Tíminn - 14.04.1992, Blaðsíða 1

Sylvía Jónsdóttir, Guðrún Jónsdóttir, Dagrún Jónsdóttir og Helena Kristjánsdóttir höfðu lokið af
10.250 snittum, þegar þessi mynd var tekin. Tímamynd: Ámi Bjama
Sérstakur hátíðarfundur borgarstjórnar í dag:
Smurt fyrir Ráöhúsveislu
Nú fara í hönd miklar breytingar á
húsnæðismálum borgaryfirvalda. í
dag kl. 12:00 verður síðasti fundur
borgarráðs á gamla staðnum við
Austurstræti, og í dag kl. 16:00 er
hátíðarfundur borgarstjórnar í
hinu nýja Ráðhúsi Reykjavíkur.
Af því tilefni voru smurðar hvorki
meira né minna en 9000 snittur í
eldhúsi Kjarvalsstaða í gær, til að
bjóða gestunum upp á. Smur-
brauðsdömurnar hafa ekki enn
lokið vinnu sinni, því á morgun er
annað teiti í Ráðhúsinu, að þessu
sinni fyrir verkamenn og starfsfólk
hússins. Snittumar eiga að verða
18.000 talsins fyrir báðar veislurn-
ar, og verða 18 tegundir.
40 manns munu vinna á börum, í
fatahengi og þjóna til borðs í veisl-
unum. —GKG.
Rekstrardagar aldrei verið færri í sögu
Sementsverksmiðjunnar:
Sementsalan
sú minnsta
síðan 1970
Fara verður meira en tvo áratugi
aftur í tímann til að finna dæmi um
minni sölu á sementi heldur en
1991 hjá Sementsverksmiðju ríkis-
ins. Alls seldi verksmiðjan um
110.760 tonn af sementi á síðasta
árí. Þetta var þriðja áríð í röð með
samdrátt í sölu, og samt er áætlað
að sementssala minnki enn umtals-
vert á þessu ári.
Starfsmönnum verksmiðjunnar
hefur fækkað ár frá ári í heilan ára-
tug. Árið 1982 voru stöðugildi 191,
en hafði fækkað niður í 125 í lok síð-
asta árs, og áætlað er að þeim fækki
enn í 122 í lok þessa árs.
Verð á sementi frá verksmiðjunni
hækkaði einu sinni á árinu, um 7% í
maí.
Rekstrartekjur Sementsverksmiðj-
unnar voru um 817 milljónir kr. á
árinu. Hagnaður á fjármunatekj-
um/gjöldum var svipaður bæði árin,
tæplega 65 milljónir í fyrra. Niður-
stöðutalan varð hins vegar 2,2 millj-
óna kr. hagnaður í fyrra, í stað meira
en tveggja milljónatuga taps árið áð-
ur. Þar munar mestu að framlag í
fyrningarsjóð viðskiptakrafna lækk-
aði úr 26 milljónum árið 1990 niður
í 5 milljónir kr. á síðasta ári.
Eigið fé Sementsverksmiðjunnar
var 873 milljónir í lok ársins, og
hafði aukist um rúmlega 53 milljón-
ir á árinu. Eiginfjárhlutfall var
65,3% í árslok. Veltufjárhlutfall var
1,36 f lok ársins. Veltufjármunir
umfram skammtímaskuldir voru
um 106 milljónir kr.
- HEI
Umsóknarfrestur um stöðu flugmála-
stjóra rann út fyrir helgina:
Níu manns sóttu um
Staða flugmálastjóra var auglýst
laus í 43. tölublaði Lögbirtinga-
blaðsins þann 18. mars sl., með um-
sóknarfresti til 10. apríl 1992.
