Morgunblaðið - 18.04.2009, Blaðsíða 56
KAMMERHÓPURINN Nordic Affect leikur í Þjóð-
menningarhúsinu á morgun, sunnudag, á tónleikum sem
haldnir eru til heiðurs tónskáldinu George Frideric
Händel en um þessar mundir er 250 ára ártíðar hans
minnst víða um heim. Händel, sem er eitt þekktasta tón-
skáld barokktímans, lést í Lundúnum 14. apríl 1759.
Samband evrópskra útvarpsstöðva heiðrar minningu
Händels á morgun og sendir þá út frá tónleikum sem
haldnir eru honum til heiðurs víða um Evrópu. Á Rás 1
ríkisútvarpsins hljóma tónleikar frá Þýskalandi, Belgíu,
Bretlandi og héðan frá Íslandi en framlag Ríkisútvarps-
ins til þessarar samevrópsku útsendingar eru tónleikar
Nordic Affect í Þjóðmenningarhúsinu.
Yfirskrift tónleika Ríkisútvarpsins er „Händel endur-
unninn á Íslandi“. Á efnisskránni eru verk eftir Händel
og samtímamann hans Thomas Augustine Arne. Einnig
mun Nordic Affect frumflytja nýtt verk eftir Huga Guð-
mundsson sem samið er sérstaklega fyrir þessa tónleika.
Í verkinu, sem ber heitið Händelusive, beitir Hugi einni
þekktustu tónsmíðaaðferð Händels og samtímamanna
hans, endurvinnslu á tónefni, og sækir innblástur í
Vatnasvítuna, sem er eitt þekktasta verk Händels.
Kammerhópurinn Nordic Affect var stofnaður árið
2005 og hefur á tónleikum á Íslandi og erlendis flutt allt
frá danstónlist 17. aldar til raftónsköpunar nútímans.
Upptaka með flutningi þeirra á verki Huga Guðmunds-
sonar, Apocrypha, hlaut Kraumsverðlaunin 2008 og til-
nefningu til Íslensku tónlistarverðlaunanna.
Händel-tónleikar Nordic Affect hefjast klukkan 13.00 í
Þjóðmenningarhúsinu og er aðgangur ókeypis og allir
velkomnir meðan húsrúm leyfir. Tónleikunum verður
síðan útvarpað klukkan 17.00.
Tónleikadagskrá sunnudagsins á Rás 1, sem stendur
frá klukkan 13.00 til kvölds, er römmuð inn með heimild-
arþáttum Höllu Steinunnar Stefánsdóttur um Händel.
Tónleikar til heiðurs Händel í Þjóðmenningarhúsinu
Leik Nordic Affect verður
útvarpað um Evrópu
Kammerhópurinn Nordic Affect leikur tónlist Händels.
56 MenningFRÉTTIR
MORGUNBLAÐIÐ LAUGARDAGUR 18. APRÍL 2009
ÞVÍ er iðulega
haldið fram að
verkin sem
spænski mál-
arinn Pablo Pi-
casso (1882-
1973) málaði síð-
ustu áratugina
sem hann lifði,
komist ekki í
hálfkvisti við
eldri verkin. Ro-
berta Smith, gagnrýnandi The
New York Times, segir þá skoðun
alls ekki standast, það sanni sýn-
ingin Picasso: Mosqueteros sem
stendur nú yfir í Gagosian Gallery
í New York.
Smith segir þetta einhverja
bestu og áhrifaríkustu sýningu
sem sett hefur verið upp í borg-
inni það sem af er öldinni og hún
sýni að Picasso varð bara betri
með aldrinum.
Hún segir að sú skoðun að verk
Picasson síðustu áratugina hafi
verið „kits“ og endurómur hans
bestu tímabila, hafi verið á und-
anhaldi og þessi sýning ætti að
jarða hana. Smith segir verkin
sýna að síðasta áratuginn málaði
Picasso eins og ætíð, rétt eins og
líf hans væri að veði.
Picasso aldr-
ei betri en
undir lokin
Sýning í Gagosian
Gallery hlýtur lof
„Buste de Femme“
eftir Picasso
RAGNHILDUR Ágústsdóttir
opnar myndlistarsýningu í Gall-
erí Fold á Rauðarárstíg í dag.
