Fréttablaðið - 24.09.2009, Blaðsíða 55

FIMMTUDAGUR 24. september 2009 39
Uppselt er á elleftu Iceland Air-
waves-tónlistarhátíðina sem
verður haldin í Reykjavík 14. til
18. október. Miðasalan í ár hefur
gengið vonum framar og aldrei í
sögu Airwaves hafa miðar selst
upp jafnhratt. Til að bregðast við
eftirspurninni eru aðstandendur
nú að íhuga að bæta við fleiri
tónleikastöðum til að geta selt
fleiri miða. Á meðal þeirra sem
koma fram á hátíðinni eru Kings
of Convenience frá Noregi, The
Drums frá New York, elektró-
tríóið Jessica 6 og breska hljóm-
sveitin Black Cherry. Einnig ætla
Danirnir Trentemöller og Kasper
Bjørke að þeyta skífum. - fb
Uppselt
á Airwaves
TRENTEMÖLLER Daninn Trentemöller
spilar á Iceland Airwaves-hátíðinni.
„Þetta var feikilega skemmtilegt,“
segir Sindri Freysson um ritun
nýjustu ljóðabókar sinnar, Ljóð-
veldið Ísland. Bókaútgáfan Svarta
forlag hefur þjófstartað eins árs
afmæli hrunsins með útgáfu þess-
arar 200 blaðsíðna bókar sem fjall-
ar í einu samfelldu ljóði um sögu
lýðveldisins ár frá ári, allt frá 1944
til 2009, þar sem leitað er skýringa
á efnahagshruninu. Efniviðurinn
er sóttur í fréttir líðandi stundar
og það sem hæst hefur borið í sögu
þjóðarinnar á þessum 65 árum.
Sindri ætlaði upphaflega að
senda ljóðabókina í samkeppni
um Tómasarverðlaunin í sumar
en náði ekki að klára hana í tæka
tíð. „Ég sat við nótt eftir nótt í tíu
tíma samfleytt og hamaðist við
að skrifa. Þetta var meira verk en
ég átti von á og þegar 1. júní kom
átti ég eftir fjórðung af bókinni,“
segir Sindri. „Ég hélt áfram að
skrifa næstu tvær vikur í viðbót
og skrifaði bókina á sex vikum.“
Sindri er vanur því að liggja
yfir verkum sínum og nostra við
þau á löngu tímabili en ekki í þetta
sinn. „Ég skrifaði þetta í miklum
eldmóði. Stíflan brast bara og ég
hef varla hnikað til orði síðan ég
kláraði bókina. Ef ég hefði farið að
fikta við hana er hættan sú að ég
hefði dempað kraftinn. Það vinn-
ur gegn tilgangi bókarinnar og
hvernig hún var skrifuð.“
Hann var staddur á Spáni þegar
bankahrunið varð og norður í landi
þegar búsáhaldabyltingin hófst.
Fylgdist hann því með atburða-
rásinni úr fjarska. „Það safnaðist
upp tjáningarþörf hjá mér and-
spænis reiðinni, vanmættinum
og undruninni sem ég held að fólk
hafi fundið,“ segir Sindri og líkir
skriftunum við mýtuna í kring-
um frægt verk bítskáldsins Jacks
Kerouac, On the Road. „Hann sett-
ist niður, hamraði á ritvélina og
knúði sig áfram á amfetamíni og
öðrum efnum. Þessi bók var unnin
svipað mínus það að ég var ekki
á amfetamíni og ég sat við tölvu
í stað þess að hamra á ritvélina,“
segir hann og brosir. - fb
Sindri krufði lýðveldið á sex vikum
SINDRI FREYSSON Sindri hefur
sent frá sér ljóðabókina Ljóðveldið
Ísland þar sem leitað er skýringa á
efnahagshruninu.
FRÉTTABLAÐIÐ/VALLI
Endurhljóðblandaðar plötur
Bítlanna seldust í 2,25 milljónum
eintaka í Norður-Ameríku,
Japan og Bretlandi fyrstu fimm
dagana eftir að þær komu út 9.
september. Á vinsældalista tíma-
ritsins Billboard komust sex-
tán Bítlaplötur á topp fimmtíu,
þar á meðal allar fjórtán sem
voru endurhljóðblandaðar, auk
tveggja safnboxa. Plöturnar voru
endurhljóðblandaðar í Abbey
Road-hljóðverinu í London á fjór-
um árum. Komu þær út á sama
tíma og nýr tölvuleikur, The
Beatles: Rock Band, leit dagsins
ljós. - fb
Vinsælar
Bítlaplötur
BÍTLARNIR Enn gríðarlega vinsælir tæp-
lega fjörutíu árum eftir að þeir hættu
störfum.
íslensk hönnun
og handverk
Strandgötu 43 | Hafnarfirði
Sími 565 5454 | www.fridaskart.is