Tķmarit.is
Leita | Titlar | Greinar | Um vefinn | Algengar spurningar |
skrį inn | Íslenska | Føroyskt | Kalaallisut | Dansk | English |

Tķminn

og  
S M Þ M F F L
. . 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 . .
PDF  | HQ_PDF  | JPG  | TXT  |
Skoša ķ nżjum glugga:
PDF  | HQ_PDF  | JPG  | TXT  |



Ašlaga hęš


Vafrinn žinn styšur ekki PDF skjöl
Smelltu hér til aš skoša blašsķšuna sem JPG
Tķminn

						Fimmtudagur 17. ágúst 1989
Tíminn   3
Stærsta hvalatalningarverkef ni sögunnar lokið. Samvinna sex þjóða með f immtán skip og tvær f lugvélar:
Fjögurskipsigldu
f ram á 10.000 hvali
„Það er merkilegt að þjóðir sem hafa beitt sér gegn
íslendingum í hvalamálinu og alltaf hafa verið að rífa kjaft,
skuli hafa hafnað þátttöku í talningunni þó svo að þær hafi
áður verið að halda því fram að hið eina rétta væri að talning
færi fram til að hið sanna kæmi í Ijós um ástand hvalastofn-
anna," sagði Jakob Jakobsson forstjóri Hafrannsóknarstofn-
unar meðal annars þegar hann kynnti í gær fyrstu bráðabirgð-
aniðurstöður hvalatalningarinnar sem staðið hefur yfir á
N-Atlantshafinu að frumkvæði íslendinga að undanförnu.
Jakob Jakobsson sagði að ljóst          Jóhann sagði að mjög hefði komið
væri að þessar fyrstu niðurstöður       á  óvart hversu  mikil  hvalagengd
bentu eindregjð til að hvalir almennt
væru ekki í útrýmingarhættu í N-
Atlantshafinu. Ymis náttúruvernd-
arsamtök hefðu komið hvölum á
skrár yfir dýr sem væru í útrýmingar-
hættu en það væri álíka rökrænt og
að halda því fram að mannkynið í
heild liði hungur af því að það væri
hungursneyð á svæðum í Eþíópíu.
Rétt væri að sumir stofnar sums
staðar væru í hættu en það virtist
almennt langt í frá raunin á því stóra
svæði sem athugunin náði til.
í talningunni tóku þátt 15 skip frá
Islandi, Noregi Færeyjum og Græn-
landi og voru fslensku skipin fjögur
samtals 100 daga á sjó en hver
sjódagur hefur kostað rúmar 200
þúsund krónur að sögn Jakobs.
Jóhann Sigurjónsson hafði með
höndum yfirstjórn hvalatalningar-
innar en honum til aðstoðar var
Þorvaldur Gunnlaugsson. Jóhann
sagði að leiðangurinn hefði í flestu
gengið að óskum og alls hefðu í
leiðangrinum sést frá íslensku leið-
angursskipunum hvorki meira né
minna en tfu þúsund hvalir.
lslensku skipin sem þátt tóku í
talningunni voru Hvalur 9 sem kann-
aði svæði í vestsuðvestur allt að
strönd Grænlands en það er alþekkt
stórhvelaslóð. Hvalur 8 kannaði
svæði suður og suðaustur af landinu.
Þá könnuðu rannsóknaskipið Árni
Friðriksson og Barðinn stórt svæði
mjög langt suður og suðvestur af
landinu allt suður á fimmtugustu
breiddargráðu og milli 16. og 44.
lengdargráðu.
hefði verið allt suður undir 50.
breiddargráðu en þangað náði leitar-
svæðið. Mikið hefði sést af sandreyði
og langreyði, eða svipað og sást í
talningunni 1987 og talningin nú
virtist staðfesta niðurstöður hennar
hvað varðaði þessar tegundir.
Af þeim tíu þúsund hvölum sem
leiðangursmenn í íslensku skipunum
komu auga á munaði mestu um
fjögur þúsund smáhveli en algeng-
astar þeirra voru fjórar tegundir
höfrunga og um 3.500 grindhvalir.
