Tíminn - 21.01.1986, Blaðsíða 1

ÍSLENSKI FÁNINN veröur ekki fótum
troðinn í leikritinu Rauöhóla Rannsý sem Hitt leikhús-
iö frumsýnir innan skamms. í gær náöist samkomu-
lag milli Páls Baldvinssonar leikstjóra og Forsætis
ráðuneytisins, um aö önnur sviðsmynd yrði notuð.
SJÖUNDA UMFERÐ í opna flokki
Skák|Dings Reykjavíkur var tefld sl. sunnudag. Staö-
an eftir þá umferö er sú að efstur er Hannes Hlífar
Stefánsson, 13 ára, meö 6 vinnin a.í ööru sæti er
Bjarni Hjartarson meö 51/2 vinning og biðskák. i þriöja
til fimmta sæti eru Davið Ólafsson, Þráinn Vigfússon
og Þröstur Þórhallsson. Biðskákir geta breytt þessari
röö. Áttunda umferð verður tefld á miövikudagskvöld.
Umferöir eru alls ellefu.
FULLTRÚUM ÍSHAFS HF. áHúsa
vík og forráöamönnum Fiskveiöasjóös hefur enn ekki
tekist að berja saman kaupsamning um togarann
Kolbeinsey ÞH-10. Fiskveiöasjóöur vill fá mun hærra
verö fyrir skipið en fram kemur í tilboöi Húsvíkinga.
NYKJORIÐ stúdentaráð hefur sent frá sér
harðorð mótmæli gegn vinnubrögðum menntamála-
ráöherra viö setningu í stööu lektors í íslenskum bók-
menntum viö háskólann. Telur stúdentaráð aö aö-
ferðir ráöherra beri vott um lítilsviröingu hans í garö
heimspekideildar og dómnefndarinnar og ekki sæma
ráöherra menntamála í landinu.
HAFNAREY SF-36 liggur enn á hafnar-
botninum á Hornafiröi, þar sem hún sökk fyrir rúmri
viku. Enn er ekkert farið aö eiga viö bátinn en hrepp-
urinn mun sjá um aö fjarlægja hann. Togarinn Þór-
hallur Daníelsson er á Höfn ennþá og hefur verið
unnið aö þvl aö taka upp í honum vélarnar. Ljóst er
aö tjónið á skipinu nemur tugum milljóna og að það
veröur 3-4 mánuði frá veiðum. Skipio var á sóknar-
marki þannig aö ekki veröur unnt að yfirfæra kvóta
þess á önnur skip útgerðarinnar.
VEGFARANDI tilkynnti lögreglu á Akureyri
um fótbrotinn hest rétt noroan viö Dvergastein. Til-
kynningin barst til lögreglu klukkan 10 á laugardaas-
morgun og var búiö að finna bílinn sem hafði ekið á
hrossið í gærkvöldi, þegarTíminn ræddi við lögreglu-
varöstjóra á Akureyri í gærkvöldi.
ÞRETTÁN ÁRA STÚLKA varófyhrbíi
á Glerárgötu á Akureyri, rétt noröan við Gránufélags-
götu í fyrrakvöld. Atburðurinn átti sér staö skömmu
eftir kvöldmat. Stúlkan slapp vel frá óhappinu og telj-
ast meiösli hennar ekki veruleg.
MANNSKÆÐUR FELLIBYLUR
gekk yfir Bretlandseyjar um helgina og létust nokkrir
af hans völdum.
Þrjár konur voru á ferö í bíl í Wiltskíri þegar storm-.
urinn reif tré upp meö rótum og féll þaö á bílinn, meö
þeim afleiðingum að konurnar létust. Tveir menn
höföu brugöiö sér út á haf í litlum bát og ætluðu aö
veiða sér í soðið en stormurinn sá þá ekki í friði, þeytti
þeim út í ólgandi sjóinn þar sem krökkt var af hungr-
uðum hvölum.
Aö sögn lögreglunnar drápust 30.000 hænsni í
kjúklingabúi í Sommerset er kofinn sem þau voru í
fauk upp af völdum fellibylsins.
Og nú er sagt að Davíð sé búinn að opna kosningasjónvarp!
