UMRÆÐAN NÝ VERSLUN Í KRINGLUNNI 7 HÚSI VERSLUNARINNAR FÓLK EHF ::: Húsi verslunarinnar, Kringlunni 7 ::: 103 Reykjavík ::: Sími 5 88 44 22 ::: www.folk-ehf.is BON´A PARTE í 20 ár á Íslandi og Fólk ehf. opnar því nýja deild með glæsilegum vörum. Í tilefni af opnuninni býður Fólk 20% afslátt af öllum vörum frá 18. - 24. nóvember. Opið mánudaga, þriðjudaga og miðvikudaga kl. 10-18, fimmtudaga og föstudaga kl. 10-19, laugardaga kl. 10-18 og sunnudaga 13-17. FIMMTUDAGINN 9. nóvember var fjallað um Stúdentagarða, sem Félagsstofnun stúdenta rekur, í Kastljósi. Fyrir hönd Félagsstofn- unar stúdenta gerðum við athugasemd við um- fjöllunina og óskuðum eftir að fram kæmi að fullyrðingar Þorsteins Steingrímssonar, sem rætt var við, um íbúa Garðanna, ættu ekki við rök að styðjast. Var okkur í framhaldinu boðið að mæta í Kast- ljós og ræða málið nán- ar við Þorstein. Töldum við ekki ástæðu til en sendum þess í stað at- hugasemd og óskuðum eftir að eftirfarandi kæmi fram. Í umfjölluninni í Kastljósi kom fram í kynningu að miklar nágranna- deilur stæðu yfir á milli íbúa Stúd- entagarða við Lindargötu og húseig- enda við Hverfisgötu. Var sagt að stúdentar fullyrtu að í sameig- inlegum bakgarði væri ónæði af ógæfufólki sem héldi til í og við hús- næði á Hverfisgötu en eigandi húsanna segði að á Stúdentagörðum væru stanslaus partí og að íbúar þar neyttu meiri fíkniefna en leigjendur hans. Stúdentagarðarnir við Lindargötu voru teknir í notkun í lok ágúst sl. Þar eru 96 íbúðir fyrir stúdenta við Háskóla Íslands. Fljótlega eftir að stúdentarnir fluttu inn fóru símtöl og athugasemdir að berast skrifstofu Stúdentagarða og umsjónarmanni fasteignarinnar. Lýstu stúdentar yfir áhyggjum sínum vegna umgangs úti- gangsfólks sem héldi til í húsnæði of- ar í lóðinni við Hverfisgötu. Var brugðist við með því að reisa örygg- isgrindverk á milli lóðanna og setja upp eftirlitsmyndavélar við Stúd- entagarðana. Fram kom í umfjölluninni að hús- eignirnar við Hverfisgötu hafi til langs tíma verið athvarf eiturlyfja- neytenda og mátti sjá merki um fíkniefnaneyslu á lóðinni. Eigandi húsanna sem fjallað var um, Þor- steinn Steingrímsson, sagði hins veg- ar að vandi tengdur útigangsfólki í húsnæði hans væri löngu leystur en ástæða væri til að kanna hjá lögreglu kvartanir vegna íbúa á Stúd- entagörðum. Fullyrti hann að hávaði frá Stúdentagörðum ylli því að hann gæti ekki leigt út gistirými sitt í ná- grenninu. Sagðist hann einnig gruna að um meiri neyslu efna væri að ræða á Görðunum en nokkurn tímann í húsunum við Hverfisgötu. Ásakanir Þorsteins í garð íbúa Stúdentagarðanna eru algerlega á skjön við þær upplýsingar sem Fé- lagsstofnun stúdenta hefur um leigj- endur sína. Mikið eftirlit og umsjón er með Stúdentagörðum. Umsjón- armaður er með reglulega viðveru, ræstingastjóri er búsettur á staðnum og starfsfólk skrifstofu Stúd- entagarða er í miklum samskiptum við leigjendur. Reglur eru skýrar og strangari en almennt gengur og ger- ist í leiguhúsnæði og þurfa íbúar m.a. að uppfylla kröfur um umgengni og námsárangur. Fyrstu helgarnar eftir að stúdentarnir fluttu inn í haust bár- ust kvartanir frá nokkrum stúd- entum vegna hávaða frá öðrum íbú- um Garðanna. Í kjölfar þess var öllum íbúum sent bréf, dagsett 5. september, þar sem reglurnar voru ítrekaðar. Síðan þá hafa tvær kvart- anir borist vegna ónæðis og hafa þær báðar komið frá íbúum Garðanna. Skrifstofu Stúdentagarða hafa ekki borist kvartanir frá neinum íbúum í nágrenninu. Þar sem ásakanir Þorsteins um mikla neyslu efna á Stúdentagörðum eru mjög alvarlegar leitaði Fé- lagsstofnun stúdenta eftir upplýs- ingum hjá Lögreglunni í Reykjavík til staðfestingar á vissu sinni um að þær ættu ekki við rök að styðjast. Var staðfest hjá embættinu að útköll að Stúdentagörðum væru hverfandi og að engin mál tengd