Vesturland - 30.10.1970, Blaðsíða 1

XLVH árg.
IsafirSi, 30. okt. 1970.
15.
tölubl.
Meirihlutafl. í bæjarstjórn ísafjaröar gefast upp
Kratar og kommúnistar slíta samstarfi við Framsókn
Ráðning í starf skrifstofustjóra bæj-
arins er notoð sem tylliástæða
Högui Þórðarson
SPÁIN, SEM RÆTTIST
Á fundi bæjarstjómar ísa-
fjarðar 21. þ.m. létu bæjar-
fulltrúar Alþýðuflokksins og
Alþýðubandalagsins bóka yfir
lýsingu um, að meirihlutasam
starfi þessara flokka við Fram
sóknarflokkinn væri lokið.
Yfirlýsing þessi kom á óvart.
Samstarf þessara flokka, sem
staðið hefur um árabil, hefur
farið síversnandi.
Á síðasta kjörtímabili var
þetta samstarf ekkert nema
nafnið tómt. Að kosningum
loknum var þó enn einu sinni
skriðið í eina sæng.
Sjálfstæðismenn héldu því
fram, þegar í kosningabarátt-
unni, að tækist þessum flokk-
um að mynda meirihluta að
nýju eftir kosningar, yrði
slíkt samstarf endasleppt.
Vart er hægt að hugsa sér
ósamstæðari hóp, en bæjar-
fulltrúa þessa fyrrverandi
meirihluta.
Það leynir sér ekki í sein-
asta tölublaði Isfirðings, að
„spámennska íhaldsins“ hefur
farið í fínu taugar skattstjór
ans, enda er svo að skilja,
að einhverjir „spretthlaupar-
ar“ hafi verið að stríða gamla
manninum fyrir kosningamar.
Hann hefur því sýnilega ekki
verið búinn að jafna sig, þeg-
ar stóra áfallið dundi yfir.
TVEIR BÆJARSTJÓRAR
Á þessum stutta valdatíma
höfðu þó setið tveir bæjar-
stjórar.
Jóhann Einvarðsson var í
upphafi kjörtímabilsins endur
kjörinn bæjarstjóri til fjög-
urra ára. Hann sá þó fljót-
lega hvert stefndi og bað um
lausn frá störfum og gerðist
bæjarstjóri í Keflavík.
Frá 1. sept. sl. var Jón
Guðlaugur Magnússon ráðinn
bæjarstjóri með atkvæðum
bæjarfulltrúa meirihlutans.
Jón Guðlaugur er að vísu
bezti drengur, en reynslulaus
með öllu, til þess að gegna
svo viðamiklu, erfiðu og eril-
sömu starfi, sem þama er
um að ræða.
Margir fleiri en bæjarfull-
trúar Sjálfstæðisflokksins
urðu því til þess að gagnrýna
ráðningu bæjarstjórans, enda
náði óánægjan langt inn í
raðir meirihlutaflokkanna.
Fljótt kom í ljós, að eitt-
hvað óhreint var við aðdrag-
andann að bæjarstjórakjörinu
síðara.
Um þetta segir dagblaðið
Þjóðviljinn á baksíðu 20. okt.
og er þar átt við Jón skatt-
stjóra:
„... og hinn bæjarfulltrúi
Framsóknar á staðnum mun
einnig hafa gengið á svig
við meirihlutasamþykktir, t.a.
m. þegar núverandi bæjarstj.
var ráðinn.“
Trúlega em ummæli þessi
höfð eftir einhverjum for-
svarsmanni kommúnista hér
á ísafirði.
Nú er heldur ekki farið
dult með það af talsmönnum
meirihlutaflokkanna fyrrver-
andi, að mun meiri ástæða
hefði verið, til þess að rjúfa
samstarfið vegna kjörs bæjar-
stjórans heldur en nú, þegar
skrifstofustjórinn var ráðinn.
Afstaða bæjarfulltrúa Sjálf-
stæðisflokksins til Jóns Guð-
laugs Magnússonar mun fyrst
og fremst mótast af viðmóti
og framkomu hans sjálfs, á
meðan hann gegnir bæjar-
stjórastarfi hér.
Fyrirrennari hans, Jóhann
Einvarðsson, gætti þess vand-
lega í störfum sínum að
blanda sér ekki í dægurþras
bæjarstjórnarflokkanna. Hann
leitaðist við að eiga gott sam
starf við bæjarfulltrúa allra
flokkanna.
ALLT 1 GRÆNUM SJÓ
Það dylst engum, sem til
þekkir, að fjármál bæjarfé-
lagsins eru í mesta ólestri, og
greiðslunvandræði bæjarsjóðs
mjög tilfinnanleg.
Allt hefur þó verið látið
reka á reiðanum hjá meiri-
hlutanum um langan tíma.
