Austri - 29.02.1980, Blaðsíða 1
25. árgangur.
Egilsstöðum, 29. febrúar 1980.
8. tölublað.
Gott atvinnuástand
á Fáskrúðsfirði
Blaðið hafði samband við Gísla
Jónatansson kaupfélag'sstjóra á Fá-
skrúðsfirði og innti hann frétta.
Gísli sagði að atvinnuástand á Fá-
skrúðsfirði hefði verið mjög gott
síðastliðið ár og hefði enginn verið
á atvinnuleysisskrá. Hraðfrystihús
Fáskrúðsfjarðar tók á móti 6000
tonnum af bolfiski en uppistaðan í
þeim afla var afli togaranna Ljósa-
fells og Hoffells. Úr þessum afla
voru framleiddir um 80 þúsund kass-
ar af freðfiski og 340 tonn af þurrk-
uðum saltfiski.
Fiskim j ölsverksmiðj a kaupf élags-
ins tók á móti 20 þúsund tonnum af
loðnu og framleiddi 3100 tonn af
loðnumjöli, og 1638 tonn af lýsi.
Einnig voru framleidd í verksmiðj-
unni 7000 tonn af fiskimjöli.
Miklar framkvæmdir hafa staðið
yfir hjá Kaupfélagi Fáskrúðsfirð-
inga. Unnið hefur verið að byggingu
verslunar- og skrifstofuhúss, en fyr-
irhugað er að taka fyrsta áfanga
þess í notkun á þessu ári. Trésmiðja
Austurlands hf. á Fáskrúðsfirði hef-
ur haft þær framkvæmdir með hönd-
um.
Þá hefur verið unnið að endur-
bótum á fiskimjölsverksmiðjunni.
Sett hefur verið í verksmiðjuna nýr
sjóðari sem kemur til með að bæta
rekstur hennar verulega. Komið hef-
ur verið upp elektroniskri löndunar-
vog sem afkastar 200 tonnum á
klukkustund og dælu til flutnings á
hráefninu. Uppsetningu tækjanna
önnuðust starfsmenn á vélaverkstæði
kaupfélagsins undir stjórn Stefáns
Stefánssonar og Egils Guðlaugssonar
verksmiðjustjóra.
Starfsfólk Kaupfélags Fáskrúðs-
firðinga er að jafnaði um 200 manns
og greiddi félagið á síðasta ári um
1100 milljónir króna í vinnulaun.
Frá síðustu áramótum hafa skut-
togarar Fáskrúðsfirðinga aflað 1100
tonn á móti 800 tonnum á sama tíma
í fyrra, og hefur því verið næg at-
vinna í frystihúsinu. Til staðarins
eru komnar 15 erlendar stúlkur í
fiskvinnu og munu þær dvelja fram í
júní.
Fiskimjölsverksmiðjan hefur að-
eins tekið á móti um 3500 tonnum
af loðnu á þessari vertíð, en síðast-
liðna vetrarvertíð tók hún á móti
13400 tonnum. Það er því ljótt útlit
framundan í þeim efnum hér eins og
víðar hjá verksmiðjunum á sunnan-
verðum Austfjörðum.
Hingað kom á dögunum nýtt nóta-
skip Hilmir, sem er í eign Hilmis
hf. á Fáskrúðsfirði. Framkvæmda-
stjóri er Jóhann Antoníusson. Skipið
fór á loðnuveiðar og landaði 800 tonn-
um hér áður en veiðibannið var sett
á. Skipið er enn á loðnuveiðum, eftir
að leyfi var gefið til veiði til fryst-
ingar, en þegar því lýkur er óvíst
hvað við tekur.
Fundur um sjdvarútveusmdl d Höfn
8. mars
- oipieiur bnrdttudflgur hvennn -
Síðastliðimi sunnudag var fundur
um sjávarútvegsmál á Höfn í Horna-
firði. Á fundinn komu Steingrímur
Hermannsson sjávarútvegsráðherra
og Halldór Ásgrímsson alþingismað-
ur. Þetta er fyrsti fundurinn af
mörgum sem sjávarútvegsráðherra
ráðgerir á næstunni.
