Alþýðublað Hafnarfjarðar - 30.06.1970, Blaðsíða 1

ALÞYÐUBLAÐ
HAFNARDARÐAR
XXIX. ÁRG. 30. JÚNÍ 1970 10. TBL.
Alþýðuflokkurinn, Félag óhóðra
borgara og Framsóknarflokkur-
inn mynda meirihluta um stjórn
bœjarmóla í Hafnarfirði
Heill og hagsmunir bœjarfélagsins
hafðir að leiðarljósi
Þriðjudaginn 16. júní sl. kom nýkjörin bæjarstjórn Hafnarfjarðar til fyrsta fundar. Bæj-
arstjóri, Kristinn Ó. Guðmundsson, setti fundinn, las upp bréf frá kjörstjórn hverjir skip-
uðu bæjarstjórn Hafnarfjarðar næsta kjörtímabil og fól síðan aldursforseta bæjarfulltrúa,
Stefáni Jónssyni, að stýra forsetakjöri í bæjarstjórn. Stefán Gunniaugsson var kjörinn for-
seti bæjarstjórnar og tók hann þá við stjórn fundarins. Varaforseti var kjörin frú Ragnheið-
ur Sveinbjörnsdóttir. Næst var á dagskránni kjör bæjarstjóra í Hafnarfirði næstu fjögur ár.
Þá kvaddi sér hljóðs Hörður Zóphaníasson bæjarfulltrúi og lýsti yfir samstarfi Alþýðu-
flokksins, Félags óháðra borgara og Framsóknarflokksins um stjórn bæjarmála. Fórust
honum orð á þessa leið:
Ný bæjarstjórn tekur nú til
starfa og vona ég, að störf okkar
allra næstu fjögur árin megi
verða Hafnarfirði til hagsældar
og heilla.
Bæjarfulltrúar Alþýðuflokks-
ins, Félags óháðra borgara
og Framsóknarflokksins hafa
ákveðið að hafa samstarf um
stjórn bæjarmála næsta kjör-
tímabil. Þessir aðilar hafa gert
með sér málefnasamning, til þess
að tryggja farsæla og örugga
stjórn bæjarins næstu fjögur ár-
♦ Kiistinn Ó. Guðmundsson
bæjarstjóri
Þeir hafa komið sér saman um
að standa að kjöri Kristins Ó.
Guðmundssonar, sem bæjar-
stjóra í Hafnarfirði þetta kjör-
tímabil, sem nú er að hefjast, og
vonum við að reynsla hans og
þekking á bæjarmálefnum Hafn-
arfjarðar verði bæjarfélaginu
notadrjúg.
♦ Nýir og skynsamlegir
starfshættir teknir upp
Þessi nýi bæjarstjórnarmeiri-
Aöal- og varabœjarfulltrúar
Alþýðuflokksins
Hörður Zóphaníasson.
Stefán Gunnlaugsson.
Ék
Kjartan Jóhannsson.
s'S4í,s í.íJÍÉÍÉÉMMSíÍÉm^É^átft
Guöríöur Etíasdóttir.
hluti mun bera gagnkvæma
ábyrgð á afgreiðslu fjárhagsáætl-
ana bæjarins. Það verður leitazt
við, að útsvarsálögur og önnur
opinber gjöld verði ekki hærri
hér en í nærliggjandi sveitarfé-
lögum. Til þess að tryggja sem
hagkvæmasta nýtingu á fjár-
munum bæjarfélagsins verður
gerð fjögurra ára framkvæmda-
og fjáröflunaráætlun, sem í ein-
stökum atriðum getur þó náð
lengra fram í tímann, ef það
þykir skynsamlegt. Með þessu
eru teknir upp nýir og skynsam-
legir starfshættir, sem alls stað-
ar eru að ryðja sér til rúms, bæði
hjá opinberum aðilum og einka-
aðilum.
♦ Atvinnureksturinn
í bænum aukinn
Það er skylda hverrar bæjar-
stjórnar að tryggja atvinnu í
bænum með öllum tiltækum ráð-
um. Þessi meirihluti bæjarstjórn-
ar mun leggja mikla áherzlu á
að efla og auka atvinnulífið í
Hafnarfirði með ýmissi fyrir-
greiðslu við atvinnufyrirtæki og
reyna að laða atvinnurekstur inn
í bæinn. Jafnframt mun bæjar-
stjórnarmeirihlutinn beita sér
fyrir því, að sett verði upp at-
vinnumálanefnd og verði hún
föst nefnd ráðgefandi um at-
vinnumál. Með þessum hætti er
mikilvægi þessara mála undir-
strikað.
Þá verður leitast við að treysta
og efla Bæjarútgerð Hafnar-
fjarðar og rekstur hennar tryggð-
ur sem bezt m. a. með aukinni
hráefnisöflun. Athugaðir verða
möguleikar á kaupum eða leigu
á fiskiskipum, þar á meðal tog-
arakaupum.
