Íslendingur - 02.10.1975, Blaðsíða 5
Það er ekki mikið um það að fullorðna fólkið fái sér minni íbúðir þegar börnin fara í eigið hús-
næði og þetta gerir sitt til þess að skapa íbúðarskort á Akureyri.
að gera það milliliðalaust og
sleppa þannig við þann auka-
kostnað sem fer í að greiða
fasteignasölunum?
— Ég held að það sé vafa-
samúr sparnaður í mörgum til
fellum. Kostirnir við að selja
íbúð í gegnum fasteignasölu
eru margir og ótvíræðir, bæði
fyrir seljendur íbúða og kaup-
endur. Fasteignasalan aðstoð-
ar seljanda við verðlagningu
íbúðar, tekur hana á skrá
ásamt helstu nauðsynlegum
upplýsingum og auglýsir hana.
Þessi upplýsingaþjónusta er
mjög mikils virði fyrir selj-
anda. Ég get nefnt fjölmörg
dæmi um það að einstaklingar
hafa auglýst íbúðir sínar til
sölu, en þær hafa ekki selst.
Þá létu þeir fasteignasölu ann
ast söluna og íbúðirnar seld-
ust fljótlega. Þetta er mjög
eðlilegt. Ein auglýsing í blaði
gleymist fljótlega. En væntan
legir kaupendur koma oft á
fasteignasölurnar til þess að
athuga þær íbúðir sem þar eru
á skrá og bera saman verð og
gæði svo og alla skilmála. Selj
endur íbúða hafa vissa upp-
lýsingaskyldu um íbúðirnar
sérstaklega um leynda galla,
sem kynnu að vera þar. Selj-
endur gera sér ekki alltaf
grein fyrir þessari skyldu, en
það eru miklar líkur til þess
að þetta komi fram í viðræð-
um við fasteignasala. Kaup-
andi á að mega treysta því, að
fasteignasalan hafi skoðað
íbúðina og geti sagt kosti henn
ar og galla auk þess sem fast-
eignasalan upplýsir hann um
verð og greiðsluskilmála og
verðsamanburð.
Öryggi við gerð samn-
inga
Síðan vék Ragnar að því að
í raun og veru væri aðalkost-
urinn við að skipta við fast-
eignasölu sá að þá væri tryggt
öryggi í gerð samninganna.
— Þetta er atriði, sem ein-
staklingum yfirsést oft, þegar
þeir hnoða saman samningum
eftir formálabókum til þess að
spara sölulaun, sagði Ragnar.
— Fasteignir seljast fyrir
margar milljónir króna og
það hlýtur því að skipta miklu
máli fyrir seljanda og kaup-
anda hvernig til tekst um
samninga. Að það komi skýrt
fram, hvað selt er og með
hvaða skilmálum, hvernig
greiðslum skuli hagað, sundur
liðun veðlána, sem kaupandi
tekur að sér að greiða, trygg-
ingar til seljanda fyrir eftir-
stöðvum kaupverðs, upplýs-
ingar um hvort kaupandi hef
ur i hyggju að taka veðlán,
Húsnæðismálastjórnaiián eða
Lífeyrissjóðslán, sem þá þurfa
væntanlega að komast fram
fyrir önnur veðlán, gerð veð-
leyfa og veðskuldabréfa auk
kaupsamnings og afsals. Ég
gæti nefnt dæmi héðan úr
bænum um tjón sem skiptir
hundruðum þúsunda kr. vegna
þess að seljandi taldi sig ekki
þurfa slíka aðstoð.. Fasteigna
sölurnar hér í bæ eru reknar
af lögmönnum, sem sjálfir
annast frágang samninganna
og samkvæmt tilmælum Lög-
mannafélags íslands ritar lög-
maður sá sem samningana
gerði nafn sitt á skjölin til
staðfestingar því, hver hafi
annast samningsgerðina, og
hvert aðilar eigi að snúa sér
ef vandamál kemur upp.