BYGGINGARSJÍÆIUR
ELLIHEIMILISINS
Til þess að bæta úr greiðslu
vandræðunum var svo gripið
til Elliheimilissjóðsins og
teknar þar að láni um 3,7
millj. króna, án heimildar,
eins og kunnugt er.
Sjálfstæðismenn kröfðust
þess, þegar ákveðið var I
sumar að leggja á bæjarbúa
útsvör um 5 millj. króna um-
fram fjárhagsáætlun, að a.m.
k. 1 millj. króna af þeirri
upphæð yrði skilað af tur í Elli
heimilissjóðinn. Þetta var sam
þykkt, enda þótt greiöslan
hafi ekki farið fram ennþá.
RAFVEITAN
Bæjarsjóður skuldar nú Raf
veitu Isafjarðar um 2 millj.
króna og hefur sú skuld auk-
izt um 1 millj. kr. á þessu
ári.
BRUNABÓTAFÉLAG
ÍSLANDS
Nýlega samþykkti meiri-
hlutinn fyrrverandi að taka
lán hjá Brunabótafélagi ís-
lands að upphæð 1 millj. kr.
til 10 ára með 9Vz% vöxtum
p.á.
1 lánsskjölum er lán þetta
kallað „til skólabygginga.“
Upplýst er hins vegar, að
lánið er tekið, til þess að
greiða vanskilaskuldir við
Brunabótafélag Islands, þ.e.
afborganir og vextir af gjald
föllnum lánum allt frá 10/12
1967.
Fjöldi lausaskulda hefur
hrúgast upp hjá fyrirtækjum
og einstaklingum og bæjar-
sjóður hefur ekki greitt
laun reglulega.
TÚNGÖTUHÚSH)
1 kosningabaráttunni á sl.
vori var bygging fjölbýlishúss
við Túngötu ein af skraut-
fjöðrum meirihlutans. Þetta
var að vísu mikið afrek, þeg-
ar þess er gætt, að engin íbúð
hafði verið byggð á vegum
kaupstaðarins í 20 ár eða frá
.þeim tíma, þegar Sjálfstæðis-
menn fóru með forystu bæjar
málanna.
Kaupendur íbúanna fluttu í
húsið fyrir 2 árum.
Hins vegar hafa þeim ekki
enn í dag verið afhent afsöl
fyrir íbúðunum, þrátt fyrir
ítrekanir þeirra og skýlausar
kröfur.
Fullyrt er, að kostnaður við
að lagfæra mistök og galla,
sem fram hafa komið í hús-
inu, muni nema milljónum
króna.
Hvemig var eftirliti með
framkvæmdum háttað? Hver
borgar 'brúsann?
FRAMKVÆMDIR
í LÁGMARKI
Á liðnu sumri hafa fram-
kvæmdir á vegum bæjarins
verið í algjöru lágmarki.
Komið var fram í lok júní-
mánaðar, þegar fyrst var á-
kveðið, hvað framkvæma
skyldi og ekkert verk var
undirbúið. Það var því ekki
við miklu að búast.
Sundahöfnin, vatnsveitumál-
in, íþróttavöllurinn, skíðaveg-
urinn og fjölmörg fleiri verk-
efni voru lögð til hliðar.
ÚTISTANDANDI ÚTSVÖR
OG AÐSTÖÐUGJÖLD
Hér að framan hefur verið
lýst hinu alvarlega ástandi,
sem ríkir í fjárreiðum bæjar-
ins, og hefur þó verið stiklað
á stóru.
Hins vegar væri það ó-
drengilegt að benda ekki á,
að bæjarsjóður á útistandandi
mjög stórar upphæðir í gjald-
föllnum útsvörum og aðstöðu-
gjöldum.
Það verða bæjarbúar að
skilja, að hverjir svo sem
fara með forystu bæjarmál-
anna, eru útsvörin og aðstöðu-
gjöldin undirstaða þess, að
eðlileg uppbygging geti átt
sér stað í bænum. Hverjum
vinnandi einstaklingi og skatt
skyldu fyrirtæki ber því að
leggja af mörkum í sameigin
legan sjóð bæjarbúa, eins og
lög mæla fyrir um.
Bæjaryfirvöldum ber hins
vegar skylda til að sjá svo
um, að þar gangi jafnt yfir
alla, þ.e. að allir greiði það,
sem þeim ber.
DREGNIR TIL ÁBYRGÐAR
Það verður ])ó aldrei vé-
fengt, að bæjarfulltrúar
meirihlutaflokkanna fyrrver-
andi, Alþýðuflokks, Fram-
sóknar og Alþýðubandalags,
bera höfuðábyrgðina á því,
að allt hefur verið látið reka
á reiðanum og því er komið
sem komið er.
Framhald á 2. síðu