Norðurland - 16.03.1988, Blaðsíða 1
16. mars
Miðvikudagur
5. töiublað
13. árgangur
Eiðsvallagötu 18
Pósthólf 492
602 Akureyri
Sími 2-18-75
Listadagar
í MA
Nú standa Listadagar sem
hæst í Menntaskólanum á
Akureyri. Mikið hefur verið
að gerast í lista- og menningar-
lífi í skólanum þessa daga en
nokkur atriði eru enn eftir og
við fengum Helgu Björgu
Jónsdóttur, forseta hagsmuna-
ráðs, sem hefur yfirumsjón
með framkvæmd dagskrárinn-
ar, til að segja okkur nánar frá
Listadögum.
„Þriðjudaginn 8. mars s.l. voru
Listadagar settir í M.A. A setn-
ingu mættu yfir hundrað
manns sem er góð mæting miðað
við fyrri ár.
Frá setningu til dagsins í dag
hafa verið ýmsar athyglisverðar
uppákomur. Big band Tónlistar-
skólans var með tónleika. Viðar-
staukur, tónlistarhátíð og hljóm-
sveitakeppni, var haldinn. Tólf
manna kór úr Fjölbrautaskóla
Garðabæjar söng á sal. Sunnu-
dagskvöldið síðastliðið var lista-
vaka með lifandi tónlist og mál-
verkasýning var opnuð. I gær-
kvöldi var sýnd bíómyndin
„Rocky horror picture show“ í
Borgarbíói.
í kvöld, miðvikudagskvöld,
verður ljóðakvöld BóMA. Nokk-
ur ljóðskáld koma og flytja ljóð
sín, m.a. Kristján frá Djúpalæk
og Ólöf Sigríður Valsdóttir. Fólk
er hvatt til að fjölmenna í
Möðruvallakjallara og hlýða á
gömul og ný skáld. Dagskráin
hefst klukkan 20:30 og er öllum
opin.
Leikritið „Eru tígrisdýr í
Kongó?“ verður sýnt í Möðru-
vallakjallara. Tvær sýningar
verða mánudaginn 21. mars, kl.
17:00 og 20:30 og svo ein sýning
22. mars kl. 17:00. Leikritið fjall-
ar um eyðni og hefur farið mjög
víða og hlotið góða dóma. Það er
Alþýðuleikhúsið sem sýnir.
Miðvikudaginn 23. mars verð-
ur japanska kvikmyndin Himinn
og helvíti sýnd í Borgarbíói.
Leikstjóri er Akira Kurosawa.
Miðvikudagskvöldið 23. mars
verður Listadögum slitið. Verð-
laun verða veitt fyrir ljóða-,
smásögu-, ljósmynda-, tónverka-
og veggspjaldasamkeppni. Verð-
launaverk verða lesin, flutt og
sýnd.
Flestar uppákomurnar eiga sér
stað í Möðruvallakjallara og allir
eru velkomnir, ekki aðeins
nemendur skólans," sagði Helga
Björg að lokum. HH
'H':
Vetur í Sandgerðisbót.
Mynd: -yk.
Alþýðusamband Norðurlands
Bónus- og yfirvinnubann
Átta verkalýðsfélög
Alþýðusambandi Norðurlands
hafa boðað yfirvinnubann og
afnám afkastahvetjandi launa-
kerfa frá og með 23. mars n.k.
Þetta eru þau félög sem nú
ganga til samningaviðræðna við
vinnuveitendur undir merkjum
Alþýðusambands Norðurlands.
Síðastliðinn föstudag var gengið
frá sameiginlegri kröfugerð þess-
ara félaga og var hún lögð fyrir
fund með fulltrúum vinnuveit-
enda s.l. laugardag. Enginn
árangur varð af þeim fundi og var
deilunni þá vísað til ríkissátta-
semjara. Hann boðaði deiluaðila
til fundar í Reykjavík s.l. mánu-
Samningaviðræður hefjast á Akureyri eftir helgi
dag. Þá dró AN kröfur sínar til
baka og fór fram á að viðræður
við vinnuveitendur færu fram á
Akureyri. Ríkissáttasemjari
féllst á kröfu Norðlendinga og
verður fyrsti samningafundur lík-
lega haldinn næstkomandi mánu-
dag.