Titill sýningarinnar er Me-
mento Mori og stendur hún til
3. maí. Ragnhildur er fædd árið
1976. Eftir útskrift frá Kvenna-
skólanum árið 1997 lá leiðin til
Bandaríkjanna þar sem Ragn-
hildur lagði stund á nám við Ro-
ger Williams University og út-
skrifaðist þaðan árið 2002 með
BS-gráðu í fjármálafræði, með myndlist sem auka-
grein. Í skólanum vann Ragnhildur við stór ab-
straktverk en í dag málar hún aðallega fígúratíft og
fíngert. Sýningin verður opnuð kl. 15.
Myndlist
Ragnhildur opnar
í Gallerí Fold
Ragnhildur
Ágústsdóttir
KLEZMERSVEITIN Klez-
mer Kaos lék hér á landi síðasta
haust við góðan orðstír og snýr
nú aftur eftir tónleikahald víða í
Evrópu. Íslandsförin nú er öðr-
um þræði til að ljúka við upp-
tökur á breiðskífu sem tekin var
upp á Flateyri fyrr í mán-
uðinum, en lokapunktur á heim-
sókninni eru svo tónleikar sem
haldnir verða á Nasa í kvöld.
Meðlimir sveitarinnar eru ís-
lenskir og franskir, en tónlistin er ýmist frumsamin
eða lög úr ýmsum áttum, þar á meðal íslensk þjóð-
lög í klezmer-búningi. Múgsefjun hitar upp og
kynnir ný lög. Húsið verður opnað kl. 20.
Tónlist
Klezmer Kaos
á Nasa í kvöld
Klezmer Kaos í
brúðkaupsveislu.
VEGNA fjölda áskor-
ana verða tónleikar
Prímadonnanna,
sópransöng-
kvennanna Auðar
Gunnarsdóttur, El-
ínar Óskar Ósk-
arsdóttur, Huldu
Bjarkar Garðarsdóttur og Þóru Einarsdóttur og
Antoníu Hevesi píanóleikara sem fram fóru í Ís-
lensku óperunni þann 14. mars sl., endurteknir
annað kvöld kl. 20. Tónlistargagnrýnandi Morg-
unblaðsins, Ríkharður Örn Pálsson, gaf tónleik-
unum fjórar stjörnur og sagði Prímadonnurnar
hafa slegið rækilega í gegn. Frekari upplýsingar
um tónleikana má finna á www.opera.is.
Tónlist
Prímadonnur
með aukatónleika
Prímadonnurnar
Eftir Einar Fal Ingólfsson
efi@mbl.is
ÓDÓ á gjaldbuxum er heiti einleiks
eftir Ásdísi Thoroddsen sem frum-
fluttur verður í Hafnarfjarðarleik-
húsinu á morgun. Þórey Sigþórs-
dóttir fer þar með hlutverk ódæðu
sem býður heim í stofu en Ásdís leik-
stýrir uppsetningunni.
Ásdís segir að þetta sé þjóðleg
hrollvekja sem hún skrifaði árið
2005. Verkið var flutt í Útvarpsleik-
húsinu árið 2007 af Jóhönnu Vigdísi
Arnardóttur en er nú sett á svið í
fyrsta skipti. Kveikja einleiksins var
andrúmsloftið í þjóðfélaginu á sínum
tíma og ekki hvað síst viðtöl í fjöl-
miðlum við svokallaða útrásarvík-
inga.
„Aðstæður nú kölluðu á end-
urflutning,“ segir Ásdís þegar hún
er spurð að því hvort þetta verk sé
sett á svið þar sem það tali inn í sam-
tímann.
„Það talar beint inn í tímann en
ekki þannig að þetta sé eins og
fréttaskot. Þetta er skáldskapur. En
fyrir kemur þessi gamla þjóðsaga
um skollabrækur, eða nábrækur, og
græðgin fer á leik. Verkið er varn-
arræða einkennilegrar konu í Vog-
unum sem hefur náð miklum ítökum
á heimsmarkaði. Þetta er varn-
arræða hennar eftir hrun hagkerfis
heimsins og hún kennir sér um.
Þetta er saga hennar og hvernig hún
nær undirtökum á markaðinum.“
Ásdís segist ekki hafa endurunnið
verkið á neinn hátt í ljósi nýliðinna
atburða.
„Allar setningarnar sem ég bætti
við tók ég út aftur. Verkið þurfti
ekki á þeim að halda. Það er áhuga-
verðara þegar verkið hefur almenn-
ari skírskotun. Þetta eru ekki sér-
tækar íslenskar aðstæður heldur
nær heimurinn út fyrir skerið.