Vöruflutningabifreið frá Egilsstöðum valt ■ fyrrakvöld, nokkra kílómetra fyrir norðan Fáskrúðsfjörð. Bresmuslanga fór úr sambandi og
læstust bæði framhjól bifreiðarinnar. Ökumaður slapp vel og bíllinn reyndist lítið skemmdur. Björgunarsveitin Geisli á Fáskrúðsflrði
sést á myndinni, þar sem verið er að bjarga farmi bifreiðarinnar. límamyndiR Bjami
Nýtt frumvarp um námslán:
1 - 6% vextir ofan
á verðtryggingu
„Ég hef ekki séð þetta frum-
varp og á því erfitt með að út-
tala mig um það, en ég er sann-
færður um að það þarf að
breyta lögum og reglum um
lánasjóðinn, því ég held að því
miður hafi menn ætlað sér þar
of mikið. Ég held þó að aðal-
atriðið sé að tryggja endur-
greiðslu á þessum lánum en
vextirnir séu aukaatriði. Ég vil
ekki að reglur sjóðsins verði
þannig að þeir efnuðu hafi einir
efni á því að taka lán úr
honum,“ sagði Steingrímur
Hermannsson forsætisráðherra
í samtali við Tímann um frum-
varpið um breytt lánafyrir-
komulag hjá Lánasjóði ís-
lenskra námsmanna sem nú er
verið að leggja síðustu hönd á í
menntamálaráðuneytinu.
Samkvæmt frumvarpinu sem
byggt er á áfangaskýrslu nefnd-
ar sem menntamálaráðuneytið
skipaði til að endurskoða
námslánareglurnar er gert ráð
fyrir harðari endurgreiðslu-
reglum, 30 árum í stað 40 ára
eins og nú er og allt frá 1-6%
vextir settir ofan á verðtrygg-
inguna. Námsmönnum sem stundi
nám við „arðbærar" náms-
greinar verði veittir styrkir,
afnumdir verði tekjuumreikn-
ingar á námslán og aðild 1. árs
nema að lánum skoðuð sér-
staklega. Haft var eftir
menntamálaráðherra í fréttum
um helgina að ef ríkisstjórnar-
flokkarnir tækju vel í frum-
varpið myndi hann draga til
baka reglugerð sem hann setti
3. janúar sl. sem kveður á um
frystingu á krónutölu námslána
eins og þau voru við úthlutun
sl. haust.
„Mér finnst það lágkúrulegt
af menntamálaráðherra að ætla
sér að stunda svona skiptistarf-
semi á regiugerðinni og þessu
nýja frumvarpi og mér finnst
það furðulegt það skuli vera
peningar til að veita forrétt-
indahópum styrki til náms
meðan ekki eiga að vera til
peningar til að veita náms-
mönnum lán samkvæmt
lögum,“ sagði Björk Vilhelms-
dóttir nýkjörinn formaður Stúd-
entaráðs í samtali við blaðið.
Hún sagði að nýskipuð sam-
starfsnefnd Stúdentaráðs,
Bandalags sérskólanema, Iðn-
nemasambands íslands og
Sambands íslenskra náms-
manna erlendis hittist annan
hvern dag til að ræða aðgerðir
gegn reglugerðinni frá 3. janú-
ar og frumvarpi menntamála-
ráðherra. Þegar hefði nefndin
ákveðið að halda fund í Há-
skólabíói með fulltrúum allra
þingflokka og menntamálaráð-
herra og að leita eftir stuðningi
ASÍ, BSRB, Kennarasam-
bandsins og fleiri aðila við
málstað stúdenta.
Mrún
Hnútukast ráðherra:
Verður afleiðingin
opinber klofningur?
Hnútukast þeirra Alberts
Guðmundssonar iðnaðarráð-
herra og Geirs Hallgrímssonar
utanríkisráðherra í fjölmiðlum
undanfarna daga vegna hins
svokallaða kjötmáls hefur vak-
ið mikla athygli. Síðast í gær lét
Albert hafa eftir sér í DV að
utanríkisráðherra væri „lítið
balanseraður", sem ekki er
hægt að túlka nema á einn hátt.
Helstu forystumenn Sjálf-
stæðisflokksins þ.á m. formað-
urinn, Þorsteinn Pálsson fjár-
málaráðherra, hafa tekið sér
stöðu við hlið Geirs í deilunni.
Sú staðreynd og stigmögnun
orðbragðs virðist benda til þess
að Albert sé nú mun einangr-
aðri en fyrr innan flokksins. Af
því tilefni hafa heyrst raddir
um, að opinber klofningur geti
sprottið af deilunni.
„Ég álít að hnútukast af
þessu tagi eigi ekki að eiga sér
stað. Hins vegar er það mín
skoðun að álit lögfræðinganna
sé rökrétt og ég hafði vonað að
menn féllust á það, án þess að
fyrirheit um slíkt lægi fyrir í
upphafi," sagði Steingrímur
Hermannsson forsætisráðherra
er hann var spurður um það
hvort að hann sem oddviti
ríkisstjórnarinnar ætlaði að
láta málið aftur til sín taka.
„Albert hefur oft látið hlut-
ina fjúka og oft meir en rétt get-
ur talist, en það gera víst allir,“
sagði Steingrímur.
-SS