Af stærri hvölum sáust 36 steypi-
reyðar, 25 hnúfubakar, 156 búrhval-
ir, um 100 hrefnur og álíka margir
svínhvalir, en þeir hafa aldrei áður
sést í jafn miklum mæli. Þá hefði það
gleðilega gerst að tveir sléttbakar,
trúlega kýr með kálf, hefðu sést.
Sléttbakur sást einnig f talningunni
1987 og bendir nú allt til að hann
haldi fótfestu og sé jafnvel að rétta
úr kútnum en sléttbakur var svo stíft
veiddur af erlendum þjóðum fyrr á
öldum að við lá að honum væri
útrýmt undir lok 18. aldar. Einnig
hefðu menn séð sæskjaldbökur.
Hvalarannsóknamenn vildu í gær
ekki nefna neinar tölur um hugsan-
legan veiðikvóta á helstu hvalateg-
undum miðað við þann fjölda hvala
sem sást meðan á talningunni stóð.
Eftir væri að vinna úr þeim gögnum
sem söfnuðust nú og bera saman við
önnur gögn sem tengjast ýmsum
lífsþáttum hvala. Því starfi ætti að
ljúka á næsta vetri en'að því loknu
væri hægt að gera skynsamlegar
tillögur um nýtingu stofnanna.
Jóhann Sigurjónsson var verkefhissljóri stærstu hvalatalningar sögunnar. Hann kynnti í gær fyrstu niðurstöður
hennar en í yetur verður unnið að fuilu úr þeim gögnum sem söfnuðust. Jóhanni á hægri hönd sitja tveir erlendir
menn sem störfuðu að verkefninu með íslendingunum, þeir Poul Ensor frá Nýja-Sjálandi og lengst til vinstri Michael
Newcomer frá BNA. Tímamynd;                                                                                                           Ami Bjuna.
Fram kom þó að með hæfilegu
ábyrgðarleysi mætti gefa sér að mið-
að við fjölda grindhvala sem sást
gæti stofninn verið 185 þúsund dýr.
Jóhann Sigurjónsson sagði þó að
mjög óvarlegt væri að gefa sér þessa
niðurstöðu fyrirfram áður en unnið
hefur verið úr gögnunum. Þó benti
fjöldinn sem sást til þess að stofninn
þyldi vel veiðar Færeyinga sem hafa
verið kringum 2 þúsund dýr árlega.
Undirbúningur fyrir talninguna
tók um eitt.og hálft ár og fyllstu
nákvæmni í vinnubrögðum var beitt
og farið að stöðlum Alþjóðahval-
veiðiráðsins.
Leiðangursstjórar um borð í
skipunum voru þeir Jóhann Sigur-
jónsson,  Þorvaldur  Gunnlaugsson
og Gísli Víkingsson frá Hafrann-
sóknarstofnun. Þá tóku þátt í taln-
ingunni tveir erlendir menn, þaul-
vanir hvalatalningum í S-íshafi og
N-Kyrrahafi. Þeir eru Michael
Newcomer frá BNA og Poul Ensor
frá Nýja-Sjálandi. Alls voru rúmlega
sextfu manns um borð f skipunum
þegar þeir voru flestir.
Auk íslendinga tóku þátt í talning-
unni Danir, Grænlendingar, Færey-
ingar, Norðmenn og Spánverjar og
voru skipin alls fimmtán auk tveggja
flugvéla. Farið var samtímis um
hafsvæðið frá Barentshafi og Sval-
barða í norðri að Spánarströndum í
suðri'og frá ströndum V-Grænlands
að Noregsströndum.
Þetta er talið langstærsta talning-
arverkefhi fyrr og síðar og vonir
standa til að árangur verði þar eftir.
Talningarsvæðið sunnan 60. breidd-
argráðu var áður nánast óþekkt með
tilliti til göngu hvala. Jóhann Sigur-
jónsson sagði að það yrði athygl-
isvert að bera saman útbreiðslu og
fjölda tegunda við það sem fram
kom við talningarnar 1987, einkum
hvað varðaði árstíðabundnar göngur
tegundanna.