fíkniefna- neyslu hefðu komið þar upp. Á Stúdentagörðum býr hópur ungs námsfólks sem flest er að flytja úr foreldrahúsum í fyrsta sinn. Ábyrgð fylgir því að leigja slíkum einstaklingum, gagnvart þeim, for- eldrum þeirra og samfélaginu. Telj- um við mikilvægt að veita þeim hæfi- legt aðhald og stuðning til að þeir geti staðið sig í námi. Teljum við einnig mikilvægt að verja þá gegn til- hæfulausum, ómaklegum og alvar- legum ásökunum þegar þeir hafa hugrekki til að stíga fram og tjá sig um viðurkennt vandamál í nágrenni þeirra. Þar sem umsjónarmenn Kastljóss hafa ekki séð ástæðu til að verða við athugasemdinni komum við henni á framfæri með þessum hætti. Ómaklegar og al- varlegar ásakanir Rebekka Sigurðardóttir og Guðrún Björnsdóttir gera at- hugasemdir við umfjöllun í Kastljósþætti um Stúd- entagarða » Var staðfest hjá embættinu að útköll að Stúdentagörðum væru hverfandi og að engin mál tengd fíkni- efnaneyslu hefðu komið þar upp. Guðrún Björnsdóttir Rebekka er upplýsingafulltrúi og Guðrún framkvæmdastjóri Fé- lagsstofnunar stúdenta Rebekka Sigurðardóttir HEILL og sæll Sveinbjörn I. Baldvinsson, skáld og rithöfundur. Jæja, nú gat ég ekki setið á mér lengur. Þann 13. ágúst sl. las ég grein þína í Morg- unblaðinu sem kall- aðist ?Búkolla, skess- an og borinn hans pabba?. Hrokinn, dómhark- an og sú makalausa árátta að tala niður til annarra og þruma yf- ir þeim hvað þeim sé fyrir bestu, án þess að þekkja til að- stæðna, skín þar í gegn. Grunntónninn í þessum skrifum þín- um virðist vera eftirfarandi: Við sem búum annarsstaðar en ?úti á landi? viljum geta farið í sumarfrí, ekið um þorpin úti á landi og skoðað skrítna fólkið í gúmmískónum sem gengur um á ómalbikuðum götum, býr í gömlum bárujárnsklæddum timburhúsum, kaupir Sinalco í gleri í Kaupfélaginu og kyndir húsin sín með olíu. Þrátt fyrir að þú sért að nálgast fimmtugt varstu, að eigin sögn, að koma til Austfjarða og Norð- Austurlands fyrsta sinn nú í sumar. Miðað við meðalaldur Íslendinga nærðu ekki annarri ferð hingað austur. Á ég að segja þér svolítið Sveinbjörn; það gengur ekki að aka um rúmlega einn landsfjórðung á nokkrum dögum, einu sinni á 50 ára fresti, setjast síðan niður í íbúðinni sinni fyrir sunnan og þruma yfir lýðnum úti á landi hvað honum sé fyrir bestu! Beinagrindin bróðir minn Hér fara á eftir nokk- ur dæmi úr greininni: ?Ein áhrifamesta minn- ingin úr þessari ferð er þó sú hryggðarmynd sem eitt sinn var Reyð- arfjörður.? Við hvað ertu eiginlega að miða? Þú sem hafðir aldrei komið á staðinn áður! Hvílíkur en- demis hroki. Það er munur að sitja hátt og dæma. Næst kemur mjög skáldleg lýsing á háspennumöstrum: ?...líkt og hala- rófa af beinagrindum steinrunninna trölla á leið gegnum bæinn áleiðis í álverið rétt utan við hann.? Það skal viðurkennt að myndrænt er það, en rangt engu að síður þar sem línan liggur töluvert ofan við bæinn en ekki í gegnum hann. Á svipaðan hátt og allar línurnar sem liggja yfir Hellisheiði, að Reykjavík, að Straumsvík, í Hvalfjörð... Úbbs, það er reyndar ekki ?úti á landi.? Þú ferð á flug í lýsingu á því þeg- ar þú sást byggingakrana ?úti á landi?. Hún er svona: ?Á leiðinni í gegnum bæinn hitta beinagrind- urnar nú um stundir fyrir frændur sína kranagálgana sem voma yfir nýjum blokkargrunnum eins og gammar hvar sem finna má lófa- stóran blett.? Hér fyrir austan tákna byggingakranar, hvort sem þeir eru frændur eða bræður há- spennumastra, uppbyggingu og að fólki fjölgi í byggðarlaginu. Hér á allt að vera eins og það var um miðja síðustu öld. Hér eiga menn að hræra steypuna með handafli á krossviðarplötu, ef á annað borð á að heimila steinsteypt hús ?úti á landi?. Þá geta skáldin úr 101 komið með hjólhýsin aftan í jeppunum og skoðað skrýtna fólkið ?