Tíminn - 05.12.1989, Blaðsíða 16

Tíminn - 05.12.1989, Blaðsíða 16
AUGLÝSINGASÍMAR: 68000i — 686300 ~ RftqSSKIP NÚTÍMA FLUTNINGAR Hatnorhúsinu v/Tryggvagötu, ® 28822 PÓSTFAX ,,19/.:^ TÍMANS fk» SgP 687691 . DAGAR TIL JÓLA Tíiiiiini ÞRIÐJUDAGUR 5. DESEMBER 1989 ■■ Steingrímur Hermannsson forsætisráðherra gagnrýndi Bush í ræðu á ráðherrafundi Atlantshafsbandalagsins í gær: Afvopnun í höfunum eykur tæpast hættu „Mér fannst ástæða til þess að taka sérstaklega upp umræður um að dregið yrði úr vígbúnaði á höfunum, en Bush Bandaríkjaforseti gat þess í skýrslu sinni um viðræðurnar við Gorbachev að hann hefði vísað þessu á bug. Ég leyfði mér að lýsa vonbrigðum okkar með þessa afstöðu Bush og að ég skildi í raun ekki hvers vegna samkomulag um einhverskonar jafnvægi milli stórveldanna í vopnabúnaði á höfunum þyrfti að þýða hættu fyrir N-Atlantshafssiglingaleiðina,“ sagði Steingrímur Her- mannsson forsætisráðherra eftir ráðherrafund Atlantshafs- bandalagsins í gær. Forsætisráðherra var sá eini sem gerði afvopnun í höfunum að um- talsefni og gagnrýndi afstöðu Bandaríkjaforseta í málinu. Forsætisráðherra sagði við Tím- ann í gær að ráðherrafundurinn hefði verið afar jákvæður og tals- vert öðruvísi heldur en fyrri fundir. Segja mætti að umræðan hafi miklu meir en áður snúist um efnahags- mál og hina pólitísku þróun í A-Evrópu en um hugsanleg átök og vopnaskak við þessi ríki. Á fundinum í gær gaf George Bush skýrslu um fund sinn með Gorbachev við Möltu, en einnig greindu þeir Andreotti forsætisráð- herra Ítalíu og Mulroney forsætis- ráðherra Kanada frá viðræðum sínum við Gorbachev, en Mulro- ney var nýlega í Sovétríkjunum en Gorbachev á Ítalíu nýlega. Forsætisráðherra sagði að fram hefði komið hjá Bandaríkjaforseta að hann væri afar bjartsýnn um að takast mætti að ljúka samningi um takmörkun langdrægra eldflauga, um efnavopn og um hefðbundin vopn í Evrópu strax á næsta ári. „Maður hefur það á tilfinning- unni að það sé ekki hvað síst hin pólitíska og efnahagslega þróun sem veldur bjartsýni manna nú,“ sagði forsætisráðherra. - En kom einhver ótti fram á fundinum í gær um að Sovétríkin væru að liðast í sundur? Steingrímur Hermannsson sagði að víst hefðu menn rætt þau mál. Ekki væri blöðum um það að fletta að efnahagsstaða Sovétríkjanna væri mjög erfið. Fólk þar hefði haft miklar væntingar vegna slökunar- stefnu Gorbachevs en þegar hún hefði ekki leitt til batnandi efna- hags hefðu vonbrigði orðið afar mikil og slíkt gæti leitt til upplausn- ar. Forsætisráðherra gerði þróunina í A-Evrópu að umtalsefni í ræðu sinni og lagði þunga áherslu á að vestræn ríki yrðu að taka þátt í þeim breytingum sem þar eru að verða, án þess að valda óróa eða að trufla jafnvægi meir en þegar væri orðið né að vekja tortryggni Sovétríkjanna. Hann sagði að vandi Sovétríkj- Steingrímur Hermannsson forsæt- isráðherra. anna væri áhyggjuefni, enda væri ekkert áhlaupaverk að koma efna- hag þeirra á kjöl og vöruskortur og samgönguörðugleikar gætu reynst slökunarstefnu Gorbachevs og honum sjálfum skeinuhætt. Forsætisráðherra gerði síðan umhverfismál að umtalsefni í ræðu sinni og lýsti vilja íslendinga til að taka þátt í alþjóðasamstarfi á þessu sviði. Þá benti hann á að það væri ósvinna að nota hafið sem rusla- kistu fyrir geislavirkan úrgang og efnaúrgang af ýmsu tagi og leita þyrfti hið snarasta leiða sem dygðu til að stöðva slíkt. Jón Baldvin Hannibalsson utanrík- isráðherra. Kalda stríðinu er lokið „Kalda stríðinu er lokið. Hug- myndafræðistríðinu er lokið. Skilnaði Evrópu er að ljúka. Möguleikar á afvopnun standa upp á gátt og vonir manna um nýja Evrópu sem grundvallast á sam- starfi og friði blómstra," sagði Jón Baldvin Hannibalsson