Að lokum langar okkur til
að forvitnast um það hvort
fasteignasala sé arðbær at-
vinnuvegur á Akureyri.
Þessu svaraði Ragnar neit-
andi. Hann sagði að þar sem
íbúar á Akureyri væru ekki
nema á 12. þúsund væru íbúða
og húsasölur ekki margar á
mánuði, enda önnuðust lög-
fræðingar hér fasteignasölur
ásamt öðrum störfum.
„Oft veltir lítil
þúfa
þungu hlassi44
Sunnudaginn 24. ágúst sl. fór
fram torfærukeppni hér við
Akureyri, og er það sú fyrsta
sem formlega hefur farið fram
hér við bæ.
Um 2000 manns sáu keppn-
ina og var aðsókn það mikil
að færri sáu en vildu.
Því miður varð ég af þess-
ari keppni þar sem ég er sjó-
maður og kom í land skömmu
eftir að henni lauk. Úrslitin
komu mér ekki á óvart. Ég hef
sjálfur keyrt mikið utan vega
og háð persónuleg einvígi í tor
færum. Sá bíll sem ætlar að
eiga möguleika í slíkri keppni,
þarf að vera léttur, hafa góða
aksturseiginleika, rétta fjöðr-
un, hæfilegan vélarkraft mið-
að við þyngd og síðast en ekki
síst ökumann sem kann að
halda á spilunum. Þess vegna
furða ég mig mjög á því hvaða
tegund skyldi hljóta annað
sætið og er það sjálfsagt síð-
ast talda atriðinu að þakka, en
nóg um það.
Nú þegar þetta er skrifað
hafa komið frétta-tilkynning-
ar í tveim fréttablöðum og eru
þar stórar fullyrðingar, sem
eftir að ég hef athugað málið
eru til skammar, og menn sem
stuðla að þessum fréttaflutn-
ingi ættu að biðjast afsökunar
á sama vettvangi fyrir orða-
gjálfur sitt.
Þar sem ég er meðlimur í
B. A., fór ég á fund er haldinn
var 27. ágúst kl. 8 e. h. Þar
var mér sagt, að áður en
keppni hófst, hafi öllum kepp-
endum verið skýrt frá reglum
og helstu formsatriðum keppn
innar, og hafi þeir samþykkt.
Er þar komin skýringin á því
hvers vegna engin nöfn fylgja
þessum fréttum, sem gefið
gætu til kynna hverjir standa
á bak við upplýsingaþjónustu
þessa. Ekki er málstaðurinn
hreinni en það. Heyrt hef ég
að einn keppenda hafi hleypt
allri þessari óánægju af stað,
og hafa allir sem ég hef rætt
málið við staðfest, að ef sá
keppandi hefði unnið hefðu
þessi leiðindi aldrei orðið. Er
hart til að vita að hinn sanni
íþróttaandi skuli ekki fá að
ráða heldur metingur og
sjálfselska.
Seint ætlar mönnum að lær
ast. í íslendingi sem út kom
þ. 28. ágúst er sagt að dæma
hefði átt sigurvegarann úr
leik strax fyrir þjösnalegan
akstur. Ekki get ég lagt dóm
á það atriði, en það hafa dóm-
arar keppninnar sagt mér, að
kynnir liafi margítrekað við
áhorfendur að rýmka til og
gefa keppendum pláss. Svo má
einnig geta þess að dómarar
drógu af fyrsta sætis bílnum
fyrir glannalegt hopp í fyrstu
brekkunni og var stigatafla
þess bíls lakari en hjá annars
sætis bílnum fram í síðustu
brekku, þar sem óánægjan
byrjaði. Er einkennilegt að
þeir keppendur sem lýstu
keppnina ólöglega skyldu
ljúka henni til enda, í stað
þess að yfirgefa svæðið strax.