úti á landi? í sumarfríinu og fengið innblástur í meistaraverkin. Það má ekki hrófla við þessari ímynd. Úti á landi á að vera hjárænulegt fólk sem slátrar heima, götulýsing á tréstaurum, raf- magnið skammtað á álagstímum, símtöl afgreidd í gegnum símstöð, eingöngu Rás 1 og svart/hvítt sjón- varp með hléi á fimmtudögum. Ég þori varla að nefna það, en það er fyrir löngu búið að koma upp ADSL tengingu í Fjarðabyggð og á Eskifirði er komin hitaveita. Hugs- aðu þér, Sveinbjörn! Hland í skónum Enn má lesa: ?Hið glæsta knatt- spyrnuhús er svo yfirþyrmandi í byggðinni að það er eins og þar hafi risaskjaldbaka drepist í höfuðborg Putalands.? Þú ert skáldlegur, það verður ekki af þér tekið. Úti á landi eiga menn að leika knattspyrnu með reimuðum leðurbolta og í Iðunn- arskóm, en ekki á gervigrasi og í takkaskóm. Auðvitað var húsinu val- inn staður sem næst miðri byggð- inni til að þeir sem nota húsið ættu um sem stystan veg að fara. Þér er reyndar ekki alls varnað þar sem þú viðurkennir að: ?..víða er unnið að þörfum endurbótum.? en svo að það sé ?auðvitað hlýtt kringum tærnar í skó sem nýbúið er að míga í.? Æi. Veistu hvað, þetta er ekki alveg í lagi. Sveinbjörn, viltu lofa mér einu? Ekki fara í pólitík. Skáld og lista- menn, eins nauðsynlegir og þeir eru, hafa tiltölulega lítil áhrif á lífskjör og almennar aðstæður hins venju- lega almúgamanns, en pólitíkusar geta haft það. Þessi bón mín byggist á þeim viðhorfum sem fram koma í eftirfarandi tilvitnun í grein þína: ?Svo mikil er reyndar velsældin að tvíbreið jarðgöng af sömu lengd og Hvalfjarðargöngin verða óvænt á vegi ferðamannsins gegnum fjall milli tveggja smábæja.? Eiga þau ekki bara að vera einbreið og ná hálfa leið? Já, ?verða óvænt.? Hvar hefur þú eiginlega alið manninn undanfarin ár, Sveinbjörn? Þessi göng verða ekkert óvænt á vegi þess sem hefur fylgst með þjóð- málum undanfarin ár. Ein af for- sendum þess að farið var í byggingu álvers á Reyðarfirði var sú að sam- göngur yrðu bættar á svæðinu. Þú hefur greinilega ekki ekið leiðina milli Reyðarfjarðar og Fáskrúðs- fjarðar sem áður var farin, enda varstu að koma í fyrsta sinn til Austfjarða. Leiðin á milli Fáskrúðs- fjarðar og Reyðarfjarðar styttist um 30 km. með tilkomu ganganna. Arð- semisútreikningar studdu gerð þeirra og akstur um þau hefur orðið mun meiri en lá til grundvallar þeim útreikningum. Hlykkjóttur mal- arvegur með blindhæðum var lagð- ur af og leið um Vattarnesskriður er ekki ekin lengur. Þar lá malarveg- urinn í fjallshlíðinni í mörghundruð metra hæð og nánast þverhnípt í sjó fram. Mörg slys, þ.m.t. banaslys, höfðu orðið þar. Grjót féll þar á veg- inn ásamt aurskriðum og snjóflóð- um. Það eru sjálfsögð mannréttindi að þurfa ekki að aka um slíka vegi á Íslandi árið 2006. Ég er ekki viss um að þér hefði verið rótt, ef þú hefðir átt ungling sem sótti fram- haldsnám til Egilsstaða eða Nes- kaupstaðar og ók um þessar skriður reglulega allan veturinn. Farinn í fríið Ég held að það sé rétt að þú sért ekkert að leggja á þig að aka aftur út á land. Farðu bara í styttri ferðir s.s. uppá Hellisheiði, suður í Straumsvík, upp í Hvalfjörð, út á Reykjanes eða suður í Krísuvík. Þar skaltu kippa í liðinn því sem aflaga hefur farið og koma í veg fyrir frek- ari spjöll. Þar er af nógu að taka. Þetta ættu að vera næg verkefni næstu 50 árin. Eða hvað, þetta er reyndar ekki ?úti á landi? og því er þér kannski alveg sama hvernig þetta veltur? Þú ferð ekki í sumarfrí suður í Straumsvík, er það? Með kveðjum. Sveinbjörn víðförli Gunnar Geirsson skrifar opið bréf til Sveinbjörns I. Baldvinssonar » Ég þori varla að nefna það, en það er fyrir löngu búið að koma upp ADSL tengingu í Fjarðabyggð og á Eski- firði er komin hitaveita. Hugsaðu þér, Svein- björn! Gunnar Geirsson Höfundur býr á Fáskrúðsfirði. Fáðu úrslitin send í símann þinn null
Leita
Titlar
Greinar
Fréttir
Um vefinn
Algengar spurningar
