Ægir - 01.04.1966, Blaðsíða 16

110
ÆGIE
flutningaskip, námu um 80.000 tonnum af
lýsi og um 110.000 tonnum af síldarmjöli.
Framleiðslan sunnanlands og vestan nam
18.000 tonnum síldarlýsis og 32.000 tonn-
um síldarmjöls. Alls voru framleidd í land-
inu um 98 þús. tonn af síldarlýsi og 2 þús.
tonn af öðru lýsi. Um 142 þús. tonn af síld-
armjöli, 4 þús. tonn af karfamjöli, 7 þús.
tonn loðnumjöl og 20 þús. tonn þorskmjöi
eða alls af fiskmjöli um 173 þús. tonn.
Verð á síldarlýsi og síldarmjöli.
í byrjun síldarvertíðarinnar var verð á
síldarlýsi nokkru hærra en það hafði verið
um sama leyti árinu áður eða £ 72-0-0 til
74-0-0 per 1000 kg. cif á móti £ 70-0-0 til
71-0-0 vorið 1964, en eftirspurn var þó
ekki mikil og sala dræm. Þegar kom fram
í byrjun september hríðféll lýsisverðið.
Var ein aðalástæðan fyrir verðfallinu talin
vera mikið framboð af hálfu Norðmanna
á brezka markaðnum, en þangað höfðu þeir
ekki selt síldarlýsi um margra ára skeið.
Vegna þess að þeir eru í fríverzlunar-
bandalaginu EFTA losna þeir við að greiða
10% innflutningstoll í aðalmarkaðsland-
inu, Bretlandi, sem við íslendingar verð-
um að greiða. Féll lýsisverðið niður í
£ 68. I okt.—desember var mestur hluti
síldarlýsisframleiðslu íslenzku síldarverk-
smiðjanna seldur á £ 70-0-0 cif. Þegar
komið var fram í janúar 1966 fór lýsis-
verðið ört hækkandi og var 20. janúar
£ 76 til 77-0-0 per tonn cif.
Verð á síldarmjöli var í byrjun síldar-
vertíðar mjög hátt, eða 18/6 til 20/- sh.
per proteineiningu í tonni cif á móti 16/-
sh. árinu áður. Fór það hækkandi þegar
leið á sumarið og komst hæst upp í um
22/- sh. proteineiningin í tonni, en lækk-
aði aftur niður í 21/- sh. í árslok. Mikið
síldarmjöl hafði verið selt fyrirfram áður
en vertíð hófst fyrir 18/- sh. til 19/- sh.
proteineiningin.
Verð á síldarmjöli á innanlandsmarkaði
var ákveðið kr. 682,- per 100 kg. fob, en
hafði verið kr. 570,- árið 1964.
Heildarfob-verðmæti bræðslusíldaraf-
urðanna norðan- og austanlánds, að'við-
bættri síld í flutningaskip er talið hafa
numið að útflutningsverðmæti um 1.505
milljónum króna, eða um 425 milljónum
króna hærri upphæð en árið 1964, er var
metár um afla og verðmæti fram til þess
tíma.
Afkoma verksmiðjanna.
Afkoma verksmiðjanna, þar á meðal S.
R., var miklu lakari á árinu 1965 en 1964.
Hagnaður S. R. 1964 hafði numið kr. 74.-
210.804,16, en skv. bráðabirgðauppgjöri
virðist reksturinn 1965 standa í járnum,
þegar fyrningar hafa verið reiknaðar.
Nýjar verksmiðjur og endurbætur.
Á árinu voru reistar tvær nýjar síldar-
verksmiðjur. Verksmiðja Hafsíldar h/f á
Seyðisfirði með 2.500 mála afköstum og
vei'ksmiðja Búlandstinds h/f á Djúpavogi
með 1.000 mála afköstum á sólarhring-
Auk þess juku Síldarverksmiðjur ríkisins
afköst síldarverksmiðj unnar á Seyðisfirði
um 2.500 mál og lögðu í kostnað við ýmsar
endurbætur á verksmiðjum sínum, sem
nam að meðtöldum kostnaði við stækkun-
ina samtals um kr. 74.000.000,00.
Fyrir komandi síldarvertíð er nú verið
að reisa nýjar verksmiðjur á Eskifirði
2500/3.000 mál, Þórshöfn 1700/2500 mál
og Stöðvarfirði 1.000 mál. Auk þess verða
aukin afköst hjá eftirtöldum verksmiðjum:
Hjá S.R. á Seyðisfirði og Raufarhöfn um
samtals 1.000/1.500 mál.
Borgarfirði eystra um 600 mál.
Hafsíld h/f, Seyðisfirði um 600. mál.
Síldarvinnslunni h/f, Neskaupstað um
2.500/3.000 mál.
Á næstu síldarvertíð er því þegar ákveð-
in og verið að vinna að aukningu á afköst-
um síldarverksmiðjanna á Norðaustui'-
landi og Austfjörðum, sem nemur samtals
um 10.000 til 12.000 málum á sólarhring-
Er það um 33% aukning á sólarhringsaf'
köstum verksmiðjanna frá Raufarhöfn til
Djúpavogs. Auk þessa verða þrær og af-