Eftirtaldir aðilar sóttu um stöðuna:
Erling Aspelund starfsmannastjóri
hjá SIS, Grétar H. Óskarsson fram-
kvæmdastjóri hjá Flugmálastjóm,
Guðmundur Matthíasson fram-
kvæmdastjóri hjá Flugmálastjóm,
Haukur Hauksson varaflugmála-
stjóri, Hörður Hafsteinsson flug-
maður, Þórður Óskarsson flugum-
sjónarmaður, Þórður Öm Sigurðs-
son framkvæmdastjóri hjá Flug-
málastjórn, Þorgeir Pálsson
prófessor og Þorsteinn Þorsteinsson
verkfræðingur. —GKG.
INGALO
FER TIL
CANNES
Ingaló, kvikmynd Ásdísar Thorodd-
sen, hefur verið valin til sýninga á Can-
nes-kvikmyndahátíðinni í Suður-
Frakklandi. Þetta er í annað sinn, sem
íslensk kvikmynd kemst í opinbera
keppni í Cannes.
Ingaló er ein sjö kvikmynda í fullri
lengd, sem sýndar verða á svokallaðri
„Viku gagnrýnenda", en hún er hluti af
hinni opinberu keppni. Tvenn verð-
laun standa til boða í þessum flokki.
Annars vegar verðlaun fyrir bestu
mynd vikunnar og hins vegar fyrir
bestu frumraun kvikmyndahátíðar-
innar. ,T“etta hefur mjög mikla þýð-
ingu fyrir okkur,“ segir Ásdís Thorodd-
sen. „Það er eftársótt og mikill heiður
að komast inn í þennan opinbera hluta
Cannes- hátíðarinnar."
Að sögn Ásdísar hefur aðsókn að
myndinni innanlands verið upp og of-
an, mjög góð sumstaðar en annars
staðar siæleg. -ÁG.
Mikill jarðskjálfti í Rínardalnum aðfaranótt mánudags:
Mestu skjálftar í 200 ár
Mikill jarðskjálfti skók vestanvert Þýskaland og hluta Belgíu og
Hollands aðfaranótt mánudags. Jarðskjálftamælum ber ekki
saman um stærð skjálftans, en í Diisseldorf mældist hann 5,6
stig á Richter. Þetta er mesti jarðskjálfti á svæðinu í 200 ár.
Upptök hans voru í Roermund nálægt Maastricht í Hollandi. Or-
sökin er rakin til fellingahreyfinga í jarðskorpunni.
Fjöldi fólks særðist og mikið fjár-
hagslegt tjón varð þegar byggingar
skemmdust Bærinn Heinsberg ná-
lægt Aachen varð verst úti, þar sem
21 maður særðist, þar af 4 alvarlega.
Borið hefur á eftirskjálftum og von
er á fleirum. Að sögn Páls Halldórs-
sonar iarðeðlisfræðings hjá Veður-
stofu íslands, er hér um að ræða
þekkt jarðskjálftasvæði og urðu
jarðskjálftar þar af svipaðri stærð ár-
in 1756 og 1878. Svæðið nær frá
Ölpunum og niður Rínardalinn.
, j'að, sem gerir þessa skjálfta hins
vegar oft á tíðum svakalegri, borið
saman við skjálfta á íslandi," sagði
Páll, „er að þeir hafa fúndist mjög
greinilega í 200 km fjarlægð. Deyf-
ingin í jörðinni er miklu minni en
hér.“
Jarðskjálftinn í Vatnafjöllum árið
1987 var til dæmis af stærðinni 5,8.
Gróflega áætlað var hann búinn að
deyfast á 70 km niður í svipuð áhrif
og skjálftinn í Evrópu gerði á 200
km. Páll kvað ástæðuna vera þá að
hér væri bergið miklu yngra og laus-
ara í sér. Þar af leiðandi var svæðið
miklu stærra sem varð skjálftans
vart í Evrópu, og kom hann meðal
annars fram á jarðskjálftamælum
Veðurstofunnar. —GKG.
Páll Halldórsson bendir á stóra skjálftann í Evrópu á mæli Veð-
urstofunnar. Timamynd: Aml Bjama