Íslendingur - 28.08.1975, Blaðsíða 2
Skiluðu þremur verð-
launabikurum aftur —
A annað þúsund áhorfendur fylgdust með torfæru- og góðaksturskeppninni, sem Bílaklúbbur
Akureyrar efndi til sl. sunnudag við bæinn Glerá. Keppendur voru 8 jeppaeigendur, en sig-
urvegari varð Steindór G. Steindórsson, sem er formaður Bílaklúbbsins. Hlaut hann 163 stig, en
hann ók bifreiðinni A-2537; Jepster, árg. ’67.
Fjórir af þátttakendum í
keppninni hafa mótmælt úr-
slitum keppninnar og segja að
dómarar hafi ekki tekið nægi
legt tillit til þess hvernig kepp
endur óku, heldur dæmt eins
og hér væri eingöngu um tor-
færuaksturskeppni að ræða.
Telja fjórmenningarnir að það
hefði átt að dæma sigurvegar-
ann úr leik strax í byrjun
keppni vegna óvarkárni í
akstri og telja þeir jafnvel
mildi að ekki varð slys af akst
urshætti hans. Orðum sínum
til áherslu hafa þeir félagar
skilað verðlaunabikurum sem
þeir höfðu fengið fyrir 2., 3.
og 4. sæti í keppninni.
— Þetta gerum við, af því
að við teljum dóma í keppn-
inni rangláta og stigagjöfina
ranga. Sigurvegarinn ók með
þvílíkum þjösnagangi að það
hefði átt að dæma hann úr
leik strax, sagði einn af fjór-
menningunum í viðtali við ís-
lending.
Eins og áður segir er þetta í
fyrsta skipti sem Bílaklúbbur
inn gengst fyrir keppni af
þessu tagi, en klúbburinn var
stofnaður sumarið 1974. Það
voru 10 áhugamenn sem stóðu
að stofnun hans, en markmið-
ið er að koma upp safni gam-
alla bíla á Akureyri, halda
ýmis konar keppnir og sýning
ar á bílum og loks að skapa
aðstöðu fyrir starfsemi klúbbs
ins.
Fyrr á þessu sumri gekkst
klúbburinn fyrir sýningu á bíl
um, en þar gaf að líta um 30
bíla framleidda á tímabilinu
frá 1919—1974. Alls um 5000
gestir komu til að skoða þá
sýningu.
Með Steindóri eru í stjórn
Konráð Jóhannsson, ritari, og
Örn Pálsson, gjaldkeri.
AFIMÆLISGJÖFIN VAR
„HOLA í
66
Keppni í Öldungaflokki í golfi
fór fram um helgina. Leiknar
voru 18 holur með og án for-
gjafar.
Úrslit án forgjafar: Högg
Gestur Magnússon 87
Jóhann Guðmundsson 93
Jón Guðmundsson 100
Jón G. Sólnes 108
Tryggvi Sæmundsson 113
Með forgjöf: Högg netto
Gestur Magnússon 71
Jóhann Guðmimdsson 73
Jón Guðmundsson 77
Jón G. Sólnes 84
Tryggvi Sæmundsson 90
Þá skeði það einnig í vik-
unni að Björgvin Þorsteinsson
sló holu í höggi á 6. holu, en
svo skemmtilega vildi til að
þetta var 19. ágúst, en þann
dag átti klúbburinn 40 ára af-
mæli. Björgvin Þorsteinsson sló holu í höggi.
Knattspyrna
Sunnudaginn 17. ágúst fór
fram hinn árlegi minninga-
leikur um þá Kristján og Þór-
arin, sem fórust í íþróttaferða
lagi á vegum Þórs. Lið Breiða
bliks úr Kópavogi lék þennan
leik við Þórsarana og sigruðu
með 3 mörkum gegn 1. Staðan
í hálfleik var 1-0 fyrir Breiða
blik, en snemma í seinni hálf-
leik jafnaði Baldvin fyrir Þór.
Síðan skoruðu Breiðabliks-
menn tvívegis, síðasta markið
rétt fyrir leikslok. Sigur
Breiðabliks var sanngjarn, en
leikurinn í heild slakur af
beggja hálfu.
Félagsmála-
stofnun
Akureyrar
Óskar eftir að ráða forstöðukonu við heimilis-
þjónustu; einnig vantar starfsfólk við heimilis-
þjónustuna. — Upplýsingar gefnar á skrifstofunni,
Geislagötu 5, sími 21000.
HÖGGI
3.deild:
Fylkir, KA ocj Stjarnan jöfn
en Þór vann í B-riðlinum
Úrslitakeppni þriðju dcildar í knattspyrnu var haldin um
helgina í Rcykjavík og lauk henni þannig að í A-riðli
urðu Fylkir, KA og Stjarnan jöfn að stigatölu. Fengu þau
4 stig af 6 mögulcgum. f B-riðli sigraði Þór mcð 4 stig.
Verða liðin 3 í A-riðli að Icika sín á milli um réttinn til
þess að leika i úrslitum gegn Þór.
Búið er að ákveða að
Stjarnan og Fylkir leiki í
dag, fimmtudag, á Mela-
velli.