utanríkis- ráðherra eftir ráðherrafundinn í gær. Utanríkisráðherra sagði að upp úr viðræðum leiðtoga stórveldanna stæði, að leiðtogarnir hefðu slegið því föstu og handsalað það að þeir myndu undirrita samning um helm- ingsfækkun og eyðileggingu lang- drægra kjarnavopna um mitt næsta ár. Jón Baldvin Hannibalsson sagði að fram hefði komið að menn hefðu vaxandi áhyggjur af getu Gorbachevs til að lifa pólitískt séð af það breytingaskeið sem gengið væri í garð. Sagan kenndi að heims- veldi sem væru að liðast í sundur gætu verið hættuleg. f annan stað væri hugsanlegt að þar gæti hafist stjórnleysisskeið þar sem efnahags- kerfi Sovétríkjanna væri í lama- sessi og um afturför hefði verið að ræða s.l. tvö ár hvað varðaði lífskjör. „Allar væntingar fólks á Vestur- löndum um að Glasnost muni leiða til skjótra umbóta eru barnaskap- ur. Þriðja heims ríki í efnahagsmál- um sem er á slíku breytingaskeiði sem raunin er getur ekki vænst þess að uppskera árangur fyrr en að löngum tíma liðnum. Menn verða að átta sig á að Sovétríkin eru án allra lýðræðis- legra hefða og í meir en 70 ár hefur varla nokkur maður kynnst fyrir- tækjarekstri, verðmyndun í sam- félaginu og svo framvegis. Bush lýsti því hins vegar yfir að nú væri lokið eftirstríðstímabili og árekstrum sem byggðust á tor- tryggni og vopnavaldi milli austurs og vesturs. Nú væri að taka við samstarfsskeið. Hér er því lýst yfir í fyrsta sinn ótvírætt að Gorbachev sé okkar maður og við styðjum Perestrojku,“ sagði Jón Baldvin Hannibalsson utanríkisráðherra. Sjálfstæðismenn nafa Samkvæmt skoðanakönnun Stöðvar 2 og Skáís sem gerð var á fimmtudag, föstudag og laugardag í síðustu viku, hefur Sjálfstæðisflokk- urinn fylgi tæplega 55% kjósenda. Þetta er tvöfalt meira fylgi en flokk- urinn fékk í síðustu kosningum. Um 45% þeirra sem spurðir voru í könnuninni, hvaða flokk þeir myndu kjósa tóku ekki afstöðu. Allir stjómarflokkarnir utan Framsóknarflokksins hafa tapað fylgi frá því að síðasta könnun var gerð í september. Framsóknarflokk- urinn hefur samkvæmt skoðana- könnuninni nú fylgi 15,2% þeirra er tóku afstöðu, en hafði í september 14,5% fylgi og tæplega 19% fylgi eftir síðustu kosningar. Alþýðu- flokkurinn fær nú stuðning 6,6% þeirra er tóku afstöðu, höfðu 7,1% fylgi í september og um 15% við kosningar 1987. Alþýðubandalag missir sömuleiðis fylgi og hefur nú stuðning liðlega 9% kjósenda, hafði í september tæplega 11% og 13% í síðustu kosningum. Kvennalistinn fær í þessari könnun 8,8% og er þá í fyrsta sinn kominn niður fyrir það 10% fylgi er listinn hafði þegar kosið var síðast. Hæst komst Kvennalist- inn fyrir rúmu ári síðan þegar hann hlaut fylgi um 30% þeirra sem tóku afstöðu. Tæplega 70% þeirra sem tóku afstöðu til núverandi ríkisstjórnar voru andvígir henni, en 32% voru henni fylgjandi. Yfirgnæfandi meiri- hluti þeirra er spurðir voru um afstöðu til ríkisstjórnarinnar tóku afstöðu, eða 84%. -ÁG Klakastíflur í Skjálfandafljóti ollu vatnavöxtum Miklar rigningar í Köldukinn og voru þá tveir bæir umflotnir um helgina urðu þess valdandi að vatni. Á Utkinnavegi mældi vega- vatnavextir urðu í Skjálfandafljóti, gerðin um eins metra djúpt vatn á svo miklir að menn telja hér mestu veginum, en vatnsmagnið fór síðan flóð síðan 1940. að rýrna síðdegis á sunnudag. Vatnavextirnir hófust um hádegi Þá urðu einnig flóð í Hvítá í á laugardag, þegar stífla myndaðist Borgarfirði sem náðu hámarki um við brúna yfir Skjálfandafljót og miðnætti á föstudagskvöld og flæddi þá upp á hlað á Húsabakka. flæddi vatn yfir veginn, en Sú stífla losnaði um sólarhring skemmdir á veginum voru ekki síðar, en þá myndaðist önnur stífla teljandi. -ABÓ

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.