Tíminn - 14.02.1989, Blaðsíða 5

Tíminn - 14.02.1989, Blaðsíða 5
Í' OO v . I 1< 4 I » "2 > II Þriðjudagur 14. febrúar 1989 Tíminn 5 Samninga BSRB og ríkisvaldsins beðiö með óþreyju vegna fordæmisgildis fyrir almenna kjarasamninga: BSRB vill verðtryggðan skammtímakjarasamning Aðstæður á vinnumarkaðnum eru þær að BSRB gegnir nú lykilhlutverki í sambandi við kaup og kjör á vinnumark aðnum almennt. Beðið er eftir því með óþreyju að samningaviðræður hefjist milli BSRB og fjármálaráðherra þar sem væntanlegir kjarasamningar þeirra munu hafa mjög stefnumarkandi áhrif á kjarasamninga á hinum frjálsa vinnumarkaði. Formenn aöildarfélaga BSRB funduðu í gær og í ályktun fundar- ins er hvatt til samstöðu með öllum launþegum og segir meðal annars að launamisrétti hafí skapast í landinu, lífskjör almennings hafi rýrnað en hagur fjármagnseigenda vænkast verulega. Fólk geti ekki sætt sig við óbreyttan kaupmátt lágra launa og gegn launamisrétti verði að sporna og stuðla að réttlátri tekjuskipt- ingu. Leitað verði eftir skamm- tímakjarasamningi sem gilda skuli til ársloka og verði kaupmáttar- trygging innifalin í samningnum. Síðan segir: „f samvinnu við önnur samtök launamanna verði gengið til við- ræðna við ríkisvaldið um leiðir til að efla velferðarkerftð og skapa launafólki betri lífskjör. Rætt verði um bann við vaxtaokri, lækkun á tilkostnaði heimilanna, skattamál, húsnæðismál, tryggingamál, dag- vistarmál og annað setn lýtur að velferð almenns launafölks." Ögmundur Jónasson formaður BSRB sagði við Tímann í gær að svo virtist sem nú væri að skapast samstaða í kjaramálum milli allra helstu launþegasamtaka landsins um að þrýsta á stjórnvöld um ýmis efnahagsmál, svo setn vaxtamái og skattamál. „Við erum hér að tala um ASÍ, BHMR, kennara og þessi helstu samtök launamanna og það verður fróðlegt að sjá hvað stjórnvöld og t.d. forsætisráðherra segja við þessum hugmyndum." En það eru ekki bara opinberir starfsmenn sem bíða með eftir- væntingu, heldur einnig aðilar hins frjálsa vinnumarkaðar. Fórarinn V. Þórarinsson sagði í gær við fréttamenn að svigrúnt til almennra launahækkana væri ekk- ert og því tómt mál um að taia. Hjá VSÍ biðu menn með eftirvæntingu eftir kjarasamningum ríkisstarfs- manna því að þeir samningar yrðu óhjákvæmilega stefnumarkandi fyrir samninga niilli aðila vinnu- markaðarins. Verðtryggðir kjara- samningar kæmu þó ekki til greina við núverandi aðstæður. Samningar aðildarfélaga ASf eru allir fastir enn, en tíu félög verða með lausa samninga þegar bráðabirgðalögin renna út á morgun, 15. febrúar. Meðal þess- ara tíu félaga eru Alþýðusamband Vcstfjarða, Sjómannasambandið, járniðnaðarmenn, flugmenn og ' flugfreyjur. Samningar Verka- mannasambandsins og Lands- sambands iðnverkafólks verða hins vegar lausir 10. apríl ogsamningar annarra félaga og sambanda losna síðan fram eftir ári. Þórarinn kvaðst þvt vart eiga von á að samningaumleitanir hæf- ust milli VSÍ og ASÍ að neinu marki fyrr en séð yrði hver niður- staða í kjarasamningum fjármála- ráðherra og ríkisstarfsmanna yrði. Fram hefur komið hjá fjármála- ráðherra að af hálfu ríkisins verði ekki um að ræða samninga sent fela í sér kostnaðarauka fyrir ríkið. Ekki sé svigrúm til annars en að kaupmáttur launanna verði sá sami í lok ársins og hann var í upphafi árs og aðeins verði unnt aö bæta kjör þeirra lægri launuðu með annarri tekjuskiptingu en nú tíðkast. - sá try Jón Baldvin Hannibalsson, utanríkisráðherra.barupp kvíða gagnvart kjarnorkuslysum í lífríki hafsins: Nauðsyn er á afvopnun á landi og sjó James A. Baker, utanrík- isráöherra Bandaríkjanna, sagöi í svari við spurningu Jóns Baldvins Hannibalsson- ar, utanríkisráðherra íslands, að hann sæi ekkert því til fyrirstöðu að Banda- ríkin eða bandalagsríki Nató, tækju frumkvæði að viðræð- um um afvopnun í höfum hvað varðar kjarnorkukaf- báta. „Ég vakti athygli hans á þessu þar eð við erum þjóð sem byggjum alla okkar af- komu á lífríki sjávar og nýt- ingu sjávarauðlinda. Ég skýrði honum frá því að við íslendingar bærum kvíðboga fyrir hugsanlegum slysum eða bilunum á tæknibúnaði, gagnvart lífríki hafsins,“ sagði Jón Baldvin í viðtali við Tímann í gær. Sagðist Jón Baldvin einnig hafa gert utanríkisráðherranum grein fyr- ir því að á Alþingi