♦ Hitaveita og gatnagerÖ
Þessi meirihluti bæjarstjórnar
mun beita sér fyrir því, að nauð-
synlegum rannsóknum vegna
nýtingar varmaorku í Krýsuvík
verði hraðað og síðan haga fram-
kvæmdum í samræmi við niður-
stöður rannsóknanna.
Gatnamálin í Hafnarfirði
verða líka tekin föstum tökum.
Þar verður unnið skipulega og
markvisst og samkvæmt fyrir-
fram gerðri áætlun að stórátaki
í varanlegri gatnagerð í bænum.
♦ Ödýrar íbúðir — ný
slökkvistöð
Leitazt verður við að hafa ætíð
lóðir fyrir hendi til að mæta eðli-
legri þörf og stækkun bæjarins
og að því stefnt, að bæjarfélagið
standi fyrir byggingu ódýrra
íbúða láglaunafólks. Þá verður
unnið að því að treysta eldvarn-
irnar í bænum og ný slökkvistöð
verður byggð. Samgönguleiðir
innan bæjar verða bættar og
strætisvagnaþjónustan aukin.
♦ Höfnin er lífæð
Hafnarfjarðar
Þá mun þessi bæjarstjórnar-
meirihluti beita sér fyrir frekari
uppbyggingu hafnarinnar og
gera henni kleift að veita aukna
og betri þjónustu en nú er.
Rekstrargrundvöllur fyrirhug-
aðrar dráttarbrautar verður end-
urmetinn, leiðir til fjármögnun-
ar hennar fullkannaðar og
ákvörðun um byggingu brautar-
innar tekin að þessum niðurstöð-
um fengnum.
♦ Hagnýt menntun í sam-
ræmi við kröfur tímans
Sérhver þjóðfélagsþegn, eldri
sem yngri, á að eiga kost á allri
þeirri menntun, sem hugur hans
stendur til. Menntunin verður
að vera hagnýt og í fyllsta sam-
ræmi við kröfur tímans. Þess
vegna verður áherzla lögð á
aukningu skólahúsnæðis í Hafn-
arfirði. Byggingu Víðistaðaskól-
ans verður haldið áfram, undir-
búin bygging gagnfræðaskóla á
Flensborgarlóðinni og bygging-
arframkvæmdir síðan hafnar.
Framkvæmdir verða liafnar að
nýju við 1. áfanga væntanlegs
iðnskólavers í Hafnarfirði og á
ýmsan hátt opnaðar leiðir fyrir
eldri og yngri bæjarbúa til náms
og þekkingar.
♦ Iþróttahús, leikvellir, dag-
heimili ásamt vöggustofu
Lagt verður kapp á að gera
íþróttahúsið sem fyrst nothæft
og stuðlað að fjölbreyttu íþrótta-
lífi í bænum og bættri aðstöðu
til íþróttaiðkana.
Félög, sem vinna að æskulýðs-
málum, munu studd og leitast
verður við að mæta þörfinni fyr-
ir leikvelli og leiksvæði barna
og unglinga. Þá verður gerð til-
raun með starfsleikvöll. Unnið
verður að því að reisa dagheimili
(Framh. á bls. 2)
Orðsending til stuðnings-
manna Alþýðufiokksins
Við viljum flytja ykkur beztu þakkir fyrir gott og fórn-
fúst starf í nýafstöðnum kosningum. Okkur tókst ekki að
ná settu marki í þessum kosningum, að fá þrjá kjörna. En
það skal takast næst.
Það var gaman og gott að starfa með ykkur öllum í kosn-
ingunum. Baráttuvilji og samhugur var einkennandi og
margir lögðu sig alla fram, til þess að sem bezt tækist til.
Margt ungt fólk kom og starfaði með okkur, fólk sem ekki
hefur sézt í okkar röðum áður. Fyrir þetta allt erum við
þakklátir, jafnframt því sem það er okkur bæði stuðningur
og hvatning að Ieysa sem bezt af hendi störf okkar í bæjar-
stjórn.
En við skulum ekki nema staðar, heldur ganga götuna
fram og halda merkjum og liugsjónum jafnaðarstefnunnar
hátt. Við skulum öll leggjast á eitt að vinna sleitulaust að
vexti og viðgangi bæjarfélagsins okkar, láta illyrði og skæt-
ing andstæðinga okkar sem vind um eyru þjóta, láta mál-
efnin ráða og byrja að byggja upp sigurinn í næstu kosn-
ingum. Alþýðuflokkurinn þarf á því að halda og ekki síður
þjóðfélagið.
Hafið öll hjartans þakkir fyrir vinnuna í kosningunum
og fylgi ykkur gott brautargengi, heill og hamingja.
Frambjóðendur Alþýðuflokksins í Hafnarfirði.