SVFR og landeigenda er fyrirht'gað að kaupa upp allar netalagnir frá Álftanesi fyrir utan Langá allt suður undir Hafnarfjall. Hafi menn misskilið þetta biðst Tím- inn afsökunar. -ES

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.