Eins og í þjóðsögum þá eru hér
ýmsar mýtur og minni.“
Ódó á gjaldbuxum var skrifað sem
útvarpsleikrit en breytir vissulega
um svip við að vera sett á svið.
„Þetta var upphaflega skrifað
verk, einleikur, ein rödd að segja
sögu sína. Verkið hefur breyst mikið
í sviðsetningu, ekki textinn heldur
framsetningin. Andinn líka. Hroll-
vekjan verður sterkari,“ segir Ásdís.
Einleikurinn Ódó á gjaldbuxum frumsýndur í Hafnarfjarðarleikhúsinu á morgun
Verk sem talar
inn í tímann
Morgunblaðið/RAX
Ódóið afhjúpað Ásdís Thoroddsen, höfundur og leikstjóri verksins, og
Þórey Sigþórsdóttir leikkona á sviði Hafnarfjarðarleikhússins.
Í HNOTSKURN
» Ásdís Thoroddsen er höf-undur og leikstjóri Ódós á
gjaldbuxum. Þórey Sigþórsdóttir
fer með hlutverk Ódósins.
» Leikritið verður frumsýnt íHafnarfjarðarleikhúsinu á
morgun, sunnudag, klukkan 20.
» Fimm sýningar hafa veriðákveðnar og er önnur sýning
á sumardaginn fyrsta.
JAPÖNSKU arkitektarnir Kazuyo
Sejima og Ryue Nishizawa, sem
vinna undir heitinu SANAA, hanna
Serpentine-skálann sem rís við Ser-
pentine Gallery í London í júlí.
Þetta verður í tíunda sinn sem
kunnir listamenn eða arkitektar
hanna þar skála sem stendur aðeins
sumarlangt en er seldur hæstbjóð-
anda að hausti. Framkvæmdin hef-
ur með hverju árinu sem líður hlot-
ið meiri athygli og er meðal helstu
listuppákoma sumarsins í London.
Arkitektarnir tveir unnu Gullna
ljónið á arkitektúrtvíæringnum í
Feneyjum árið 2004.
Hanna Serpent-
ine-skálann
ÍSLENSKI flautukórinn heldur
fjáröflunartónleika í Neskirkju á
morgun, sunnudag, klukkan 20. Til-
efnið er það að flautukórnum hefur
verið boðið að halda tónleika á al-
þjóðlegri ráðstefnu The National
Flute Association sem haldin verð-
ur í New York í ágúst í sumar.
Á tónleikunum verður leikin tón-
list sem mun spanna allt frá heið-
ríku frönsku barokki að teknó-
skotnu nývirki frá Ítalíu.
„Þetta er mjög fjölbreytt tónlist,
ýmislegt á eftir að hljóma,“ segir
Arna Kristín Einarsdóttir, einn
flautuleikaranna.
Íslenski flautukórinn var stofn-
aður árið 2003 og er skipaður tutt-
ugu flautuleikurum sem allir taka
virkan þátt í íslensku tónlistarlífi.
Ráðstefna The National Flute
Association sem flautukórnum er
boðið á, er sú stærsta sinnar teg-
undar en áætlað er að um 2500
flautuleikarar hvaðanæva úr heim-
inum sæki hátíðina. Hörð sam-
keppni var á milli flautukóra að
komast að og því mikill heiður fyrir
Íslenska flautukórinn að vera val-
inn. „Þarna mæta öll stærstu nöfnin
í flautuheiminum og það er spenn-
andi fyrir okkur að fá að taka þátt,“
segir Arna Kristín.
Á tónleikunum í New York mun
flautukórinn eingöngu flytja ís-
lensk tónverk, eftir þau Þuríði
Jónsdóttur, Þorkel Sigurbjörnsson
og Huga Guðmundsson. Einleikari
á tónleikunum verður Stefán Ragn-
ar Höskuldsson, sem er leiðandi
flautuleikari við Metropolitan-
óperuna í New York. Hann mun þar
leika einleik í nýju verki eftir Huga
Guðmundsson.
Íslenski flautukórinn
aflar ferðafjár
Flautukórinn kemur fram á alþjóðlegri
flautuhátíð í New York í sumar
Sumar myndirnar
hefðu getað verið
teknar í austurevrópsku
gettói... 65
»