Eyjablaðið - 30.05.1967, Blaðsíða 1

EYJABLA
28 árgangur.
Vestmannaeyjum, 30. maí 1967
10. tölublað-
X-G X-G
Jbhon við hjörborðið
Litprentuð lygi.
Samband ungra sjálfstæðismanna
sendir frá sér litprentaðan pésa, er
þeir nefna „Æskan við kjörborðið”.
Pési þessi er sendur öllum nýjum
kjósendum í landinu. Við val efn-
is í kosningasnepil þennan er hald-
ið uppteknum hætti íhaldsins, og
ungum kjósendum gefinn kostur á
að velja á milli frelsisstefnu og
haftastefnu, þar sem stjórnarand-
stöðuflokkarnir eru gerðir að sér-
legum fulltrúum haftastefnu og
uppbóta. Margsinnis hefur verið
sýnt fram á það hér í blaðinu og
annarsstaðar, að hér fara þeir Sjálf
stæðismenn með fleipur eitt, í
trausti þess, að þeir sem blekkja
á, lesi ekki annað en þeirra mál-
gagn.
í áðurnefndum pésa ganga þeir
samt fulllangt í þessu efni með því
að birta mynd af fyrsta skömmtun-
arseðli frá árinu 1950, sem gilda
átti fyrir tímabilið janúar til marz.
Með myndinni er þessi texti:
„Skömmtunarseðlar þekkjast ekki
á íslandi lengur. Á valdatímum
Framsóknarflokksins og kommún-
ista voru þeir lífsnauðsynlegir
hverjum manni. Vill nokkur ung-
ur maður slikt stjórnarfar á ný”.
Þarna er því beinlínis haldið
fram, þvert ofan í staðreyndir, að
Framsóknarmenn og kommúnistar
hafi verið við völd árið 1950.
Hverjir sátu nú i stjórn
umrætt ár?
Það var stjórn SjálfstæSJisflokks-
ins og í henni voru eftirtaldir
menn: Ólafur Thors, Bjarni Bene-
diktsson, Björn Ólafsson, Jóhann
Þ. Jósefsson, þingmaður Vestmanna
eyinga og Jón Pálmason. Ekki veit
ég til þess að nokkur þessara
manna hafi komizt svo langt á þró
unarbrautinni að vera orðaðir við
sósíalisma, allra sízt Bjarni for-
maður.
Það vær.i miklu nær.fyrir hinn
unga og auðtrúá 'rit?tjóra íhalds-
blaðsins hér, að reyna hvort hon-
um tækist ekki að finna einhverja
raunhæfa átyllu til þess að kalla
okkur Alþýðubandalagsmenn full-
trúa hafta og upbóta í stað þess
að lepja upp athugasemdalaust lýg
ina úr fjöldaframleiddum áróðurs-
pésum ungra skoðanalausra íhalds-
manna.
Gamalkunnar aðferðir.
Þeir Morgunblaðsmenn eru ekki
að finna upp slíkar aðferðir með
þessu tunglinu. í krafti auglýsinga-
valdsins er Morgunblaðið eina dag
blað landsins, sem rekið er með
hagnaði, og það miklu hagnaði, og
er jaftíframt langútbreiddasta blað
landsins. Dag eftir dag, viku eftir
viku og ár eftir ár, leyfir blaðið
sér að tyggja upp hvers kyns rang-
færslur og staðleysur um pólitízka
andstæðinga sína innanlands og ut-
tn. Þeir vita sem er, að mikill hluti
þess fólks, sem blaðið les, hefur
ekki aðrar upplýsingar um þessi
efni, þar sem það lætur sér nægja
eit blað. Vegna hinnar stöðugu
endurtekningar fer allstór hópur
smám saman að trúa því, að Mogga
lýgin, sem svo hefur verið kölluð,
sé hinn eini rétti sannleikur.
Öfugmæli.
