Faxi - 01.06.1958, Blaðsíða 14
86
F A X I
FA I Ritstjóri og afgreiðslumaður: HALLGR. TH. BJÖRNSSON. Blað-
A A. 8 stjóm: HALLGR. TH. BJÖRNSSON, MARGEIR JÓNSSON, KRIST-
INN PÉTURSSON. Gjaldkeri: GUÐNI MAGNÚSSON. Auglýsingastjóri: GUNNAR
SVEINSSON. Verð blaðsins í lausasölu kr. 10.00. — Prentað í Alþýðuprentsmiðjunni.
Námsflokkar
17. júní
Við Islendingar eigum ef til vill öll-
um þjóðum fleiri hátíðisdaga, enda hafa
útlendingar, sem hér koma, orð á þessu
og telja það bruðl á dýrmætum vinnu-
tíma lítillar og fátækrar þjóðar, sem á
allt sitt undir sól og regni. Mikið er sjálf-
sagt til í þessu, og væri þó ekkert nema
gott um það að segja, ef við kynnum að
meta þessi hlunnindi og létum þau koma
fram í störfum okkar alla virka daga
ársins. — En gerum við það?
Einn er þó sá hátíðisdagur, sem öðrum
dögum fremur hvetur til manndóms og
drengskapar í störfum og hækkar himinn
hugsjónanna, — það er 17. júní. Þann
dag taka allir íslendingar höndum saman
og fella niður sundurlyndi og dægurþras,
því um leið og 17. júní er sigurdagur
okkar og frelsisdagur, þá er hann líka
minningadagur þjóðar, sem á að baki
sér langa og merka sögu. Þjóðar, sem
hefir lifað sína gullöld og sitt volæði og
hlotið eldskírn duttlungafullra örlaga, án
þess að bíða tjón á sálu sinni.
17. júní er fæðingardagur þjóðskör-
ungsins og frelsishetjunnar Jóns Sig-
urðssonar, er með snilligáfum og djúp-
tækri þekkingu á sögu þjóðar sinnar,
tókst að yfirstíga allar hindranir og ryðja
þeim úr vegi um leið og hann sameinaði
alla Islendinga í voldugri frelsisbaráttu
undir kjörorðinu ALDREI AÐ VÍKJA.
1 dag er ný frelsisbarátta hafin, bar-
áttan fyrir útvíkkun landhelginnar, —
fyrir tilveru okkar og viðgangi. Sú barátta
verður sjálfsagt hörð og mörg ljónin á
veginum. En ef þjóðin er sjálfri sér sam-
þykk og stendur sameinuð um málstað
sinn, minnug orðanna: Aldrei að víkja,
þá mun um síðir einnig í þessu máli
vinnast sigur.
Það er ekkert undarlegt né tilviljana-
kennt, að við gerum 17. júní hærra undir
höfði en öllum öðrum hátíðisdögum árs-
ins. Þenna bjarta vordag, þegar lífið
hvíldi í örmum ástar og vona, fæddist
frelsishetjan, sem varð sómi þjóðar sinn-
ar, sverð og skjöldur, og þennan sama
dag endurheimtum við síðar ful’r írelsi
og draumar íslenzku þjóðarinnar rættust.
Því þykir okkur nú gott, að mega vera
til og taka ár hvert þátt í hinni eilífu
frelsis- og sigurgöngu 17. júní, fram til
manndóms og þroska undir merkjum
Jóns Sigurðssonar og með kjörorð hans
á vörum: „ALDREI AÐ VÍKJA“.
Um þessar mundir eru skólar Iandsins að
ljúka störfum. Koma frá þeim þúsundir ung-
menna, sem lokið hafa prófraunum, ýmist
fullnaðarprófum eða bekkjarprófum. Mörg
þessara ungmenna hafa óefað tileinkað sér
mikla og varanlega þekkingu ó ýmsum svið-
um, hagnýta og æskilega. Fjölgar þeim nú
ört, sem notið hafa mikillar og góðrar
fræðslu, og munu þau ungmenni, sem nú
eru að byrja þroska sinn sem fulltíða fólk,
þegar vera í meirihluta umfram hina, sem
ekki hafa notið ncma barnaskólamenntunar.
Hin nýja kynslóð ætti því að standa betur
að vígi í hcild, bæði hvað menntun og þroska
snertir, heldur er hin eldri, sem lítillar skóla-
göngu naut, og stundum engrar. Langt er
þó frá að skólaganga sé einhlít til mennt-
unar og þroska.
Margur miðaldra maðurinn horfir með
söknuði til þeirra tíma, er hann var að alast
upp, og hafði ekki áhuga á nómi, eða átti
þess ekki kost að njóta leiðbeininga í ýms-
um greinum, sem gagn og gaman er að, og
reynsla kann að hafa sýnt honum. að hon-
um hefði verið nauðsynleg.
Til þess að bæta úr fyrir þessum mönnum
hefur víða í bæjum landsins verið stofnað
til NÁMSFLOKKA, þar sem fulltíða fólki
gefst kostur á að stunda frjálst nám í þcim
grcinum, er hver og einn liefur kosið sér
og talið við sitt hæfi. Hefur þetta hvarvetna
gefist vel, mikil aðsókn og góður árangur.
Námsgreinar geta verið mjög fjölbreyttar,
þar sem kostur er ó góðum kennurum, en
aðalgreinarnar eru jafnan móðurmálið, erlend
tungumól, reikningur og bókfærsla, og jafn-
vel bókmenntir og almenn saga. Þátttak-
endur greiða kennslugjöld, námið er frjálst,
og hver tileinkar sér það er hann kýs. Víöa
eru nómsflokkarnir styrktir af bæjunum,
bæði beint með fjárframlögum, eða með því
að þcim er séð fyrir húsnæði og skólahús-
gögnum.
Ilér í Keflavík cr full ástæða til að stofna
til námsflokka. Ætti það að gerast strax á
næsta hausti. Til þess þurfa nokkrir óhuga-
menn að koma sér saman um undirbúning
og tilhögun, kynna sér vilja manna fyrir
þátttöku o. s. frv. Áreiðanlegt er að fjöl-
margir myndu líta í slíkri starfsemi ákjósan-
lega möguleika til að hæta sér upp það,
scm þeim þykir þeir hafa farið varhluta af
í æsku, og reynslan hefur sýnt þeim að
betra var að vita deili á.
NÝUNG!
NÝUNG!
I
EXPRESSÓKAFFIÐ á VÍK þurfa allir að reyna!
EXPRESSÓKAFFIÐ er hressandi!
EXPRESSÓKAFFIÐ er gott!
EXPRESSÓKAFFIÐ er alltaf ferskt!
Biðjið um EXPRESSÓ! Drekkið EXPRESSÓ!
og yður mun líða vel.
Matstofan V í K
Sími 89
<>■>>><><><*><><><><><><><>