Að lokum vil ég segja að
menn þeir er hafa staðið fyrir
þessari óánægju ættu að biðj-
ast afsökunar og einnig að
láta nafns síns getið.
Bílaklúbbur Akureyrar er
lofsvert framtak, og hefur
sannað að mjór er mikils vís-
ir. Ég óska honum góðs geng-
is í framtíðinni og lýsi fullrnn
stuðningi.
Arthur Örn Bogason.
X
k
x
t
T
, y
í Þeyttur rjómi hafður á milli *»*
p- og í kring. Einnig er mjög gott X
að setja karamellubráð ofan á. X
Að lokum skora þau á Guð X
rúnu Stefánsdóttur og Halldór X
Ásgeirsson að koma með X
næstu uppskrift.
*
„Islensk fyrir
tæki komin út“
Nýlega kom út uppsláttarbók
in íslensk fyrirtæki ’75—’76;
en tilgangur bókarinnar er að
koma á framfæri upplýsing-
um um fyrirtæki, félög og
stofnanir.
Bókinni er skipt niður í
þrjá meginflokka, fyrirtækja-
skrá, viðskipta- og þjónustu-
skrá og umboðaskrá. Þá veit-
ir bókin einnig upplýsingar
um Alþingi og alþingismenn,
félög og stofnanir, sendiráð og
ræðismannsskrifstofur erlend-
is o. fl.
í fyrirtækjaskrá eru skráð
um 1600 fyrirtæki á öllum
sviðum viðskipta um allt land.
Umboðsskráin gerir mönn-
um m. a. kleift að fletta upp á
erlendum vörumerkjum og
finna þannig út íslenska um-
boðsaðila viðkomandi merkja.
í ár koma íslensk fyrirtæki
út í sjötta sinn. Fulltrúar
Frjáls framtaks h.f., sem gef-
ur bókina út, hafa ferðast um
gervallt landið til að afla upp-
lýsinga í bókina beint frá for-
ráðamönnum fyrirtækja, fé-
laga og stofnana, sem í bók-
inni eru.
IMý Ijóðabók
Út er komin ljóðabókin Flétt-
ur eftir Harald Zóphoníasson
á Dalvík. Haraldur er fæddur
að Tjarnargarðshorni (Lauga-
hlíð) í Svarfaðardal 5. sept.
1906 og hefur alla tíð átt
heima þar í dalnum. Haxm á
mikið safn Ijóða og lausavísna
og hefur ort fjölmargt sem
aldrei hefur verið skráð. Að-
eins stöku sinnum hefur kveð-
skapur hans sést á prenti, en
það var fyrir áeggjan margra
vina hans að hann lét til leið-
ast að stofna til útgáfu á
nokkrum af ljóðum sínum.
J óhannes Óh Sæmundsson
hafði veg og vanda af því að
velja ljóð til birtingar í bók-
inni, en bókin var prentuð í
Prentsmiðju Björns Jónsson-
ar.
Þess ber að geta að bókin
er gefin út sem áskrifendarit
og fæst aðeins hjá Jóhannesi
Óla Sæmundssyni, Fögruhhð,
Glerárhverfi.
Gjöf til F.S.A.
Föstudaginn 19. sept. afhenti
Lionsklúbburinn Huginn Fjórð
ungssjúkrahúsinu á Akureyri
öndunar- og hjartahraðamæl-
ingartæki til notkunar við
gjörgæslu ungbarna. Sigurður
Jóhannesson fráfarandi for-
maður Hugins afhenti tækið
og sagði að það væri keypt
fyrir það fé sem safnað var
með sölu á ljósaperum og jóla
dagatölum á síðasta ári. Fyrir
hönd Sjúkrahússins tók Bald-
ur Jónsson, yfirlæknir á barna
deild, við tækinu og færði
Lionsklúbbnum Huginn kær-
ar þakkir og gat þess að það
mundi stuðla að enn betri
gæslu ungbarna og létta starfs
fólki gæslu barnanna.
ISLENDINGUR — 5