hafi verið sam- þykkt að íslendingar hefði talsvert frumkvæði í þessum málum á alþjóð- legum vettvangi. Jón Baldvin óskaði sfðan eftir að vita hver væri afstaða forseta Bandaríkjanna, George Bush, til þessa þáttar afvopnunar- mála. „Svar hans var sannarlega einnar messu virði,“ sagði Jón Baldvin. Tók hann að vísu skýrt fram að Bandaríkin væru flotaveldi og líflína Atlantshafsbandalagsins væri flótastyrkur þeirra á N-Atlants- hafi. Um kjarnavopn gegndi þó öðru máli og þá sérstaklega kafbáta búna kjarnorkuvopnum. Þessi þátt- ur mun vera á dagskrá í Salt-við- ræðunum í Genf, en hins vegar ekki á dagskrá Vínarviðræðnanna sem hefjast í næsta mánuði, þar sem þær viðræður eru takmarkaðar við hefð- bundinn vopnabúnað. Þriggja liða viðræður Viðræður Jóns Baldvins og Bakers skiptust aðallega í þrjá hluta að sögn Jóns Baldvins. í fyrsta lagi var rætt um samskipti austurs og vesturs og þar með áðurnefnar afvopnunarhug- myndir. í annan stað var til umræðu tvíhliða mál íslands og Bandaríkj- anna. í þriðja lagi var stuttlega drepið á viðhorf gagnvart Evrópu- bandalaginu og stöðu ríkja utan bandalagsins frá sjónarmiði frjálsra heimsviðskipta. í síðasta hluta viðræðnanna var rætt sérstaklega um þau áhyggjuefni íslenskra stjórnvalda að útflutningur til Bandaríkjanna hefur stórlega minnkað á síðustu árum. Hefur hann dregist saman úr 25-30% af útflutningi íslands niður í 18-20% á síðasta ári. Nú stefndi, að sögn Jóns Baldvins, í að útflutningur til BNA yrði rétt um 12% af heildarútflutn- ingi íslands á þessu ári og hefði hann gert utanríkisráðherranum grein fyr- ir þessari þróun. Undirbúningur að fríverslun „Þetta hefur hér með verið tekið upp þrisvar við bandarísk stjórnvöld og vitnaði ég til þess er George Shultz, fyrrv. utanríkisráðherra BNA, sagði í fyrra, að hann sæi ekkert því til fyrirstöðu að hefja mætti undirbúning að slíkum við- ræðurn," sagði Jón Baldvin. Undir- búningur slíkur myndi þá miða við þau fordæmi sem til eru í samskipt- um við ísrael og Kanada o.fl. Einnig Ekki voru allir hrifnir af komu James A. Baker til Keflavíkur, enda þurftu margir komufarþegar annarra flugvéla að bíða misjafnlega þolinmóðir meðan landganginum var haldið auðum af öryggisástæðum. Tímamynd Pjctur Jón Baldvin Hannibalsson og James A. Baker fyrir fund sinn í Flugstöð Leifs Eiríkssonar í Keflavík. Tfmamynd Pjetur þyrfti slíkur undirbúningur að miða við ákvarðanir sem teknar verða fyrir árið 1992 varðandi viðskipti milli Evrópubandalagsríkjanna. „Tími framkvæmda er því fyrir 1992 og á það lagði ég áherslu,“ sagði Jón Baldvin. Þess má geta að Baker var einn af frumkvöðlum að stofnun fríverslunarsamninga milli Banda- ríkjanna og Kanada, meðan hann var fjármálaráðherra undir stjórn Ronalds Reagan. Staðfestingarkæran Að auki var rætt á þessum hálfs annars klukkutíma fundi utanríkis- ráðherranna hvernig afstaðan væri til kæru hvalfriðunarsinna í Banda- ríkjunum gegn vísindaáætlun íslend- inga. Fullyrti Baker að bandarísk stjórnvöld myndu haldá til streitu tilraunum sínum fyrir bandarískum dómsstólum til að koma í veg fyrir að staðfestingarkæra verði gefin út á hendur íslendingum vegna hval- veiðiþáttar vísindaáætlunar. Þetta fullvissaði hann Jón Baldvin um þrátt fyrir að í ljós hafi komið að stjórn Bush leggur meiri áherslu á umhverfismál en fyrri stjórn. Svar Jóns Baldvins mun hafa verið á þá leið að íslenskum stjórnvöldum væri eðli málsins samkvæmt sýnt um umhverfismál. Staða landsins og at- vinnuvegir gerðu það að verkum að landsmenn standi í meira návígi en margar aðrar þjóðir við lífríki hafsins, verndun lífríkisins og nýt- ingu dýrastofna. Vatnsbólin ekki útkljáð Meðal þess sem Jón Baldvin mun hafa ætlað að ganga frá til ákvörðun- ar á þessum fundi í Keflavík, var vandamálið vegna mengunar vatns- bóla þar í bæ. Utanríkisráðherra BNA mun hins vegar ekki hafa verið tilbúinn til að ljúka málinu með þessum fundi og komust þeir að þeirri niðurstöðu að rétt væri að bíða eftir niðurstöðum úr annarri rannsókn Bandaríkjamanna sjálfra á orsökum mengunarslyssins. Baker hét því þó að jafnskjótt og niður- stöður á grunnvatnsrannsókn lægi fyrir yrði gengið til samninga um endurnýjun á vatnsbólum Suður- nesja. KB

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.