Á morgun, föstudag, leika
KA og Fylkir á velli Reynis
á Árskógsströnd kl. 7, en á
laugardag kl. 4 leika KA
og Stjarnan á sama velli.
Sætaferðir á leikina á Ár-
skógsströnd verða frá Akur
eyri klukkutíma fyrir leik.
Væntanlega fæst nú úr því
skorið hvaða lið það verður
sem mætir Þór í úrslitun-
um í 3. deild.
Þór vann leikinn við ísa-
fjörð með 3 mörkum gegn
Z, en leikinn við Þrótt, Nes
kaupstað, 3-0. KA vann aft
ur á móti leik sinn við Ein
herja 4-0, en leikirn-
ir við Fylki og Stjörnuna
fóru 1-1.
„Kötturinn í sekknum“
Framhald af miðsíðu.
missa af tækifæri með kunn-
ingjum, og skammast sín (að
óþörfu þó) fyrir að hverfa frá
með lafandi skottið!
Að vísu voru þarna meðal
skemmtikrafta margir snjall-
ir og „stórir“, eins og t. d.
Ómar Ragnars. Ég hefi leitað
álits nokkurra þeirra, sem inn
komust og með voru á
skemmtun þessari. Flestir
töldu að þarna hefði verið
gaman, en fátt virðist þó eftir
minnilegt.
En gamanið fór að grána,
eða rýrna, viku síðar í sömu
Skjólbrekkunni, þegar hljóm-
sveit „að sunnan“ efndi þar
til gleðistunda fyrir lands-
byggðina. Hafði hljómsveitin
auglýst glæsilega; eiginlega
skyldu tvær hljómsveitir (a.
m. k. ein og hálf!), leika fyrir
dansinum, söngvarar og töfra
menn skemmta. Og nú reynd-
ist inngangseyrir AÐEINS
1500 krónur!! En þegar til
kom, varð reyndin öll önnur
en auglýsingin hafði lofað;
enda aðal töframaðurinn í út-
löndum staddur, og hefur
sennilega brugðist bogalistin
að töfra sig heim í Skjól-
brekkuna á auglýstri stundu!
Fjarvera hans var þó ekki af-
sökuð með þeim orðum — né
öðrum!
Hlj óms veitar menn þurftu
margar hvíldir og langar, svo
að þeir, og þær, sem inn höfðu
komist, með 1500 krónum létt
ari pyngju, fengu oft að bíða,
hanga og standa, því að sæti
voru ekki til fyrir alla. Og
þarna varð svo „drepleiðin-
legt“ (orðrétt eftir haft), að
fólkið fór að týnast burtu
klukkustund áður en hætt
skyldi.
--------Á sumardegi, fyrir
50 árum, voru Mývetningar að
skemmta sér þarna á sama
vatnsbakkanum, við minni
húsakynni að vísu og enga
skemmtikrafta „að sunnan“,
enda ekki seldur aðgangur.
En „Hollur er heimafenginn
baggi,“ stendur einhversstað-
ar. Bóndi úr sveitinni flutti
ræðu, tvö skáldanna lásu sin
nýjustu ljóð, og var vel hlust-
að, („atomljóð" óþekkt þá).
Bændaglíman var öllum
áhugaefni, kveikti eld í aug-
um og hleypti roða í kinnar
heimasætunnar. Og allir voru
með að syngja ættjarðar- og
gleðisöngva. En þegar leið að
kvöldi létu harmónikan og
fiðlan í höndum ólærðra lista-
manna dansinn duna! •— Enn-
þá lifa minningarnar frá þeim
stundum, lyfta og hlýja. -—
En hvað um minningar úr
Skjólbrekku, frá helgar-
skemmtunum þar fyrst í ágúst
1975? Munu þær endast í 50
ár og bæta einhverjum lífið?
Enn eiga Mývetningar í sín
um hópi, (eins og flestra
sveita íbúar), snjalla ræðu-
menn, skáld, söngfólk og
glímukappa góða, og mætti
þessa gæta oftar en nú er,
heimamönnum og öðrum til
gleði og heilla. Auðvitað verð
ur ekki söðlað yfir í hasti, eða
alveg horfið frá því, sem nú
er og hér um talað. En þegar
þeir bjóðast til að koma „að
sunnan“ og skemmta í sveit-
inni, er mjög vafasamt að
segja bara já, „kaupa köttinn
í sekknum“, og það á hvaða
verði. sem er.
Það voru víst ekki Mývetn-
ingar í meiri hluta á þessum
umtöluðu samkomum, en þeir
bera þó nokkra ábyrgð á
þeim, hússtjórn þeirra á að
velja og hafna.
Þarna er á þessum tíma
ferðafólk víða að, bæði inn-
lent og útlendingar, sem gjarn
an vilja kynnast skemmtun-
um í íslenzkri sveit. Þessa er
líka rétt að minnast.
En að lofa hástöfum „kött-
inn í sekknum“ og láta greiða
fyrir hann meira en hæzta
verð, þótt hann reynist svo á
þrem fótum aðeins, það eru
svik, sem varða við lög og
engum á að líðast, jafnvel
ekki skemmtikröftum „að
sunnan“. ^
16. ágúst 1975.
Jónas í Brekknakoli.
2 - ÍSLENDINGUR