Menn gátu nú trúað því, að
Heimdellingar hefðu með útgáfu
fyrrnefnds pésa orðið sér nægilega
til skammar, en svo var þó ekki að
þeirra dómi.
Annar snepill leit dagsins ljós.
Rauði þráðurinn í honum var:
Stóriðja á íslandi.
Ekki var þar að finna bjartsýni-
legar lýsingar á framtíð íslenzkra
atvinnuvega, né stóriðjufram-
kvæmdum til fullkominnar nýting-
ar þess hráefnis, sem við íslending
ar sækjum í greipar Ægis, með
hverju við gætum stóraukið verð-
mæti útflutningsins, selt kenggóða
matvöru í stað áburðar og skepnu-
fóðurs. — í stað þess var dásömuð
sú ráðstöfun, að fá útlendingum í
hendur gífurlegt magn forgangs-
raforku tíl 50 ára á smánarverði,
tæpa 11 aura hverja kílowattsstund
meðan við þurfum sjálfir að greiða
140 aura á kWst. Auk þess þurfum
við að reisa og reka varaaflstöð,
sem grípa verður til, þegar orku-
magn Búrfellsvirkjunar minnkar
vegna ísa. Enginn veit hversu oft
eða lengi þarf að grípa til vara-
stöðvarinnar, en rekstur hennar
mun ekki kosta minna en eina
milljón á dag.
Sjálfstæðismenn hafa mikið flagg
að því, að með því að ráðast í
þessa virkjun á þennan hátt, geti
raforkuverð lækkað verulega. Þetta
er mikill misskilningur. Búrfells-
virkjun er án efa sú langhagkvæm
asta sem til er á íslendi, en með
því að útlendingum hefur verið
tryggður mikill meirihluti þeirrar
orku,'Jsem frá henni kemur, verður
sá líluti, sem fellur til innlendra
þarfa mjög bráðlega of lítill og þá
kemur að því að virkja þarf annars
staðar og sú virkjun verður óhag-
kvæmari og raforkuverð því hærra
Svona mætti auðvitað lengi telja
en aðalatriðið er það, að hér er
ekki um neinn „stórhug” að ræða
eins og íhaldsmenn komast svo
snyrtilega að orði, heldur er hér
á ferðinni vantraust á framtíð ís-
lenzkra atvinnuvega og meira
treyst á efnahagslega forsjá útlend-
inga með því að hleypa inn í land
ið hlutfallslega miklu meira af er-
lendu fjármagni en nokkurt for-
dæmi er fyrir í víðri veröld, á
meðan mikilvægir þættir íslenzkra
framléiðsluatvinnuvega eru að
drabbast niður vegna óstjórnar
„viðreisnarinnar".
Æskan við kjörborðið.
Þið ungu kjósendur, sem nú gang
ið í fyrsta sinn að kjörborðinu,
skuluð skoða hug ykkar vel áður
en þið greiðið þeim mönnum at-
kvæði, er nota svo óheiðarlegar
aðferðir í málflutningi sínum, sem
Mogginn og litprentaðir pésar hans
bera vitni um.
Ungu kjósendur. Eg er sannfærð-
ur um, áð ekki get ég gefið ykkur
betra ráð en það að taka afstöðu
gegn fultrúum auðvalds og erlendr
ar ásælni, „Sjálfstæðisflokknum”.
Gangið til fylgis við Alþýðu-
bandalagið.
KJÓSIÐ G-listann.
G. S.
Alþýðubandalagsfólk
Veslmannaeyjum.
Kosningaskrifsofa Alþýðubandalags"
ins er að Bárugötu 9. Hafið samband
við skrifstofuna ef þið getið gefið upp-
lýsingar um kiósendur, sem ekki verða
í bænum á kosningadaginn, eða ann-
að það, sem getur orðið okkur að liði
í kosningunum.
Skrifstofan er opin dag hvern frá
kl. 4—6 og 8-10 e.h.
Sími skrifstofunnar er 1570.