Langreyðurin hefði nú virst
dreifðari en hún var 1987 en fjöldinn
sem sást hefði verið svipaður nú en
eftir talninguna 1987 hefði langreyð-
arstofninn verið talinn milli 11 og 12
þúsund dýr.                               -sá
Utanríkisráðherrar Norðurlanda:
Óspart ályktað á Isafirði
Norrænir utanríkisráðherrar þing-
uðu sér til sveita í fundarsal bæjar-
stjórnar á ísafírði, síðdegis á þriðju-
dag. Lá fyrir 10 síðna ályktun eftir
fund þennan, og má af því ráða að
fundarmenn hafi unnið bærilega fyr-
ir hýru sinni.
Sér til andlegrar og líkamlegrar
uppörvunar lagði svo rjómi hinnar
virðulegu samkundu út á hið bláa
haf, um hálf-fimm leytið í morgun,
á hraðbáti ísfirskum. Gæftir voru
hinni norrænu áhöfn óvilhallar, 6-7
vindstiga strekkingur, handfæri öll
lágu flöt fyrir vindi og andlitsfarfi
tekinn að gulna á hafsins hetjum. Er
skemmst frá því áð segja, að ekki
gekk á kvóta vestfirskra í það
skiptið.
Með sanni má segja að í ályktun
fundarins láta hinir norrænu starfs-
bræður sér ekkert mannlegt óvið-
komandi. Lýstu þeir ánægju sinni
með jákvæðan gang mála í samskipt-
um risaveldanna og Austur- og Vest-
ur-Evrópu. Þá röktu þeir áhyggjur
sínar yfir seinagangi í mannréttinda-
málum nokkurra A-Evrópuríkja,
sem og í Kína. Einnig ályktuðu
ráðherrarnir um gang mála á Örygg-
ismálaráðstefnu Évrópu, afvopnun-
arviðræður stórveldanna, SA-Asíu,
mannréttindamál, og fleira. Sérstak-
lega var fjallað um málefni S.Þ. og
lýst vilja Norðurlanda til að efla starf
samtakanna að friðargæslu sem og á
sviði fjármála og félagslegs starfs. Þá
var ítarlega rætt ástand mála í Mið-
Austurlöndum og settar fram hug-
myndir fundarins að lausn deilu-
mála. Á fundinum var einnig gerð
grein fyrir margra ára undirbúningi
tillagna um kjarnorkuvopnalaus
Norðurlönd og viðraðar áhyggjur
sökum mengunar í Eystrasalti. Þá
voru rædd málefni Namibíu og S-
Afríku og ákveðið að aflétta við-
skiptahömlum á Namibíu jafnskjótt
og sjálfstæði væri f höfn.
Kjamorkulaust svæði
ekkiíaugsýn
í stuttu spjalli við Tímann lýsti
Jón Baldvin Hannibalsson ánægju
sinni með fundinn og taldi helst til
tíðinda að samstaða hefði náðst um
að afvopnunartillögur næðu einnig
til hafsvæða. Aðspurður um hvað
liði framgangi  tillagna um kjarn-
orkuvopnalaus Norðurlönd sagði
utanríkisráðherra hægt miða í þeim
málum, enda hefði margt.breyst frá
því hugmyndum þessum var hreyft,
um miðjan sjötta áratuginn. Þíða
væri í samskiptum risaveldanna og
mikilsverður árangur hefði náðst í
afvopnunarviðræðum. „Spurning-
una um hvaða þýðingu kjarnorku-
laus svæði á Norðurlöndum hafi, í
ljósi þessarar þróunar, hana þarf
nánast að endurskoða", sagði Jón
Baldvin.