Guðlaugur Þorvaldsson hefur
skipað Ásgeir Pétur Ásgeirsson
sem aðstoðarsáttasemjara á
Norðurlandi.
Ný kröfugerð verður lögð fram
á næsta samningafundi en ekki er
búist við að hún verði sérlega
frábrugðin þeirri sem samin var
um síðustu helgi. Helstu atriði
hennar eru, að sögn Þóru Hjalta-
dóttur formanns AN, að náð
verði kaupmætti síðasta árs á
lægstu töxtum og samið verði um
starfsaldurshækkanir. Einnig
vilja verkalýðsfélögin að öll yfir-
vinna verði framvegis 80% hærri
en dagvinna, án þess að láta af
hendi kaffitíma og færa til helgi-
daga eins og samið var um í
VMSÍ samningunum um daginn.
Þóra sagði að þessar kröfur
væru mjög hógværar og að hún
vænti þess að atvinnurekendur
tækju þeim vel þegar þeir koma
til fyrsta eiginlega samningafund-
ar við þessi félög.
Eins og áður segir hafa félögin
boðað yfirvinnu- og bónusverk-
fall til að fylgja eftir kröfum sín-
um og má búast við að áhrifa
þeirra aðgerða fari aö gæta uni
aðra helgi, ef ekki semst fyrir
þann tíma. -yk.
Sjá einnig leiðara á síðu 4.
Skipulag
Gleymdust fatlaðir?
Heimir Ingimarsson gagnrýnir niðurstööur dómnefndar
í samkeppni um skipulag Skátagils og Ráðhústorgs
Námskeið í
ferðaþjónustu
Heimir Ingimarsson, bæjar-
fulltrúi Alþýðubandalagsins,
vakti athygli á því á fundi
bæjarstjórnar í gær að ekki
virðist gert ráð fyrir því að fatl-
aðir eða börn fái að fara um
Skátagilið samkvæmt þeim
skipulagstillögum sem verð-
launaðar voru í samkeppni um
skipulag Skátagils og Ráðhús-
torgs.
Heimir sagði það furðu sæta að
þeir fagmenn sem skipuðu dóm-
nefnd samkeppninnar skuli hafa
horft fram hjá þessu atriði í störf-
um sínum. Báðar tillögurnar sem
verðlaunaðar voru gera ráð fyrir
töluverðu af tröppum í Skátagil-
inu og eru þær sýnu fleiri og fyrir-
ferðarmeiri í þeirri tillögu sem
hlaut fyrstu verðlaun. Hvergi er
hægt að sjá að fötluðum eða fólki
með barnavagna sé ætlað að
komast ofan í gilið.
Heimir hvatti til þess að þegar
farið yrði að útfæra skipulag
svæðisins yrði hugsað fyrir því að
kippa þessu atriði í lag svo sem
flestir gætu farið um gilið þegar
framkvæmdum lýkur. -yk.
Atvinnumálanefnd Akur-
eyrar hyggst gangast fyrir
námskeiöi í ferðaþjónustu ef
næg þátttaka fæst. Þorleifur
Þór Jónsson, starfsmaður
Atvinnumálanefndar, var
spurður hver væri tilgangurinn
með þessu námskeiði.
„Það sem við erum að fara
með þessu er að með fjölgun
erlendra ferðamanna eykst þörf
fyrir gistirými. Ódýrasta leiðin til
að mæta þessari þörf er gisting í
heimahúsum og rekstur lítilla
gistiheimila þar sem víða er til
staðar húsnæði sem hentar ágæt-
lega til slíkra nota. Við erum að
ýta undir þetta og um leið viljum
við stuðla að því að sú þjónusta
sem veitt er á þessum heimilum
sé góð,“ sagði Þorleifur.
Námskeiðið er undirbúið af
Fræðslumiðstöð iðnaðarins og
var fyrst prófað í Kópavogi í
fyrra. Leiðbeinendur á nám-
skeiðinu verða Þorleifur sem er
með sérmenntun í ferðaþjón-
ustu, Margrét Kristinsdóttir,
deildarstjóri Hússtjórnarsviðs
VMA, Jón Björnsson félags-
málastjóri og Ingi Björnsson fjár-
málastjóri Alafoss hf. Áætlað er
að námskeiðið hefjist í lok þessa
mánaðar og standi í u.þ.b. tvo
mánuði.
Tekið er á móti skráningum á
bæjarskrifstofunum. -yk.