Þess er skemmst að minnast þegar
Steingrímur var landbúnaðarráð-
herra að hann hélt fjölmarga fundi
með bændum um vandamál landbún-
aðarins.
Fundurinn á Hornafirði var fjöl-
sóttur af sjómönnum og útgerðar-
mönnum og svaraði sjávarútvegsráð-
herra þar fjölmörgum fyrirspurnum
um hin ýmsu vandamál sem nú er við
að etja í sjávarútvegi.
Á fundinum var m.a. rætt um end-
urnýjun bátaflotans og fiskveiðitak-
markanir. Þá var rætt ástand hafnar-
innar á Höfn því að þau mál eru að
sjálfsögðu forsenda sjósóknar þaðan.
Einnig kom fram hjá fundarmönn-
um áhugi á að auka hlut rekneta-
veiða í síldveiðum og þá var rætt
um humarstofninn, en humarveiðarn-
ar hafa dregist mjög saman undan-
farin ár og kemur það mjög niður á
atvinnulífi staðarins og má m.a. geta
þess að humarvinnslan hefur verið
stór þáttur í atvinnu skólafólks yfir
sumarið.
Aflabrögð undanfarið hafa verið
léleg á Höfn og mun minni afli en
í fyrra. Gæftir hafa verið mjög lé-
legar að undanförnu. Bátarnir eru
nú að hætta á línu og taka til við
netaveiðar.
Laugardaginn 8. mars verður hald-
inn í Menntaskólanum á Egilsstöðum,
fundur um jafnréttismál og réttinda-
baráttu kvenna í tilefni af alþjóð-
lega baráttudeginum.
Fundurinn hefst kl. 16.00. Á dag-
skrá verður upplestur og söngur í
léttum dúr, ásamt stuttum ávörpum
sem konur flytja. Jafnframt verður
sýning á ýmsum verkum kvenna af
Héraði. Þeir sem standa að fundin-
um vona að sem flestir sjái sér fæi't
að mæta og benda á að barnagæsla
verður á meðan á fundi stendur.
Áhuga,fólk af Héraði.
Vel heppnuð árshátíð Fram-
sóknarfélags Austur-Skafta-
fellssýslu
Flokksráðsfundur Alþýðubanda-
lagsins vai' haldinn um síðustu helgi,
og vekur það athygli að það segir
lítið af þeim fundi nema það að ýms-
ir verkalýðsleiðtogar hafi verið
kjörnir í miðstjórn flokksins. Sagt
er frá þessu í fjölmiðlum eins og
meiri háttar tíðindum og Lúðvik
kom í sjónvarpið í gærkveldi og sagði
að mikill vilji hefði verið á fundinum
til þess að halda þessrnn „gamla
vana”.
Já það skyldu nú vera orðin stór-
tíðindi ef að forráðamenn launþega-
samtakanna ná kosningu í trúnaðar-
stöður í Alþýðubandalaginu og séu
kosnir af gömlum vana.
Fyrir utan þessi tíðindi hefur ekki
farið miklum sögum af fundinum
eins og áður segir.
Framsóknarfélag Austur-Skafta-
fellssýslu hélt árshátíð síðastliðinn
laugardag og var hún mjög fjölsótt
og hvert sæti var skipað.
Hátíðin sófst með borðhaldi sem
Halldór Ásgrímsson alþingismaður
stjórnaði. Beta Einarsdóttir hélt
ræðu, Inga María Eyjólfsdóttir
óperusöngkona söng og Vilhjálmur
Gíslason fór með gamanmál.
Hljómsveitin Slagbrandur frá
Egilsstöðum lék fyrir dansi og var
lengi vel tvísýnt um að þeir kæmust
á staðinn vegna mikilla vatnavaxta
suður með fjörðum. Þeir komust hins
vegar á staðinn rétt fyrir miðnætti
og var vel fagnað og var dans stig-
inn fram eftir nóttu.