Hækkun fframlaga
ekki á dagskrá
Þrátt fyrir ályktanir fundarins kvað
ráðherra ekki vera í ráði að ísland
auki framlög sín til S.Þ. Reyndar
hefðum við stutt fjárhagslega við
bakið á friðargæslusveitum í Nam-
ibíu, en hér kæmi fyrst og fremst til
kasta Finna, Dana og Norðmanna er
fremstir hefðu verið í flokki í þessu
efhi.
Norrænar friðardúfur
ekkitilMið-Austurlanda
í yfirlýsingu fundarins viðra ráð-
herrar allítarlegar skoðanir á deilu-
málum Mið-Austurlanda. M.a. lýsa
þeir áhyggjum sfnum vegna fram-
ferðis ísraelskra yfirvalda á her-
numdu svæðunum og telja málefn-
um þeirra best borgið með lýðræðis-
legum kosningum, við aðstæður er
Palestínumenn fái sætt sig við. Jón
Baldvin kvað þó ekki á dagskrá að
norræn yfirvöld hafi samráð um
milligöngu þar eystra. Norðurlönd
lýsi hins vegar stuðningi sínum við
hugmyndir um frjálsar kosningar á
hernumdu svæðunum, í því skyni að
taka af allan vafa um lögmæti full-
trúa Palestínumanna við samninga-
borðið. Verði afstaða þessi kynnt á
vettvangi S.Þ..
I lok samþykktar fimmmenning-
anna lýsa þeir eftirvæntingu sinni
vegna væntanlegrar ráðstefnu S.Þ.
um réttindi barna í haust, sem og
tillögu er færð skal fram á Allsherj ar-
þingi S.Þ. um afnám dauðarefsinga.
Lokanótur yfirlýsingar ráðherra-
fundarins eru slegnar um umhverf-
ismál. Fundarmenn líta vonaraugum
til ráðstefnu S.Þ. um umhverfi og
þróun 1992 og hvetja til að raunhæf-
ar og bindandi  ákvarðanir verði
teknar um þá þætti umhverfismála
er brýnastir eru. Þeir benda einnig
á, að nauðsyn beri til að iðnvæddar
þjóðir hlaupi undir bagga með þró-
unarlöndum í því skyni að efla
umhverfisvernd. Að sögn Jóns
Baldvins er að vænta aukins sam-
starfs Norðurlandaþjóðanna á þessu
sviði, og einnig eflingar á samstarfi
Eystrasaltsþjóðanna, Svíþjóðar og
Finnlands, við ríkin austan tjalds er
land eiga að Eystrasalti, þar sem
mengunarvandi sé orðinn risavax-
inn. Lýsi norrænu ríkin sig reiðubúin
að ljá "perestrojku" lið á sviði
mengunarvarna, er vera munu í
algjörum ólestri þar eystra. í haust
mun sérstök Umnverfismálastofhun
Evrópu. taka til starfa í Strasbourg,
í samstarfi EBE og EFTA-ríkjanna.
Er henni ætlað að sameina krafta
Evrópuríkja á sviði mengunarvarna
og umvenda orðum f athafnir.
Finnar verða gestgjafar næsta
utanríkisráðherrafundar Norður-
landa, er haldinn verður f Abo
dagana6.-7.marsánæstaári.  JBG.
					
Fela smįmyndir
Blašsķša 1
Blašsķša 1
Blašsķša 2
Blašsķša 2
Blašsķša 3
Blašsķša 3
Blašsķša 4
Blašsķša 4
Blašsķša 5
Blašsķša 5
Blašsķša 6
Blašsķša 6
Blašsķša 7
Blašsķša 7
Blašsķša 8
Blašsķša 8
Blašsķša 9
Blašsķša 9
Blašsķša 10
Blašsķša 10
Blašsķša 11
Blašsķša 11
Blašsķša 12
Blašsķša 12
Blašsķša 13
Blašsķša 13
Blašsķša 14
Blašsķša 14
Blašsķša 15
Blašsķša 15
Blašsķša 16
Blašsķša 16
Blašsķša 17
Blašsķša 17
Blašsķša 18
Blašsķša 18
Blašsķša 19
Blašsķša 19
Blašsķša 20
Blašsķša 20